麻甩系(花甲粉)

Open Now

Now Closed

又嚟到一季一度為我家主子進貢嘅日子😮‍💨🐱買完貓糧同罐罐，都係時候要慰勞下自己轉返出嚟享和街就見到有一間舖頭既裝修同成條街格格不入，就好似漆黑中嘅螢火蟲咁鮮明🤣行埋啲一睇，原來係間賣花甲粉既小食店嚟😳喂你講到世一花甲粉，冇理由唔試架😛自問就食唔到辣啦，好彩佢花甲粉都有蒜香味，啱晒我呢啲爆蒜嘅人，小食花多眼亂，咩都好想試呀！最後老闆推介左我試佢哋自家製嘅蒜爆腩肉。天氣咁乾燥，再叫多個木瓜雪耳糖水嚟潤下先😻不得了，成袋外賣香到連搭小巴坐隔離個姨姨都問我買咗啲咩食🤣一路聞住餓住返屋企簡直係又期待又折磨終於返到屋企打開個外賣，首先是食咗個腩肉先，雖然返到屋企已經凍咗，但依然好惹味，忍唔住一次過啪曬😻個花甲粉份量大到癲咗😳CP值極高！入面仲有海量娃娃菜，金菇😻大概都有8至10隻花甲，就咁聽落花甲好似唔算多，但每一隻都好大隻飽滿！而且最重要最重要嘅係，啲花甲係冇沙架！！！！其實食完個小食同花甲粉已經飽到上心口🤣但個糖水實在太吸引，忍唔住食埋佢。雪耳煲到起膠，木瓜好鬼甜好好食🤤咁足料都係$15，講起都想食多次下次過開去入貨🐱又多個食到變肥既理由啦😻

麻甩系(花甲粉) (荃灣)同朋友去荃灣覓食，喺荃灣廣場行出嚟，過多個街口，好快就見到呢間裝修好有品味嘅小食店，叫麻甩系！😆餐廳專賣花甲粉，仲要叫世一花甲粉，呢個名已經係好吸引啊！再加埋店舖內嘅美食相，真係唔試唔得呀！🥳花甲粉個餐牌上都有三個選擇，最吸引我既就梗係世一花甲粉$52 ，配料有花甲、娃娃菜、粉絲、金菇、豆卜、蔥花和芫荽。😀😀唔想食海鮮嘅朋友可以揀$49嘅蒜腩粉，有蒜爆腩肉！又或者都可以揀自選麻甩粉，有唔少食材選擇自由搭配。想食飯既朋友都唔洗失望，餐廳亦有飯類供選擇。我叫咗一客麻辣花雕雞飯和一個世一花甲粉。先講下果麻辣花雕雞飯，係即叫即整既，一落完單，師傅要立刻轉身煎雞扒，但我miss 咗無睇到佢點整個麻辣花雕汁👍，因為果醬汁真係好好味呀！又麻又辣既醬汁加啖啖肉雞扒，起級正！當然，亦都唔可以唔會提佢果世一花甲粉啦！ 好多花甲！ 好有鮮味！ 我揀咗唔辣既蒜香原味！ 口味豐富！ 極度推介！除此之外，我地亦都叫咗一客糖水，有綠豆沙、木瓜雪耳和腐竹雞蛋糖水揀！我揀咗腐竹雞蛋糖水，跟餐既話加$8就可以試到啦！ 想滋潤下就梗係要試下啦！

荃灣廣場後面兩條街新開一間專做外賣既舖頭，比佢既舖面吸引左！好多特色滑板 果然夠「麻甩」😆😆除左佢出名既花甲粉，都仲有好多唔同款式既食物叫👍🏻今日想食香口野，所以叫左個蒜爆腩肉飯 🐖一打開蓋！勁香！佢既蒜香同麻辣粉～好吸引！雖然只系做外賣，但拎到番屋企～ard 30分鐘 都暖👍🏻當然即刻食就更正🥳每舊腩肉都平均沾滿椒鹽粉，厚薄適中，煎到啱啱好有啲焦，但係又未去到燶👍🏻❣️麻辣花雕雞拼年糕 老細話呢個似系雞煲，不過系一人份量，咁就唔使一個人想食雞煲嘅時候都嗌成煲雞或者要等埋全世界先可以食！但係佢就算係一人份量，佢嘅份量都唔少！D雞夠嫩🐖🐖 同埋好入味～不過都幾辣同麻配年糕，年糕比較厚，如果博少少會好啲，不過年糕擺得耐少少都會變硬，所以建議可以返熱佢食，同埋啲醬汁可以撈一撈，因為年糕擺最底，撈晒啲汁會好鹹～～最後都叫做出名嘅芝麻雞翼，都係有啲辣味-切合佢嘅鋪名「麻」甩🤣⭐️⭐️⭐️⭐️⭐️高度強烈建議住喺荃灣附近嘅朋友仔，可以試吓叫呢間外賣因為佢係即叫即煮！夠新鮮！住得近一定唔驚！包佢熱

