龍門冰室 (Closed)

終於有機會來朝聖啦！現場睇到，因為就快午市，好幾個一人客如我即使見到有卡位或大檯，都諗住盡量攝位或者先詢問店員等安排入座，等佢可以做多啲生意，反而係店員話隨便坐，若見到人客坐得太密而又有位的話，仲會主動叫客人坐鬆啲，另外店員都好有禮貌，收咗嘢之後會輕輕補句「慢慢坐！」當然你可以話因為疫情關係人客比平時少咗，但小小舉動，已經感受到關心同愛！黃到金嘅黃店果然名不虛傳！#龍門冰室#人客同店員都好好禮貌唔該前唔該後#黃店店員同人客質素就係高啲

💛香港人嘅茶餐廳💛相信係呢大半年裏面，冇人會未聽過龍門冰室呢大名💛，一間真真正正屬於香港人嘅茶餐廳，甚至係學生嘅飯堂💛，任何時候都大排長龍，實屬黃色經濟圈嘅表表者🔝。蜜糖雞翼💲45因為之前食過覺得太好食嘅關係，所以一次過order咗兩碟😝😋，蜜糖味香濃，整隻雞中翼360度都滿足蜜糖汁😋，外皮煎得好香脆，火喉啱啱好又冇煎燶。.黑椒香蒜牛扒拼炸蝦鐵板餐💲95牛扒超級大塊厚肉，蒜香味好重，炸蝦嘅炸粉略嫌多咗少少，薯條係粗果隻薯皇黎架😍，新鮮炸起都好香口好脆。.咸牛肉玉子叉燒飯💲55叉燒瘦嘅部位比較多，叉燒同埋蛋都份量好足😎👍🏼，大件夾抵食。.咸檸檬七喜💲22原罐七喜自己倒落去檸檬同冰嘅杯入面，唔係其他茶餐廳咁多多冰少少汽水咁樣😎。

3.6特濃牛乳芝士玉子常餐黑松露雜菌芝士玉子燒 - 淡淡黑松露香味，蛋皮包著芝士再包著雞髀菇丶蟹味菇，雖然個玉子燒未去到日式嗰種厚蛋做法，但目測都見佢捲到四層😋半份多士 - 可揀牛油/ 果醬/ 煉奶/花生醬，我揀咗果醬，厚度適中，比我想像中脆，成份餐之中覺得算最出色嘅，有驚喜！👍🏻蕃茄濃湯牛肉通粉 - 湯底好淡，唔似係濃湯😅，無乜蕃茄味，牛肉好腍，肉味淡，唯一嘅好係啲通粉唔係平時過淋嗰隻歐陸滋味餐雞翼丶炒蛋丶牛油厚多士 - 呢個餐就真係普普通通，唔知點解炒蛋會係等於玉子燒😂熱檸茶 & 熱咖啡 - 都有茶餐廳水準成個Menu仲好多選擇平日下午都要等一陣位，要值得讚讚店員都好友善！服務好好！

每次經過龍門都要排隊，尤其係lunch hour，今日終於有得懲罰吓黃店😌🖐🏼秘製咖喱厚切吉列豬柳飯$54吉列豬扒好大塊，仲要好厚，炸得啱啱好，熱辣辣咁拿出黎。碗飯仲要超大碗，一定飽肚。🖐🏼芝士煙肉焗薯蓉配奶油脆豬和凍奶茶$38焗薯好大碗，芝士唔會好厚，所以食完亦唔會有太大罪惡感，但薯蓉亦好飽肚，脆豬既煉奶唔會過多。Menu 好多選擇，係一間大包圍既茶餐廳，基本既選擇都好齊全，應有盡有。侍應服務同態度都幾好🖐🏼下午茶：紅豆朱古力西多士和炸蝦見到紅豆西多士好似好新奇，叫叫左個。西多士中間係朱古力醬，係西多士上面再加上紅豆，味道幾特別。炸蝦亦炸得幾好，係熱辣辣咁端上黎。跟餐配杯凍檸檬茶，個杯好特別，份量亦適中

難得今日早收工，仲有大把時間，終於可以去排隊食久仰大名的龍門冰室🤟🏻這間餐廳的背景不用多講，一間典型的香港茶餐廳，食物選擇眾多，有齊中西式，供應早午晚餐。雖然店內的食客和外面的客人一直源源不絕，但店員仍然保持良好的服務態度，對每位客人以禮相待，值得讚許👍🏻1. 瑞士汁雞翼湯公仔麵配3.6北海道牛乳炒蛋配厚多士 $48瑞士汁雞翼滷得很入味，但估唔到瑞士汁連公仔麵其實都夾😋蛋炒得剛剛好，唔燶👍🏻多士很厚身和香脆，如果大家像我一樣鍾意花生醬，記住要落單前提示，因為原本是查牛油的😂整體來說，每種食物都唔錯，幾好食👍🏻

今日去龍門冰室食咗個鮑魚仔茶餐，呢個餐個鮑魚仔麵唔係最好食，最好食反而系奶油厚多士，同個炒蛋。個茶餐包埋杯凍咖啡，凍咖啡吾錯。我地晚上7點左右到，呢間餐廳都幾多人，要喺門口等大約10分鐘先有得入去。我朋友食咗個豬扒雞翼炒烏冬。呢個餐份量偏多啊，一個人食都差啲食唔曬。豬扒，肉質夠淋。但係個雞翼，反而冇呢度有一個小食~蜜糖雞翼咁好食。之前食過蜜糖雞翼外脆內軟，外面嘅皮有甜甜蜜糖味。今次試唔到咁多野食，下次先試埋呢度啲奶茶啦 !

