瓏門冰室 (Closed)

今日做嘢經過尖沙咀，喺門外見到佢嘅常餐好吸引，一於入去試下先🙂我係睇到呢一個玉子常餐被吸引入嚟😍個餐好快就送來，好靚仔叉燒湯意粉都好正常 ，叉燒唔會好乾，意粉彈牙，個湯都唔會好鹹，奶茶入口幼滑而不會有好苦澀的味道玉子燒方面我揀咗黑松露雜錦芝士味，一切開啲雜菌汁湧出來，加埋濃香誘惑的蛋同吃，熱辣辣吃得滿嘴幸福空間都闊落坐得舒適多士我揀左花生醬 多士烘得都夠香脆 花生醬幼滑香濃 我個人喜歡加啲白砂糖同吃 勁正😋

同朋友去完科學館食tea，我哋叫咗兩個3.6特濃牛乳芝士玉子燒常餐一個蜜汁叉燒湯意粉、一個鮮茄濃湯牛肉通粉，我嫌通粉有啲稔，唔係彈牙冇乜咬口，蕃茄湯都唔係好濃，一般，牛肉都好稔，麻麻地一個黑松露雜菌芝士玉子燒、一個咸牛肉芝士玉子燒，同朋友一人一半黑松露雜菌芝士玉子燒就真讚👍🏻👍🏻👍🏻 有啲芝士拉絲，又多菇☺️☺️我鍾意呢個多過咸牛肉仲有每人半份多士，食完好飽😂😂咁多嘢食都係$44（凍飲加$3），抵，不過碗粉就差啲，有待改善

朋友不斷推介瓏門冰室既黯然銷魂飯，講話有好多舊大大舊既叉燒，好抵食好好味咁話本身仲唔信架，因為知道唔係周圍既黯然銷魂飯都好味，好多都係伏伏地。咁今日黎開尖沙咀，就順便入黎試試呢到既黯然銷魂飯有幾好味啦！一上菜，真係比佢嚇親，成個煲鋪滿晒叉燒！ 叉燒外貌睇落都係靚既，已經吸引左我眼球有兩隻煎蛋，諗住可能用隻蛋黎遮住，下面係空既。點知，一拎開塊蛋，d叉燒真係鋪滿晒成個煲 真係好誇張數過有成8大舊叉燒！仲有幾條粗粗既菜心叉燒肥瘦適中，唔乾身，十分juicy厚切，勁好味！ 大推！男朋友就食常餐，一如以往既蛋子燒，不過都係我個黯然銷魂飯吸引d!!!

武漢肺炎返咗鄉下，我地終於可以清淨一下， 呢排尖沙咀好熱鬧， 我地同friend去完教主度打卡， 就周圍搵嘢食~ 行行吓就諗住食炒嘢， 咁就諗住去瓏門~ d姐姐仔好有禮貌， 仲介紹我地食二人餐加餸，抵食d 其實就咁叫都ok, 不過佢咁盛意拳拳， 就聽佢講啦~我地4 個人， 叫咗佢個二人煲仔餐， 揀兩個煲仔菜再加碟油菜同燒味， 再跟兩杯嘢飲， 都幾多嘢食 我地揀咗瓏瓏雞煲同埋魚香茄子煲， 再加個椒鹽九肚魚~ 先嚟個叉燒， 好食喎， 好香好淋好軟熟， 仲係厚切， 口感好好， 真係幾好食， 阿姐都冇介紹錯個瓏瓏雞煲同魚香茄子煲都好大煲吓， 好食~ 碟椒鹽九肚魚d九肚魚肥美到呢~ 真係好正 我地當然清晒碟啦， 夜晚叫餸食飯真係唔錯， 抵食又好食見隔離叫咗豉椒炒蜆， 勁吸引，d蜆好大隻架。。。。 不過我地細食， 驚食唔晒，下次嚟食先再叫

尖沙咀瓏門冰室平日要排長龍，今天經過不用等，可以馬上直入，跟朋友一起到這間餐廳食下午茶，最吸引是黯然销魂飯，馬上想起周星弛食神的叉燒蛋飯。這次選了流心芝腿多士配炸食脾，還有，焗卡邦尼意粉和鹵水食脾，食物普遍味道很好。意粉内的烟肉比較小，味道尚可。之於，雞脾無論鹵水和炸都很好，食到骨處没有红血，炸皮也有點脆，雖然没有肉汁，煎得金黄色，賣相也算吸引，合我口胃。地方環境很好很方便，卡位尚算舒適，就餐空間算是合理，有足夠隔離，兩個人不太迫，可以傾談。厠所衛生情況可以有改善空間，冷氣也可以接受，甪膳餐具自己用熱水再洗乾淨，上餐時間也尚算不是太耐，我個人覺得可以接受，播放着外國歌，如U2 的經典歌曲 with or without you，整個氛圍完全感覺不同，今人有缅懷過去的感覺，環境和食物都很好，服務員服務態度也很友善。整體以言，環境和食物都很好，當然，我没有浪費任何食物。

