樂怡餅屋 (Closed)

近年甚麼都流行 3D，除了 3D 電影、3D 電視、3D 印刷外，唔少得的，當然還有栩栩如生的 3D 蛋糕。講真，筆者對立體蛋糕雖然說不上抗拒，但也絕不算喜愛，皆因這些蛋糕大多以糖霜及牛油打造，甜膩之餘，口感更偏硬，吃一小件已令人怕怕。不過早前從食友食評，發現原來粉嶺有間以「樂怡」命名的餅屋，其立體蛋糕唔單止造型神似，手工更精細得令人嘆為觀止，加上內裡的海綿蛋糕，被一致評為質感鬆軟香甜，既睇得又食得，所以一直希望有機會品嚐。早前於北角出席「阿鴻小吃」的《十載好友聯歡晚宴》，經爐兄安排，當然還要多謝整餅人的一對巧手，分別為鴻哥及一眾員工送上兩個一大一小的立體蛋糕，亦令我終於可以試到這個外形亮麗、做工精緻的藝術品。誠言，蛋糕上層都是以裝飾為主，不過那個米芝蓮白色人形標誌、眉開眼笑的鴻哥立體公仔、緣字壁畫、阿鴻小吃的金漆招牌、甚至鴻哥手上那碟滷水鵝片等，都做得維肖維妙，獨具匠心，令人眼前一亮；加上底層的芒果鮮忌廉蛋糕，口感實在，吃起來甜而不膩，教衆人讚嘆不已。

小妹欠聞粉嶺樂怡餅屋的大名，其立體蛋糕做到出神入化，栩栩如生。奈何山長水遠，且要預早兩三個月前預訂，又沒有送餅，故遲遲未有機會一睹其風采。幸而，多得爐兄的安排，並親自陪同整餅人護送一大一小立體蛋糕到阿鴻小店，小妹終於可一嚐夙願，並認識了整餅人。再別阿鴻飯局尾聲，當整餅人的蛋糕一出，全場無不屏息靜氣、全神貫注地望著他拆開紙盒。嘩嘩嘩……大家甫見到大蛋糕，禁不住驚叫起來，爭先恐後地舉機狂拍照。誠然，整餅人對巧手真的頗有「驚天地，泣鬼神」之用﹗搓差麵團，就能化腐朽為神奇，把Q版米芝蓮、白髮戴耳機且和顏悅色的鴻哥維妙維肖地呈現大家眼前。更教我們嘆為觀止、咄咄稱奇的是 - 以朱古力醬寫上的「阿鴻小吃」四大字、「緣」字和「謝」字，竟與原作一模一樣。連細小的印章，也模仿得一模一樣﹗不知內情的，還以為是出自同一人手筆呢﹗整餅人的鬼斧神工，確實教人敬佩得五體投地。上層的米芝蓮、鴻哥立體公仔、綠字畫和阿鴻招牌是用糖膠做的，多用作裝飾之用，能吃的就是底下的蛋糕。整餅人熟練地逐一拆下上層裝飾物，繼而撕去蛋糕表面一塊較硬的紅色糖膠，再逐一拆去蛋糕中間四塊作穩固餅底之用的白朱古力方塊，然後就可切蛋糕了。芒果味的忌

三月九日 (星期日)近排有不少喜事，堂哥堂姐先後生B，朋友們訂婚結婚是晚倆口子出席堂哥囡囡之百日宴一來到打開門，除了見到可愛BB，最搶眼的，就是這件立體蛋糕!!!十之有九，是出自整餅人的傑作，要早幾個月前訂的喔~可愛的Melody蛋糕上，有BB的名字，色彩繽紛眾親友也抱著BB與Melody蛋糕合照，樂也融融開席前，堂哥分發蛋糕給我們吃不僅有外在美，味道也不錯，是粟子蛋糕，質感鬆糕，甜得來又不膩呢!在此祝BB健健康康，聽教聽話，快高長大!!! 