講咗咁耐，終於黎到龍門冰室一試！為咗避開人龍，我大概兩點幾黎到，等咗幾分鐘就即刻可以入座。一睇份menu真係超級多選擇，茶餐廳有嘅，依度都有，有選擇困難症嘅一定有排揀🤣糾結完一輪，我同朋友就決定嗌1. 鮮茄汁雞排焗意粉餐（配凍朱古力）2. 秘制咖哩厚切吉列豬排飯餐（配凍奶茶）3. 下午茶：紅豆朱古力西多士+炸蝦（配凍咖啡）.雖然全場爆滿，但好快就有得食！咖哩豬排飯超級大碟，塊豬排好厚，又炸得好脆，唔會淨係食到炸粉。咖哩汁偏甜，如果想食咖哩又唔食得辣嘅就啱曬。鮮茄汁雞排焗意粉又係好大碟！尤其塊雞排，大到嚇死我😳仲要好厚好滑！啲茄汁食得出係用新鮮蕃茄食，唔係嗰啲好假嘅茄汁味。西多士炸得唔錯，唔會好油。西多士配紅豆原來都幾夾，食落仲唔會好heavy添🤣除左面，中間都有紅豆，所以啖啖都會有紅豆味。炸蝦又係炸得唔錯，唔會好油，又夠香脆！Overall，龍門啲份量真係好大份！大食嘅男仔都會夠食。尤其推介炸物真係煮得好唔錯！特別一提，餐廳職員態度都好好！雖然不停有客落order，但都會keep住好有禮貌咁serve每位客人💛一定會返黎encore!!

每次黎開銅鑼灣真係排隊都唔怕都要食既龍門冰室見住佢地有好大進步由漏左麵包同湯到而家乜都齊晒個扒意粉咁靚先係70蚊 係銅鑼灣area 真係搵唔到第二間而且好食左好多d 意粉唔再燶底真係好開心佢地d 扒又大塊又有良心既冰室黎

經常聽到龍門冰室,但每次經過都好多人排隊.怕排隊既我當然驚驚啦..好彩有一日既下午茶時間.無太多人排隊.咁好機會當然要入黎試啦...入到去都好多人.職員做野好快手,又好好禮貌,好好笑容.😍黎個卡邦尼亞意粉🍝配厚切三文治🥪,另加熱檸蜜🍵.因為係焗意粉,所以要等約10分鐘.下午茶加飲品$41.唔算貴.望住門口既人出出入入...好西利呀!👍👍👍👍個意粉唔算好濃味.岩曬香港人口味.配厚切三文治.下午茶真係一流...飲埋杯熱飲.好有香港風味.有在家食野既感覺.下次會再試晚餐,望落好好食😁龍門冰室暫時有五間分店,港九新界都食到龍門冰室地址：屯門龍門路43號龍門居第10座地下102號舖電話：2449 6363龍門冰室地址：尖沙嘴金馬倫道34-36A福橋大廈地下A及B舖電話：2413 4366龍門冰室地址：銅鑼灣登龍街28號永光中心地舖電話：2413 4168龍門冰室地址：炮台山電氣道254-280號華凱大廈地下舖電話：2413 4318龍門冰室地址：紅磡寶其利街47號銳光中心地下電話：2325 2686

My families and I went to a restaurant called ”Lung Mun Cafe” (龍門冰室) located in G/F, Circle Tower, 28 Tang Lung Street, Causeway Bay銅鑼灣登龍街28號永光中心地舖. There is a full house of the restaurant during the dinner time!!“Baked steak rice with curry sauce”牛扒焗飯配咖喱汁HKD$56..The curry sauce is flavourful...And the dish is piping hot!!! Highly recommended!!“Fried fish fillet” (front )炸魚柳（前）HKD$16..“Pan Fried pork chop ” (back)煎豬扒（後）HKD$14Incredibly juicy, tender, soft, moist and succulent!!..Superbbbbbb!!!Hi

除夕的lunch，係風雨中度過的一年，同事 提議去龍門冰室，由灣仔行去銅記都好快，因為係2:00時段，有人排隊但唔算太多人，加上有個同事先去等位，便好快有位入去了，thank個同事呢。 第二次幫襯龍門冰室，記得第一次幫襯正是9/6⋯果時係因平同有位坐加上個人like茶記，今時今日係別具意義良知小店同仍然個人like茶記加上平。 餐牌，下午茶時段，都幾多選擇，要了H+2，流心芝腿西多士配鹵水雞脾。 流心芝腿西多士(H)配鹵水雞脾(2)，$38。 份量十分豐富，鹵水雞脾夠大隻，都幾入味，不俗，焦點係件流心芝腿西多士到，太吸引了，西多士大件夠熱，口感香脆，內餡有火腿及半溶的芝士，香甜又滋味。 熱咖啡，正常水準。 食物味道不俗，下午茶幾抵食，良知茶記必幫襯呢。

