馬六

Open Now

Now Closed

今日假期😛梗係瞓到晏一晏先起身啦🙆🏻‍♀️起身第一時間梗係搵食啦😆醒起呢到有下午茶餐，而且坐都舒服，就嚟呢到食我嘅「早餐」🤣嚟到已經下午茶時段，不過都唔緊要，心諗如果份量小，最多咪叫多幾個餐😆今次叫咗個海南雞喇沙摻摻🐣、肉骨茶米粉同埋美碌咖吔多士。嚟到份量，真係同午餐一樣咁多，份量真係好大份下。😱頓時真係覺得抵咗好多🤣下午茶餐價錢其實4-50蚊左右，餐款亦都好多，有湯麵、飯或者小食類都有，仲可以+$8叫特色飲品🤭經過今日我下次醒目，都係下午茶時段食「早餐」🤣

成日夜晚係粉嶺游泳池游完水都想試下食呢間，終於琴晚早游完過黎仲未截單，就過黎試食啦！馬拉茶黎講整體水平中上偏高，但未係最好，覺得好好食但仲係有一間天花板存在會覺得佢未係最好🤣琴晚點左一個套餐同啲小食，整體價錢合理，不過不失😌馬六無骨海南雞飯拼新加坡喇沙一個套餐可以食到海南雞油飯加喇沙，正！雖然喇沙量少，但兩個人食加小食，完全夠哂！一個人食嘅話唔洗加小食！食完喇沙同海南雞，仲可以試下喇沙湯飯🤣榴槤咖央多士望落感覺就係多士，不過食落味道又真係唔會令人吐嘈😛娘惹蘿蔔餅望落去非常之油膩，但食落去唔會，整體感覺幾好😬椰子班蘭冰，幾好飲，不過無特別感覺🤣唔係配餐可以平啲加點唔會特別點黎飲🙈整體兩個人食，價錢真係唔算高，又可以食到好多唔同野，開心！係粉嶺終於有間似樣嘅馬來西亞餐廳啦😆😆不過我。。。都係覺得佢啲小食有少少貴🤣

呢間馬六應該冇一年都有半年今日路經試咗個大蝦喇沙喇沙最重要當然係湯底但湯底味道唔會令你記得佢只可以用普通形容份量偏少數粒豆卜切半，兩粒街邊細魚蛋，數條魚片條，一注芽菜，大蝦唔大仲要切半，1.5隻蝦係咩玩法？奶茶唔好飲，收我78蚊攪到我仲要出去麥記叫雞雖然生活艱難都唔好做衰自己個名其實最重要係分店開得多並不代表間嘢好食

週日午間，人流未算多，在The GULU拿票等兩個號碼，去到有位，侍應馬上有效率地安排坐在二人枱。侍應點餐，未有QR Code下單系統。午餐選擇不多也不少馬六主打馬來西亞和新加坡美食，星馬食物具代表性美食應該是大家都熟悉的海南雞飯和喇沙。我點了午餐L13，馬六無骨海南雞飯拼新加坡喇沙米線$85包熱飲，一個可套餐滿足兩個願望海南雞肉質細嫩，部位一半雞胸一半雞髀肉，肉味就未有發覺有應有的香料味道，伴有幾條青瓜絲，海南雞飯的神髓--油飯，有雞油香，粒粒分明，鮮腴不油膩，個人口味略嫌口感較硬。說到醬料，有齊薑蓉、星馬風格的辣椒醬，黑醬油，用來蘸雞，合拍又提味。沒有了雞湯，套餐取而代之是一碗喇沙，配料有半隻流心蛋、豆腐卜、蝦和炸魚片，湯底有著香料和椰子味，香滑濃郁，份量需少，味道不錯。套餐包熱飲，加$3凍飲，加$8配凍飲，配了一杯美祿哥斯拉冰凍的美祿，上方放了脆脆的可可球，味道不太甜，冰凍解暑。但是否應在美祿恐龍的頂上放一球冰淇淋，才是星馬版美祿哥斯拉。另外套餐可加小吃，$22加配的南洋班蘭咖吔多士多士上枱賣相一般，麵包烘得未夠香脆，牛油咸咸香香配上班蘭醬，味道尚算不錯。埋單: 不用加一，$11

