聯兄燒臘粥麵飯店

Open Now

Now Closed

我記得大約二三年前易手,以前d义燒半肥瘦,好正,而家就太瘦,完全唔係個回事,另外,服務態度好差,雖然呢類店舖唔會有咩服務,但個事頭婆永遠全程黑面,食完比錢亦唔會多謝,相反,易手前真係好好多.

對燒味飯一直來得個愛吃，主要原因不外乎價亷而且味美。這開在家附近的燒臘小店，每天返家時都會經過，但印象是沒有怎樣的光顧過。某日又路過，看到掛在廚窗外的燒鴨油光＋足且是"拎立立"的，樣子極之吸引，於是決定找天午飯時候去試一下.....店子完全是街坊格局，都不用太拘緊了，一坐下便着落單阿姐寫個义鴨飯。一個雙併飯只是賣二十五大洋，相比起名店如太興等，實在便宜得多了....既然做的是街坊生意，份量自然是抵吃夾大件，下次再來時務必吩咐師傅要"扣底"才行。是日吃到的义燒雖是較瘦的，但肉不算太韌，相比起外頭吃到的"柴皮"貨色是好得多。最好吃的自然是那燶邊部位，肉香混和着焦香，是吃义燒的最高境界。下次若order一條半肥义，相信滋味會更勝一籌鴨當日吃的是腩的部位，看來今天真的很有吃福呢肉厚而不韌，皮雖不甚脆，但光是吃皮與肉之間的脂肪層，那豐庾之感，比起那些甚麼山珍海味，還略勝一籌呢想不到這兒的燒臘水準還挺不賴。下次如要斬料加菜，還得花多少許腳骨力來這裏呢.....

尋日同同事黎呢道食飯, 先知原來我地公司拜神係響呢間買既:燒肉- 皮好脆但好多肥肉, 肉質較韌叉燒- 夠腍但唔算極入味, 蜜糖好多但太甜講番個lunch, 我叫左個油雞賴粉: 油雞好多但唔多肥無乜肉仲見到有雞毛, 湯底好油賴粉硬左d

29/06/2005 20:30滂沱大雨夜，又係快活谷煞科日，當然o係屋企附近開餐然後博殺。同女友叫了食物如下：艇仔粥、咸肉粽、油菜、例湯、梅菜蒸鯇魚飯艇仔粥- 唔掂....>_<，近呢一兩年食過最唔掂o既艇仔粥，粥底太稀又毫冇米味，料更加係敗筆，邊有人用瘦肉(皮蛋瘦肉粥果o的)去做料？仲要有大量鮮魚片？但應該有果o的又唔知去左邊，魷魚得兩條，碎牛、炸魚片同豬皮都唔見左。咸肉粽- 普通，舊五花腩太瘦了，鞋口非常。油菜- 正！芥蘭靚，少油。例湯- 又係正，大大碗豬肺煲白菜夠晒潤，熱辣辣又足料仲夠火喉。蒸鯇魚- 唔係即叫即蒸，放在蒸爐太耐，焗到乾晒，梅菜又冇乜味，連豉油都淡茂茂。埋單$54，黎呢間真係只可以食一樣野，就係燒味............

燒味粉麵加凍飲只係$14!!剩係睇個價錢已經極之吸引,再睇睇餐\牌,原來燒味粉麵原價要$19,凍飲就要$9杯,所以下午茶比原價平了足足一半。一行兩人,叫了叉燒米、燒鴨瀨、凍檸茶同油菜一碟。以為老細會將貨就價啦,點知一上檯,o的叉燒差唔多遮晒碗米粉,食落仲夠晒腍,亦有蜜糖o既甜味。燒鴨份量亦多,水準一般。我覺的呢度o的燒味係同區做得最出色o既,還記得就算沙士期間經濟唔好,好多舖頭都要大減價去維持生意甚至執埋,佢\o的切雞仍要賣成百蚊一隻,可想而知佢\對自己o既出品好有信心。記住下午茶時段係兩點半到五點,經過o既話一定要整番餐\!!

依間D 燒味好正, 分量又夠, 抵食. 不過環境清潔就麻麻.