萬利來快餐

Open Now

Now Closed

話說每年新年都要加班，新正頭附近茶餐廳唔係全部都開晒，冇乜選擇嘅情況下， 我雞年都係萬利來食新年第一個早餐第一餐就差啲想爆人漏單要我等20分鐘有多，搭枱嗰啲遲來先上岸。阿姐仲c口唔認。三催四請先上一杯唔夠奶嘅奶茶。炒蛋幾滑，蒜蓉包可惜凍左。沙嗲牛肉加雪菜肉絲，太淡口而且無味。沙嗲汁都見唔到話說沙嗲牛肉最緊要嘅靈魂就係啲沙嗲汁呀嘛！一啲茶餐廳嘅感覺都冇，第一餐就食到1肚火，真係食之無味，仲累我差啲遲到只不過＄30貨仔，冇得投訴我唯有接受。

公司平時老細請食下午茶我哋都鍾意叫萬利來，今日去貨倉 stock take, 中場休息就去堂食一個下午茶。啲阿姐嘅服務好一般就係人都知嫁啦⋯⋯好彩杯熱奶茶都還可以，係好似唔夠奶囉我同事就好鬼健康叫份蛋牛治，原來係最穩陣。我就瀨晒嘢啦！叫咗個＄35嘅下午茶，主角係沙律，我再加多＄5轉炸雞比真係好鬼肥啊！但係炸雞髀唔知點解有陣酥味，但因為炸雞皮實在太香，所以唔係好覺眼。但係個沙律就超級唔得，首先淨係食到薯仔同埋紅蘿蔔，最差就係啲沙律醬，完全唔覺得係新鮮即日整嘅，感覺係已經雪過一夜可能兩夜添，未至於去到酸，但新唔新鮮大家條舌頭都懂得分的

係附近番工，朝朝都會搵早餐食，而我最鐘意食沙嗲牛麵。都已經試過附近好多間，依間係附近我認為附近最好食既其中一間。入到去係正常茶記格局，位置都尚算舒服，而伙記係清一色好開心既女士們，朝朝都見佢地同d熟客傾計，茶記就係有一番人情味。食物方面，叫左沙嗲牛肉麵配雙荷包蛋同芝士腸同方包，連埋杯熱奶茶。食過附近多間沙嗲牛，依間好食在味道夠濃，次次外賣番公司d同事都話好香問我係邊度買食沙嗲牛，每次一上台我都係先將d沙嗲牛浸落個湯度，先食左個跟餐方包之後先開始食，咁樣個濃我覺得會好味d我平時都唔太愛好太乾既食物，每朝食一個麵包當早餐對我黎講係不能忍受既，所以一般既跟餐方包我都麻麻地，但依間既方包牛油查得均勻之餘仲幫你烘溶埋d牛油先上台，等佢軟d香d依間既牛肉份量適中，最鐘意係佢個味夠香夠濃，仲有一絲絲既洋蔥，同埋依間係免費配一丁麵，而唔係大光麵，所以連埋個沙嗲牛湯一齊食真係好食！但牛肉口感就只係正常食完！有一個好食既早餐去開始新既一日係好幸福既事，大家不妨一試！

齊哥臨別請食 tea，我淨食髀得喇，多謝晒！家齊飛威的美腿！炸雞髀，馳名紅磡既炸雞髀！雖然唔係脆皮，但香味濃到幾層都聞到。皮炸得香香，滑而味濃，髀肉嫩而滑，肉汁澎湃，令人完全投入美食之中，啖啖肉又好味，我可以連食三隻都唔會滯呀！

原本打算係合記食個出前一丁算，點知要等位，等等下是鬼旦去其他地方食啦，剩返廿分鐘食飯，見到萬利來有位求其。黑椒什扒飯炒底，時間無多，最緊要快，唔諗咁耐喇 ﹗快餐加埋凍齋啡要成 HKD55，都幾貴 ﹗食肉獸突然好想食飯，咪什扒囉 ﹗雞扒、豬扒、牛扒、煎蛋、腸仔，緊豐富啊 ﹗連雞扒都出埋，唔怪得貴啦。雞牛豬都好好味喎，無乸到腍劈劈，雞扒皮脆肉嫩又 juicy，豬扒夠香口，腍得黎有咬口，港式牛扒，不過不失。黑椒汁唔辣，偏重於甜酸味，撈炒飯食都唔錯。

公司太多野做，做到鬼咁燥呀 ﹗要出去食 lunch 透透氣減減壓。我其實想食雙脾燒味飯架，點知富華太 full 有排等，唯有走過黎依邊啦。無得食燒味，諗黎諗去都唔知食咩好，最後咪是但又係什飯囉 ﹗黑椒什扒飯炒底，大路穩陣又豐富，食肉獸快餐首選 ﹗微辣帶甜酸既黑椒汁撈起炒飯黎特別好味、特別開胃，雖然炒得濕左少少，都依然好食啊 ﹗雞扒、牛扒、豬扒、腸仔、煎蛋全部有交袋有水準，無投訴。

