龍鳳冰室 (惠安苑) (Moved) New Location

要數到港式茶餐廳代表，不得不提及菠蘿油。再數到香港人必定會食過嘅午餐肉 + 炒蛋，萬能key一般，配上公仔麵﹑烘底多士都無問題!來吧，邪惡的力量 － 餐肉蛋菠蘿油：份量大大，絕對稱得上為「港式巨無霸漢堡包」一口食唔哂，唯有分開一層層嚟食～菠蘿包脆皮面永遠都係我第一時間會食先，既脆又甜。午餐肉好大塊+炒蛋好滑而且夾著半溶嘅菠蘿牛油，香！加多杯凍奶茶，午餐埋單都只不過幾十蚊，平民的港式浪漫就是如此簡單。

係鰂魚涌番工 每次放lunch 行過都會見到呢間 龍鳳冰室爆晒場。終於係琴日非煩忙時間試到傳說中既爆辣炭燒肉鬆雞扒飯。落單至煮好 大約10分鐘左右 熱度適中雞扒 配 辣肉鬆 再加蜜糖伴碟 味道堅掂。旁邊仲有半熟炒蛋 同粟米 都算叫做有肉有菜。加埋野飲 都係58$ 係鰂魚涌區都算叫價錢合理，值得一試。

濕爛飯大油煙服務差$58的碟頭飯，甜肉鬆可以中和辣味，而辣味主要是灑上辣粉在雞皮上，若太辣不妨挑走雞皮，反正皮全屬動物油脂，我也很少吃雞扒兩大塊，很快就飽足了。炒蛋好嫩滑，堆成厚厚的實在感。飯要扣大大分數，太濕有點糊做不到粒粒分明，而個豉油汁有色而無味。姐姐好想趕人走，未食完已緊釘住我們等著快速收碟，飲品都還未開始喝，能比點喘息空間嗎?還有油煙味超大，食完頭髮及身上都沾了討厭的油煙氣味。

今天一眾同事到太古捧男神場，打完氣後當然要找個地方吃東西補充體力。圍著One Island East走，有同事提議試試林子善開的龍鳳冰室。就這樣，我們一行十多人就聞進去了。剛好過了繁忙lunch hour，我們雖然十多人也立即有位。店員還很貼心，幫我們拍好桌子，來個茶記的high table late lunch。  見同事叫的雞髀飯很有分量，我都要了一份 雞髀皮脆，肉質不算很嫩，但還可。所謂「爆辣」不是那些紅油，而是雞髀上的少少辣粉。招牌炒蛋不算滑溜，蛋味也不重，只屬普通炒蛋。 凍奶茶也没有特別。茶不濃，奶不滑，但不算難飲。 $50多的套餐來說，有點失望。質素有待改進，即使貼滿tvb藝人照也没有招徠之用。

龍鳳冰室每日lunch都會坐無虛席，人多，坐位迫，所以筆者寧願買外賣呢黑蒜油雞腿滑蛋意粉看到大大隻雞腿已經覺得好滿足一食下覺得雞腿炸得有點過火，幸好皮算脆，雞腿肉算入味蛋一如以往的香滑，栗米香甜，配上意粉味道不錯。

12月居然落大雨。經過見到唯有行去食，兼夾避雨。雞扒飯算唔錯，配上肉鬆帶出左少少甜味，唔鐘意食甜食既可能唔岩食，蛋都好滑，但杯檸茶細杯左D....裝修係茶餐廳格局，位係有背木椅，唔多好坐。

上堂過後找個地方食下午茶，就選擇了公司附近的龍鳳冰室。 雞脾薯條配凍檸茶薯條是即叫即炸抵讚，熱辣辣，份量正常。雞脾味道淡，肉質滑，雞脾比較細隻。凍檸茶茶味淡帶苦澀味，差。環境方面十分逼十分逼的環境，坐得極不舒服。服務方面沒有人理會你的服務。價錢貴，食物質素平庸，明星餐廳，不值一哂。附近有更多更好的選擇，不用選他。總結評分味道:5/10 價錢:5/10 (40)環境:4/10服務:4/10

事隔有點久才想起要寫這家冰室，因很想忘記，但又不想有人伏下去.....這次去是因為去附近有事務，剛值午飯時間，也剛好有位，港式冰室便可滿足趕時間的要求但首先他的格局真的十分擠迫，我一人要搭擡是預計之中，但尚算中等身材的我，一坐下來，迫到一個地步係我放袋在地下又唔係，攬住又唔係，有點後悔。好，說回食物，點了一個特餐有瑞士雞翼湯意粉，一個菠蘿包，炒蛋同凍飲，盛惠57元無奈的是什麼都不能改，轉湯意粉轉米粉或公仔麵唔得，只可加10蚊轉辛辣麵或一丁，我自己買都不用10元，另加牛油加3元，實在有點不合理味道方面菠蘿包: size 正常，但室溫(即係放了很久的感覺)瑞士雞翼湯意粉: 有2隻中翼，SIZE 偏細，但入味，不過不失，但因個人不喜歡食湯意粉，又滑又不入味，加上坐在咁逼的地方用义吃湯意粉而順利放入口，簡直是高難度動作，一定要扣分炒蛋:夠滑，惟一可取凍啡：難飲，平價茶餐廳質素，伏之作總結所說︰名氣過大，偶像派餐廳，五十幾元附近有其他選擇，但因土地問題咁貴又咁迫，如冇必要，有下次

今天下午的天氣和妹妹在太古濕平，突然想歇息一下，妹妹提議到龍鳳冰室嘆下午茶，當然一萬個願意，天氣像一個大蒸爐，我們一支箭地跑到冰室下午四時，冰室己滿滿人羣，幸好也被我們找到位置，我點了致肥的西多和凍檸樂，妹妹也點了秘製的雞脾薯條和熱鴛鴦，不到十分鍾，待應己送上一件又大又厚又香，熱盪盪的西多士，真的一百個讚，好好味，但相反秘製雞脾，又硬又不好吃，我們祇把伴碟的薯條掃光，雞脾吃剩一大半!妹妹說鴛鴦也有濃濃的茶香，我們吃吃喝喝地談話，又舒舒服服地凍過一個炎熱的週六!

