馬泰 (Closed)

昨晚舊曆生日,我同妹妹帶同2個小朋友去東港城行街,路經馬泰,見裝修唔錯,有sofa位,小朋友可以坐得舒服d,於是便在此食飯,因為好肚餓關係,6:00已入到去,當時都未有客人,佢地見有小朋友仲主動送左2個小禮物比佢地,侍應態度ok之後我地叫左:1. 細冬陰公 (幾好味,足有5碗,不過湯料得2隻蝦都好多細細粒既菇)2. 雞肉青咖哩 (唔好食,水流流,又冇咖哩味)3. 油酥餅 (好食)4. 蛋餅 (幾香幾好食,小朋友鐘意)5. 拼盆 (問個侍應2個人食會唔會多得濟,佢話唔會,個拼盆4個人食都夠,冇乜特色)6. 馬拉盞通菜 (order完都冇5分鐘就拎黎,應該一早整好曬,不過呢個好好食)7. 菠蘿xx炒飯 (我冇食,不過幾o岩小朋友食,有提子粒又有菠蘿)8. 29蚊2杯飲品,叫左2杯椰汁珍多冰,ok啦幫我地茖order個侍應好似鬼食泥咁唔知佢講咩,總體都ok可以一試

今晚7:30去到, 3位, 要等2-3張枱, OK啦, 咁等, 點知等咗40分鐘都未有位, 反而大枱, 2人枱, 唔使點等就入得, 門口阿姐全程無笑容, 到45分鐘, 叫枱居然SKIP咗我地個NO. 我老公即時拍枱鬧阿姐, 先死死地地帶我地入去, 我即刻去收銀位同o個位先生投訴。我都好少食飯, 食到要咁勞氣, o個位阿姐仲無say sorry, 雖然d野食都ok, 但價錢都幾貴, 下次都唔使叫我o黎幫襯!!!

星期六等咗成粒鐘先有得食入到去感覺都唔錯，個奶油大虾好好味，最值得一讚門口嗰個帶位小姐好好笑容，我等位期間問咗佢兩三次有位未佢都冇黑臉，仲比咗張咭片我叫我下次可以訂位潻，我下次都會再嚟但一定會訂位！

咖哩最令人失望，唔香唔辣，一味奶味。蝦餅之類亦普通。蠔仔蛋無味，只可以自己狂點辣醬。最失望係作為東南亞食品但係整體竟然欠惹味。份量少，不過味道唔好都無關係。最正只係有位師傅即拉即煎既各式薄餅，首推蛋餅同乾蔥餅，好食到不得了。環境服務都可以。

晚同bb同埋另外一個朋友, 喺呢度食飯, 選擇呢度既原因係因為可以坐得耐d之餘,嘢食都幾好味!琴日下午巳經book定位7:30, 驚佢超多人, 7:20去到, 都仲有位剩,坐低睇睇餐牌,d嘢加咗價,都幾貴.3個人叫咗:迷你併盤:香葉雞,蝦餅同埋春卷,啱啱炸起,味道都唔錯,3樣都唔錯,幾好.飛天通菜:睇餐牌有2隻辣椒,諗住好勁,食落都唔係,炒菜一碟.蛋網海鮮炒金邊粉:呢個賣相好靚,裏面d海鮮都唔少,個粉炒得都唔溜,幾好味,加埋魚露,一流!海鮮冬陰公湯:呢個咸少少,但係好好味,好足料,好多海鮮,嗌咗細既size, 倒起都有成4碗,正!芒果糯米飯:芒果好甜,新鮮貨,糯米有2種味,紫米同埋糯米,暖暖地都幾好味.埋單HKD381,價錢唔係話好貴,但都係中上價錢,侍應們勤快有禮,自動斟水,食甜品時,主動轉碟,想食好D同埋揾個地方傾吓計,係一個唔錯既選擇