一年一度又到宅女大日子, 自問平日敗家敗不少, 來到生日反而想不到送什麼給自己.左思右索, 最終決定送一個食得的鐵甲奇俠給自己!! 早在個多月前巳向餅店落訂, 做一個立體公仔最少要3磅, 但要自己取餅. 由於宅女住得距離較遠, 正煩惱著這個問題時, 幸好人氣第一爐先生義氣幫忙, 把整個大蛋糕送去當晚吃飯的餐廳.一打開嘩聲四起!! 宅女最喜愛的MARK 38 IGOR一大個活見眼前了!!不過有點可惜的是由此有點碰撞, 導致腳部有點站不穩了.但文師傅實在是鬼斧神工!! 整個IGOR活靈活現, 就連背部細節都一絲不苟的!!大家欣賞完就開始切蛋糕了~由於IGOR整個都是用糖膠做的, 所以能吃的其實就是底下的蛋糕蛋糕表面用了一整塊較硬的糖膠和白朱古力以作穩固基底, 而中間的就是芒果味的忌廉蛋糕.海棉蛋糕質感鬆軟, 不過忌廉略微有點少, 如果可以再多一點就會更好了!不過這個蛋糕巳令宅女樂上一整晚! 實在太感謝自己了!! 也太感謝文師傅的用心!!

男朋友生日，早在2個月前已致電預定3d蛋糕。因本人身在外地，要在取蛋糕前一星期才回港，所以俾不了訂金，但接電話的姐姐超級好人，冇話我落唔到訂唔俾我訂，仲叫我唔洗擔心會留返個期俾我，總知我返到來香港俾返訂就ok,互相信任，仲俾埋ref no我，讚講返蛋糕，其實一開始已經有同師傅講蛋糕只有我同男朋友兩人食，之後第二天我地就搭飛機走，問下師傅可否做3D範圍下做小的蛋糕（當然要明白要做立體，體積要有返禁上下先有位俾師傅發揮）師傅一聽已經好好人話盡量做細d啦，但都要3磅。呢個當然冇問題同師傅溝通過程好舒服，佢令你完全可以相信佢自由發揮（基本上我send左幾張我想整既公仔圖俾師傅（壞蛋獎門人），我淨係同佢講出來效果得意抵死就得架喇），最後師傅竟然可以將我俾佢既圖mix and match,將幾幅圖既精髓擺埋一齊，到我去攞蛋糕既時候係真係用讚嘆黎形容！所有detail位，公仔既神髓係真係活晴活現架！我見過做3D,2D蛋糕既人有好多，包括外國，但係真係冇人可以做到任何公仔都禁神似囉！到最後攞個蛋糕出來，無論待應姐姐，隔離枱唔識既客人都真係紛紛拎相機出來影相，果刻既歡樂係真係無價的！可能有人會覺得訂一個

今次為咗呢個蛋糕第一次寫食評, 要讚讚文師傅整既蛋糕超靚又好食, 當阿仔見到餐廳姐姐拎住個毛毛蛋糕出黎時, 佢巳經開心到一路跟住姐姐後面, 在場每個賓客都話個蛋糕超靚, 個個都爭住影相, 連餐廳侍廳同廚師都要同個蛋糕影相, 我亦收到很多不在場朋友的查詢, 個個都問我喺邊到訂? 蛋糕好滑, 而且有什果餡, 不像外間餅店只用牛油蛋糕, 又實又硬, 得個樣靚,原本我巳經對3D立體蛋糕巳失去信心, 但經過今次我只會相信文師傅, 以後只會搵文師傅整蛋糕啊! 

家中有老人家生日，只是自己大懵，竟然忘記了，幸好樓下便是餅店，即時訂餅，如果不是要求多多，基本上都可以幫到手。可能是日工作早已完成，文師傅竟然另外多整了一個去壽桃，形神俱備，四周的朱古力條及金泊，更加有如煙花迸發，海綿蛋糕選了芒果底，好簡單，因為我想食，賣相看似平凡，實則花心思，真不明有部份人竟然可以無啦啦惡意中傷文師傅，出口傷人，每次想起都替他不值，到今天總算越來越多人賞識，自己實在替他高興。

