發記甜品 (Closed)

有緣同朋友去左位於深井有名的發記甜品店，叫左一碗出名的甜品(楊枝甘露)，但我未試過楊枝甘露會落花奶，完全貨不對辦，而上菜時問男職員(上年紀那位)是什麼食品時態度超差，下次就算請我食都唔會去

機緣巧合下來到深井, 食完飯想食甜品只有一個選擇, 價錢當然貴啦!叫左芒果班戟 ($38) 同金粟紫米露 ($26),芒果班戟好細件, 分分鐘兩件先等於人地平時一件, 芒果唔算甜, 同CREAM 比例1:1, 個皮都有蛋香, 都OK既, 只係價錢略貴.金粟紫米露有D驚喜, 有芋頭有粟米, 夠杰身, 唔錯! 

下午深井食嘢，有時間輕鬆一下再食甜品，入了發記甜品品嘗吓，叫咗熱川貝蓮子燉海底椰…一Ｄ都唔熱，只有少少糖味，無其他味道。另一個楊枝金露Ｄ柚子苦澀。同職員反映味道，但職員態度傲慢，差差差勁，可一不可再。

週六天氣突然轉冷，我地喺會所燒烤完都想落樓下食個糖水暖暖胃。講到發記，真係幫襯過無數次，但每次都好唔情願，而且次次都話唔再黎食。奈何呢度佢獨市…今次食完都依然同過往一樣，唔想再食！週六晚上，人流頗多，我地一行六人，坐低左之後，都好快諗好食啲乜。揮手一段時間都冇人理會，唔係員工扮睇你唔到，而係員工有分身都搞唔掂，咁大間野，人手不足，眼見黎黎去去嗰三個人。終於舉左一輪手，成功落左單。朋友點嘅糖水我就冇特別影相，但個個都食到乸哂口面！陳皮紅豆沙 $23朋友點嘅紅豆沙，都唔期望佢會起沙，豈料居然黎左碗紅豆水！質地完全稀身，最慘係紅豆得幾粒，一隻手數得哂，好搵笨！另外兩位朋友點嘅燉奶亦都非常一般。芒果益力多沙冰 $59呢個由佢四十幾蚊食，一向覺得佢地嘅沙冰已經叫做最可取。食到而家挨近六十蚊，仲要差左好多！第一，賣相零分，點解碟沙冰可以核突到咁，跌左落地執番上黎？芒果冰唧到斜哂，半溶狀態，紅豆支離破碎。第二，份量縮水，價錢就不加左，愈食愈少冰。味道依然都只係勉強能夠入口，芒果味變淡，還好，沙冰附兩粒湯丸，另加的話值6蚊架喇！玫瑰百合燉海底椰 $38 + 湯丸 ($9/3粒)漏單之選，成枱人嘅糖水都

本人第一次食發記，亦第一次寫食評，真係有感而發！深感明白深井區每間店也寫着人手不足，需自行攞餐具，實在明白難請人！但一個店員負責店面，一個負責做甜品，實在看到應付不來，滿口粗言！點了兩份甜品，一來到便看到數塊芒果！但兩大塊是瘀黑的！一看便知爛！同店員反映，卻換來不滿！只是想換那塊芒果，但她一氣之下拿走了整碗叫我們選別的！真心不是想轉其他，最後只吃了另外一個，不到十分鐘便結賬！當然知道她不會取消，但看到這種情況，實在不想再試其他，雖然只是八十多元，但我認為是不值得試的！希望其他用心做好食物的店，不要出左名就求其，食客也是想食正常的食物，反映是為了大家好！不接受也沒有辦法！起碼這間店已少了兩位客，甚至更多！

After the dinner of roasted goose, we went here for dessert and I picked hot grounded chestnut soup while my friends chose chilled mango sago soup with pomelo.The chestnut soup is quite special and delicious while the mango sago soup is just too common and expensive.