今日(sat) 其實已經係第二次黎呢間餐廳食午餐, 今次都係同媽去食, 午餐的set 同平日一樣, 有12款 ($3x - $58), 有炒粉麵, 又有飯, 仲有特色的油酥餅(最愛~)加十蚊仲有成5,6款ge 小食可以加跟餐有野飲, 凍熱一樣價錢, 特飲(e.g. 三色冰, 拉茶) 就要加$4 好,講返今日ge lunch, 今日叫左海南雞飯 ($45) 同埋咖哩羊膝配油酥餅($58)個海南雞飯, d 雞ok , 幾有味, 亦好滑, 個飯就比較硬, 整體都ok 的(當然風味未及我在新加坡大排檔食的好味同抵啦)個咖哩, 幾香, 唔太辣, 羊膝份量好足, 但係唔知係咪雪藏的, 一d 羊味都無, 有d唔知自己係咪食緊羊肉個油酥餅同上次一樣, 熱辣辣上, 又脆, 同甜甜地, 勁鍾意食順手講埋上次食過的海鮮喇沙, 個湯好香椰香, 好多餸, 同埋係有兩種麵mix 埋一齊的(我都唔知係咪叫正宗, 不過, 我鍾意~)嗯, 可能星期六, 都幾多人下, 到埋單果陣, waiter 唔多夠, 等左陣先有人理上次平日去, 所有野都算快註:佢在門口位置有報紙雜誌俾客人拎黎睇同埋佢有食夠$100 就一個印花, 儲

星期六3點半一人去下午茶, 怎料門口侍應說無位. 個侍應講完無位, 都唔講多句, 叫人等等或好快就有位之類, 好似唔願做生意咁. 但看見在裏面有2張大枱是空的, 居然唔比位我. 如此招待, 本應不再幫襯. 但未吃過下評語, 似不太好.今天午飯時候再去, 價錢不算平. 叫了泰式湯粉, 味道o.k. 但牛肉原全無味還帶點靱, 不如去大家樂食越式湯粉好了, 起碼平很多. 加了一個雞翼, 炸得很香口, 但味道比起魚米家還是差了一點點.那些座位設計又差, 梳化是一連過的, 鄰枱那個女人坐落郁來郁去, 連帶到我坐的都受影響.舖仔細細但侍應總不知去了那裡, 落單, 埋單到找錢都要等.服務, 味道, 價錢, 坐位舒適度都不如人, 不知還有什麽可以招客.

今晚放工約左朋友食飯~食左一陣.最後決定簡依間餐廳..原因係佢店內環境比較吸引..門口又有個魚池..俾到一種優雅ge感覺!!!!d食物真係唔錯,,由其係油酥餅..唔會太油..軟軟地甜甜地!!!好味!!! 仲有條魚..都幾大條..仲有d魚湯好正...送飯又得..我用黎點個油酥餅又覺得唔錯@@..無得頂!!!價錢又唔算太貴仲有值得讚ge係個服務..雖然睇落去d侍應生比較多後生仔..唔知點解硬係覺得後生仔比較無咁nice一點..但原來依到ge waiter又唔同..有笑容..加水又ok密.."請問、小心、.多謝、byebye"~好有禮貌..最好ge就係有耐性.唔會話敷衍你..厭你煩..好似我朋友叫佢拎完meun轉頭又叫佢拎濕紙巾..佢拎到先發覺桌子已經有..害佢白行一轉但佢依然好nice咁笑笑口!

D油酥餅好甜好好味!!! 我一個人可以食3個但係海南雞飯D飯一粒粒, 好生好硬, 我咬唔到, 最後我媽媽叫waiter幫我換, 我地覺得個waiter 唔係咁nice但因為油酥餅太好味, 我都係要比高分D, 我一定會再黎

我多數去食午餐價錢合理, 味道好好~午餐有差唔多7個咁多, 我差唔多個個都食過~總括都係好味~特別推介: 咖哩羊膝配油蔥餅 海南雞飯＊呢度o既凍奶茶個人覺得好好飲, 唔會俾d冰令成杯野好淡, 夠奶味

