馬六

Open Now

Now Closed

馬六賣馬來西亞/星加坡菜，在各區都有分店。平時多數去西灣河太安樓地下分店，今日和妹妹去北角購物，順便在電氣道馬六吃下午茶餐。馬六下午茶餐款式多，而且又好食又抵食。無骨海南雞飯拼星加坡喇沙米線是我的至愛。雖然是下午茶餐，雞飯份量大。雞有雞味肉質嫩滑，最開心是今日碟雞有齊雞胸肉，雞髀肉和雞翼，大滿足! 油飯又香又有飯味。喇沙米線也美味，有魚旦，肥美的芽菜，蛋和豆卜。大蝦雞串吉羅咖喱麵第一次食，好惹味。咖喱湯汁香濃，蝦鮮甜，雞串燒好味，糖心蛋正，還有豆卜，芽菜和青豆角，豐富。追加小食我們選了星加坡咸蛋王魚皮和南洋班蘭叻吔多士。魚皮超水準，太美味，推介😋👍。多士也不錯。飲品多選擇。凍馬來桔仔紅茶和凍薄荷桔仔梳打清新有特色，值得一試。吃飽charge夠電可繼續shopping。

幫襯過無數次嘅【馬六】... 基本上都冇令我失望!今日晚餐order咗「自選套餐」... 我覺得非常抵食... 套餐由$88-$92不等... 包咗主菜、小食同飲品! 套餐👇💢無骨海南雞飯 $92💢古法參峇雞翼💢芒果冰 (+$8)🍚基本上無骨海南雞飯差唔多係我平時每次必點... 間中會配吓喇沙! 點解我咁鍾意呢度嘅無骨海南雞飯? 無他嘅... 因為實咗太好食喇... 無骨固然方便... 海南雞又超級嫩滑... 油飯又夠香... 仲有薑蓉、辣醬同黑醬油... 簡直perfect!👍👍👍🐔古法參峇雞翼炸到好香口... 參峇醬惹味得嚟唔算辣... 小朋友應該食到!🥤芒果冰涼浸浸...甜度適中... 非常開胃!另外... order咗d小食都唔錯㗎👇💢檳城烤葱餅配咖哩汁 $42烤葱餅非常香脆... 咖哩汁屬少辣... 好香好吸引!💢馬來街頭雞肉串 (3串) $42雞肉串烤得焦香... 香料味重少少!💢娘惹咖哩角 (2件) $28熱辣辣... 酥脆無比... 內餡咖哩味濃... 好正呀!整體印象唔錯... 地方整潔... 店員服務態度好... 食物質素佳! 呢d就係我願意經常幫襯嘅原因!😊

下午茶（平日）14:00-18:00起抵食，真係抵食夾大份，仲要味道好出色，CP值好高娘惹茶燻鴨喇沙米線 $53鴨香同煙燻香氣都好濃郁，茶香完全深透入鴨肉到，吃後口有茶燻香，鴨肉肉質超級到嫩滑彈口，份量勁多，差唔多有10舊起，仲要一半係連鴨皮連肉，一半就全瘦肉，連鴨皮既口感好香口細膩，食到鴨油既油香，半肥瘦既口感超出色，全瘦部份亦完全唔會柴身，反而好爽口彈牙，完全大愛！馬六無骨海南雞飯拼新加坡喇沙米線 $75海南雞雞件賣相有油光，睇落都吸引，雞皮爽薄唔肥膩，雞肉軟腍好有雞味，油飯夠油香，調味恰到好處，飯身亦粒粒分明，喇沙湯底好出色，夠濃郁好惹味，米線麵質偏軟身，非常掛湯南洋斑蘭咖哋多士 $22斑蘭味好有層次，入口椰香先跑出，然後斑蘭香再慢慢散發出黎，烘得岩岩好，食起黎好香脆，白麵包質感亦好鬆軟，醬同牛油都塗得更好慷慨，超滿足！馬拉盞通菜 $26馬拉盞調味岩岩好，唔會過咸，通菜炒得清綠好新鮮，非常惹味椰子班蘭冰 +$8飲第一下會飲到椰子既甜香，再慢慢散發斑蘭既青香，成個味道好小清新南洋白咖啡 +$3

