Video
Read full review
2018-04-03
175 views
本來見屋企附近開左間新野就試下，結果食到一肚氣~~!!首先入座後沒有給茶水，本來以為該店是有需要才給茶水，結果望附近幾張檯，檯檯都有給茶水，無給茶水就算了，叫人點餐時，落單職員過嚟企左檯邊後，正準備開口叫野時，個職員又唔知做咩，突然收返本單本粒聲唔出就走開左，結果又要再叫過人落單，已經興興地。咁叫左火車頭金邊粉、金不換香辣牛肉炒粉及越南粉卷，重點嚟啦，火車頭的湯淡到無味，未食過咁淡的火車頭，這碗火車完全不符餐牌的標價(同等價錢食過好食過呢碗)，金不換香辣牛肉炒粉的味道仲可以，香辣牛肉炒粉的火喉都OK，但金不換就完全唔見，金不換那種獨特的香味係呢碟炒粉係無的，連一片金不換的葉都唔見，對呢碟炒粉好失望，餐牌寫住有金不換的..............................越南粉卷一夾就散晒，餡料就跌到成隻碟都係，未食過呢個價位的越南粉卷有咁的情況，另外仲有三個未食的粉卷，咁就夾起面頭塊札肉，夾起後仲火滾，原來全部粉卷皮係中心位已經爆開左，食左第一個爆肚粉卷，味道就偏咸，好啦食晒粉卷後，同檯友人話呢個粉卷好似少咁一個味，咁啱隔離檯又有人叫呢個粉卷，見職員上菜後放底壺酸辣魚露.....
首先入座後沒有給茶水，
本來以為該店是有需要才給茶水，
結果望附近幾張檯，檯檯都有給茶水，
無給茶水就算了，
叫人點餐時，落單職員過嚟企左檯邊後，
正準備開口叫野時，個職員又唔知做咩，
突然收返本單本粒聲唔出就走開左，
結果又要再叫過人落單，已經興興地。
咁叫左火車頭金邊粉、金不換香辣牛肉炒粉及越南粉卷，
重點嚟啦，火車頭的湯淡到無味，未食過咁淡的火車頭，
這碗火車完全不符餐牌的標價(同等價錢食過好食過呢碗)，
金不換香辣牛肉炒粉的味道仲可以，香辣牛肉炒粉的火喉都OK，
但金不換就完全唔見，金不換那種獨特的香味係呢碟炒粉係無的，
連一片金不換的葉都唔見，對呢碟炒粉好失望，
餐牌寫住有金不換的..............................
越南粉卷一夾就散晒，餡料就跌到成隻碟都係，
未食過呢個價位的越南粉卷有咁的情況，
另外仲有三個未食的粉卷，咁就夾起面頭塊札肉，
夾起後仲火滾，原來全部粉卷皮係中心位已經爆開左，
食左第一個爆肚粉卷，味道就偏咸，
好啦食晒粉卷後，同檯友人話呢個粉卷好似少咁一個味，
咁啱隔離檯又有人叫呢個粉卷，
見職員上菜後放底壺酸辣魚露..............................
咁唯有算啦都食完，起身買單行經其他檯時，
發現每檯都有放底一壺酸辣魚露(酸辣魚露好貴嗎? 定係要睇檯客叫幾多餸先比啊?)..............................
總結：
先係唔比茶水，再係無味火車頭，
接住係無金不換的金不換香辣牛肉炒粉，
最後係爆晒肚而又不給酸辣魚露的越南粉卷，
最搞笑係落單職員係可以粒聲唔出走左去(正常都會講聲話我搵其他同事幫你落單)，
家陣走show咩，行埋檯邊show 下店舖個件越南服飾，之後行返去後台??
我的最終評語係「可一不可再」，唔敢再係呢間餐廳食(總是感覺間餐廳有少少歧視我呢檯，咩都比少我呢檯，隔離檯就咩都比齊，唔止隔離檯係每一檯都樣樣比齊)，真係食得好唔開心..............................
Post
