Video
4-min walk from Exit C, Hong Kong MTR Station
continue reading
Opening Hours
Today
11:00 - 21:00
Mon - Sun
11:00 - 21:00
Above information is for reference only. Please check details with the restaurant.
回頭指數：⭐️⭐️⭐️⭐️食物質素：🌮🌮🌮🌮服務質素：☺️☺️☺️☺️消費指數：💰（TTL $36，人均消費$36）環境質素：☘️☘️☘️媽咪雞蛋仔我相信好多人都食過，大家都唔陌生，足料夠脆口係我最欣賞佢既點😗但第一次食原粒栗子係雞蛋仔裹面，真係太太太太太特別啦 !。有機栗子 ($36)係完完整整原粒栗子係雞蛋仔裹面，呢個配搭真係好特別雞蛋仔好香蛋香味，而且外脆內軟。內部栗子係自然既甘栗甜味，每啖都能感受到栗子既細膩 & 雞蛋仔既彈性，甜甜鹹鹹，真係好特別店員見製作過程我等得太耐，送左杯茶比我，係冬天中一點甜同類餐廳 #cocofood_港味道同區餐廳 #cocofood_中環如果你鍾意我既分享，按右上角🔔，就可以睇到我所有既 update
continue reading
今日去中環街市行街，見到有間雞蛋仔店好多人排隊買，即刻諗住好耐冇食過雞蛋仔，就買咗一包原味雞蛋仔試吓。雞蛋仔仲未攤凍，仲好熱辣辣，嗰陣香味撲鼻而來。*原味雞蛋仔* 🥞：呢個雞蛋仔真係一絕！外層香脆，內裡嫩滑，咬落去有種濃郁嘅蛋香味，真係令人回味無窮。每一粒雞蛋仔都係獨立嘅小球狀，咬一啖滿足感十足。買咗之後即刻開嚟食，發現呢度嘅雞蛋仔真係好特別，口感非常好。雞蛋仔嘅香味飄散四周。呢次喺中環街市買雞蛋仔嘅經歷真係非常愉快，無論係味道定係口感都係一流。下次一定會再嚟買，多試其他口味！😋🍽️😊
continue reading
成日下午茶都同同事偷偷地落街買媽咪雞蛋仔🤭雞蛋仔外皮鬆脆，咬落去會有濃濃的蛋香味，裏面唔會好似空氣咁，軟綿綿嘅涵+鬆脆的皮，口感有強烈嘅對比。而本身媽咪雞蛋仔推出咗好多唔同嘅口味，甜嘅有抹茶、巧克力。咸嘅有紫菜肉鬆等味道，完全可以滿足晒唔同口味嘅客。而基本上每次下午茶的話都會買伯爵茶朱古力雞蛋仔，如果有時只係想食少少甜，但又唔想太甜嘅話，可以試試呢個伯爵茶朱古力雞蛋仔。本身嘅伯爵茶嘅茶味已經好出，帶有少少微苦嘅茶味再加上朱古力嘅甜味，簡直係絕配。
continue reading
購買左一杯特濃朱古力沙冰飲品，飲用個陣，杯野入面有唔少的朱古力粉還未融化同埋有較大的冰粒，這樣的質素以$35的價錢來說並不合理，唔建議嗰位「女店舖經理」如此隨便處理飲品。整體嚟講，口感不好及不符預期。「女店舖經理」似乎害怕再次被投訴，不再到外面製作飲品，試問一個毫無責任感的人如何可以喺一間店舖入面做「經理」。仲有，有一次收到投訴被指格仔餅太燶，但係佢自己睇住員工整，由頭到尾都冇出聲話唔得！再整過。跟住自己扮唔知：「點解會燶？」收到投訴後，一開口就以指責的態度問員工：「點解會咁？！」即時把責任卸得一乾二淨。做到好似唔關佢事咁，出嚟做人唔係咁做架！呢間咁嘅鋪頭，可以列入黑名單啦！媽咪雞蛋仔個COO Irene Wong淨係識收加盟費，個心只有食物嘅質素，完全忽視去管理下自己嘅個別創業者，縱容佢哋亂咁對班員工，睇野淨係睇到個「女店鋪經理」做show個面，理論上可唔可以講佢呢個COO 失職？
continue reading
成日返工放工經過中環街市的我，今日順路去咗「媽咪雞蛋仔」買咗我嘅Late Afternoon Tea 呢間鋪頭位於香港站附近的中環街市，由IFC國際金融中心穿過條橋，去扶手電梯既時候就會見到。呢一層主要係小食店，落多1-2層就多咗餐廳食肆。今次我去到「媽咪雞蛋仔」，買咗「伯爵茶雞蛋仔」同埋「奶茶沙冰」。如果飲品配一款小食，可以平4蚊添雖然呢間鋪經常有好多客Keep住都好多人買，但等候時間都算合理，大約10分鐘就可以食到啦~之前試過香蕉味同咖啡味都覺得唔錯，特別係香蕉味，好有口感有得咬香蕉肉。但今次就想試下新嘅伯爵茶味～雞蛋仔每次都係新鮮出爐，熱辣辣又熱又脆正爆，而伯爵茶味又有淡淡茶香，適合鍾意清淡味道的人。如果你鐘意甜啲嘅，香蕉味就會更岩你口味啦～我一向最鐘意飲凍飲，奶茶沙冰真係滿足咗我對沙冰同奶茶嘅渴望 奶茶完全有平時港式茶餐廳嘅香味，變成沙冰之後都唔會太淡，甜度剛好，非常好！夏天試呢個真係岩哂~ 我覺得如果單叫一杯奶茶沙冰30蚊都係抵飲~ 鍾意奶茶同沙冰嘅朋友，可以去試下啦！總括來講，「媽咪雞蛋仔」作為下午茶選擇真係好正！無論係清新的伯爵茶雞蛋仔，定係香濃嘅奶茶沙冰，都令我覺得好好味丶好吸引嘅味覺體驗。如果你喺中環街市附近，不妨親自去試下，相信你都會鐘意架～
continue reading