#尖沙咀黃店🍽下午茶 G4💰45⭐️瓏門冰室 (尖沙咀)📍尖沙咀金馬倫道38-40號金龍中心地舖==============================📝黎到瓏門食下午茶，叫左流心芝腿西多配魚柳，放心今次唔係凍哂上枱。西多係熱既，魚柳雖然唔係即炸，都係微暖既。西多流心效果一般，片裝芝士加火腿，無特別好食。另外塊魚柳就真係極品，眼見都金黃色脆皮，理應正常，一切落去就知中招，硬到呢，咁實淨既炸魚實在少見。食落亦有一陣雪味，失望失望。今次真係超失望，奶茶又唔掂，野食又唔滿足，仲浪費左我個quota 食西多😤💫⭐️⭐️不推介

由於選擇繁多，樣樣都好似幾好味，所以就望住個餐牌好耐。最後就選擇咗豉油雞髀同卡邦尼意粉，配上一杯少冰少甜嘅凍奶茶。42蚊既下午茶餐+3蚊凍飲可能係隻碟太大？! 望落食物好少，以為會食唔飽。點餐嘅時候仲擔心個雞髀用刀叉進食會食得好唔方便，但上碟隻雞髀望落好殘好老，手起刀落既時候，好容易骨肉分離。食起上黎有啲 驚喜， 個汁好好味，而且啲肉又唔會鹹又唔會嚡口。值得一讚係個意粉其實好好食，夠晒creamy又有芝士味，焗到熱辣辣， 所以最後都食到好飽。由於個意粉係需要即刻焗嘅，建議肚餓/趕時間人士就唔好叫焗嘢啦。

3.6特濃牛乳芝士玉子常餐 $44🍜叉燒意粉：我最愛嘅叉燒夠曬蜜汁又夠多😋意粉食落比其他餐廳嘅飽滿👍🏻🍳玉子燒：其實係嫩滑嘅奄列，可以自己選入面餡料，我配咗吞拿魚，望落唔靚，但實際好好食🥰🍞多士：同樣可以自己選擇用咩醬，我選擇咗果醬，類似係柑橘醬，唔會太甜，夾落烘咗、脆脆哋嘅多士度，真係冇嘢可以挑剔👍🏻☕️奶茶：去茶餐廳我通常飲熱檸水/熱奶茶/紅豆冰，而呢一杯熱奶茶確實係幾好飲，既有奶香亦有茶澀☺️

竟然係第一次食瓏門暗然銷魂飯$68 🤩好食過敏x冰室有十幾舊半肥瘦叉燒全部大大嚿淨係食叉燒都夠飽仲有一隻半熟太陽蛋🧡再加上煲仔飯豉油唔係剩係得一兩條菜 係有幾條嫁！本身都唔鍾意食飯嘅呢個飯煮到粒粒分明好煙銀我都食咗好多飯咁嘅價錢仲要包野飲真係好抵呀3.6特濃牛乳芝士玉子常餐$52雪菜肉絲米 +黑松露雜菌芝士玉子燒+煉奶花生醬多士+熱茶走米粉份量很多本身叫咗黑松露雜菌玉子燒但後尾嚟錯咗香辣肉醬芝士玉子燒由於真係唔食蕃茄唯有同侍應講返好快又來返黑松露玉子燒🧡所有玉子燒都好似隻手咁大份有成半吋厚塊多士好鬆軟☺️兩個女仔完成食唔哂 最後叫左外賣盒 可以pack好另一個飯

雖然龍門出名難食 但其實食左幾次我印象都幾好因為我本身係個好大食既人 所以好多時出街食野有個問題係覺得唔太夠喉但黎到龍門我只會食唔哂多過唔夠喉所以就算龍門個價比起普通茶記既平均4-50係貴dd 不過我個人覺得十分值今次叫左黯然銷魂飯 $68蚊(凍飲+3)份量有幾多睇圖就知 接近以本傷人咁濟三大隻半生熟蛋+一堆叉燒 而且叉燒雖然擺得樣衰左d 但都見到全部係半肥瘦 唔會成舊油/勁柴既瘦肉加埋個甜豉油 吉穿隻蛋撈落d飯到食 正到爆講真龍門就算水準唔穩定 叉蛋飯呢d必勝combo都可以伏得去邊 呢個味道呢個份量令我周不時都會想專登出黎食