前幾日去開炮台山，經過呢間星馬菜，當時仲差幾分鐘先到六點，啱啱好趕得切叫下午茶食，就同朋友入左去食個early dinner。新加坡大蝦喇沙米線$62喇沙好濃稠，椰香味重。米線超級掛湯，配料有幾隻鮮甜嘅大蝦、蛋、魚蛋、魚皮同埋豆卜，好足料。馬六無骨海南雞飯拼巴生肉骨茶$75呢個餐真係啱曬我呢個乜都想食嘅人，有海南雞飯又有肉骨茶。海南雞份量好多，食落好滑，雞味好重，配埋香濃嘅油飯同醬汁，好食。肉骨茶味道濃郁，有豆卜、支竹同埋好大條排骨喺入面，排骨煮到好軟淋、入味。巴東牛肉椰漿飯$66巴東牛肉味道好入味，食落肉質滑嫩。椰漿飯嘅顏色綠綠地好靚，食落有淡淡的椰香。仲有啲香脆嘅魚仔、花生、青瓜同埋版。熱馬來手工拉茶$0奶味香濃。熱桔仔話梅水$0估唔到呢款飲品都唔使加錢，抵飲。熱香茅橙茶$0

經過這間餐廳好多次，近來lunchtime諗唔到食咩就去了～原來水準都不錯，仲有好多lumchset 有海南雞之餘，仲可以有埋喇沙米線/肉骨茶，好豐富點了個馬六無骨海南雞飯拼巴生肉骨茶，雞肉味濃香，肉嫩皮黃，雞皮和肉之間有jelly，味道好好。另外，有別於其他地方的海南雞飯，他們得飯不油不鹹，但有香味😋而肉骨茶醬汁可以，飲落去暖味得來幾濃香。仲飲了他們的白咖啡☕️，飲落去滑香得來咖啡味重～他們的下午茶set更抵食，搵次再來😝

午飯時間唔係好餓所以冇食午餐，等食下午茶時間。今日試吓這間馬六，平時午餐時間係要排隊，下午茶係冇乜人。入到去只係得3-4人，侍應話卡位留咗，但係留位又冇放牌😑，咁我是旦搵位坐。下午茶餐都好多選擇，我揀咗雞絲扎肉湯米線配南洋咖啡。雞絲扎肉湯米線湯底係雞湯，好濃嘅味道，雞絲好滑👍🏻扎肉冇乜特別，豆腐泡係凍嘅，米線出奇地煮得好，彈牙唔會過淋👍🏻好好好少少嘅芽菜😑南洋咖啡味濃，好有風味👍🏻食緊野期間有位男顧客埋單付款時投訴侍應的服務態度好差，侍應回應一句「「一向係咁」」，男仔客人繼續投訴不過侍應沒有任何回應，待男客人離開，侍應就反話返該客人咁麻煩跟住大約過了5分鐘。有另一枱客人投訴，2個女人起身正想出去埋單，因為其中一個我估係阿媽要背樂器所以仲向卡位，侍應執枱倒瀉水，沒有道歉走咗去，個阿媽投訴點解客都未起身就趕住執枱⋯其時阿媽一直拎紙巾抹件樂器外盒，個侍應只係講櫃筒有紙巾但係冇主動幫手抹，完全只係望住廚師煮嘢食係好味，但係侍應服務態度真係會影響成間店。

