龍記燒味茶餐廳

Open Now

Now Closed

之前喺呢間有叫過幾次素鮑魚絲，唔知點解每次都會有火腿，所以今次叫外賣時已經重複提咗幾次素鮑魚絲唔要火腿，阿姐堅持唔洗喺單度mark走火腿，話點會叫素鮑魚素會有火腿，所以唔洗mark(明明之前幾時都有，我都想知點解😅)叫樣咁簡單既外賣都要等咗成15分鐘，最後拎到返屋企打開，唔只有好多火腿，仲要無咗份煎蛋😅😅😅😅😅會食佢係因為都叫做係個素既option，如果佢地既素飽魚素係要連埋火腿既咁以後唔會再叫。👎🏻

在嚴重疫情下的3 月，中上環區都有不少餐廳暫停營業，顯得條街也冷清不少！ 經過上環德輔道中 <龍記燒味茶餐廳> 仍有開，我很久也沒有幫襯！找個週末來食早餐！落單時，女店員會重複我要求的早餐、食物、飲品， Make sure 不會落錯單！5分鐘內一次過送上！相當快手，值得一讚！叉燒通粉早餐 (配火腿及炒蛋) $37 雞湯底，叉燒有5塊之多，以早餐來說，份量算多！卻是薄切的肉質入口依然有韌勁， 通粉軟硬適中！多士配火腿及炒蛋多士是半件方包烘勻兩邊，並塗上牛油！炒蛋沒有任何調味，勝在嫩滑！熱好立克就算我無加糖的好立克，也覺得頗甜！本身都幾濃奶味，質感濃稠！沙嗲牛肉公仔麵轉出前一丁 +$4出前一丁熟之餘，麵質保持彈性又吸湯！湯底香辣惹味， 牛肉以鬆肉粉，入口軟得來略點煙韌！有5片！炒蛋、腸仔、加 $3 轉丹麥多士炒蛋滑溜度尚可，無調味！腸仔不算重口味，質感腍腍地！丹麥多士滿載牛油香，幾香脆！熱奶茶勝在水溫夠熱，香滑度也不錯！

平日有食佢早餐，不錯在中上環，午餐有足料奄列，有主食，餐飲！只售$50.5 ， cp 值夠高！不失為一個選擇👍🏻👍🏻👍🏻👍🏻麻辣醬唔夠仲可以添！❤️❤️❤️❤️

其實無食好耐 因為之前食唔覺特別好食/ 好抵可能以前食叉燒通 沙嗲牛嗰啲多但有幾次經過見都多人食 + 啲常餐幾吸引就決定再試多次😀⚠️唔係藍店龍邦呀 龍記喺電車路㗎小妹研究過午市嘅話1. 即場叫外賣自取有9折有常餐有湯粉麵有炒粉麵有燒味飯常餐跟湯跟熱飲 而且唔算等好耐2. 外賣平台外賣自取就8折 但本身啲價都mark高咗而且無常餐 但有湯粉麵有炒粉飯麵有燒味飯不過多數無跟湯無跟嘢飲 係湯粉麵餐有跟熱飲3. Openrice外賣自取9折 本身價錢無咁離地但選擇極少 同埋只配餐湯所以結論係即場叫又平啲又多嘢跟啲 會抵啲😉常餐 - 黑椒牛扒火腿飯 (配羅宋湯 凍檸茶) $56 🙆🏿‍♀️正價$59 + 凍飲$3 之後9折牛扒好大塊 比起快餐店啲薄牛扒都厚好多口感都唔錯 佢唔算多肥膏 但有根而個汁係偏辣 (可能我太廢)整體幾好食 有湯有茶都算幾抵常餐 - 脆皮乳豬五寶飯 (配羅宋湯 凍檸茶) $61 🙆🏿‍♀️正價$65 + 凍飲$3 之後9折而我用openrice pay比錢 當時有$30 coupon埋單$31 超抵🤭一打開盒 嘩…. 超豐富有乳豬叉燒油雞紅腸鹹蛋加兩條菜除咗鹹蛋係半隻外 其他每

