男人廚房 (Moved) New Location

今次係第二次去Man Kitchen , 今次特別叫左份Parma Ham雜肉拼盤，一食落口，就知道佢地一定係用好靚既貨。因為肉質好新鮮好香，d肉紋好靚，肥瘦分佈得好好。仲有係再食多次佢地個燒豬仔骨，真係勁好味，成尺長咁長，烤得好香，但係又吾乾，一流！

德國豬手,真係好食到不得了.隻豬手D皮真係脆卜卜,D肉到又嫩口,簡直令人一食難忘囉.仲有個碟之士大薯條,熱辣辣,香嘖嘖,SIZE又大碟,就實話,吃完碟薯條已飽了半PS:其實碟碟都好大碟+好好食.

某日,有老友介紹呢間餐廳比我,話啲野好好食之餘,仲平到你唔信!有好野當然要試吓！终於上星期試左啦，食完感覺良好之餘,仲覺得好超值,幾個老友食到飽晒每人都唔使一舊！呢間餐廳新開張,全新裝修,地方都幾企理濶洛,同幾個老友坐低坐,就叫咗两個大pizza,燒豬肋骨,墨汁意粉,德國肉腸等,德國咸豬手。那道燒豬肋骨，外脆肉軟,骨香美味。德國咸豬手大份之餘,食落亦咸香野味,意粉方面亦做到香濃可口,只是覺得味道較淡,值得推介的還是pizza,简單的餡料，配上薄薄的脆皮,咬一囗..脆之餘,脆皮的香味在囗中揮發,記憶猶在,其他大型連鎖店嘅pizza都不能相提而論,係不能錯過的食物!總括而言,呢間餐廳雖然價錢平,但用料上乘,睇得出並非將貨就價,能做到平,靚，正,值得推介!