澳門冰室

Open Now

Now Closed

早餐時間一般去到11點，過咗又想食的話，就可以去澳門冰室了！呢個時間，人不多，舒舒服服食個早餐，不錯的選擇！早餐時間至12點！最愛食💁🏻‍♀️鮮油豬仔包，拼炒蛋（因為太肚餓，又晤記得照相）😅，沙嗲牛肉公仔麵😋，凍啡！軟身又入味的沙爹牛肉👍🏻，再加上麵身爽口，唔會因爲煮得太耐，而發脹！凍啡，炎熱天氣🔥，最喜歡用呢種質地既杯，感覺更冰凍❄️，冰上再加少少咖啡粉，慢慢溶化，就不會越飲越淡了！

午餐時段等了10分鐘就有位，不用排隊，午餐時段有好多個不同的套餐，價錢大約50至＄60左右超抵食，味道都算OK ,套餐有跟埋菜或西多士選擇及飲品一杯。食飯地方比較擠迫，食完就即時離開。

今日30/3 復活節假有活動，尖沙咀碼頭上船，一於早d出去食個早餐先，揀左澳門冰室。我老公揀左焗豬扒飯另配西多士 $50同埋鮮茄牛腩湯通粉配牛油厚多士配忌廉炒蛋 $46我地兩個都加左$8 配樽仔絲襪奶茶， um......我都係鍾意太x 多d!焗豬扒飯，唔知點解特別鮮紅色🤔，不過味係ok 的！牛腩湯通粉都幾好味，我鍾意食多配料，不過牛腩就好少。西多士原來好細件，不過炸得幾好，內裡搽了厚厚的花生醬，忌廉炒蛋，炒蛋不夠滑，炒得過熟了🍳

例早餐A：香蒜肉碎湯銀針粉，必定是我到呢間餐廳常叫既早餐，$35全包，當然係飲熱飲啦☕️，味道真的非常唔錯，銀針粉有，芫荽，蔥，肉碎，蔥菜，熱辣辣，完全同一般火腿通粉既味道👍唔同，另外配鮮油豬仔包，即烘即食，非常香脆，如果豬仔包有埋煉奶就最perfect喇！再配埋炒蛋或者西煎雙蛋或火腿蛋白，完全係全日充滿正能量既最佳選擇啦！配埋杯熱咖啡☕️，絕對係精神既支柱！

尖沙咀另一個有得吃「常餐」的地方，就是華源大廈閣樓的澳門冰室。午飯時間必然須要等一段時間才能入坐，我當天正好自己一個，可以快速入坐。這裡的常餐款式叫做「特餐」，可選多士或豬仔包，不過嚴重警告豬仔包的包面是十分之硬，內裡的「鮮油」比想像中少。筆者如果再點的話會選擇多士甚或方包算了。至於配蛋就多元化一點，有雙蛋、腸仔蛋白、火腿蛋白和炒蛋可供選擇。筆者點的炒蛋有不少蛋水，不過蛋香尚可。預設的B餐叉燒通粉可改為意粉、米粉或公仔麵，筆者改的公仔湯麵味道普通，湯不算有味，叉燒亦相對淡一點。如果不喜歡淡味的可另選A餐鮮茄牛腩，應該會濃味一點。令人加分的即磨咖啡，注意餐桌只有白糖，需另外叫侍應提供黃糖。

Possibly the worst food I've had in HK. HK is a place full of delicious food ranging from tea house to fine dining, but this one was a huge disappointment. I know it's for tourists but I was tired and got no energy to walk any further. It's overpriced of course cuz it's for tourists. The $$$ you pay here can get you double the food in other places and the taste was DISGUSTING. Hard to believe they cook that trash in HK

今日星期六要番工，為了為自己打打氣，食番個醒神早餐先。我就選擇了澳門茶餐廳旗下的澳門冰室食早餐，叫了番茄濃湯牛腩通粉配脆朱包，先講脆朱包，非常鬆脆，新鮮熱辣，同甜甜的練奶非常夾，好好味。番茄濃湯牛腩通粉，番茄濃湯底煮得好夠味，真係充滿番茄味，通粉煮得剛好，唔會太淋，有口感，不得不提牛腩粒，餐廳豪不吝嗇俾左好多粒牛腩，牛腩好入味又夠淋，配上番茄濃湯底簡直絕配。食完早餐，飲埋港式凍奶茶，頓時覺得好滿足。