🍽 馬六 📍地址: 粉嶺粉嶺車站路18號粉嶺名都廣場2樓27C號舖💰只供參考💰人均$50-$100😋L02 馬六無骨海南雞喇沙參參 配 D09椰子斑斕冰出色 參參即係代表油麵再加米線 🍜 超級足料勁大碗 麵底超級多 完全食唔晒 米線係好入喇沙味 好濃郁 有少少辣係比較惹味 無骨海南雞喺上面係好出色係完全食到新加坡同馬來西亞嘅味道 雞肉鮮嫩 肉皮均勻 再飲埋杯特飲 正 可以解辣椰子斑斕冰斑斕味超重 仲有少少擺盆 有條斑蘭葉係杯野飲到 冰都係碎碎既冰好似冰沙咁樣 飲落去好解T12 馬六無骨海南雞飯 配 D06 香茅橙茶可以揀油飯或者白飯 但係我哋就揀咗白飯 因為冇咁肥 同上面一樣個雞肉好鮮嫩肉片均勻 然之後呢佢就有配埋砂薑同埋再加啲辣醬啊 分咗三格 比你哋自己點 咁我哋就撈埋一齊食就係完全食到正宗嘅海南雞飯 不過橙茶偏甜A21 斑斕南洋珈央多士 超正 啱啱出爐 熱辣辣一食落去係脆嘅 入邊除左有斑斕醬仲有牛油喺入邊 食落脆卜卜甜得來又唔係好油膩 食落去岩岩好 係好食 個人認為好食過蘇媽蘇媽😹A17 羅惹參峇啦啦 個名雖然好特別 其實就係類似係沙茶醬或者沙嗲醬炒蜆 超級好食 佢係啲蜆肉多嗰啲蜆

在前日特意前來粉嶺中心的馬六吃晚飯。叫了一個魚丸魚條喇沙米線 不太辣、好食。中途有一個白衫嘅女經理長頭髮嘅 前來話一位正在落單的侍應妹妹。她的眼神好像有刺一樣 ，妹妹正在落單 白衫經理説她沒有執好其他桌子安排入座。其實我看見那位妹妹很努力執 幾乎所有桌子都是她執的。試問一個經理竟然責怪妹妹 甚至不體恤員工努力。經理就應該要有榜樣🙂希望那位經理不要欺負他人。7/7

相隔2星期，又想食馬拉菜，就再去馬六。今次點了巴東牛肉拌油麵加魚湯丶燒雞油飯和雞絲雞湯米粉。巴東牛肉偏甜，個人覺得較為遜色，雞碗很有特色，賣相精緻。馬拉燒雞油飯，份量大，燒雞皮香脆，雞肉不會太乾，油飯甘香，不錯。雞絲扎肉雞湯米，❤️😄湯碗好靚，湯頭夠清，配料清新又夠豐富，喜歡味道清淡的必選，不錯。試了2次馬六的食物質素整體都不錯，環境都坐得舒適，枱與枱距離感好，菜式都很多選擇，的確是晚餐的好地方，下次還會再來。

本身都好鍾意食星馬菜🇸🇬, 但香港專食星馬菜既餐廳又唔算多🫤, <馬六>係香港就有7間分店, 港九新界都有🤗,算係最方便突然想食星馬菜既好選擇🤪。Weekend既lunch黎食要撳飛等位🚶🏻‍♀️🚶🏻, 不過1點鐘到等左大約20分鐘就入得😉, 唔算耐, 呢到連weekend都有平日既lunch set 叫好抵食👏🏻🦆娘惹茶燻鴨喇沙摻摻 $53份量好大碗, D茶燻鴨有好多舊🦆, 大約有6,7舊, 連鴨皮一齊茶燻過, 好香鴨油香味🤩, 食落肉質非常嫩滑有驚喜😋，茶燻鴨甜甜地, 有D似平時食鴨胸既味道, 喇沙湯底好濃味而且仲好厚身🤭，會食到有D花生碎口感🥜, 喇沙唔會辣，連湯飲會好飽肚, 仲有溏心蛋🥚亦都做做到有流心效果, 撈埋D炸紅蔥頭🧅一齊食好惹味🤫。🐔馬六無骨海南雞飯拼新加坡喇沙米線 $75 無骨海南雞好多肉, 超滑😳, 有雞脾同雞胸位置, 但雞胸都唔會鞋😲, 有雞油香，跟左3隻醬料醮，油飯🍚都好好食有斑蘭味🍃, 喇沙湯底同燻鴨喇沙一樣🥘, 不過呢碗有蝦🦐有豆卜大有蛋。🐟新加坡咸蛋炸魚皮 (跟餐追加小食 $28)熱辣辣上台勁好食既炸魚皮💯, 炸到好脆, 咸蛋味好重好濃郁🥳

