媽咪雞蛋仔

Open Now

Now Closed

媽咪雞蛋仔一直以來都係我哋覺得最好食嘅雞蛋仔 而且周圍都有分店 想食都好容易👍🏻今日喺佐敦經過我地又忍唔住揀咗兩隻味嚟食😆 今次試嘅係期間限定 牛油果朱古力雞蛋仔 同埋水準有保證嘅咖啡朱古力雞蛋仔👅 估唔到牛油果咁多菜式都可以咁好食 雞蛋仔入邊每一粒都有滿滿的牛油果同朱古力🍫 牛油果味超香濃 做甜品同朱古力真係好夾👍🏻🥰 咖啡朱古力係蛋漿已經有香濃嘅咖啡味 外脆內軟 每一啖都好幸福🤤除咗雞蛋仔 呢度嘅飲品都好出色😙 好似之前介紹過嘅宇治抹茶豆花 可惜今次去到咁岩豆花賣哂 所以我哋就揀咗一杯宇治抹茶紅豆牛乳同埋一杯意大利特濃朱古力沙冰🤗 宇治抹茶一貫香濃 配上紅豆 香甜可口👍🏻 特濃朱古力沙冰更加有驚喜 入面加咗粒粒朱古力碎 飲落更加有口感 味道香濃 沙冰更加冰涼解渴🌟

雞蛋仔由五十年代因為雜貨店老闆不想將碎裂的雞蛋扔掉而創立，到現在幾經轉變，地位依然。能流傳至今，或許是做法簡單，材料便宜，但更重要的是：好吃😋。時至今日，雞蛋仔不只遍佈香港大街小巷🚏，甚至海外都看見它的蹤影，而口味更愈見創新💡。🐤伯爵茶朱古力雞蛋仔 $30🐤黃金雞蛋仔 $35🥤宇治抹茶牛乳豆花 $26🥤蜂蜜生薑沙冰 $21伯爵茶朱古力，朱古力味🍫不會太甜，不會搶過了伯爵茶☕的味道，想不到兩者混合，效果出色。黃金即是鹹蛋黃味，不會太鹹，不會太膩，剛剛好就是最好吃👍。

雞蛋仔之最 - 媽咪雞蛋仔媽咪雞蛋仔係我永遠嘅最愛，而朱古力味係我每次必點嘅口味！.媽咪雞蛋仔越開越多分店，呢日去開佐敦發現原來呢度都有，忍唔住就買咗一份， 呢度嘅每一底雞蛋仔都係新鮮即叫即整，雖然要等，但係等待時間都只係10分鐘左右，為咗新鮮出爐嘅雞蛋仔，都可以等吓嘅😙.點解係朱古力味？係因為鍾意呢度每一粒雞蛋仔都會有可口嘅朱古力粒在入邊，增添雞蛋仔嘅層次感，雞蛋仔嘅蛋漿亦加入可可粉，所以朱古力味係非常之就濃厚，鍾意朱古力嘅人都一定唔鍾意呢一款雞蛋仔。.而媽咪雞蛋仔點解係我永遠最愛？係因為呢度每一底都真係做到外脆內軟， 可能係因為新鮮即整嘅關係，每一粒都可以保持到脆邊，外層係<卡擦>嘅脆，而咬落去內心係蛋糕似的鬆軟，加上熱辣辣真係好好食！.通常好味嘅舖頭一開分店質素就會有啲參差，但媽咪雞蛋仔好似每一間分店都keep到呢個味同質感，從來未試過失手，真係好犀利！

同事經常同我講食雞蛋仔，佢只會食依間，我心諗係咪真係咁好味呀？一於去試吓。一去到已經見到好多人响度等緊，非常期待。有好多口味選擇，亦都有配埋飲品嘅套餐，而我就選擇左粒粒朱古力味，價錢比平時食開嘅雞蛋仔貴l倍有多，要$25, 所以係有期望嘅。都等左至少10分鐘，終於有得食喇。熱辣辣，即叫即整，朱古力味濃，個皮非常脆，皮嘅厚度適中，真係食到停唔到口呀! 都值回票價，下次會再試其他口味，例如，原味，抹茶，芝士等等