經過條車房街見到呢間咁五光十色嘅舖頭咁有趣，就試吓佢咩料🤣🤣🤣食物種類有炸物 有小食 有炒飯 有糖水，真係總有一味啱你心水。見佢門面大大隻字寫住世一花甲粉，無理由唔食架。難得星期五晚一條友緊係食豪啲😋老闆推薦「炸小龍包」，出面好少見。要炸個皮一定會比較厚，炸得啱啱好，配埋小龍專用醋，$30/5粒，抵過飲茶食頂點啦👍🏻👍🏻👍🏻身為餃控，去到邊都要餃餃佢。大大粒韮菜餃面頭加少少五香辣粉，勁野味👍🏻👍🏻👍🏻👍🏻到重點花甲粉，老闆主動問我拎幾遠，仲幫我分埋湯。$49唔算平但好大份，包你食得飽。花甲粒粒都有肉，數量仲唔少。我叫咗麻辣大辣，辣得好頂癮。真係會上癮👍🏻👍🏻👍🏻👍🏻👍🏻最後加埋個超足料糖水，大滿足👍🏻👍🏻👍🏻

今日行開依頭，見到有間小店裝潢好特別亦好吸晴，所以入去睇下賣咩先🧐🧐入到去都見佢賣既野款式好多，同埋最特別係主打花甲粉！！因為平時d鋪頭係賣米線多，好少粉絲做主打。。。我地依d當然要支持下小店啦！！所以我就叫左主食＋小食＋糖水！！叫左感多野食，等既時間都在合理範圍內，始終得一個人負責煮感多野食。。花甲粉我加左金菇，香茅豬扒同埋小辣既麻辣，等整體豐富d第一啖食落去！！嘩。。勁濃既蒜香味😍😍湯底好濃郁，應該花左好多心思去調配！！蜆肉係新鮮，重點係完全無沙，最怕d蜆有沙。。而豬扒無雪藏味，食得出有預先醃製過👍👍而小食我叫左麻甩魷魚鬚！！由於佢係即叫即炸，所以食落去好鬆脆！！食左感多炸同辣野，當然要叫碗下火糖水。。綠豆沙佢依款糖水勁足料，不只單純只有綠豆仲加左好多料去煮，重點係起沙，食得出有花心思去煮👍一個人叫左感多野食，會唔會過份左d重點我食曬woo😹😹好滿足既晚餐

打風所以買定嘢返屋企食見到這間店舖有麻辣牛肉球,就決定喺度一次過買埋今晚嘅晚餐店舖色彩繽紛店舖入面仲有懷舊玻璃樽可樂今晚揀咗一個黑椒肥牛炒烏冬韭菜餃、炸年糕、 麻辣牛肉球 同埋冰糖木瓜雪耳糖水韭菜餃：韭菜餡料份量多,被炸咗之後皮脆內軟炸年糕: 煙煙靭靭、唔會好油膩， 另外加咗啲辣椒粉， 非常好食麻辣牛肉球: 原本以為係普通點心嗰啲牛肉球，點知食落有啲唔同，有少少牛丸嘅感覺 麻辣汁夠濃黑椒肥牛炒烏冬: 非常有鑊氣，而且又要分量多，唔會太鹹最後又係最驚喜嘅木瓜雪耳糖水， 最驚喜係糖水係有少少黏， 雪耳分量好多而且夠淋，感覺真係好養顏…… 而且真係好平只係15蚊 經過要再買返碗返屋企非常非常推介木瓜雪耳糖水

早兩日經過呢度見到有花甲粉食😍香港本身唔多見有得食花甲粉🤔 同朋友行街見到即刻買返碗試下💕見呢間店都乾淨企理夠衛生👍🏻 同埋食落有驚喜🤤份量正常 價錢都合理一人一碗加個小食都啱啱好👍🏻本身都好怕食太重味精 但呢間嘢啲口味啱啱好🤤 唔會太咸，同埋真係食到花甲肉！！！個湯係有鮮味！！！ 同埋靚仔店員都好貼心幫手分埋湯，個粉攞走外賣都唔會索到淋哂冇口感！！食到最尾兩啖先記得幫碗野影返張相🙈會想再返去試埋其他野！🤤

放工行過經過見到有間新開嘅小店！！！見到啲嘢食幾特別，夜市掃街小食又有飽肚嘅飯面食，而且裝修有disco 夜市feel !! 幾特別花甲粉超正，湯底味道有層次，辣得泥食得舒服，混合蒜味！正！花甲新鮮。麻辣雞.個汁正，配薯條非常特別，送洒一流。 燒賣 配果個沙律醬好好味炸雞腿，外脆內Juicy ，再配個辣粉，野味十足最後食埋個甜品，木瓜雪耳，勁足料，好潤而且甜度適中，大滿足既一餐呀見到有人買炒飯，睇落去好有鑊氣好香下次要try下個炒飯先😆

新開食店，門面很特別，似台灣小食店。太夜了 收舖前外買了雞翅 同 雞槌， 回家後凍了，但仍意外地好味。 雞槌似係有花雕味，唔似一般食店的無味。下次早點想試下個花甲粉，香港唔係好多地方有得食🤔