今日又係食馬來西亞嘢嘅時候😚 今晚晚餐嚟到北角炮台山嘅呢間《馬六》，環境舒適、服務周到👍🏻🦐 檳城蝦麵 套餐 （$92）🥧 娘惹蘿蔔餅我揀咗個一人套餐，主食揀咗檳城蝦麵，小食就揀咗蘿蔔餅🥰蝦麵超大碗！裏面有兩種麵底，粗幼黃白都有夠晒繽紛☺️ 而且幾隻大蝦都係剝晒殼嘅，啱晒我呢啲懶人😆 仲有腩肉、溏心蛋、豆卜等等😋 湯底寫住係微辣，但我一啲都唔覺得辣，係有種香氣同惹味嘅感覺🥰👍🏻蘿蔔餅係用蘿蔔絲炸成嘅，非常香脆😋🥤 斑蘭椰汁冰 （+$8）斑蘭椰汁冰我叫咗少甜，超夠香，甜度適中，推薦！

企企理理嘅平民餐廳，起初仲以為係食茶餐廳點知裏面係食新加坡菜。價錢親民得來之餘，味道都唔錯而且招呼我哋嘅侍應生仲對我哋非常之有禮貌。我哋分別叫咗兩個套餐，每一個套餐都包一杯嘢飲同埋一個小食。特別一定要試嘅係鹹蛋魚皮同埋黑松露流心蛋。個鹹蛋魚皮上到枱嘅時候，仍然係超級熱仲要係滿滿嘅鹹蛋香味。食落去唔單止超級脆，唔會好似一般嘅鹹蛋魚皮咁硬骨骨。滿口都會係一種鹹蛋嘅味道，再加埋唔會油膩嘅魚皮簡直係一個新嘅嘗試，非常之推薦大家試呢一道菜。黑松露流心蛋，食落去就係一個非常之入味嘅流心蛋充滿着黑松露嘅香味。主菜係檳城蝦麵，湯底非常之香濃而且用了十足。有豆卜，腩肉同埋蝦。就算一路食一路飲個湯都唔會覺得好口渴。另一個主菜就係斑斕椰汁牛肉飯。啲飯雖然係綠色但係都充滿好香嘅椰汁味，仲有啲牛肉食落去都係軟林林仲要好入味。大家有機會可以自己去試吓好似周圍都有分店㗎。

喺北角附近返工今日就約咗朋友食飯，好鍾意食喇沙嘅我就揀咗呢間試吓😆下午茶真係平靚正又多選擇性價比又高😍仲不設加一，得閒都會再過去幫襯新加坡魚丸魚條喇沙摻摻 $46份量大碗好足料，配料有溫泉蛋、魚蛋、魚片條、豆卜，而我揀咗呢個摻摻既麵底係米粉加油麵，食落有兩個口感麵既軟硬度都適中👍 麵底索哂湯底入哂味好濃郁😋（最鍾意喇沙既豆卜係最吸湯汁好正🤭）湯底椰香帶微辣香濃岩岩好成碗都食晒😋巴山肉骨茶湯米粉 $46肉骨茶湯配有豆卜、腐皮、杞子、蒜頭，湯底味道唔錯，香濃藥材味😍唔會太鹹飲落感覺好補身🥰可以飲得晒成碗湯🙈另外肉骨浸住湯所以好香濃入味同埋好淋身，而且一啲都唔肥可以食晒🤩 下午茶配一杯嘢飲，好多馬來西亞特色飲品都有得選擇😆馬來桔仔紅茶 酸酸地幾開胃桔仔話梅冰 凍飲+$3 酸酸甜甜幾好飲

又來馬來西亞餐廳用膳，馬六食過好幾次，食物水準一直保持良好，除咗海南雞飯之外今次仲叫咗佢哋嘅娘惹煙燻鴨雞油飯試一試，鴨肉油脂比較高，肉質實淨，配上魚乾花生混入雞油飯一起一啖一啖咁食，非常滿足。另外叫咗幾份小食，松露流心蛋，松露味濃，蛋黃流心程度屬於黏口，個人比較喜歡這一種。巴生肉骨茶，非常喜歡這裏嘅肉骨茶，藥材味適中不至於濃郁，但有足料的感覺！自家製娘惹班蘭糕，呢一個甜品就比較像啫喱加大菜糕的模樣，清爽有咬口。當然佢哋嘅拉茶同埋白咖啡相信係必飲啦 :）

