民華餐廳

Open Now

Now Closed

宵夜想食清啲 叫左魚湯魚蛋河朋友叫左個糯米雞嚟到嘅時候，有啲驚喜，估唔到有炸魚皮係度諗緊已經凌晨2點，會唔會好林點知食落去，勁脆！誇張！啲魚蛋好有魚味同好彈牙個湯有魚味，但唔腥朋友叫嗰個糯米雞，我唔記得影相不過好抵食個糯米雞好大個，內面嘅雞係雞翼味道剛好，唔會太咸，唔會淡而無味價錢都親民，都係around 40 唔洗加一唔限你坐幾耐，無最低消費服務員都幾好態度

放工同女兒去太子剪頭髮，真係好怕去整頭，一坐又係2個多小時，髮廊都收工了。行出街揾嘢食，在附近見到一間民華餐廳。門口餐牌食物的圖片好吸睛，有點心、蒸飯、多士三文治、常餐等。吾知係咪太肚餓，女兒說樣樣都想食，一於入座先，餐廳地方整潔，坐得舒適。滋味常餐多選擇，ABC三項各選一款，我選了榨菜肉絲米粉，餐肉炒蛋，即供牛油多士，榨菜爽口吾會太鹹，肉絲嫩滑入味，米粉爽口，湯底夠味。炒蛋好嫩滑，餐肉夠香口。即烘多士香脆美味。送熱飲品，凍飲加3元，特飲補差價，我要了特飲紅豆冰，用左我小時候的高身懷舊杯，紅豆林甜，奶味香甜！女兒喜歡飲魚湯，所以要了魚湯魚蛋河粉，上枱時蔥花和炸魚皮放在匙上，方便客人選擇食蔥與否，炸魚皮也不會浸到湯，未食就林曬。魚湯底鮮甜，魚蛋和魚片頭鮮味彈牙，麵質爽口。見到隔離枱食西多士，忍不住叫了一份，可配糖漿或鍊奶，我當然要食傳統的糖漿，即叫即炸的西多好厚身，已經分切好一小舊，上面放有一片牛油，趁熱將牛油塗抹在西多上，西多吸收牛油的香味，再點些糖漿，一口咬下，又香又甜，美味又可口！

嗰日返大陸攞嘢返嚟經過旺角，佢嗰度係唔知雀仔街定金魚街，我見到佢有蒸嘢食就試吓啦。侍應服務都可以，但我睇唔到有下午茶餐，咁我就帶咗個糯米雞餐再加兩籠點心。OK糯米雞餐幾好，出糯米雞有料，雞扎我就後悔左，我唔記得咗我唔係好鍾意食芋頭，鵪鶉蛋燒賣都好好食。如果中午餐我都比滿分，但這是我的下午茶餐，本餐$76，水準係好好，如果有餐就更加好。可能係我囉嗦，我都係為佢好，人哋爆晒，當然有人哋嘅原因，中間落墨好緊要。

偶爾經過旺角通菜街，想黎個快食，食返由細到大最鍾意嘅民華餐廳🍴啲座位真係好窄，坐得麻麻哋舒服平時最鍾意食薑絲底嘅通粉，但係今日試吓沙嗲牛肉通😋😋第一時間梗係介紹佢個超級厚底湯底多士，百食不厭，麵包嘅外皮烘到少少脆，但係我覺得可以再脆啲，，再將厚多士點下啲湯，雙重享受。另外值得一提係佢滑蛋真係好滑，食得出有好濃嘅牛油味&鮮奶的香味，而且蛋夠黃夠蛋味👍🏻👍🏻相對起薑絲牛肉通，沙嗲牛肉通比較普通，但係佢都做得幾出色，沙嗲都夠辣夠味。有埋杯嘢飲夾埋係$50樓下，唔知呢個價錢係呢一區算平定貴，但係我覺得值得！

旺角好多冰室我食過5、6間其中一間最重要就係民華雖然晚市係要等下位但我都會等因為對比起其他茶記佢係平靚正！嗌咗好耐無食嘅常餐午餐肉炒蛋 多士 薑絲牛麵飲凍杏廂經典配搭嚟😂😂朋友嗌咗個魚蛋河怕唔夠皮嗌多咗個多士但其實佢飲完檸蜜已經好飽😂😂因為個魚蛋河都好足料啲魚蛋大粒又彈牙招牌真係當之無愧不過個西多真係幾飽都要食上桌快 熱辣辣 香口到不得了滿瀉嘅煉奶係我哩啲嗜甜人士最愛🥺糖漿無法替代大家諗唔到食咩就嚟食啦🤪😋

其實唔使下下都要食魚生或者鋸扒嘅，有時都要撐下啲本土嘢。 平時食開壽司或者m記， 今日心血來潮想去茶記到食番啲本土情懷。行過見到民華餐廳就入去食下咁返起對上一次食都好似好耐好耐好耐之前所以今次入到去順手指咗個常餐再加多一份西多士👍， 因為實在太肚餓嘅關係所以一份常餐再加多一份西多士應該冇得輸，點知嚟到嘅時候個常餐比我想像中份量充足，所以真係好似有少少眼闊肚窄咗😂講番個常餐，嗰啲蛋炒得好香口，入口亦都好有蛋香同埋嫩滑👍， 西多亦都覺得恰到好處又香又軟熟。 真係冇諗過佢哋仲可以keep到呢一個水準。