喊面篇寫到第三篇, 龍鳳要出場了!龍鳳---久仰佢大名以為它在大坑打穩了陣腳才開過來鰂魚涌, 以為!  誰不知去了幾次都是叫人失望, 而且現在只要有人又再提議去吃龍鳳Lunch, 一定臨時有同事A或是同事B會藉口說來不到, 發生了幾次, 大家知咩事, 近來已經無人再叫去了!第一次時印象是不錯的, 因為"新S坑, 三日香"...我還加了$15元轉特飲菠蘿冰, 杯冰賣相氹得吓人, 第一次食炭燒肉鬆雞扒意粉, 新奇呀o麻, 都仲可評為OK!  迫就迫啲, '將就吓啦'....再去多幾次就無新鮮感咩都打回原形, 首先門口阿姐木口木面, 間中仲整個黑口黑面的當值,  見大部份客人其實都相當合作, 齊人先攞籌, 門口又簷蓬都無個遮吓雨擋吓太陽, 妳就對啲客好啲, 扮吓嘢同客人吹吓水又或者唔啋人唔想搭訕都要歡容少少啩, 猩爺都教'洪爺'做茄呢啡都要專業啲, 唔好擺出副"你最好唔入嚟我唔駛做"的姿態得唔得? 真係請著妳哋就大吉大利喇!講完門口嗰關, 假設大家都唔介意, 鰂魚涌區無咩好食"我哋呢班打工仔", 大家都慣了嘅心態, 入到店, 手踭撞手踭都算喇, (容許我粗俗啲因為係事實) --- 大部份位屁

今日去左鰂魚涌嗰邊，想搵啲特別野食下，見到有間冰室幾特別下，叫左個菠蘿番茄焗飯再加左杯菠蘿冰，價錢唔特別平，個飯同普通焗飯無咩分別，但味道還不錯，菠蘿冰幾大杯，有幾多粒菠蘿下，不過有種奇怪既味道應該係因為菠蘿浸過鹽防止氧化，所以整體黎講算ok。 

本身無諗住入泥食但聽到係某明星開既 所以有D興趣入左泥裝修係幾令但有少少過份 完全唔似冰室變左好似博物館咁但都唔緊要 最緊要係野食食物方面係有少少貴普通一個 餐肉蛋飯 都要40幾蚊咁我就叫左個試下望落去都OK 幾令尤其D蛋 果然係必試但食落去就有少少失望除左D蛋係好味之外 其他野都麻麻雞脾唔算大隻 個名仲叫珍寶雞脾同埋太老 唔算好食D汁好重豉油味 太濃味好怪蛋方面真係值得讚 好滑好香仲帶少少CREAM味但餐具方面幾得意用泥裝匙羹個桶真係有懷舊FEEL但其他位真係太過例如牆上D字 太有TVB D劇FEEL好似劇場咁 好失真整體泥講明星開既 始終唔洗抱咁大期望抱住好奇心咁一試就可以了但太認真就不必

我們一行兩人剛游完水, 去附近餐廳吃個下午茶, 有人話龍鳳冰室的奶茶好滑, 值得一試.龍鳳冰室一名可以想像到很有懷舊的環境, 除了看到舊杯放了刀叉,其他就與一般茶餐廳無異.茶餐, 當然點杯奶茶, 真的奶滑茶香, 值得一試.我們分別點了湯麵及四寳麵:湯麵的用料有粟米, 火腿及滑蛋. 有點像吃早餐的常餐. 四寶麵的用料有粟米, 火腿, 腸仔, 滑蛋及沙爹牛肉. 當中滑蛋真的炒得好滑, 整體味道尚可.

沒有誠意的餐廳。只有用明星做招徠，食物很差。例如今次食滑蛋牛肉飯，端來時已經冷的，蛋及牛肉沒有味道，我還要叫侍應拿醬油加上去。原本想支持對本土餐廳食地道餐，真的很失望

今個星期五天氣晴朗, 原打算到quarry bay尋找配key的地方, 不過在行到one island east之際突然被我看到龍鳳冰室, 而我又已經想試很久很久...  結果眾人陪我一齊試食!有同事醒起她之前在大坑都食過, 難怪龍鳳總是很熟悉的感覺! 裝修有新派懷舊風味, 牆上都釘滿了明星到訪的照片~咋看這個盛載餐具和糖的杯就已經有60年代的味道~~一場來到當然要食滑蛋! 午餐有A-J的set, 大多都有滑蛋, 3位同事都叫了滑蛋蝦仁飯, 只是我最近要戒口不能吃海鮮   這個飯看上去蛋炒得滑, 蝦亦新鮮, 只是剛熟仍然爽口! 真的很羨慕同事可以食...我就叫了個滑蛋豬頸肉飯, 蛋是一樣的滑溜, 我的蛋還未完全熟見到蛋白漿, 不吃生蛋的人可以就要小心了~ 加上豬頸肉帶辣就多了一重味道, 整體是不錯的!看menu時發覺常餐都非常吸引! 有波蘿油, 滑蛋, 一碗麵, 是我喜愛的組合! 一定要再來呀!