新開張了一段時間，但一直都見好多食光顧未能一嚐，今次專登提早去光顧。餐廳環境都頗有特色，衛生情況良好，而且待應都熱情同快手。難得見到餐廳有肉⻣茶當然要試試，於是叫咗個肉⻣茶拼油飯套餐，飲杯美祿恐龍，另外再叫一份咖喱薄餅。等咗五分鐘左右，待應就已經上餐，賣相唔錯，肉⻣茶係正常一人份量，湯底我嫌唔夠濃味，唔知點解仲會有油炸鬼作配搭，食落去油炸鬼唔夠脆，油飯味道一般，最後食薄餅咖哩味唔錯，唔會太辣又夠香，但得兩塊薄餅。總體黎講性價比較低。

見粉嶺火車站附近名都新開咗間「馬六」，未食過其他分店架，Laksa癮起就去試吓啦。去到門口心諗大鑊喇，好多人等緊位🤡原來係用GULU system，早知喺GULU app到㩒定飛啦，咁就唔洗等咁耐。大約等咗15分鐘左右就入得。推介個鴨肉Laksa 摻摻，鴨胸非常嫩好好味，喇沙就龍咗啲，食到尾好漏食唔晒。海南雞飯普普通通，啲雞唔點醬嘅話會有浸雪味。美祿哥斯拉，我搵唔到哥斯拉，好細杯又唔係好好飲。反而斑蘭特飲就幾好味，唔會太甜，特飲加$8又唔算太貴嘅。餐廳服務都唔錯，兩個人食個午餐，總共食咗二百幾蚊。但原來名都商場竟然係冇泊車優惠！🤷🏻‍♂️只有幫襯百佳夠$500才有得吸車飛😅

有日行山後到粉嶺商場逛逛吃點東西! 這裡也有馬六分店！ 😌 日、韓很普遍，難得來到再返嚼😋 地點位於粉嶺名都廣場，地鐵直入商場內。 職員很專業，對餐牌也熟識！ 夜晚很多人，有些更在等侯外賣。正宗巴生肉骨茶配雞油飯肉骨茶味道濃郁，不會淡如水。 婉內更充滿湯渣精華，有原條骨連肉、大蒜、豆卜等等。 隨餐有雞油飯，飯粒分明自家製娘惹班蘭糕兩件 - 小食有咖哩角、參峇雞翼等等。而鐘情班蘭就挑選了班蘭糕 好像蛋菜糕口感 ！最後配上美祿哥斯拉，好回憶呢 ！

由新開己經開始惠顧無數次，喺家人首選飯堂其中一，服務態度及食物質素一直滿意。唔係近排連續食到一肚氣都唔會寫食評!!!琴日午餐一行四人坐低後，叫「帶眼鏡短髮女侍應姐姐」拎杯水當聽唔到，埋來落單時大大聲訓示我媽，我哋一直根本唔需要點睇餐牌已經清楚自己想食邊過個餐，根據餐牌讀出食物名稱，非要我哋讀編號，講咗一輪最後跟佢要編號落單，落完單講聲唔該要一杯水，回應冇一句收餐牌走咗。最後上餐食物其中一個唔係我點的，落錯單一句唔好意思都無，仲同送餐待應姐姐講佢明明係落岩咗！咩事？食餐飯仲要受氣！食物上枱，水未見蹤影，拎一杯水真係咁難嗎？叫咗倆次被當空氣！最後叫男經理拎先有。今日早餐一樣唔愉快，每日開工前都會同同事約埋落去嘆個早餐，坐低叫咗嘢食未見上餐，覺得唔對路，隔離枱遲來已食緊，搵另一個侍應跟進，原來佢冇幫我哋落單！做飲食服務業咁嘅態度，真係好失望….唔係好想再去食，普普通通食下太興．大家樂開心D，離晒譜嘅態度．真係越做越差。