週六來到尖沙嘴樂道找個早餐吃，來到樓上的澳門冰室。很快有位，可是服務員都非常忙碌，叫左接近5分鐘，終於可以點餐。等餐時間比想像中久。首先出現的就是這碟炒蛋厚多士有傳統茶餐廳的賣相，份量迷你，所以有D「小食多滋味」的感覺。食完後，好似法國餐咁，等多15分鐘，終於出現銀針粉。味道一般，主要係有好重的味精，廚師好慷慨咁在肉碎及湯都加入大量味精。其實這裡外賣生意好好，多次聽到服務員接電話，話「好多外賣，你一陣先打黎」

條街都到死，股市跌到死！但「the show must go on」！上樓梯後一入餐廳，冷氣已令我舒服哂！明顯校到好凍，但這可能是香港人對室內環境要求！爽！叫左精選特餐：叉燒米粉：叉燒較肥，份量不多，味道可以！煎雙蛋配豬仔飽：豬仔飽鬆脆！煎蛋亦正常！凍咖啡：水準之作，但個人認為甜左少少。

叫左個蕃茄通粉，紅豆冰，野食過得去。但服務態度超級差，其中有個阿姐，放左2碟配菜係我地台面，我地以為係我地既，跟住咪拎一拎起問我fd你個餐係咪有跟呢個，跟住個阿姐一另轉臉就大大聲咁鬧：「唔係你既就咪拎啦！」跟住仲要黑哂口面。我想講你唔係比我地既就唔好放係我地台面啦，仲要聲大夾惡。間野野食唔係特別平，但係價錢我冇咩所謂，反正尖沙咀就算茶餐廳6-70蚊一個餐都唔過份，但服務態度對我黎講代表一切，唔係要待應要比d咩優質服務，但最起碼咪鬧客先，而且我根本冇做過d咩野就比人大大聲係度鬧我。我唔會再幫襯亦都會叫朋友唔好去。（btw衛生只比2星因為佢比我隻鐵匙勁污糟好似冇洗過）

同事很喜歡的一家茶餐廳, 因為價格上不貴及喜歡他們的蕃茄湯底通粉. 走入商場再上一層, 餐廳內的食客約有9成滿. 幸好我們是較早半小時開始的午膳時間. 不太難便找到位置. 餐牌上茄汁系的食品頗多, 而且大部份餐均包括炒蛋, 煎蛋, 多士之類. 不擔心不飽肚. 看了一會, 焗豬扒飯可附一個菜, 感覺上又飽肚又有蔬菜, 較健康一些. 奶茶送上來, 與相片的完全不符, 相片中的是有一碗冰作冰鎮之用. 奶茶味道中規中矩, 由於裡頭沒有冰較一般凍奶茶濃味但茶底不夠香. 沒有額外冰鎮下, 怕奶茶變暖相對不可以慢慢喝至最尾. 價格上要加8元, 有點不值. 比紙張厚一點的豬扒, 以厚度來說叫"豬肉片"較為合適. 茄汁底蕃茄味濃, 炒飯底夠乾身配茄汁OK, 整盤焗豬扒飯扣分在"豬片"上. 

星期日唔洗上班，放假我唔鐘意係屋企，要出街行下或者去公園行下，不過最鐘意就係出街穩食，街邊小食或者小餐廳都隱藏住好多好嘢食，有時周街自己發掘下先會穩到好嘢食，行得有D攰，就先穩間茶餐廳飲個下午茶，澳門冰室近，我地就入去下午茶。番茄通粉，顏色同表麵睇都感覺可以，有少少牛肉粒，番茄味好濃，湯底都係番茄味，酸酸地好開胃，味道都幾OK，豬扒分量大，但豬扒烤得唔夠香，同埋包唔脆，味道一般，所以呢個感覺稍為差少少。蛋撻好似之前好多人都推薦，但一上臺覺得烤得有D隆隆地，但食落感覺又唔錯哦，皮烤得好脆而且蛋液好香滑，奶茶就感覺一般，不過不失，可以飲得落，唔難飲。