食完燒鵝... 自不然想行出去發記食下糖水..我地9點幾到...可能唔係食糖水時間人唔多... 一去到就有位..因為咳咳地..所以叫左個潤既糖水食下蓮子海底椰糖水等左勁耐...終於上..蓮子太硬了... 應該落左好多糖... 勁甜..料唔多.. $43.. 我覺得...呢個味道同份量黎講 係唔值既

今日下午我們去咗深井嘅「發記甜品」食甜品！我們叫咗紅運當頭係用紅豆、椰果、花奶同芒果汁組合而成，味道怪怪咁！綠豆沙涼粉嘅涼粉好似雪到壞咗咁，味道亦都係好怪！朱古力綿花冰嘅綿花冰入口即溶，朱古力嘅味道都幾濃郁！糖不甩都幾煙煙韌韌，味道唔會過甜！木瓜鮮奶相當稠身，味道就比較淡！紅豆沙芝麻湯圓嘅紅豆沙極之稀，好似一碗紅豆水咁，味道係淡而無味！另外！店員嘅服務態度超級差，落單嗰陣，表姐話要杯香蕉鮮奶，佢無回應有冇，等咗好耐都無嚟到，我們問點解咁耐都未嚟？佢用極之無禮貌嘅態度答話我們無香蕉鮮奶呢樣嘢！我們話如果無嘅話你應該一早同我們講，而唔係要我們等咗咁耐先嚟話無！我們再問會唔會有杯清水可以畀我們？佢亦都係用超差嘅語氣答無喎！你要嘅話就畀錢買啦！經過今次之後，將來如果他們推出免費大贈送任食嘅話，我們都絕對唔會再入嚟食！

來到深井，食完晚飯，當然係食甜品既時間，遠遠已經見到好大隻發記兩個字，其實發記都成日係市區食，但質數好參次，呢次來到總店，有意外既驚喜兩個人點了兩樣甜品，芒果西米露同榴槤飄飄，下單無多久就來了先說榴槤飄飄，這是榴槤版既楊之甘露，雖然賣相普通，但食落去有好多榴槤果肉，加埋楊之甘露都甜道適中，好好味之後說芒果紫米露，好似好普通既一樣甜品，但岀奇地d 紫米露好好味😍，襯埋芒果，好好味，值得推薦

楊枝甘露：不甜不膩、芒果大塊，裡面還有芒果冰沙，不錯。蛋白燉鮮奶：要的凍的，口感很細膩。銀粉芒果撈：粉條很糯，芒果很甜，擺盤比楊枝甘露好，不過以前不是這樣的，還是以前那種看上去高大上！看隔壁桌吃的芒果班戟、個頭大，滾圓，裡面芒果超級多，下次要試試。綿綿冰也是很大一盤，看上去就很好吃。

點解千里迢迢？？因為我哋一班人喺觀塘食完晚飯，再一車人直驅深井發記的總店，為的，就是一直榴槤飄香大大舊榴槤肉，配上榴槤打出來的汁，再襯上西柚肉和西米，甜品如其名，榴槤香味慢慢的飄入你的嗅覺神經，再交由你的味覺再享受。難怪可以同忘返和水晶齊名

天氣咁焗促, 食返個冰涼甜品最適合!今次一試發記既招牌楊枝甘露。真材實料, 啖啖芒果肉非常新鮮,柚子肉清新微酸, 好開胃~消暑一流!!不愧為招牌楊枝甘露, 值得一試! 

香蕉班戟，班戟皮薄料足，薄薄的原條香蕉配以鮮忌廉，口感豐富。香粟紫米露，除了預期的粟米及紫米，還有一大粒芋頭及鮮奶，甜度適中，由於材料十分充足，吃完一碗好像吃了一頓飯。鮮芒果啫喱+豆腐雪糕，豆腐雪糕的豆腐味濃郁，鮮芒果清甜，芒果啫喱一如預期的味道，沒甚驚喜。

食完晚飯但又口痕想食甜品,是夜來到深井發記甜品,平日多數都唔駛等位~西瓜黑珍珠有圓圓的西瓜肉,清甜解渴, 黑珍珠口感一流~養顏栗子茸栗子茸軟滑香濃,口感香滑, 一試愛上!!再來多客魚蓉燒賣加辣油燒賣煙韌有咬口, 食飽飽好滿足!

店員拃介店里最有名氣榴蓮班戟，真系好好味，皮薄餡足，奶油多而香濃，榴蓮的味道的确實足，非常新鮮飘香。楊枝甘露甜而不酸，西柚肉爽口彈牙，再加上芒果粒粒，簡直令人回味無窮。