今日同老公拍拖由尖沙咀行去佐敦，目的就係想食媽咪雞蛋仔！睇地圖最近就係廟街呢一間！雞蛋仔來講我最鍾意就係媽咪雞蛋仔，做到外皮脆卜卜，內裏質感綿密😋，既有濃濃蛋香，又不會過於甜膩 👍🏻！📍牛油果朱古力雞蛋仔🥑🍪🍫（$35），秋冬限定，用上新鮮牛油果打成蓉製成，好足料，滿足一眾牛油果控！📍鳳凰卷雞蛋仔🍘（$34）突破窠臼，創造出鳳凰卷口味，雞蛋仔包裹着鮮味紫菜，香濃白芝麻！👍🏻讚！📍冬日紫薯牛奶🍠🥛（$32），秋冬限定的紫薯牛奶，啖啖紫薯蓉，牛奶香滑濃郁。📍菠蘿梳打🍍🍹（$23），酸酸甜甜好似初戀。

媽味雞蛋仔分店好多，但我淨係會幫襯佐敦依間。因為佢既粒粒朱古力雞蛋仔實在太出色！每粒都有朱古力，而且火侯控制得好好唔會太燶，表面金黃色，正！而且佢店員禮貌好好，感覺良好！

⚡️係雞蛋仔🤩⚡️呢日aerialyoga完👦🏻陪我等媽咪雞蛋仔開舖啊姐可能新手等左20mins😑😪.#鳳凰卷雞蛋仔$35入面有少許肉鬆 一大片紫菜 食完覺得甜嘅吸引d🤣#抹茶紅豆雞蛋仔🍵$32有回甘味嘅抹茶紅豆粒粒雞蛋仔都有#紫薯牛乳$32最新限定飲品！#益力多沙冰$30 -
Yum：👅👅 👅 👅/5
Revisit:💃🏼💃🏼 💃🏼 💃🏼/5
Price: $30/head
————————————————
🌈 媽咪雞蛋仔 (尖沙咀)尖沙咀加拿分道8-12號嘉芬大廈地下————————————————

下午茶時間，口痕痕，食乜好。行過媽咪雞蛋仔，由細到大都鐘意食雞蛋仔嘅我，見到d 自己未試過既口味，就心郁郁想試下。自己一個食邊得架，當然預埋朋友仔。揀左兩款自己都未試過既，各有特別。黃金雞蛋仔 - 😍蛋黃蓉匿埋喺每一粒雞蛋仔入面，成底都滿滿鹹蛋味，外脆饀香，蛋黃香味濃郁。 🍠紫薯蕃薯雞蛋仔 - 秋冬之選，香甜紫薯、蕃薯，份外窩心。💖咪以為媽咪雞蛋仔淨係得雞蛋仔食，仲有好多野飲架。係度叫埋兩杯野飲，奇異果沙同鮮檸檬沙冰。我比較鐘意檸檬嗰杯既 fresh 同個酸度，下次要要試埋個柚子沙冰先。

呢間雞蛋仔勁多朋友推介 分店又多但鄉下妹黑洞都係第一次食🙈原來咁多味揀👀真係選擇困難症👅-🔺伯爵茶朱古力雞蛋仔（$30）期間限定‼️用TWININGS伯爵茶葉入口淡淡伯爵茶香 😍中間粒粒都食到朱古力🍫雞蛋仔外脆內軟 口感一流😗-🔺芝士雞蛋仔（$35）驚喜之選🤭黑洞無諗過咁惹味加左大量芝士 芝士鹹香同雞蛋仔好夾🤩食晒成底夠晒飽🤰🏻芝士控必食-🔺宇治抹茶紅豆牛乳$28抹茶牛乳甜度剛好 兩者平衡得唔錯✔️不過紅豆略嫌微硬😬冧身d會更好-🔺港式奶茶豆花$24奶茶奶香味幾出 加豆腐花出奇地夾😯除咗飲奶茶仲有有食😛大家可以一戰-雞蛋仔足料又勁大底 咁多款味道逐樣試都有排先試完🤣

今日某人話想食雞蛋仔，我地當然要去曾經係佢飛佛嘅媽咪雞蛋仔整返底😏 馬介休雞蛋仔 $32>即叫即整，新鮮熱辣辣>攞到手都聞到少少馬介休嘅鹹香味>雞蛋仔外脆內軟兼煙韌，亦無之前食咁油>食落馬介休嘅鹹香味就不太濃，分佈都唔係好平均，時有時無，要睇緣份==================推介指數 🌕🌕🌕🌑🌑以馬介休配雞蛋仔係幾得意，不過個人嚟講比較喜歡甜嘅雞蛋仔多啲😛 幾個星期前食過媽咪雞蛋仔嘅伯爵茶味，個人覺得比馬介休出色😎✨

出街食雞蛋仔當然要黎到媽咪雞蛋仔食啦😎。今次食鹽燒紫菜粟米雞蛋仔，聽個名都已經夠晒吸引😋。換辣辣既雞蛋仔包住粟米粒，好足料，仲有大大塊既紫菜。淡淡既鹽味混合雞蛋仔既蛋漿味同粟米既清甜味，真係好好食😍。值得encore👍🏻!

