邁爵斯 (中環) (Closed)

聽聞中環區開咗一間性價比好高嘅餐廳，所以晏晝同左四個同事一齊過嚟試吓⋯⋯因為11:30急急腳過咗嚟所以唔使等位就可以入座，座位唔係太多不過裝修都幾優雅 又唔會話太侷促因為始終中環嘅鋪租好貴我同同事都叫咗同一款意粉 香辣海鮮意粉，果汁醬好惹味食第一啖嘅時候有辣第二啖就係野味有幾開胃因為咁啱夏天都幾醒神，我就叫咗一杯熱情果柚子梳打 酸甜酸甜咁而且有熱情果嘅果粒 分外覺個香辣海鮮好回味同事叫咗杯玫瑰鮮奶咖啡，佢話幾好飲玫瑰味好突出 係正常嘅玫瑰花香 唔會係色素味其餘兩個同事都嗌左香蒜蜆肉意粉 佢哋話有食到酒香味而且勝在真係好抵好大碟而且好好食😋所以呢個會成為我哋日後嘅飯堂了😃😃

今日難得放假🎉，約咗friends去中環覓食😚。見到有間餐廳雖然位於中環，但一啲都唔貴🤤，而且食物份量都唔少，特別係意粉，好抵食👍🏻！-🍴香蒜白酒蜆肉炒意粉🍝($39) - 意粉嘅口感都都偏硬身，唔會煮太耐太淋，幾唔錯😊！味道方面都好ok，會食到有好香嘅蒜味，蜆肉都唔少，意粉仲要好大碟，好足料👍🏻！無諗過係中環都可以食到CP值咁高嘅午餐😆。-🍴香辣海鮮意粉🦑🍝($52) - 意粉都係偏硬身，而且好大份😋。配料都唔少，主要有青椒、魷魚、蜆肉，真材實料👍🏻！依款意粉只係少少辣🌶，超級惹味，也米😍超推！-🍴香烤鴨胸墨西哥捲餅🌯️($35) 配薯角及熱紅茶☕️(+$22) - 可能成間餐廳得一個店員關係？兩款捲餅都幾燶😖，唔止見到表皮有明顯嘅黑色，食落都苦苦哋☹️，面頭會有啲醬，好似想蓋過燶咗嘅地方。如果撇除燶嘅部份，其實味道唔錯🤔，捲餅入面由頭到尾都有鴨胸同配菜，唔會話只有中間部份有。薯角好香脆🤤，會有啲甜甜哋嘅醬係表面。-🍴玫瑰煙三文魚墨西哥捲餅🌯️($38) - 除咗過火🔥之外，其實咁嘅價錢係中環食真心唔錯🤭。同上一款捲餅一樣，煙三文魚同配菜都係遍佈成條捲餅。

今日中午周圍逛去揾食時，居然比我發現在中環區有大碟夾抵食的餐廳，當然要入去一試啦，本着試的性質只叫了一碟香蒜蜆肉炒意粉，來到後我心嘩了一聲，咁大碟怎吃到呀！這份量足夠2人食，如小吃的女生可能夠3人食添，我見隔離枱3個女仔叫了一碟意粉，一碟墨西哥捲餅配薯條，見到她們食到一半就叫好飽，兩款加起才百多元，3人分真的非常之抵。我碟意粉不是太油，味道適中，在不知不覺間被我整碟KO了！(本人比較大食）但下次一定要约多幾個人來一齊分享多些不同款式的食物。

本舖係深水埗 出名大大碟意粉 兩個人加碟小食一定夠有突 好奈之前都食過深水埗嗰間一兩次🤣 佢嘅牛角包🥐同蜜糖薯角🥔都係人氣之選 不過中環分店就冇得食呢兩樣啦😗————————————————————————🐕 香辣海鮮意粉 （$52）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯中環只供應4款意粉 🍝最平$39就有 呢款係最貴中環分店同樣大碟😛兩個女仔食完一碟都飽飽地就連男仔都食唔哂一碟呢間意粉煮得比較硬個人都okay呢種硬度 但未必人人接受辣汁似加咗少少茄膏 🥫酸酸辣辣 頗為開胃炒至均勻 所以幾入味海鮮有蜆同魷魚片🦑蜆肉細粒頗多 但食得出係雪藏 唔太新鮮魷魚片厚切軟身 正正常常————————————————————————🐕 玫瑰煙三文魚墨西哥捲餅餐 （$57）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯餐配薯角/沙律同熱紅茶☕️墨西哥捲餅煎到燶咗😂🌯中間軟 尾端脆捲入煙三文魚同椰菜 冇其他料😮雖然個底有好多玫瑰醬 但比較淡口所以食落都係比較raw同單調要靠面頭啲沙律醬吊吊味 薯角熱辣脆口不過如果好似深水埗店咁淋上蜜糖就更好啦————————————————————————總括黎講 質素平