約左朋友睇9點半，朋友又要開OT，一早收工既我百無聊賴係尖沙咀左逛右逛咁HEA時間，突然肚餓發作，抬頭一望，見到好耐無食過既“澳門冰室” ，最掛住佢既茶走 同脆豬仔 ，跟著就衝左上去（忘記左要KILL TIME呢個目標，香港既茶餐廳食完就要行嘛！）行條樓梯上到去坐左張4人枱，因為舖頭唔爆，侍應們都無理我，睇睇MENU，原來成間舖頭係無飯嗌架，即係啲餐只可跟意粉同薯菜，一個大男人無飯到肚好驚唔夠飽，唯有叫左個雜扒餐。我問侍應姐姐點解無飯食，佢好肯定咁叫我放心，意粉都一定食飽我。好，我暫且試下你個意粉有幾厲害 。茶餐廳既速度，好快就黎左我至愛既茶走（少甜）同埋碗紅湯（羅宋湯）。茶走個茶膽有少少澀，加埋鍊奶既滑度，飲落去好想再追多啖 。其他茶餐廳既茶走好多時都沖得好太甜，如果少甜又會澀得好勁，剛剛好有甜味同澀味既奶茶真係好難搵到。至於羅宋湯，望落去普通，但入面竟然有幾粒肥腩粒，哈！果然不賴 ，唔似其他茶餐廳既雜菜番茄醬湯。好味 雜扒鐵板轉眼就到，汁一早已經淋好，所以聽唔到“渣”果聲，鐵板上面有火腿，腸仔，雞扒，豬扒，番茄，份量同種類算適中啦，加上蒜蓉汁，味道算係不過不失

星爺當年的<<食神>>中, 提及的美食, 影響深遠.當中令薛家燕感慨萬分的<<黯然銷魂飯>>, 就是叉燒煎蛋飯,有時候, 在餐廳落單時, 我會直接講<<黯然銷魂飯>>.今日, 同事選擇來這家, 我點了<<黯然銷魂飯>> 套餐.醒目的待應, 都會意會這是叉燒煎蛋飯.皇牌肉醬叉燒煎蛋飯好大碗的白飯上, 放有叉燒, 煎蛋, 菜, 肉醬.煎蛋:西式太陽蛋, 以GRILL爐單面煎, 方便快捷,而且部份蛋白仍是透明未熟的.直接篤爆個黃, 與白飯撈勻, 蛋油配白飯好甘香.(我最想食的, 是底面2面有少少金黃色燶邊的傳統荷包蛋)叉燒:望落好似燒得几靚的半肥瘦叉燒,外層有燒焦位及蜜汁, 肉質纖維好明顯,食第一啖叉燒, 几好味,但再食多幾口, 味道有點怪, 有陣梘水味,係我味覺有問題嗎?肉醬: 肉醬意粉的肉醬味,與中式的叉燒煎蛋飯格格不入.為何會加在<<黯然銷魂飯>>上?不過, 用以撈飯OK.茶酒這杯無茶香, 入口唔削脷(唔鞋口), 味道一般,至少

都有一段日子無來澳室冰室早餐了,今日早上去試下, 發現加左价!!!!!!!!!!!!!!!!!!既然來到, 一餐半餐無所謂啦.A餐HKD 34 : 多士, 炒蛋, 肉丁米, 茶酒多士 : 烘至金黃色, 牛油較少炒蛋 : 色水好黃, 好似落左好多蛋黃, 咁D蛋白去左邊?肉丁米 : 第一次叫肉丁米, 米粉較粗身, 唔滑,茶酒 : 第一口, 陣味好怪 (味道令我皺眉, 雙眼乸埋一執)好似有漂白水味,以前的茶酒係OK嫁,衣家點解會變成咁!!!!!!!!!!!!!!!!!!!!隔左几個月, 加左价, 但未能保持以前的水準,唉…………….