龍鳳冰室 (Closed)

話說, 我有位男同事只喜歡吃: PIZZA, KFC和譚仔, 尤其譚仔, 只要他沒帶飯, 就會想盡方法迫你去食譚仔...今天他竟然跟說吃其他的, 簡直覺得他皇恩浩盪! 今天他要求到龍鳳冰室, 據他說非常的好味(事實對於他的口味真係不敢恭維)好多人對龍鳳冰室的評價非常的參差, 有的說好好味, 有的說完全不值, 今次就當一次機會試試吧舖內地方不算大, 看得出好想做到舊式冰室感覺, 可惜我只看到黃黃綠綠, 視覺上覺得不太舒服餐牌上食物算多, 但總覺得配搭好怪最終我點了煙三文魚炒滑蛋配意粉: 我只看到煙三文魚+炒滑蛋+意粉煙三文魚普通, 食落偏咸, 感覺屬超平價的煙三文魚炒滑蛋亦覺得普通, 不算真的好滑, 食落唔太香配意粉的茄汁(算是茄蓉吧) 頗酸, 跟意粉配起來怪怪的同事點的是: 辣雞扒肉鬆配意粉雞扒比我想像中的好味, 辣味好香, 但唔會過辣, 雞扒幾滑, 整體味道不錯雞扒上的肉鬆存在價值有點怪怪, 本身肉鬆味道不錯, 但好像格格不入他的炒滑蛋比我的更不滑, 就是說普通的炒蛋囉配意粉的是豉油汁, 亦是另一個怪的地方記得每人大慨$55-$60, 坦白的說, 價格貴, 質素連茶餐廳都不及, 除了

今日在龍鳳冰室吃早餐，一碗千層蛋午餐肉麵，千層蛋厚身，嫩度蛋香一般，午餐肉很厚很大塊，質素唔錯，抵食度頓時提升。公仔麵水準當然不及出前一丁(需加$6)，但亦不算差，OK。連口味不俗的凍檸茶(凍飲加$3)一杯，吃畢感覺飽足。

Objective: 暖胃早餐 😊A餐冇要菠蘿包轉厚多士, 夠脆 ~其實呢度個炒旦麻麻地…主要嚟食佢個通粉, d粉細細粒好滑, 料夠多, 湯夠熱。再加杯熱朱古力, 甜度適中 (不過阿姐拾枱時搖張枱倒瀉咗一半…😅)Result: 食飽, 胃暖 👍

之前一直對華星冰室情有獨鍾，都未有機會試過龍鳳冰室，但感覺上兩者好似~裝修都係以模仿舊式冰室爲主~兒童特餐($52) 入面有薯條、滷水雞脾同炒蛋再配上黑牛or 白牛。滷水雞脾係 超 難 食! 我食左一半就無再食落去，雞肉超級鞋，而且滷水味太重，整到d肉好鹹。薯條係ok好食，炸得夠香脆，而且薯仔味好濃。炒蛋就ok 啦，無乜蛋香味同唔夠滑，只要你唔好expect到好好就唔會太失望lol p.s.蛋既份量係好好好好少，估計得兩啖lol(見圖既左下角)黑牛原來係可樂配上朱古力雪糕。本來覺得幾得意，但朱古力雪糕真係太太太甜。重點係我覺得唔好味，而且價錢唔平，52蚊我可以食個pepper lunch 有突……

跑完馬拉松, 諗住行去天后搵下食行到呢度覺得幾得意, 就決定一試人多, 可能大家都係跑完黎食, 唔緊要..多人幫襯心諗應該唔差但差在根本冇人招待我地, 似FOOD COURT自己等位等等下又唔係, 原來有派飛, 好在拎左飛 兩個人好快等到有人走就有位見佢咁多人, 都冇得計較服務..但..D位都唔舒服..一個字"迫" 叫野食, 早餐牌叫極都冇人比, 忙還忙, 早餐時段想人叫牛腩咩好喇..拎到牌, 一個早餐$38, 以為好特別, 因為見佢枱上個MENU都有D幾特別既野,都一試..煎雞扒公仔麵拼滑蛋飲凍檬茶...黎到見到..冇特別...失望...開動...普通到呢..塊雞扒都冇調過味, 只係用黑椒去煎..我諗只係因為當日係馬拉松, 加上佢門面幾靚, 所以先咁多人...中伏..可能我叫唔中佢D美食啦~所以...一次就夠喇...唔想再試

天后區，其實幾多食肆，搵食唔難，這店裝修幾有特色，但沒有茶餐廳卡位設計，等你坐唔耐。。。。 試咗 XO 牛坑腩撈麵，都幾好食，份量不多，牛腩屬靚貨色 忘記影 厚多士，即製，多士夠厚，都唔錯。有其他食家寫 中產茶餐廳。。。甚為同意。不過有個肥仔侍應，好鬼多聲氣，係我（個客）耳邊大大聲，我真係怕咗佢

這幾天香港風雲變色，約朋友逛街吃飯，要選擇地區。今天約朋友午飯，不往銅鑼灣了，約在天后。在天后電器道試過幾間食店，吃個早餐都$32-35。所以，今天經過龍鳳冰室，見午餐$45-65，也OK，於是試吓。餐廳裝修色彩鮮艷，果然有「大龍鳳」feel。 午餐選擇不算好多，但餐牌圖文並茂，挺吸引。Honey選了咖哩炸豬扒飯：咖哩汁不辣，惹味香濃。甜甜哋，有洋蔥和薯仔，非常「送飯」。豬扒炸得香脆，炸粉薄，放在咖哩汁上面，不被浸濕。而且，豬扒肉質鬆化。我選了肉燥雞翼（Honey 喜歡撈出前一丁，所以加$10）：出前一丁已拈上瑞士汁，所以，肉燥醬不派用場。（我用肉燥醬拌飯吃，甜香，好好味！）瑞士汁少少甜，有香料香味。雞翼浸得剛好，不會太鹹和太腍，啖啖肉。不比吃瑞士雞翼的「名店」遜色。好丰富！兩款都好「送飯」！整體而言，味道不錯！

