文輝墨魚丸大王

Open Now

Now Closed

細細個已經記得這間粉麵店大大隻墨丸大王字眼，以前真的很長隊，趁未到中午人少少去試一下。主角當然是墨魚丸，簡單直接的雪白外表，是很彈牙但如外表般淡而無味，可惜了那憧憬，河粉做得細滑很不錯。另一紫菜三鮮河大碗得多，魚鬚都是硬身的明顯要用力咬，最想不到的是墨魚仔最好味。加幾蚊又大碗又有紫菜夾味比較抵食。豆漿是淡淡的適中，比較健康。

每次去銅鑼灣，就會心思思要去食文輝⋯⋯🤓真係食咁多年，都咁好食墨丸真係無得輸！咬入口，唔會粉，仲食到粒粒墨魚🦑紫菜爽口，又無沙～另外，文輝既辣椒油，都好好味😋少少都夠晒辣，配埋紅醋，無得彈

服務態度極之惡劣 叫佢好似叫佢食屎咁，舖頭又細又窄，人哋食緊嘢 就叫人行去第二台食！話我阻住咗條路!真係火都嚟！收銀嗰個簡直係唔願收錢咁 態度非常惡劣唔會再有下一次。

大學時常食的墨丸河... 好耐無食.. 經過回味一下... 點解而家甘貴！ $46 碗！ 😱😱😱 好彩 都仲係熱刺刺！墨丸依舊爽口彈牙！河粉滑滑的！ 但係紫菜太少了.... 😩

銅鑼灣「渣甸街」, 本地人又名「食街」, 顧名思義食肆林立。近年因種種的環境因素, 令推介食肆變得買少見少, 但至少還有「文輝墨魚丸大王」。舊式麵店裝潢, 店內非常有限的座位, 環境遠不及高級餐廳和新派食肆, 但店內總是座無虛席, 全因為它－「紫菜墨三鮮粉」。紫菜爽口、墨丸彈牙這些不在話下, 精粹在於－湯底。湯底清甜, 味道十足卻不搶其他材料的原味, 喜歡辣的還可以加上店內自家製的辣椒油, 其配合程度絕非三言兩語可以形容。

叫左墨丸面，魚蛋河粉，墨丸河。墨丸裡面99%係粉，成粒棉花咁，一啲味道 都無，何況係墨魚味道?! 而且湯底超淡，好似白開水咁，加左啲魚露也只係咸味（樽魚露好似用水開稀咁!），連我個印傭都話唔好食。 最後我地只係食左半碗就走了!! 永遠唔會再來。

作为潮汕人一向不喜欢在外面吃潮汕菜，因为一般都不正宗，所以这家店一直都不太想去，但那天很想来一碗河粉，顺道就去试试，点了个紫菜墨三鲜，河粉很正！里边有两颗墨鱼丸，大鱿鱼同埋好几个鱿鱼仔，还有紫菜，材料蛮多又新鲜，是家里的味道，很喜欢，下次要带同学去吃！汤也鲜甜，不会太味精，所以嫌有点淡，加了一点自制辣椒，真的是好辣！而且速度特快，刚点完不用一分钟就给我上菜了

我老公成日推薦我去文輝食, 之前有跟佢去食過一次, 我都覺得好味既.今日行完街又唔想食咁肥膩, 自己由灣仔長征到銅鑼灣.為左就係佢地馳明既紫菜墨三鮮先嘗一口湯, 上湯味道, 不是淡而無味的. 不用過濃的湯底, 就可以帶出墨魚既鮮味.嘗過一口湯非常滿意, 就加了點魚露及辣油, 刺激味蕾.紫菜沒有沙, 小墨魚大約有4-5粒, 很嫩. 不會過韌.墨丸大約有兩粒, 很滑重點當然是大墨魚的鬚, 很爽口. 很喜歡雖然索價要四十多元, 但份量真的很大, 食得開心

是日銅鑼灣行街，一個人星期一中午行去邊都多人。雖然銅鑼灣多嘢食，都係個句「好食先得㗎」。一個人冇乜特別可以𢵧，想快靚正同平平地，就諗到食粉麵。所以就去文輝食（其實以前食過）。今日午餐時間人唔算多，可以坐得鬆d。點了一個䔝菜墨三鮮，超大碗，有小墨魚，大墨魚件同墨丸，河粉好滑，墨魚爽口（證明新鮮），墨丸略有d粉，不過都好味。d䔝菜好多，仲有d蔥同冬菜好多，令到個湯好香，正！以今時今日，$42有呢種質素，已經唔錯。

