Mamma Mia Gelato (Closed)

Gelato 喺香港喺比較少見，尤其喺整間只售gelato嘅雪糕店😗😗味道方面，有超過20多種選擇，亦有特別口味如durian，無花果，番石榴等較少見嘅味道🤩🤩今次試左1️⃣番石榴，2️⃣無花果味（雙球$65），價錢就gelato普遍都偏貴嘅，所以正常價位啦1️⃣番石榴味真係一試難忘，好似食緊真胭脂紅咁嘅味，好滑好香；而2️⃣無花果味則帶點酸味，冇食開無花果不太習慣佢陣酸味 但整體呢間啲Gelato好滑，入口冇渣，順滑，好食😋😋推薦

食完晚飯當然要食返個甜品。呢間意大利雪糕第一次試。見到前面有兩個客個雪糕超大杯，吸引到我地兩個試。試左好幾隻味，不過唔係怪怪地就覺得好普通。最後都係左啲好大路嘅味，益力多同特濃朱古力。幫我地舀雪糕位哥哥仔應該係part time，樣子有啲似何廣沛。見佢手勢不是很純熟，佢舀左勁大球俾我地，見到直頭O哂嘴，食完更飽肚！呢間嘅雪糕標明低卡、低糖、低碳水化合物。我半信半疑啦，不過如果係真嘅我會冇咁大罪惡感。

以後絕對唔會再幫襯呢間店，今日同朋友一人買一杯雪糕。。朋友簡榴槤味，我簡椰子味。呢間店個店員筆雪糕時就用同一支雪糕羹筆哂兩種味道，搞到我杯椰子味溝哂啲榴槤味（本身我唔食榴槤），食左一啖就食唔落，無哂胃口。同埋店員又唔帶手套筆雪糕，好唔衛生......本身杯雪糕價錢都幾貴下，間店有無咁窮呀，買多支雪糕羹嘅錢都無？有無考慮過如果個客係對某食物敏感，你地同一支雪糕羹筆溝哂啲味個客會點？唔該你地有返啲良心啦......

話說星期六同老公加三個女去行下荃灣廣場，見到有間新開嘅雪糕店，寫明糖尿病人都食得，咁啱我老公就係糖尿病人，一見到食得2個字就9秒9沖過去。糖尿病人可以食得嘅口味都算多，連估唔到嘅榴連同山竹都有。咁就同老公試下啦，老公揀左佢恨食嘅榴連味，我就揀左清酒啤梨味。先講榴連味，開頭以為榴連味會因為要適合糖尿病人而改成淡味，點知食落去仲係好香好大陣榴連味，同食真嘅榴連冇分別。而清酒啤梨味，食到啤梨獨有嘅粒粒感覺，但清酒味就唔多覺，不過都食到甜味。雖然價錢比一般雪糕貴，但因為糖尿病人都食得，應該會下次行過再食