之前去開深水埗店知道中環蘇豪區開多咗一間即刻同朋友過嚟試吓。知道嗰邊嘅價錢十分之優惠性價比好高，但黎到中環都依然仲係好平個價錢嚇死人！今次嚟咗是香蒜白酒蜆肉意粉，味道同埋做法同深水埗有區別，呢邊嘅酒味好出檔次都upgrade咗！😁😁😁真係好好食之餘又好吸引相機食先！我哋仲嗌左一條煙三文魚墨西哥卷，佢個擺盤好靚好吸引人 所以我哋都係咁影相30幾蚊呢個價錢好似食緊高級西餐廳咁😂所以都介紹咗朋友下次再嚟幫襯我

睇了食評見到平平地就午飯時間和同事試下。舖好細，不過一早知道，因為是以前小澤的舖位，老實講已經比以前小澤坐得鬆動。但中間有塊膠板會好些，始終座位太密。等了一陣直接入座，叫完食物先付款。和同事傾下傾下半小時過去，先來兩杯飲品。涷黑松露鮮奶咖啡$42好重松露味，但原本無落糖的，反正我平時飲熱咖啡不加糖，無所謂啦!但真有點苦。飲到最後冰溶後，有層油係水面。荔枝玫瑰梳打$29，同事話太多玫瑰蓋了荔枝味。再過十分鐘，香蒜白酒蜆肉炒意粉來了，味道以$39咁大碟來說真無得頂。不過跟我上次外賣的香辣海鮮意粉一樣有小小仍是硬和貼在一起，但今次只得一串，上次外賣有幾串。玫瑰煙三文魚沙律$65終於到了，好大碟，大量羅馬生菜，但有小量生銹了。5大片煙三文魚，再加好小量蛋黄醬和芝士粉。蛋黄醬有點新穎，不過因得非常小，加上我向來喜歡吃草，所以冇咩問題。性比價高的一間餐廳，但趕時間唔好去。最後要讚服務非常好

呢間店真心值得推介，cp值極高！出名平同大份量，食完發現冇將貨就價，非常良心♥️意粉當然唔可以同fine dine 做比較，但食得出有用心烹調，麵條煮得軟硬言適中，來的時候非常熱，應該是即叫即整？雖然蜆肉意粉十分簡單，但每一條意粉都入味，食到creamy 既口感，蜆肉沒有殼，但超多！兩個人點了一份意粉，本來不餓，但因為美味，兩三口就Ko 左！出乎意料👍👍兩人都夠食🤤飲品叫了水蜜桃荔枝梳打（$～25）價錢正常，唔會太甜，冇d好假既化學糖水味，好飲既！呢間堂食，空間小，店員都很忙，落單請體諒可能要等陣，平日8點多都滿座。我都係經IG介紹黎試，果然值的推介😍😍絕對會再黎～

星期五晚放完工差唔多成9點都唔知食乜好諗住去老麥填飽個肚就算，機緣巧合之下去咗呢間到叫外賣番屋企食So much surprise!! 真心抵到喊，而且好好味好夠味 意粉煙韌（$38 only抵到唔敢相信），叫左個burrito + 薯角好卜卜脆同埋超多兩個人外賣150蚊有找 仲要食唔晒咁滯應該係我喺中環返咗咁多年工第一次星期五食到咁抵嘅嘢 (最開必係終於唔使再食kebab😆😆) service亦都好好喺中環SOHO竟然可以搵到平靚正嘅嘢🥺有啲感動

13:15打去叫外賣，話要20分鐘，我1:35到，最終要2點先有。如果你趕時間，你千祈唔好去。Lunch time買外賣要等係好正常，但係要等九個字我諗唔係好合理。