放假日最鐘意瞓到晏一晏, 然後懶洋洋咁去茶餐廳食常餐🤭好鐘意燒味茶餐廳, 因為個常餐真係好高質, 好豐富😋主食有9️⃣款, 每款都配上花旗奄列🍳 (即係有洋蔥, 蘑菇, 火腿, 腸仔做餡料), 另外配上丹麥多士🍞 甜甜既包, ,加上脆脆邊, 非常好食😋主食叫左沙嗲牛肉通, 沙嗲味濃, 牛肉唔un, 都一樣吸引😋價錢唔係話最平, 但喺上環區, 價錢係可以接受的, 加上味道品質服務都屬高質, 絕對值得值得!下次試埋小菜 / 西式飯意粉先

#breakfastforlunch, #cheapeat, #sheungwan, #茶餐廳come by and hv spare time...so i walked a bit future to had a few in mind I liked to visit... they all closed down.... almost walked to the sheung Wan wet market but didn't want to go further... in sight I see this or MX... what do you think... i came in without any hesitations I was happy at first with the menu having rather wider choice.. but the food is just not there at all... feeling disappointed

上環平價抵食下午茶之選✨燒鴨瀨粉 （$35 連熱飲）大大碗，仲要係脾位，開心到好似中左奬咁😂份量豐富，啖啖肉，瀨粉煮得剛剛好唔會太淋。.✨流心西多士 （$33 連熱飲）熱辣辣，外脆內軟，內裡有流心狀既芝士，好滋味。.🏠 龍記燒味茶餐廳🛤️ 上環德輔道中300號華傑商業中心地舖📍 港鐵上環站B2出口，步行約2分鐘----

燒味雙拼飯  燒鴨及白切雞   54元 (9折)   3.5/5分1. 燒鴨的肉太少,似乎給了我多骨部分,扣分!2. 白切雞味道正常,幸好有叫多蔥,都OK~3. 飯是我喜歡偏硬身夠乾,合格!4. 凍央有驚喜,好飲有甜有苦,讚好!5. 湯可選紅湯白湯,但紅湯好難飲,咸死人,咪搞!午餐自取有9折,本身比較貴的茶餐廳,但味道正常,都算方便~外賣等了10分鐘左右,算是比較慢,所以在附近走一走。上環有很多更便宜及優質的茶餐廳,繼續努力探索!!!!!!!!!

今日返半日，原因係～颱風落波落左波，全香港人趕頭趕命返工，我迫地鐵都迫到變沙甸魚😑返到公司附近，緊係食埋lunch先返去啦，餓死人咩😤龍記-外賣食得多，堂食係第一次，今日見佢餐牌有：煎雞扒飯/意粉（菠蘿汁），咁就試一試咩係菠蘿汁啦龍記午餐好豐富架，有餐飲之餘亦有餐湯，我就選左中湯-節瓜豬骨湯，餐飲就熱奶茶講返個菠蘿汁先，原來似似地酸d既茄汁，相當開胃，雞扒好淋呀，好好食😋😋龍記食物質素唔差架，但價錢就略略貴左少少😰，但金錢反映質素既，同埋佢地服務真係好好，所以我地平時都經常幫襯外賣。*午餐外賣自取有9折架

龍記燒味茶餐廳上環德輔道中300號華傑商業中心地舖今日離開呢邊探朋友，佢就帶咗我黎呢間茶餐廳開餐，餐廳係西營盤附近，近電車路好易搵到，睇見meun見到常餐有好幾款都好吸引，心大心細好難揀最後我揀左羅宋湯豬扒通粉，湯底都幾濃郁仲有d紅蘿蔔，雜菜，食晒d通粉之餘仲可以飲埋個湯都幾正架另外我朋友就揀左麻辣肥牛撈公仔麵，望落都唔錯架，佢話次次黎都係食呢個，精髓就係個麻辣醬度，唔會淨係得個辣字，撈埋d公仔麵食好match。另外跟常餐仲會有埋好香脆既牛油多士，同埋好足料嘅奄列，入面有洋蔥腸仔火腿，食埋呢個就夠晒飽啦