良心飯店良心僱主出名到也不用介紹了， 今次一家大細親身感受到什麼叫做招呼周到， 幸好也不用排太耐隊，店員替我們找一個合適的位置安置小朋友。店員還給我另一張椅子，擺放我們一袋二袋的戰利品。我們order了的全是小朋友至愛: 芝士肉醬薯條，蜜糖雞翼，星級鐵板雜扒龍蝦汁意粉 和 鮮茄牛扒焗飯。芝士肉醬薯條~ 薯條一向是小朋友的至愛， 這個芝士肉醬薯條，營養價值更高， 不會太硬身太過熱氣。蜜糖雞翼~ 雞翼邊炸得脆脆的，又醃得很入味。星級鐵板雜扒龍蝦汁意粉~ 份量十足食物在熱騰騰的鐵板上吱吱叫，有牛扒、雞扒、帶子、德國腸、粟米等等。 最特別的是有一朵煙三文魚玫瑰花，超值又低食。鮮茄牛扒焗飯~ 牛扒大過手掌，鮮茄加芝士更是絕配。最後來一杯特調iced cappuccino，滿足滿意之感立即湧上心頭。整餐飯也很足料及好味道，人情味更是滿瀉。

大力懲罰 講到銅鑼灣食宵夜我諗10個有九個都會話係去懲罰懲罰懲罰龍門冰室今次都唔例外同朋友一於去大力懲罰佢冰室茶餐廳一定要試吓紅豆冰但係今次就試吓佢嘅奶茶紅豆冰 今次叫咗一個升級雜扒入面有煙三文魚雞扒牛扒腸仔等等份量都幾多食到好飽 $110 個人覺得呢度嘅肉係兩個飯嘅份量所以價錢可以接受咖喱汁焗雞扒飯 $56講到焗飯龍門冰室嘅焗飯質素都算唔錯食落去熱辣辣似係啱啱焗起 原本想叫芝士汁但係可能生意太好得返咖喱但係都唔錯大家都可以試吓黑松露雜菌玉子燒撈丁$70原本以為主角係玉子燒點知原來主角係撈丁🍝大家要留意番啦 唔好好似我哋咁傻當小食叫😂薯蓉焗青口$45有四隻算係一個份量唔大既小食 兩三個人食啱啱好唔會太肥膩😗😗😜總括嚟講龍門冰室係一個晚餐午餐宵夜都可以一試嘅地方 大家不妨嚟支持下嗰日嚟到侍應對我哋都好好仲撩我哋傾計講笑 覺得呢度嘅氣氛好正面唔似係食一個晚餐午餐咁簡單直情係差咗電

呢間呢排好hit既餐廳，今次我真係第一次食，呢排每次經過都見到出面好多人排隊！今日見難得少人啲即刻入去試吓！龍門冰室係一間好有本地風味嘅餐廳，食物亦都充滿香港風情，帶遊客嚟食一流！今次我就叫左啲特別啲嘅野，羊架，滷水雞髀撈丁配黑叉燒，再叫咗黑松露薯條。全部份量都好足夠，羊架夠羶，黑叉燒入味，黑松露薯條炸得好脆！仲特登叫咗兩個特色飲品，奶茶紅豆冰及菠蘿冰，兩樣都唔會太甜而奶茶紅豆冰呢個新配搭仲出奇地好味！雖然大家都食得好急，不過呢個其實就係香港嘅文化。食物反而唔係重點，香港人嘅人情味先係值得欣賞嘅地方！下次再試！

星期六下午喺灣仔諗唔到食咩... 又唔太肚餓, 男朋友於是提議去銅鑼灣搵食近期幾多人講, 出名要排隊嘅冰室, 今日呢d唔旺嘅四點幾下午茶時段都有成十個人排緊隊!! 😲 大家都安靜, 似做好心理準備要排咁, 好有秩序嘅客人👍🏻排左半個鐘左右, 終於可以入席😁 食物選擇都算多, 一般茶餐廳有得食嘅佢都有。見到瑞士汁雞翼我又忍唔住要食配3.6北海道牛乳炒蛋加厚多士, 嚟多杯熱奶茶, 個雞翼都OK, 個汁都夠入味 奶茶亦合格。為食男朋友就叫咗個咖喱牛腩炒蛋飯, 啲牛腩略嫌韌咗少少.. 值得一讚嘅係餐廳雖然坐滿人, 上菜速度還算快, 唔需要等太耐。小插曲係觀察到隔離枱嘅食客, 嚟嘅食物錯咗, 加上佢已經等左一陣, 侍應已經表現得唔好意思, 食客反而安慰侍應話佢會慢慢等, 唔使咁緊張 感覺餐廳嘅食客都有心幫襯, 唔介意多人又肯耐心等, 氣氛幾好, 稍為用多少少時間都唔會有人介意