鄉下仔行街街想搵地方竭竭腳, 經過北角見馬六有吉位, 反正好耐未過馬拉嘢, 所以揀咗佢。入內有多個卡位, 但疏化較冧, 難坐小小, 整體寬闊整潔, 待應服務正常。下午茶有多項選擇, 有喇沙, 肉骨茶, 有乾有濕, 包餐飲, 凍飲+$3。Order咗喇沙無骨海南雞摻摻, 湯汁味濃小辣, 摻摻係黃麵溝米粉, 配隻懶係糖心蛋, 同啲好細嚿嘅海南雞, 整體味道幾好, 最後連湯都飲埋, 今次配咗杯凍馬拉薑味手拉奶茶, 有薑味但茶味欠奉, 不過不失, 埋單$51, 價位正常, 份量個人認為十足, 可再幫襯

The menu said boiled egg but I was given a cold raw egg so I asked if I can reheat but they refuse to do coz they said they don’t have a pan to reheat the pan.. like soooo nonsense, inconsiderate 😠😠😠

買左個下午茶，一打開盒飯，“吓？咁都切得俾人既！？”一半以上既雞又肥又無肉，正常既你一定唔會食！唔順氣！都四十幾蚊！打電話去反映意見，位女職員都應承更換！於是叫工人去換啦！點知又推搪反口，唔想換！玩野咩？火都黎！為左盒飯已經特登行多轉，卻說三道四！係咁推！態度認真麻麻！又話無人投訴過！又話其實我可以買之前叫走翼要胸！（咁唔該你寫明啦！）我理得你有冇人投訴過，重點係：你個飯盒係真係唔ok！擺明將貨就價！得兩件雞食得落口，一句講晒！唔係離譜都費事講！激氣又浪費時間！！！本來唔想出呢個post，但作為消費者，知錢你係想賺，但質素實在太差！

炮台山馬六想食好耐， 由於疫情問題，都好耐無出去食過晚餐。 今日專登叫外賣試下， 外賣重有9折，可以叫多幾個餸。今日點左: 馬六無骨海南雞飯， 娘惹茶燻鴨配雞油飯， 檳城蝦麵， 新加坡大蝦喇沙米線。馬六無骨海南雞飯: 海南雞雞肉嫩滑， 雞皮同雞肉中間d雞油簿簿， 好香。娘惹茶燻鴨配雞油飯， 茶燻鴨好似鴨胸肉咁， 不過不失， 肉身較厚，味道尚可。檳城蝦麵， 材料有蝦， 豆卜，蛋， 魚乾仔， 腩肉， 蝦肉，蝦麵麵底份量多，其他配料都好好味。新加坡大蝦喇沙米線，湯底喇沙味濃，2款麵又多又好味， 油麵同米粉2款都唔會搶對方味道。 2樣一齊食就好好味。 大蝦又多又大隻， 正。

新年之後，餐廳轉左Menu，所有喇沙參參變晒做米線，以前喇沙有蝦，現在一隻也沒有，成碗喇沙都有好多油浮面，同以前水準差好遠，係咪轉左老闆？點解喇沙會改用米線，我真係接受唔到，可唔可以俾返啲正宗喇沙我食，價錢貴咗，但材料少晒，質素直線下降。芒果沙冰已經沒有供應，吉仔檸檬水連檸檬都省埋，使唔使慳到咁盡？賺到咁盡？拉茶很甜，飲完仲胃痛如果要食米線我去譚仔食咪得囉，來得你依度梗係想食正宗星、馬嘢。希望你能返回從前水準