媽咪雞蛋仔 (Moved) New Location

每次來到紅磡 必定會走到媽咪雞蛋仔即使周邊都開了不同的小食店但都不影響我對雞蛋仔的喜愛原味雞蛋仔每人都知道好吃但每次我都堅持要點粒粒朱古力雞蛋仔因為裡面每粒雞蛋仔都有朱古力絕不馬虎 偷工減料好適合朱古力愛好者欣賞它的水準保持一致暫時未試過失敗作每次都是皮脆內軟 帶一點點溶化的朱古力即使整個吃完都不覺得太甜還欣賞店員的堅持他們不怕客人投訴等候時間長他們堅持要將熱的雞蛋仔用風吹得剛好才給客人享用 務求每份雞蛋仔是優質！

三位創辦人於二○○七年開設「媽咪雞蛋仔」，在十年之內，它由一間毫不起眼的小店，發展至擁有逾十間店舖的加盟店，再升級為米芝蓮的星級推介，可說是十分成功。他們最好吃的是芝士雞蛋仔、朱古力碎碎雞蛋仔、夾餅。品牌形象做得非常好、簡單、仔細、鮮明大人小朋友都很喜歡吃 😋

開始漸凍既天氣，食完飯想食d 熱辣辣既雞蛋仔，去到都好多人等緊，個陣夜晚8點幾，店員睇一睇d漿，只係剩番最後一底，所以就叫左抹茶🍵朱古力雞蛋仔，最後一底都比我買埋，總算好彩！🥰等左10分鐘左右就叫到我個號碼，真係即叫即整，熱辣辣脆卜卜，好香濃既抹茶🍵味道，抺茶底既雞蛋仔中間夾住朱古力醬，不太甜，個雞蛋仔真係好香脆！所以好快就食晒啦！😋😋😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

細細個已經食好多唔同既雞蛋仔，由$8/$9一底食到而家$16-$30up，開始食媽咪雞蛋仔應該係十年前，由舊舖食到新舖，由一間食到而家唔知幾多間，質素都仍然保持到今日叫左兩底，一底原味一底鳳凰卷味，原味外脆內軟，依然出色，鳳凰卷第一次食，紫菜有口感，肉鬆好夾，係油左小小，有創意好味！

媽咪雞蛋仔價錢上比較貴，但佢既口感真係唔同啲。呢間雞蛋仔店推出左好多特別既口味～鳳凰卷味，栗子味都可以係呢到搵到，我今次就叫左粒粒朱古力雞蛋仔淺嘗。我平時好驚買到軟身既雞蛋仔，呢間店就唔會遇到呢個情況啦。呢到既雞蛋仔都係即叫即整，如果撞正多人買，就要等等啦。一拎起個雞蛋仔已經聞到香氣撲鼻，食落外脆內軟，每粒雞蛋仔都藏有粒粒朱古力，朱古力分怖平均。脆既口感令我一粒接一粒咁不停食。不過雞蛋仔都係即時食比較好，30分鐘內食哂就最好，放耐左脆既口感都會消失嫁啦～！

平日傍晚諗住買一份原味雞蛋仔，$20正常價錢，收銀話等5分鐘，無問題。店內廚房有4個人「好努力」咁一面傾偈一邊整煮緊，一心以為好快有得食，點知最後我等咗15分鐘，我問收銀點解咁耐。成班人你眼望我眼，跟住就話俾我聽漏咗單😡話而家即刻整返俾我喎已經係電腦收銀入機，有晒貼紙有晒編號，點解都可以漏單？！仲要一d悔意都無，完全唔覺得咁嘅服務係有問題先至係問題！淨係食物好味又有乜嘢用？唔該即刻退錢，你送我都唔食！

自己本身係雞旦仔既BIG FANS，試過好多間，但黃埔媽咪雞旦仔係最好食。雞旦仔我堅持食原，因為咁樣先會食到蛋漿味道，媽咪雞旦仔即叫即整，吾會擺到淋哂或者凍哂。佢既原味雞蛋味好重，每都外脆內軟，見到佢地真係會放係風扇仔下面吹透先拎出黎。其實都有試過佢既朱古力味同芝麻味，都推介，好足料同埋好平均，D料吾會堆埋一邊，每一粒都會有野係入面。強推!