話說以前網民成日俾一大堆負評 我自已就係負評時期都有食過2-3次 唔覺難食到左今時今日佢地改革廚藝 最近呢3次食返都覺得真係好食！之前食過乾炒牛河真係一絕！好耐冇食過有鑊氣既乾炒牛河 個份量仲要勁大份！兩個女仔食一碟都會好夠飽今晚就試埋暗然銷魂飯同瓏瓏雞煲首先講左暗然銷魂飯先，用沙煲上 有幾條菜芯+兩隻太陽蛋+鋪滿半個煲面既叉燒 然後海量既飯 成碗野係滿到唔知邊度夾起好 味道方面 太陽蛋爛左一隻 叉燒唔肥 望落好瘦但咬落係好淋 有筋位所以好彈牙！又唔係死咸既cheap豉油味 係有驚喜既！$67仲連杯熱飲真係好抵然後到個瓏瓏雞煲就相對失色左D份量一樣好大份又熱辣辣+白飯+油菜+熱飲 $69性格比黎講係好高嫁喇！不過個雞煲似炆雞多過係雞煲 佢冇個種惹味既感覺 仲咸左DD 同埋係整定一大煲再不出黎咁 因為我食左幾舊雞翼🤦🏾‍♀️同埋個雞皮都炆到淋哂 個感覺好唔新鮮不過佢都唔係唔好食既 係同我相像既雞煲有出入強烈建議大家食乾炒牛河好過叫雞煲😉

今日去了尖沙咀聽講座， 聽完都1:30, 重要落大雨， 是是但但揾間茶記食就算。 尖沙咀的茶記午餐閒閒地都50-70 蚊。 我呢d小市民想揾d平價餐食下都係要靠自己。行金馬倫道街尾行到街中，見到瓏門冰室，貼滿Label，唔使諗就行入去食啦。茶記姐姐叫我自己揾位就得，於是一個人坐卡位都幾舒服。 望望餐牌有個CP值無得輸的抗疫午餐。 唔使諗就叫左呢個吉烈豬扒煎旦午餐肉飯。 吉烈豬扒炸得好香好脆，咬落塊豬扒有肉汁，煎蛋剛剛熟， 有少少蛋汁流出， 午餐肉就失色少少， 太簿太乾身。 跟餐杯奶茶就正， 又熱又有茶味。

好耐以前已經成日食瓏門，今次久違黎食下。質素算係無點變，價錢都係抵食。不過衛生程度真係可以改善下。碗碟每次上枱都有啲唔屬於我叫個樣野嘅醬汁，感覺唔多好呢😅🔸吉列豬扒米線拼奶醬多及炒蛋 $50吉列豬扒嘅size比起以前食嘅細塊左，炸落都香脆，配返沙律醬都好食。米線就比較唔中意個湯底，感覺有啲渾濁。炒蛋不過不失，尚算香滑。食瓏門常餐最鍾意就係食佢個奶醬多啦，煉奶同花生醬都好多，不過塊包今次都係細塊左呢😂好耐無黎發覺仲多左好多菜式，有煲仔菜個啲睇落都幾吸引，下次有機會再試試啦😁

武漢肺炎搞到天下大亂，飲食業都好難捱，大家真係要多d出街食飯，幫手撐良心店~ 本來諗住嚟龍門食佢個下午茶放題， 點知阿姐話今日人多，唔得閒做放題， 咁算啦~ 照食其實食放題係迫自己食多d嘢， 一個正常人，食佢兩個tea set 都真係好飽， 食放題只係等自己有個放肆嘅心態，其實真係差唔多錢我一向同雞有不共戴天之仇，我緊係食雞脾啦~ 佢個tea set其實都幾好， 有兩款嘢揀， 可以任你點配，實揀到啱食嘅嘢~ 我要咗滷水雞脾配粟米碎蛋沙律， 個friend就要咗炸雞脾配Q版焗肉醬意粉， 個滷水雞脾好入味， 都好食， 個粟米碎蛋沙律就似什果沙律多d, 都幾好食又大兜。茶記幾十蚊嘢， 如果你當米芝蓮餐廳咁食就死啦， 佢咪係一間正正常常嘅茶記~ 幾十蚊食到咁飽，真係no complaint啦~ 支持呀！

之前因被人流傳一些問題而沒幫襯一段時間的茶餐廳，裝修了的尖沙咀店比，比之前好像開陽及坐位多了，老闆今在店內工作，又再落手落腳做。每個人也應有重來的機會，就讓他再出發吧！先點了「瑞士汁吉豬餐蛋飯」$49看餐牌好像蠻多餸，來到感覺份量足夠，吉列豬香脆，加上煎蛋，午餐肉及少許沙律菜伴食，當相豐富，又包了冰底汽水，正！我們等多5分鐘便是2時，點餐可更平宜。（3.6特濃牛乳芝士玉子常餐）$44特濃牛乳洗心芝士咸牛肉玉子，厚厚的雞蛋包住，餡料滿滿，多士從不欺場，新鮮麵包果醬甚多，這份（油粘多）好味，（沙爹牛肉湯通粉）份量足夠，牛肉與通粉滿載，這個小通粉質感合我，加埋杯夠味華田，真正抵吃及好味的常餐。坦白說，比起昨天去九龍城的懷舊老冰室，價錢高一點點，質素與份量卻不是正比，雖位處不同地區不能並論，但我們心裡有數。