「快點決定午餐吃什麼吧！不然我都快熱死了！」「要不去吃文輝?」近日我們一直在找好吃的丸類，文輝墨丸大王這名字是聽過很多次了，卻還是沒有嘗過，這次就來試試它及不及格吧!「我不要粉。」還沒坐下，我便跟爸講明要求，誰叫我向來對粉麵沒有興趣呢!「有沒有淨料的啊？」看着牆壁上的餐牌，全都寫着什麼粉什麼粉的。「這裏的河粉很有名呢！」爸爸說。「那我在你那邊試一口就好。」不管他的建議，我自顧自的找尋著我的墨丸「走粉」。「是它了！」我指著最貴的選項「我要這個八寶紫菜湯！」看到圖片那滿滿的料，太適合我了！「WOW~我的好大一碗~」大碗盛著多種丸和滿滿的紫菜，那$80好像變得可以接受了!不過吃起來的時候我就很失望了。「怎麼我沒有墨丸!!!」八寶裡竟然沒有招牌!聽到我的叫囔我爸便識趣的分我一顆墨丸。雖然叫墨丸大王，但原來它並沒有太特別，味道不錯但口感偏軟，只算是可以吃吃看的墨丸呢!「你忘記給我河粉。」我又去搶奪別人的碗中物。河粉算是滑而爽口，可是不算太突出，加上我對河粉興趣缺缺，果然嘗一小束就夠了。接下來便開始吃自己的碗中物，拿起筷子撥一撥，裡面的八珍原來是小墨魚、魚蛋、貢丸、魚扎、肉丸、魚皮餃、水餃及紫菜。

不吐不快：態度惡劣，趕客，以後不會再光顧，朋友叫紫菜墨魚米扣底，來正常紫菜墨魚丸米，要求換，死都話自己冇錯，唔肯換，算，又話下次應該喺冇咁繁忙嘅時候order 特別要求，大佬，叫你扣底係好特別？算，食物質素普通，價錢貴，店員愛理不理，最好笑係：阿姐叫我哋講清楚要什麼，我即場回：下次？冇下次㗎喇，咁嘅服務態度，低劣嘅食物質素，反正你哋咁唔憂做嘅，就咪鬼做囉，同區還有很多選擇，最討厭俾錢受氣，不試也罷。

吃完牙齒會有點累的一家粉麵店在我印象中有墨魚吃的粉麵檔其實不多，還要好吃跟份量都讓你滿意的真的小之又少，文輝算是性價比較高的一家。是次吃了招牌的"紫菜墨三鮮粉"墨魚丸有兩粒、紫菜份量適中、墨魚份量可以說是比想像的多，也不少。湯底很清，基本上是有點淡，墨魚丸跟紫菜可能被墨魚搶了，味道不覺得突出，不過不失，墨魚味道不錯，很彈牙因為墨魚份量不少，吃完整碗麵後還有所以最後牙齒是有點累的雖然說不上便宜但份量加上地理的因素，我覺得已經是很難得的了所以一定會回頭唯一讓我感覺卻步是當我在進食的時候，阿姐會突然坐在你旁吃車提子，核子放你旁好像太近有點噁心感覺還有店內文化是比較粗獷，如果比較介意服務的朋友還是先想想吧

比錢食野比人呼呼喝喝.人地落單佢又唔聽問佢有無寫仲話你都無叫係都要迫人坐埋一邊 係咪坐低唔駛郁？咁點食越來越差 伙記黑口黑面 以為自己好巴閉？😡😡貼錢買難受😫😫😫

潮州粉，文輝的名氣的確在銅鑼灣嚮噹噹。侍應們也是正宗潮州人，全部都是"家己人"🙌聲氣也嚮噹噹👏👏門口的紅色配金色的招牌也很有氣勢。店內全是長枱，長而窄，一般都是食得快，走得快，客人流量多而快，所以都ok。餐牌清楚地掛在牆上，款式多。吃粉必備的調味三寶: 辣椒油，紅醋及魚露。辣椒油超辣，幾滴已經要投降😵越是辣就越想食🙊流著鼻涕也要食🙈今次點的紫菜魚皮鮫河粉 - 魚皮餃夠大隻，都有3,4隻。紫菜也很多，再加上有炸蒜頭，惹味!! 湯清淡但有鮮日，飲了也不會囗喝👍總結: 粉夠薄，材料足而好味，是可以keep住去的粉麵店😘

其中一個男伙計對客人態度惡劣，明白旺市客人多，但一枱坐10人，仲要強迫人坐，唔坐又駡人。落單無反應，問下是否已落單，即大聲又發爛渣。叫客人唔好攔路，當客人是甚麼? 作為食肆，怎能呼呼喝喝對待人客。佢唔出聲，成間鋪頭靜曬。根本不明白點解請d咁嘅伙計，正趕客。以上是親眼目睹。粉麵食物頗貴，紫菜墨丸河＄42，油菜$20－23，基本上沒有味道，河粉質地粗糙，大家考慮清楚才幫襯。旺區價格如此理解，但客人也不應無理受氣吧！希望一間頗具名氣、有不少歷史的食店，不會因一個害群之馬而受影響。