今日朋友來我家作客, 帶了點粉嶺區馳名蛋糕過來, 真不好意思~~ 紐約芝士蛋糕這個味道同口感都最合我意!首先, 外層是燒芝士皮, 好香, 芝士味濃郁, 而且黏著口唇, 味道久久不散.皮下的芝士蛋糕連同軟棉棉的海棉蛋糕底, 整個就溶化了.重點不甜不膩, 可以一個人吃畢. 藍莓芝士蛋糕同紐約蛋糕不同之處是面層換了藍莓醬, 偏甜.不知是否加了檸檬汁, 吃出了水果鮮味但不膩.藍莓芝士蛋糕果然是老公最愛, 不用兩分鐘完成! 芒果芝士蛋糕跟藍莓芝士蛋糕類同, 是凍餅類.因為先前吃了同樣是芝士做的蛋糕, 開始吃不消.芒果完整一片, 新鮮. 如果只配忌廉加海棉蛋糕的話, 效果應該更好! TIRAMISU終於有一件唔叫芝士類~~咖啡粉上灑上糖霜, 減淡了苦味. 冧酒完全滲透海棉蛋糕, 配了3層芝士忌廉, 雖然都有芝士, 但口感就不一樣.樂怡餅店之所以出名, 是因為餅師的一對巧手, 做出一個又一個極富視覺效果的生日蛋糕出來. 每次經過我都停一停, 拍個照. 一個起碼3磅以上, 一定好貴...

表弟一月一日一一年生日，全家都想為佢訂個有樣嘅生日蛋糕，一諗就諗起樂怡，以前訂過幾個，$130一磅，幾好食架，初初仲諗蛋糕面五顏六色應該藥水味唔好食，點知完全唔似其他食得唔食得嘅造型蛋糕，就算深紫色忌廉都好味，冇怪色素，藥水味，忌廉又夠滑，唔會好甜，食落去唔會覺得肥膩，揀雜果味同黑森林印象中價錢一樣，但係揀芒果就記得要加錢!海綿蛋糕鬆軟帶扎實口感，屋企人多所以好快就食哂成隻蛋糕咁濟，連平時唔多好食蛋糕既小朋友都會想食!!如果交圖俾師傅個陣用黑色既地方，出黎會變做朱古力的!!!更加好味!!!~~~最重要嘅係，師傅畫功一流!!!!!!雜果夾心初初我地仲擔心黑色地方會變做唔知咩不明糖醬，原來係朱古力!!!仲要係好好味，唔會係超級甜個種!小朋友大人都愛吃!!到表妹生日，仍然係樂怡!!雜果夾心以為紅色地方好難食好有藥水味?錯喇!~完全冇特別既味道!有忌廉味!正!!~~ 雜果夾心貝兒蛋糕相信餅店都唔係第1次接啦~本身個圖公主個嘴係合埋，師傅將佢改做開口，更加細緻漂亮!粉紅色忌廉亦好滑，雜果夾心好味!唔會出水!!最佩服係，師傅連我班主任都畫得好似又靚!!!!!芒果夾心芒果受歡迎，夠甜唔會酸!!芒果、

食評寫得很慢，事實上，在上月中的一個週六，寶寶滿了一歲了! 這在特別的日子，爸媽搞了個別開生面的麥當勞生日派對，貪其氣氛熱鬧又好玩；而來到簡單又隆重的切蛋糕儀式，不得了了，是樂怡餅店的出品!　樂怡餅店及整餅人的大名，相信很多人都聽過，它家的立體蛋糕做到出神入化，雖然有至少提早2個月訂餅，又要食客自己親手去取餅的苛刻條件，仍然客似雲來。當日，也真的辛苦遠赴粉嶺取餅的爸爸，特別這個高身的蛋糕重達五磅，真的幾累人的! 然而打開餅盒，全場嘩然，可見心血精力還是花得值得。　那是個兩層高的立體蛋糕，頂層是巨大矚目的阿拉伯數目字１，展示小小主角這天滿一歲了；同排還有按照寶寶少少髮、笑起來香蕉眼（似足媽媽了!）的寶寶立體公仔，最妙是穿上寶寶招標超人仔衫，神似極了! 而底下還有寶寶的英文名字母，底下佈滿立體心心圖案及多色波子，身後更有數根星星棒飛揚，既繽紛又富動感!蛋糕的層次之間也做得很精細，上層之下有個巨大的粉藍色蝴蝶結，旁邊堆滿了寶寶愛玩鴨仔玩具、可愛警車，還有小小飛機，充滿玩味及童真! 來到最底層，仍毫不馬虎，製作精緻：下層有著間條藍色的仿餅盒外層，蛋糕底部也放置了數隻小鴨，以及更多的波子，以營造