北區真係冇乜邊幾間食星馬菜，以前想食都要跨區去食，位於粉嶺車站旁邊嘅商場，今年終於開咗間食星馬菜嘅餐廳，今次就嚟試個下午茶。🔸巴生肉骨茶湯米粉 $52大大舊肉骨，肉骨茶味道香濃，但飲落又唔會好鹹，每食一啖米粉都食到肉骨茶嘅味道。🔸大蝦雞串吉羅咖喱麵 $62有蝦、雞肉、豆卜、芽菜、豆角、米粉+油麵，喇沙味道超濃郁辣味夠。下午茶嚟講碗麵都好大碗，食完都好飽。🔸咖央多士 $22香脆嘅多士入面有一塊咁邪惡嘅牛油，加埋班蘭嘅椰香味道，令人點會唔愛上呢，必點😋😋😋🔸參峇啦啦 $28參峇係一種廣泛流行於東南亞以至南亞地區的一種特殊辣椒醬，啦啦就係蜆，整體辣辣地夠惹味。🔸班蘭糕 $28班蘭味道唔算特別濃，似食大菜糕嘅口感。🥤凍桔仔話梅水 加$3天氣熱有時都會冇胃口食嘢，淨係會想飲嘢，呢杯酸酸甜甜好適合呢個天氣飲，飲完特別開胃。🥤凍椰子班蘭冰 加$8班蘭味道濃，椰奶都夠香，正呀👍

入到鋪頭快速睇 menu 就立刻叫咗無骨海南雞飯同埋魚丸摻摻。個侍應聽見我將「摻摻」讀成「慘慘」就過來糾正我地，長知識了。另外我地仲叫了一個咖咉多士。海南雞飯的上菜速度很快，唔通整定？一黎試舊雞，冇乜雞味，但配落醬度效果很有驚喜。摻摻麵原來是由米粉加上油麵，效果出奇地好味😋。一幼一粗嘅配搭，加上湯汁掛在麵條上，很有質感。其餘食材一般。

難得千里迢迢去到粉嶺行山⛰，梗係要喺附近商場食個靚午餐先。不過唔係好熟悉嗰邊，都只係喺連接地鐵站嘅商場間餐廳。唯獨係呢一間比較多人排隊👯‍♀️，望落又坐得舒服啲，排埋一份先~有人可以介紹我哋粉嶺有咩好嘢食嗎😋？————————————————👅馬六雜錦椰漿飯（$73）👍🏻 巴東牛肉辣得惹味，雞全翼同辣魷魚都唔錯🦑，豐富之選👉🏻午市套餐包一杯指定熱飲，凍飲加$3，特飲加$8。熱手工拉茶好飲過白咖啡☕️，前者茶走香滑，後者即沖粉質素👅馬六無骨海南雞飯（$70）👉🏻以海南雞胸同雞身嚟講，滑度算唔錯，有少許雞鮮味，可惜唔係現最愛嘅甜醬油膏🤓，係鹹鹹哋👅南洋班蘭咖吔多士（套餐追加$22）👍🏻 見到一大片牛油就知好食，軟化至室溫嘅牛油溶化於口中，咖吔嘅椰漿味又香又甜🥥————————————————🚩總結：okay合格嘅一餐🙆🏻‍♀️———————————————— 🌟注意：午市套餐供應時間星期一至11:30-14:00，星期六日11:30-15:00————————————————📍 馬六地址：粉嶺粉嶺車站路18號粉嶺名都廣場2樓27C號舖.🗺地區：#bem粉嶺📥分類：#bem亞洲菜💰人均消費：#be