碧儷苑·精點粵菜 (羅氏商業廣場)

Open Now

Now Closed

新搬來荔枝角，到處搵新店試菜。每次路過呢間精品粤菜馆都被菜品海报吸引，所以特登同朋友來試試。週日中午12點到，裡面已經坐滿人，門口也有人排隊，睇陣勢就知一定冇來錯！比起一般的粵菜酒樓，呢間的點心同環境都精緻好多~最驚喜係小籠包，餡料多汁，皮薄而精，夾起時唔會破，味道正宗過很多上海菜館呢間餐廳有幾樣造型可愛的點心，很是吸睛！最後選了小企鵝~後來發現衹要有小朋友的餐台，小企鵝是必點菜品，原來小企鵝是陳皮豆沙包外形超可愛，味道中規中矩！

帶亞仔上完畫班，想搵地方坐得舒服等上下一堂，星期六忙過返工😅點心好夠熱，仲有好多酒樓都無見到既乾蒸牛肉賣，唔會太多肥肉，外皮唔癡口。紅油抄手個汁好好味，個汁要留黎點其他野。海蜇頭超爽，入味👍🏻👍🏻亞仔超like 既荔枝奶皇煎堆，做到真係荔枝咁，奶皇唔會太甜同糊口，仲有細細粒荔枝肉響入面，好食！仲有個鮑汁花菇鴨掌撈麵，一打開唔見鮑魚同鴨掌冬菇，原來藏左響下面，等麵響面，咁就唔會俾汁浸淋左d 麵，細心👍🏻👍🏻個汁唔會死咸，麵爽口。

是日與家人到長沙灣剛開業一個多月的「碧儷苑．精點粵菜 」分店吃晚飯，因在中午時間經過常常食客滿載，趁晚上放工即來到訪。先點茶，後點菜，先來一壺「瑰荔堂煌」這名字很華麗，其實是玫瑰花荔枝茶，花味清新，荔枝茶香甜，這茶很好喝，女士們最愛的味道。「杏汁白肺湯」這個湯杏香味濃郁，這是一道滋潤養顏的手工湯水。這個熱騰騰的湯水端上來，陣陣杏香撲鼻。職員說這是用1比1比較的杏汁及雞湯組成，味濃順喉，呷一口暖入心扉，連湯料都十足份量，超正。「生煎蘿蔔餅」煎至兩邊金黃，一絲絲的蘿蔔，超清甜爽，配料臘腸和香蔥也很惹味，非常涮嘴，沾點辣椒醬更讃。「窩貼金蠔」這個我超愛，米通裏加上鹹蛋黃製成，配上墨魚膠加上煎香的金蠔，三層口感，味道豐富，鹹、香，鮮味在口腔裡 穿梭交集，吃到一口接一口，絕不能錯過，回頭十分率高。「手淋脆皮炸子雞」雞肉嫩滑，雞皮薄身而且超脆口，平時少吃雞的我，也忍不住再吃多幾口。「冰凝小企鵝」甜品胃時間到，這個賣相精緻及可愛，亦是打卡好時機。 企鵝是豆沙包，好看又好吃，十個讚呀！「紅袍荔枝」是荔枝奶皇煎堆， 荔枝造型相當逼真 。而且外面的糯米皮煙韌脆香，內裡奶皇蓉微甜不膩，味道也是不錯。

呢間位於長沙灣道786-788號，羅氏商業廣場地下A號舖，店名碧儷苑，今日大風，大雨，午餐唔行甘遠，與同事就一於試新開嘅碧儷苑，醒目嘅我11點前訂定位，去到就不用等位了，呢間酒樓價錢唔算平，但食物質素非常好👍🏻，點心款式多，精緻，有特式，每款點心都好味，今日我地叫左太極蝦餃、燒賣、鳳爪、金錢肚、懷舊臘腸卷、櫻花蝦脆蝦腸粉、和牛野菌卷、椒鹽魷魚鬚、大澳蝦羔海皇炒飯，每款點心都非常好味，個炒飯食時有鍋巴嘅感覺，脆卜卜，非常好味😋，服務態度很好，環境舒服。