媽咪雞蛋仔在香港很有名氣，瓶子細細個已聽過佢個名。到底媽咪雞蛋仔在芸芸雞蛋仔中，倒好奇是如何一支獨秀。吃過的人，便知道了。雞蛋仔口味選擇頗多，經典原味、也有甜的、咸的。甜的有巧克力、抹茶、香蕉、粟子，咸的有麻辣肉鬆、紫菜、咸蛋黃，偶爾還有期間限定款式。可見，這位媽咪都是百變的。價錢豐儉由人，由十八至三十多元不等。需注意不同分店，價格稍有不同。不誇張，的確是吃遍所有口味。原味固然出色，最原始。甜的口味，較愛抹茶、伯爵茶，茶味濃。相對下，更喜歡吃咸的雞蛋仔。最愛，便是，黃金雞蛋仔。即別人稱，邪惡的，咸蛋黃雞蛋仔。全部即點即製，生產部的媽咪們很有效率，面對滿滿的柯打，從容不迫。十分鐘內，使命必達，能產出雞蛋仔。廟街分店，街景較美，更有香港風味。黃金雞蛋仔，在去年掀起一股熱潮，至今部分分店還有出售。雞蛋仔頗有份量，很完整，堅挺香脆，近嗅一下，散發蛋黃香。咬開發現，咸蛋黃碎的份量合理，佔據了雞蛋仔的半個江山。甜的粉漿融合咸蛋碎的感覺，甜咸交錯，並沒有違和感。

記得以前讀Ｕ住ＨＡＬＬ既時候，無論係好肚餓定好飽都會去幫襯位於紅磡天橘隔離既媽咪雞蛋仔，個時成日都好爭扎，究竟買格仔餅定係雞蛋仔好？揀好買邊款仲要爭扎買咩味。大家唔好爭扎太耐，因為每次去到都好多人，最起碼等幾個字，所以早買早享受呀！試過好多味，大熱我諗都係朱古力個Ｄ，而我就比較另類，　揀個咸既，香辣肉鬆味雞蛋仔係意想不到咁好食！鹹香，蛋香，雞蛋仔脆邊！加埋真係好正好好味！雞蛋仔又煙韌，唔會太空心又唔會太實心。熱辣辣、香噴噴、粒粒都烘得飽滿金黃色！抵佢＄25一底，等咁耐都咁多人買…

今日公司放早，跟同事走過來逛逛，行到去媽咪雞蛋仔，啱晒我哋醫吓肚😋，哩到有好多款唔同口味，今次我哋揀咗粒粒朱古力雞蛋仔同咖啡雞蛋仔兩款口味，即叫即製，等左幾分鐘就新鮮熱辣出爐♨️，雞蛋仔外脆內軟👍🏻👍🏻👍🏻 ，粒粒朱古力雞蛋仔咬落去，每粒雞蛋仔裏面都有粒粒朱古力🍫，入口即溶，香濃可口👍🏻，而咖啡味口感就同傳統雞蛋仔差唔多，但就多咗香濃嘅咖啡味☕️，喜歡咖啡嘅朋友一定會喜歡😋👍🏻👍🏻👍🏻

媽咪雞蛋仔開左唔少分店，食開尖沙咀果間，水準唔錯，不過人就有d多。今次就試下佐敦呢間啦。店係廟街牌坊，我大約8點去到，人流唔算多，等緊既大多都係遊客，叫左排名第二既粒粒朱古力味，等左大約10分鐘後就有得食。熱辣辣既雞蛋仔真係最好味，加上真實既朱古力粒，雖然有少少甜但都接受到。一底雞蛋仔一個人食算多，建議同朋友分享！而果日既收銀員態度都好好，雖然有唔少訂單但佢都好清楚分到邊個客人先後，唔會出現混亂！