星期日的下午，又過了東港城搵食，今次係去親戚極力推介的馬泰，據聞這裡的紅咖哩羊膝配油酥餅非常出色，於是二話不說點了一客試試，lunch set $55 連飲品一杯先來的是紅咖哩羊膝，試了兩口，羊膝肉質算是頗鮮嫩，但可惜羊羶味略為欠奉，整體只算一般。油酥餅是即叫即製的，多層的油酥餅口感配上了紅咖哩汁的確係非常好味，熱辣辣更加令人食到停唔到手，咖哩汁小辣多甜，容易入口，的確值得推介!另外，試了少少海南雞飯，質素賣相各方面俱備，比什麼泰國人海南雞好了百倍; 至於咖哩牛腩的咖哩是平常食的黃咖哩，所以要食紅咖哩，必定要選配羊膝呢!最後，餐飲的凍奶茶也是即場拉出來的，味道不錯! 要注意的是不要坐得太接近門口，因為電視機發出的聲響相當煩人... 令不錯的裝修大打折扣。最後，每惠顧滿一百可以儲印花，儲夠一定數量印花可以換Free Lunch，這生意頭腦也不錯呢!

早兩個禮拜六去新開的馬泰食晚飯,味道唔錯,但可惜要等好耐,個次我地等個半鐘頭，下次唔訂都唔敢去．好在有位師傅表演整餅，同埋有電視不停介紹馬泰菜式都無咁悶．特別要介紹燒雞，好好味，又嫩，一ｄ都唔老．另外ｏｒｄｅｒ油蘇餅，點咖哩，實在太好味ｌａ．大家一定要試一個甜品，唔記得叫乜名，但其實係麵餅一塊，捲到好高，好似座山仔咁，餅上面搽ｄ蜜糖芝麻椰絲，甜甜地好鬆脆，慢慢”ｍｉｔ”黎食好過隱．呢道的環境唔錯，服務都幾好，值得再幫襯．

很多食物多接近馬拉式而非泰式, 如咖喱蟹及海南雞飯, 睇餐牌係唔知的...價錢都幾貴, 午餐要$39-$52(海南雞飯要$48), 咖喱蟹$188...

星期日因為婆婆想食薄餅,所以一家人去咗東港城馬泰到食飯. 7個大人,2個1歲大嘅細老,Total我地大約食咗$630.一開始我就叫咗: 蝦球青咖哩, 什菜黃咖哩, 菠蘿焗海鮮飯, 炒金邊粉, 再加2種唔同薄餅. 後來發覺唔係好夠,再叫多個薄餅& 2人餐,入面包括: 烏頭魚, 印度炒面, 海南雞飯, 甜品(2人餐要$248). 總括來講: 賣相OK. 味道,咖哩加薄餅係最正,一定要食. 菠蘿焗海鮮飯& 炒金邊粉係普通,但係佢地煮得好好味……. 不過個2人餐就無咩特別,味道一般,但唔係差. 可覺得佢地嘅服務好好,個個好有禮貌.我聽到有個客幾粗魯無禮.但係個侍應咁都可以有禮貌地同個客解釋. 比著我就同佢講數啦,哈哈!!

早排聽朋友講.東港城有間新開既泰菜,今日就決定去試下啦.6點半去到.都無咩人我估可能我地早去到啦.點知個帶位妹妹話7點半後訂檯已爆晒啦.問我地一個鐘時間後俾番張台距.甘就地就(喇喇淋)就叫個人來介紹幾個菜啦.距就介紹左個馬沙拉羊膝一個馬拉棧通菜同一個炒金邊粉.果個羊真係好得..聽距話係得獎作品.羊肉一點都吳酥.煮得好好味.D肉好淋..`吳講真係食吳出羊肉啊.果個馬沙拉`汁點鬆餅根本就係絕配..無得彈啊.果個菜啊...好辣....好正..辣得來好香.我唸就叫一個菜都食到幾碗飯啦..到果個炒粉.我已經好飽啦..但是食落甜甜地.酸酸地.又食左一大碗啦.哈哈..總體來講..值得再番食..