阿仔帶我去天后龍鳳冰室食午飯，其實我都去過大坑果間，當時唔覺得有乜好食，唔知係咪新開張選擇唔多，不過今日係天后呢間就好似選擇多d喎！阿仔叫左個肉燥炸雞飯，個樣幾靚可能有d粟米襯托啦，阿仔話味道唔錯喎！我就叫左個咖哩牛坑腩飯，辣味適中但薯仔完全唔淋接受唔到囉，洋蔥好生不過我可以接受，價錢略貴加左15元飲鮮波蘿冰，得四舊鮮波蘿，Menu張相都有五舊啦，而且冰實在太多喇，三份二杯都係冰，有機會再去記得叫少冰，由於太餓所以唔記得影相！

價錢貴，份量細。成件事係冇驚喜，見間野咁出名咁多人去又排哂隊係灣仔，見天后呢間唔洗排咪試下。無論係個飯定個熱飲都好少份。特飲仲要加$15轉。菠蘿冰面頭係新鮮菠蘿，值得一讚，味道酸酸甜甜。紅豆冰味道一般，同連鎖店飲開戈啲個味都係差不多，紅豆算大粒既。但係要加咁多錢轉飲就冇咩興趣。五寶飯其中一寶竟然可以係粟米....真係估佢唔到,急凍粟米，慳水慳力。以為係配菜黎。個雞翼飯叫正常味，但味道真係好普通，同平時連鎖店食到既差不多，但價錢就唔止。啲野食普通冇特別，同一般茶餐廳冇分別。價錢貴，唔係特別好食。雖然唔係難食既，但係以呢個價錢有更多選擇。總之就唔會再去食，一點兒都不覺好好味，味道十分普通。

突然好想食地道既香港茶餐廳..所以就揀左呢間龍鳳冰室!見到個餐牌樣樣野都幾貴下,所以睇左好耐先點左個兒童特餐!其實我唔太明白點解呢個會叫兒童餐..因為根本就係大人份量..有雞脾..薯條同炒蛋..仲有黑牛(可樂+朱古力雪糕)..真心唔知小朋友點食得晒..BTW,幾鍾意呢度既鹵水雞脾同炸薯條..雞脾好入味..薯條亦都幾脆..至於炒蛋係就係幾好食..但未免太”漏”喇..只可以講唔係我杯茶..總括黎講, 食物味道係唔錯,但個餐要比成52蚊就唔抵食囉

天后食野出名貴, 而且當中有很多很差的餐廳, 呢度呢間就係新晉的霸者...首先, 價錢離譜到七彩, 一個餐六七十蚊. 幾個人點幾樣野... 整個總結...雞扒算正常體積, 味道一般, 炒蛋嘛嘛, 意粉一般, 味道同任何廉價的茶餐廳同級.餐肉根本係平罐頭的餐肉, 雞腿很粗, 薯條一般, 飲品冰係佔五份四... 有無搞錯.服務都算好, 座位很窄, 地板很油. 整體遠不合格.

黎到天后都唔知有咩好食向來鍾意冰室所以就入左黎,但入到先發覺冇咩冰室氣氛,只係普通荼記而且係比茶記更貴一場黎到叫左個招牌菜招牌炒蛋加炭燒雞扒意粉,咁就$50一黎到我都有D嚇親咁大碟,賣相都麻麻地理想與現實,圖片自己睇...雞扒仲要有2大塊,真係又食唔哂炒蛋就冇咩特別,唔係好滑,算係ok咁意粉都冇咩特別,好似用豉酒做底最特別應該係肉鬆雞扒既薄身雞扒,雞皮好脆,唔知叫黑椒定香草都唔錯仲好似有加糖醬又甜又咸咁,口感真係豐富但係實在太多食唔哂呢份午餐應該岩大食既人多D...又唔係話好差,不過應該就唔會有下次...

第一次食晚飯，已經覺得個招牌肉鬆雞扒食唔好食…係杯茶走好飲…同同事ot ，佢提議食呢間，我就打算俾多次機會佢，試多次…結論都係失望………今次食餐肉蛋飯…真係好普通…太興餐肉好食好多…唔係厚切就一定好食的……蛋就都厚，都滑…不過加曬一齊就真係唔係話好食…到底係唔夾我定係份量太多？好努力食都只係食左一半就食唔落…同啲野食凍得好快…兩次都係咁……當然都係叫番茶走…都叫做野飲好飲…希望唔會再有第三次食………

跑完10k,同埋朋友行左去天后食野!時間尚早,食早餐啦!叫左一個早餐F其實就係呢個黎,不過早餐時段只係$38!豆就變左粟米,不過仲好,我鍾意食!厚多士上面有一層薄薄ge牛油,微熱,口感覺得一般!司華力腸唔錯,皮有D脆,唔會咬唔開!最出名滑蛋,真係好滑好食,味道一流!不過上面D黑魚子其實冇咩味,裝飾多,有時食果一啖有D黑魚子反而會覺得破壞左滑蛋ge感覺!不過整體係好食ge! $38呢個價就見人見智啦,應該係因為黑魚子

成條電器道得佢開門，新年加二，無菠蘿包，牛油多士得小小牛油，揸得吾勻預左，奶茶得八成滿，檯好細好迫，伙計態度麻麻，餐牌竟然吾系張張檯有，認同網上評論，真係無下次