難得黎到黃埔，當然又要黎食媽咪雞蛋仔。通常食開銅鑼灣個間，感覺上好似黃埔呢間既款式多過銅鑼灣，仲有飲品添！但咁多野揀都有個缺點，就係吾個揀乜好！咁岩見到佢行店長推介，見到鳳凰卷雞蛋仔，即刻心心眼啦等左十分鐘左右，拎上手熱辣辣，但就吾算好脆。但一搣落黎感覺粒雞蛋仔好足料，滿滿的，裡面滿左蛋漿，仲有紫菜好肉鬆，但係好match，好好食，但略嫌肉鬆有啲少，吾係粒粒都有，但食完好滿足啊

成日聽人講，呢間鋪頭嘅雞蛋仔好出名，好好味，今日等朋友嘅時候，買咗個人氣流沙雞蛋仔嚟試。感覺係好失望，無流沙、無咸蛋味，即係同普通雞蛋仔無分別。但係價錢真係唔普通，應該唔會有下次！

家在紅磡久唔久都會食紅磡雞蛋仔或者媽咪雞蛋仔依排咸蛋黃食品大熱見到雞蛋仔有咸蛋黃夾心就試下賣相睇到粒粒都有咸蛋黃係裡面但無咸香嘅味道，只係好輕微嘅咸蛋黃味唔知點解愈食愈覺得個蛋黃夾心偏重奶粉味🤔仲要無以前甘實心😕男朋友食嘅原味格仔餅好食得多🤤雞蛋仔都係食返朱古力味穩陣

話說媽咪雞蛋仔開左咁多間都未食過一次，上回講到同親戚係紅磡食唔飽，於是就去左對面買媽咪雞蛋仔試下啦😂1. 咖啡朱古力味（$28）☕🍫粒粒都好完整，朱古力夠香，甜苦適宜😋，如果咖啡再濃味D會更好😅彤樂評分：8/102. 芝士味（$30）🧀初頭我對芝士係最冇期望，因為通常芝士都係最食唔到，入面又冇餡咁。點知！超有驚喜！！！😍😍😍三款相比，超香超有芝士味🧀，鹹鹹香香，又鬆脆，正！我明佢點解貴D🤣彤樂評分：9/103. 抹茶紅豆味（$28）🍵抹茶偏落澀，雖然有紅豆，但唔多，唔足以甜度相抵抹茶嘅苦味☹️彤樂評分：6/10

一向去媽咪雞蛋仔都淨係會食雞蛋仔，今次心血來潮食格餅，估唔到超出左我對佢個expectations 個餅唔係軟林林之餘，出面已經唔係間間舖頭仲會落砂糖，加上紅磡依間全部都比足料你，食落去個種口感，正呀

I have been eating the waffles and eggettes from Mammy Pancake for years and have watched them grow from a friendly neighbourhood stall to a thriving franchise.While standards at some of the franchisee stores are not necessarily consistent, the main (original) store in Hung Hum have maintained theirs. The food was fabulous then and continue to delight now.  Worth a special mention are the waffles (original) and chocolate eggettes.

一個人吃整個雞蛋仔總會很容易食不完。但每次看到很多口味的誘人相片 ，總忍不住買一個試試😂😂今次就被 咖啡朱古力雞蛋仔 吸引了，又要有咖啡又要有朱古力味 不容易，結果很滿意！香氣撲人！味道濃！不過還是吃不完，哈哈！什麼時候會有迷你版呢？

宜家媽咪雞蛋仔都越開越多…能夠維持加少少價既…紅磡呢間都算係其中一間本人係原味雞蛋仔既粉絲…無論去邊一間…都一定要試原味…咁先試到個蛋漿即叫即整…等差唔多七八分鐘夠香…蛋味濃…每一粒都外脆內軟…因為每一底佢地吹透先拎出黎…唔會因為熱得滯焗係袋裏面而好快淋左…宜家雖然佢地出左好多款式(起碼都有二十幾款)…但係佢地既原味同粒粒朱古力都仲係一樣咁好食…好味…不過去旺區食可能要比多幾蚊(有啲原味已經要二十蚊)…仲要等耐好多添…