中環有分店，必食推介，經濟實惠👍🏻👍🏻👍🏻食過深水埗果間都諒解一分錢一分貨嘅道理，我指環境衞生咋😂新店開張一定乾淨、企理👍🏻係中環區可以食到咁嘅價錢，低讃👍🏻餐牌同深水埗大同小異，不過冇左鷄扒配意粉set 😢可能舖頭比較細冇一個area可以自取芝士粉,辣椒仔等調味料，自助式取水位比較近其他客人枱，不太方便！我大約早上11:50分到，剛開門入內未見人龍，不過到左15分鐘左右，人潮開始嚟，外賣又多，要企到門口等位🙌職員好有禮貌，唯一係啲芝士粉呀，辣椒仔講真比$39堂食不設加一，食大大碟意粉都冇乜要求嘅😜！不過品質都唔錯，意粉都彈牙，蜆肉也有好多！所以超級值得推介👍🏻👍🏻👍🏻

同朋友啱啱中環收工，原本諗住去蘇豪區happyhour 飲杯酒但係見到有間新開嘅小西餐店，見到價錢咁平所以入咗去試一試。入到去先發現原來啲裝修都幾靚，聽店家講呢度係第二間分店開張冇幾耐，心諗第二間店應該都幾好唔會差得去邊先可以開到第二間分店㗎。由於仲有個朋友未到所以我哋嗱嗱聲就嗌左飲品先，我嗌左杯水蜜桃荔枝梳打，唔會太甜好有童話嘅feel隻顏色係童話玩夢幻同埋我試咗香辣海鮮意粉，個辣到適中都比較野味所以我應該會再食第二次仲有就係個玫瑰煙三文魚墨西哥餅捲佢個三文魚加咗芝士 同埋有個玫瑰執仗仲可以影埋相添感覺都幾好朋友叫咗個柚子煙鴨胸沙律，佢哋自家製嘅有子沙律醬好好食😋🥃⋯⋯😍😍😍😍😍😍😍😍

平時黎港島 成日覺得食野好貴 之前係太子個間成日去食 但就有啲遠 今次係中環開左間 一於試下 食物質數都正正常常 幾好味 最緊要係真系好抵食同朋友兩個人黎食一碟都夠曬飽 真心推介 評價小店

今天已經是第二次過來光顧了，可能是剛剛新開張的緣故沒有太多人坐得好舒服好休閒而且在吧枱上面可以嘆一杯咖啡感覺好正。上一次試了蕃茄牛肉意粉，還試了玫瑰鮮奶咖啡今次因為是有人請客所以食得闊氣一點，我叫了一個爵斯玫瑰煙三文魚沙律，以及一個玫瑰煙三文魚墨西哥餅卷拼薯角，還有玫瑰荔枝梳打，因為我實在是玫瑰嘅喜好者！三文魚沙律清甜新鮮 ，佢個玫瑰汁醬處理得好好至於個三文魚餅卷就焗得幾除然後佢個薯角淋上清甜蜜糖都幾夾整體環境呢度都幾好所以都會keep住嚟幫襯

之前經常幫襯開深水埗majesty, 但嗰邊有時要等位，所以轉左過嚟中環呢邊環境清靜啲坐得舒服 因為啱啱新開張所以過嚟捧場！呢邊有啲特別嘢食 咁一定過嚟試啲新嘢喺深水埗未試過嘅今日試咗玫瑰煙三文魚墨西哥卷，外皮覺得好趣一邊滿滿芝士而且個玫瑰醬幾好甜而不假，好夾啲三文魚而且有啲玫瑰花點綴用嚟影相一流仲有試咗一杯黑松露泡沫咖啡 黑松露味都好濃郁而且好滑所以我同老公都好中意仲叫咗和牛漢堡真係個肉質好Juice而且薯條都炸好好食好脆所以勁鍾意！

今日途經中環 見到新開了一間餐廳 於是入去品嚐一下美食 單點了一份意粉及一杯飲品 沒想到這個價錢 會有這樣的級數水評 首先這個羅勒鮮蕃茄牛肉意粉 無論醬汁 分量 都相當令人滿意 味道真的絕配 蕃茄醬不會太酸 而且每一條意粉都會有蕃茄醬的味道 至於配料方面 蕃茄及牛肉 也配合得很好 牛肉不會太韌 蕃茄非常新鮮 還配上了香草配料在上面 至於水蜜桃荔枝梳打特飲 分量沒想過這麼大杯 這杯特飲不會太甜 很適合現在夏天喝的特飲 清新獨特 值得一讚 我會成為回頭客 還會推薦給我的朋友