老闆無啦啦突然五點話請食 Tea，咁晏？收工喇喎，送到黎都六點喇，都唔知幾耐無試過請全公司食野咯。以前六十幾人都經常有萬歲，依個經濟唔好，剩返三十幾人乍，多謝晒喎。炸雞髀，公司附近最好味既炸雞髀只得萬利來快餐喇 ﹗雖然唔係脆皮，但皮香肉嫩，肉汁豐富，醃得又入味，味道剛剛好，唔會過咸，而且香味勁到全層都聞到呀 ﹗好食啊 ﹗

下午茶時間, 大約5:00點, 樓面只有二人, 坐低後, 阿姐唔得閒, 無人理會, 等了三分鐘, 一位肥仔男店員走來落單, 要了豬扒包和熱奶茶.沒有為意其寫的單, 以為是下午茶餐, 付了錢後, 才發現門口的餐牌上的下午茶H餐, 芝士豬扒餐, 只是$25, 而我沒有要芝士, 反而收了我$28, 原來他把我叫的作”散叫”計算, 我只不過無講到”芝士”, 就當我唔係叫下午茶?!?! 真是豈有此理. 實在太不老實了.豬扒包, 其實不太差, 剛炸起, 熱度夠, 可惜太細件, 十足麥當勞的魚柳包廣告, 魚柳只是前面的部份突出了些少, 原來包的後半部都沒有豬扒的, 無論如何, 食物是合格水準, 只是經營方式太計算了.

今日要去上堂，無食早餐既關係，就求其搵間餐廳醫肚。行過見有位，就入去試試。我叫左個特餐，雞翼出前一丁配奄列同蒜蓉多士雞翼好大陣雪味，奄列又好油。 最好味係塊多士。老公叫左個麻婆豆腐飯，完全冇味。價錢貴又唔好食，食一次就夠。唔會再黎。

牛肉麵和餐肉, 煎蛋兩隻, 煎得極差, 外表看來白色一件, 蛋白黃不分, 另一隻散蛋, 煎過熟, 咬落硬硬實實, 簿簿的午餐肉, 有淤色, 而且咬落乾曾曾, 多士同無烘過分別不大, 真係十分求其, 最好乃牛肉麵, 牛肉些少醃粉口感, 不算多, 麵質彈口, 煮得唔過淋!

今日早上10點半同事叫外賣，我地無外賣紙係手，打到電話去叫野食，冇外賣紙係手當然要問架啦。聽電話嗰個阿姐既態度，2個字: 惡劣10點半都過左早上返工最多人既時間，應該會得閒d架啦。問佢有無雞翼多士，佢話無。再問多2句已經想cut你線。咁我話叫咗其他野先，其他野可能係早餐所以有囉。叫完其他野食我話轉頭問完同事會再打電話黎。佢淨係問咗我內線，我未留地址佢已經收左我線。問完個同事我再問佢，咁淨雞翼同多士有冇呀!? 佢先話有不過唔係餐。問完佢幾錢我話再打電話黎，之後我問返佢: "我唔係自取架點解你唔問我地址?"今次我係佢cut我線前留左大廈名同內線....!!之後再打電話去....佢既態度仍然係咁差....之前我都有去過食晏，比隔離嗰間貴而且d野無咁好食，所以lunch time萬利來會有位隔離嗰間就爆哂囉!而我就唔會再幫襯呢間野....!!又貴又態度差!

可能佢只係工業區內一間平凡茶餐廳，亦無乜所謂特色食品，唔會有人特別提起佢．但係食物水準平均穩定，樣樣食物都有返咁上下，上菜快，環境ok，食物又乾淨，比起相隣那幾間靠得住得多．所以就為佢寫下食評，讚下佢．這裡的菜遠牛河很好吃，牛肉唔"UN"亦唔乾，個汁味道剛剛好，河粉是用"真"河粉，炒到條條分開晒，唔會一舊舊，我覺得比酒樓的炒得更好！如果肚餓必叫這個．另乾炒牛河，焗飯都不錯．另外，佢門口附設鮮搾果汁，都只係幾元杯，好好生意的．

紅磡區多寫字樓及工貿樓，一大班打工一族嚮呢度返工，食飯要快妥正。呢間餐廳完全解決有關方面需要。午市飯餐種類極多。價錢大概$30-35不等。上菜極快。野食都可以。服務水平都唔錯。所以佢地不斷賺錢擴充都唔係無道理。