中上環呢頭，想食個lunch真係選擇繁多🤩🤩，屈指一算，淨係茶餐廳都超過30間。呢間位於德輔道中，電車路嘅龍記燒味茶餐廳，喺西港城附近，地點易搵。今日我就同friend一試佢個下午茶燒鵝瀨粉～呢個下午茶做緊特價只係31蚊，已經有大大碗燒鵝瀨加飲品，而佢冇因為特價而偷工減料，見到幅圖都知份量豐富，瀨粉亦煮得啱啱好，唔會太淋👍湯底明顯係用咗茶記通用嘅雞湯黎煮，我就略嫌鹹咗DD，凍奶茶啲冰太多，下次要記得叫佢少冰！西多+茶走～西多士中間有花生醬，好香，好明顯係啱啱炸出嚟嘅，蛋味香濃，外脆內軟，茶走即係紅茶加煉奶，今次明顯奶嘅比例太多，如果下次叫佢分開上，自己diy，我諗應該會好啲🔆食物水準和性價比來講，呢間真係唔錯，總括嚟講餐廳嘅食物比較偏鹹，如果注意埋呢一點就Perfect👍

今日繼續小妹嘅茶餐廳靚評，點解我咁鍾意品評茶餐廳，因為夠貼地吖嘛😊😆呢間位於上環德輔道中，近西營盤位置嘅地舖，喺電車路，地點非常之容易搵，據我所知，佢應該只係開咗四五年， 所以裝修方面都係比較新淨！今日食佢個常餐，中午11點後就有🌟沙嗲牛肉麵～麵質略嫌佢硬左少少，但係沙嗲牛肉真係好正，牛肉夠嫩，沙嗲味香濃🌟跟餐係配奄列＋牛油多士～牛油多士十分香脆，奄列材料有洋蔥、香腸、火腿，十分嫩滑，煎得啱啱好👍🌟另外推介跟餐加$6嘅特飲～菠蘿蘆薈冰除咗啲冰太多之外，杯野真係冇乜缺點，蘆薈同埋菠蘿嘅份量亦都好多，令我好回味，下次一定要再叫😁

暫時喺我人生黎到呢刻，我食過最難食嘅燒排骨就係佢呢間野！諗住求求其其食個燒味飯算啦～$59 連埋柸凍檸茶，唔貴亦唔係特別平！首先我喺d 外賣apps 1:38pm 落單，話1:49 ready for pick up; 最後佢2:05 先比到我！ 因為佢係喺我追嘅情況之下先發現冇處理我個order~! 今日勁熱，雖然門口有野擋擋太陽，但都係好鬼熱囉，等呢15分鐘我已經出哂汗，我感受到呀姐見到我等咁耐都覺得唔好意思，我都答返佢：「算啦，都唔關你事」返到office 打開盒飯即刻食，啲燻蹄係OK 唔錯嘅，只係肥左小小，但個燒排骨呢，真係乾到不得了！ 嘩～ 真係唔知佢要overcook 左幾耐先做到呢個效果！好彩佢柸凍檸茶又幾好飲！

未有疫情時的龍記lunch hour 經常無位所以已經好耐沒有去了,今日唔知食乜好之際路過望入去見到唔多人,同事話如果唔需要搭枱就入去食啦,於是問一問店員可唔可以唔搭㭘~店員說可以便安排我們坐了個卡位,午餐都有好幾款另外還有幾款常餐選擇,同事點了瓜粒雜錦魚湯泡飯我就點了個常餐瑞士雞翼撈麵跟花旗奄列多士,同事話佢個魚湯泡飯真的唔多好食,至於我個瑞士雞翼都可以夠入味奄列有好多料~有洋蔥火腿腸仔,如果喜歡食洋蔥應該都係1個唔錯嘅選擇

因為係附近就腳，貪方便係果度食過幾次野，唔食由自可，一食就把幾十火。講真啊，相比起一般大集團果D食物質素同杯野飲黎講，龍記早餐都係普通一般預左交行貨架啦。但每次食早餐果陣都會遇到同一個問題，就係一間餐廳最重要既服務態度，佢地某D伙記一朝早就趕頭趕命係咁催催催，特別係早上既時間，（由其是見到個著黑色衫既，睇佢叫人做野同個格，估計應該係經理黎）真係唔願做咁，由一入門口開始，到叫佢埋單都係無表情催催催好似趕客咁，唉，食餐飯姐，唔開心可以唔好放上面度咁對D客既。經過幾次不愉快既經歷之後，仲想我再幫襯龍記都幾難！一定唔會再去，亦會叫屋企人同同事唔好幫襯