整餅人的鬼斧神工，相信很多人也聽過，或者見過，整果樣似果樣，不能不服。聽說每年某男影星生日（皮膚很黑的那一位型男），都會找整餅人做一個蛋糕呢，絕不是甚麼爛鬼級數之流，否則怎會連名人也賞識呢。這一次，他為大班樓，做了個蛋糕，形神俱備，睇得，又打得。當然，不可以拿那些名店的出品作標準，玩味大過天，假若你是主人家，見到面前的蛋糕，是你心愛的卡通人物，或者是球會會徽等等，未吃，已經興奮得上天。最後，連牌坊也吃掉落肚，現實上，當然不能啦，哈哈哈。

看著亞龍和亞茵結婚, 生仔, 轉眼間Matthew仔已經一歲了, 除了有個開心生日大派對之外, 生日蛋糕當然是少不了的, 就由主人家選定了整餅人的出品.雜果蛋糕 $1800: 8分, 賣相實在是非常之精緻, 一打開個生日蛋糕盒, 廁有愛或者不愛為食物拍照的朋友們也一一湧到蛋糕前拍照, 看看這兩層蛋糕, 有個做得相當神似的Matthew仔, 穿著他那招牌超人衫, 真是相當醒目. 除了Matthew仔, 其他配件還有鴨仔, 警車, 飛機, 星星等等, 全部是很可愛的. 其實這裡的蛋糕是能夠做出任何的公仔, 圖案, 只要你跟師傅溝通好, 就能夠把你心目中的意念幻化成實物.至於蛋糕本身是雜果蛋糕, 是幾鬆軟的, 雜果也夠鮮甜, 這件生日蛋糕除了外表漂亮, 內涵也不輸洩呢.不知道明年的兩歲生日蛋糕, 又會是甚麼款式呢? 有興趣的朋友, 記得起碼要兩個月前預訂, 方能有機會試到這裡的出品呀.

Matthew的一歲大壽，當然要隆重其事！除了在麥當當搞生日派對之外，生日蛋糕更加厲害，是整餅人的出品，好架勢！整餅人有多巴閉? 單是這個生日蛋糕，敬請至少兩個月前預訂，否則有錢都做不了。咁又好老實講，這類蛋糕可以自行設計，玩咩花款都得，細緻到你唔信的都可以做到，絕對是花心思花時間花功夫之作，大家也必定會喜歡，因此早點預訂也是理所當然的。這個生日蛋糕，有兩層，頂頭有著１歲字體和穿著超人衫的壽星公仔，旁邊還有Matthew Happy Birthday字樣以及一系列的點綴，如煲呔、飛機、車車、鴨仔等，造型神似，可愛非常，而且那極大的蛋糕盒又能增加神秘感，是拆之前大家滿懷期待，拆開會開心到嘩嘩聲的妙品。事實又的確是這樣，打開蛋糕時，眾人和眾相機的焦點均注視在蛋糕之上，大家不停地影呀影，即使再可愛的Matthew仔一時間也要淪為配角。至於這類蛋糕會否好睇唔好食? 咁又可以放心，因為質素是有番咁上下。如這個，外層的糖霜肯定是更和甜，但裡頭的鮮果海綿蛋糕，仍是相當軟熟，什果十分鮮甜，整件事是很新鮮的。這裡是口碑載道，但實質的出品比我預期之中更為出色，睇得又食得，真係唔講得笑。早前在網上流傳大陸團

第4次係樂怡買生日蛋糕,次次都覺得好新鮮,d CREAM 好軟,試過芒果同什果兩款口味,兩款都好好味,尤其係芒果,芒果好甜,師傅做既蛋糕真係用心做,而且又靓又美味!!!大人,小朋友見到都好鍾意,!!!生日既時候,有個自己鍾意又美味既生日蛋糕,就已經是最好既生日禮物

又係囝囝的一年一度大日子,老細(囝囝)指明今年要Angry Birds, 仲話要有埋豬仔一家, 於是將老細的要求轉告文師傅, 點知文師傅一知道係之前訂過比卡超的囝囝, 即刻二話不說"無問題", 我係度訂咗幾年蛋糕, 對文師傅係百份百有信心, 到咗攞蛋糕的時候, 果然又係一次驚喜之作啦, 去片....有齊Angry Birds同豬仔, 仲要成個堡壘都整埋出來, 我們要兩個人一齊出手至可以將個堡壘移走. 個蛋糕係朱古力蛋糕加粟子蓉, 老人家和小朋友都鐘意, 個個都話勁好食. 明年唔知文師傅的傑作係什麼呢?heheh...