Lumen Cafe (Closed)

假期沒有外出，唯有落樓下食野算，揀左樓下戲院cafe, 上次介紹過叻沙，我今次都仍然好想食喇沙，所以轉個平凡點既餸~濃龍蝦湯大魚蛋喇沙，京蔥牛肉飯同樣個湯底好濃郁好香噴噴，每個人經過都會望下咩咁香，睇埋個色澤咁鮮豔就更加想食，大魚蛋好爽彈，有豆卜，半隻蛋加埋麵條飲下湯底，好飽。京蔥牛肉都唔差嫁，牛肉同蔥炒過醬汁入晒味，飯面放隻荷包蛋，整開蛋汁拌飯食好正。下次再試埋其他款先

知道葵涌有間新戲院 同朋友去睇小丑🤡 入到戲院發覺有Cafe 就順便試下野食首先叫左個龍蝦湯海鮮喇沙($68)，勁大碗入面既材料都算多 有2隻青口 2隻蝦 4個魷魚圈 2個豆卜 1粒大魚蛋同埋1舊白蘿蔔 個個材料都好好食除左白蘿蔔之外 舊白蘿蔔偏硬 應該煮得吾夠耐 不過最值得一讚既係湯底 少少辣但好鮮甜 冇停過飲朋友就叫左個蜜桃汁雞扒飯($58) 同我講番個汁酸酸甜甜好開胃 但個雞扒吾夠鮮嫩 不過不失啦2個人$142其實算平 而且職員服務態度都好好 下次睇戲會再黎食

最近屋企附近開左間戲院，原來戲院入口都有間cafe,近近地買個外賣上樓食，睇餐牌唔多款揀，今次試下淺嘗，龍蝦湯海鮮喇沙，湯底好香，餸都算多料，飲下個湯底真係好濃郁，麵索晒啲湯汁，Good~初初以為戲院開得既食店都會好求其，點知都有啲意外發現

晏晝過嚟睇戲，順便喺度食午餐一點幾鐘，呢度都唔算太多人，大約有一兩台客我點左叉燒拉麵，糖心蛋好好味但叉燒片偏硬，豬骨湯底幾濃郁，拉麵份量幾多，最後係食唔晒嘅，仲剩左少少朋友點左煎雞扒飯，配上茄汁，雞扒都幾大塊，有唔少配菜，例如紅蘿蔔，蕃茄，味道正正常常啦，唔係太出色，又唔係太差我哋仲加咗個小食，日式煎餃，餃子皮薄，肉料多，成個午餐我除咗最鍾意個糖心蛋，第二樣鍾意嘅就係呢個日式煎餃 最後食飽飽就入場睇戲嚕～

活芝士焗龍蝦拼西冷牛扒配上薯菜， 龍蝦肉質緊致， 一點也不鬆散，加上一隻味道偏淡的芝士， 不會太過搶奪龍蝦本身的鮮味， 再拼上優質牛扒和炸得適宜的薯菜， 雖然龍蝦份量不多， 但是以這個價錢吃到活的還是相當不錯。西冷牛扒飯優質牛扒性價比高， 79元的價錢一塊有心機的牛扒淋上辛味適合大多數的黑椒汁和配菜，蜜桃雞扒飯蜜桃汁酸甜開胃， 通常不能在其他餐廳吃到蜜桃汁的食物， 肉躁飯滿滿的肉躁， 卻不會咸， 非常容易送飯， 京葱牛肉飯應該是洋蔥和蔥類食材炒成的牛肉， 有時略嫌水份過多 ; 厚切叉燒拉麵及豬軟骨拉麵配上 香菜， 海帶和甘筍和溏心蛋在配料上頗為考究， 搭配不會油膩的湯底， 一碗麵包含了不同口感的食材而且各食材配搭得宜， 豬軟骨醃得相當入味， 而且份量頗多， 惟叉燒拉麵有時會獲得比較多肥肉的叉燒， 油膩感便比較重。 飲品方面， 檸檬茶的味道有點飲不習慣， 奶茶有點阿x母奶茶的風味，茶底比較像是新茶而不是港式奶茶，平時茶檔師傅將一晚前沖好而用網濾好了等待沉澱的茶， 咖啡味道濃郁而又香醇， 巧克力不知道是否加了巧克力漿增味， 有時杯邊琼了些像是醬與粉未溶得勻的痕跡。環境方面內有價格相宜， 街

一家人去附近新開既 Lumen Café 食野，入餐廳後見 menu 好多選擇，梗係要試下新假期推介既海鮮喇沙拉麵，老公就揀左活龍蝦西冷牛扒餐+芒果奶蓋，阿女話要食豬軟骨拉麵+波霸奶茶，仔仔就話要食京蔥牛肉飯，最後仲加多個炸雞。海鮮喇沙拉麵   –  湯底，但海鮮就好似無咩味，青口有d腥，拉麵軟硬度適中。活龍蝦西冷牛扒餐   –  龍蝦，牛扒無牛味，好多筋，咬到牙骹都軟哂。係呢區比得呢個價可以再大件d。豬軟骨拉麵   –  湯底勁多味精，豬軟骨好大舊，抵食但阿女就食到無哂儀態。京蔥牛肉飯  –  京蔥同牛肉好韌，可能煮耐左…配菜係凍既?炸雞  –  唔只無雞味咁簡單，仲要有浸怪味，唔知點形容。食完成口油，仲有ｄ口嚨痛…波霸奶茶  –  珍珠生生地，但茶底ok價錢尚算合理。服務ok，食完野仲可以坐響度玩電話，唔會比人趕走，呢樣值得一讚。食完嗰晚我同阿女痾左幾次，希望食物衛生有待改進。後尾睇番 FB d留言，d人都同我地一樣食完肚痛，我唸要腸胃好硬淨既人先好去幫襯。我和仔女腸胃都比較敏感，就唔會再幫襯啦。

住宅區平民戲院，內設Cafe/Restaurant area，位置唔算多，自己搵位點餐拎野食既形式，食物有日式拉麵、星馬叻沙、西式牛扒、台式飲品，價錢$58-198，有平有貴任均選擇！台式飲品小食各式主菜小食海鮮叻沙，有魚旦、青口、大蝦、蘿蔔、豆卜，湯底偏辣，有椰香味，麵身偏硬！味道ok，急凍海鮮味，但應有的雜錦海鮮還是有。奶茶麻麻，味道偏淡。Cafe更有bakery/cake corner，食件cake飲住珍奶等開場亦得！

今日同朋友特登嚟因為睇咗facebook極力推介活龍蝦拼西冷 同 海鮮喇沙 ，我哋兩個都係點呢兩款餐, 另外點咗一杯芝士奶蓋 我朋友就飲波霸珍珠奶茶。 龍蝦拼西冷超得 龍蝦原來係新鮮活擋嘅彈牙又鮮甜， 安格斯西冷 雖然不是太厚但是肉質鮮甜嫩滑牛味重值得推介！ 另外我朋友食嗰碗海鮮喇沙 非常正宗 值得一試！我飲嗰杯鮮芒果芝士奶蓋， 真係有別於其他珍珠奶茶店的水果茶， 大家不妨你試下！