星期六一家人在太子金魚街看完小動物，肚餓了小朋友說想吃西多士，路過這間茶餐廳看見 門口的西多士相片， 已被它深深吸引著了。 西多士約兩吋厚，麵包沾滿了蛋漿來炸的，口感特別軟綿綿興衆不同 ，比起中間夾著花生醬的好食好多。另外我們點了常餐及 豬軟骨飯。常餐中的炒雙蛋牛油大多士& 叉燒蕃茄濃湯通粉， 特別濃郁的番茄加理半肥瘦的叉燒，份量大很足料,是兩位小朋友添食之選。 豬軟骨飯是廚師推介，豬軟骨炆得很入味淋漓，入口即化齒留肉香。鵪鶉蛋燒賣是經典的懷舊小食，估不到這茶餐廳也有供應而且味道一流。最後叫一杯香濃咖啡及檸啡，滿足而懷舊的一餐呢！

今日行開金魚街就當然去呢間長期爆場既港式茶餐廳啦, 食過幾次都好出色同埋有驚喜!西多士下午茶黎講點可以冇西多士, 佢呢到既西多好厚同大份, 坏辣辣既西多再加一塊慢慢溶緊既牛油, 非常邪惡同埋滿足，喺附近行到攰真係入嚟食個tea可以差下電!咖哩豬扒飯嚟到之後我都呆咗, 因為份量真係好大份同埋賣相非常吸引，豬扒好淋而味道又岩岩好，咖哩係微辣既港式咖哩味。另一出色位係個煎蛋岩岩好流心，加落D飯到連埋咖哩一齊食係超級夾! 下次再嚟食飯都唔知叫咩食好，實在太多選擇啦!

今天帶了小朋友去旺角的金魚街，看魚之前，先填飽個肚。我們兩大兩小叫了3樣食物，一個咖喱雞飯（跟凍檸檬茶）($58)，一個常餐（鮮茄叉燒通粉+餐肉炒蛋+即烘牛油多士+凍檸檬茶）($46)，和一碗魚湯魚蛋河粉（跟凍檸檬茶）($47)。咖喱雞飯除了咖喱雞之外，飯上面還有一只太陽蛋，咖喱香辣，雞有雞腿雞翼，分量大，咖喱汁很多，很香濃！常餐的食物很豐富，鮮茄叉燒通粉很適合小朋友，鮮茄湯底很濃，炒蛋很滑，牛油多士是香脆的，真的是“即烘”，小朋友食得很開心，下次再encore。魚湯魚蛋河粉的魚蛋很彈牙，有咸香味，配上辣椒油很惹味！還有3塊炸魚皮和菜心，很豐富！

是日早上又來到我最愛嘅民華餐廳食早餐，餐廳由早到晚都係咁滿座，真係好受香港市民及街坊歡迎的呢早上除左有健康鮮奶麥皮早餐，亦有菠蘿包套餐，享受港式滋味滋味常餐我都係點選左最愛的全日供應滋味常餐！金黃色的炒蛋相當嫩滑，蛋味濃郁，好有蛋香，非常美味～ 配上超級鬆軟的白方包，大滿足的配搭啊常餐的粉麵類揀左雪菜肉絲通粉，肉絲同通粉份量頗多，但略嫌雪菜有榨熱奶茶港式奶茶夠晒絲滑，無得輸燒賣半肥瘦豬肉加入鮮蝦，調味恰當，拍得住酒樓水準呀雞札雞札大大件，金黃色的腐竹包住豬肚、魚肚、芋頭、雞塊等等，配料豐富，份量十足，仲好飽肚哦西多士最後仲點左個厚西多士，外酥脆；內香軟，有蛋香同麵包香，加埋牛油同糖漿非常邪惡呢

今次跟朋友於旺角交收，於是找個地方落腳，我們到新世紀廣場附近的《民華中心》了。這裡職員落單敏捷，上菜也很快 👍🏻👍🏻常餐 沙嗲牛肉通 HKD 48 湯式濃郁，牛肉夠棯，沒有被拿得很利害的感覺。 另外還可添加餐肉跟炒蛋~ 廚師控制火喉得宜，把蛋黃處於半熟不熟狀態，口感一流。 😋套餐還有牛油多士 加HKD 2 有煉奶 多士烘得又香又脆口。最愛多奶多煉奶狀態 ～ 凍檸檬茶 HKD 3這裡隨了常餐外，還有其他，例如點心、飯等等，是快餐之選！

民華餐廳係我經常去嘅餐廳，皆因選擇多， 同同事去同朋友去點都有選擇。 常餐46 朝早冇食早餐唔緊要 ，叫返個常餐 就搞掂。 蕃茄叉燒通大大碗， 最緊要蕃茄湯係好濃， 比普通清湯又有多啲番茄嘅營養， 叉燒又有好多片， 未食炒蛋都已經飽曬。 餐肉炒蛋 多士  炒蛋炒到滑一滑， 餐肉厚厚一片，但係又唔肥膩， 多士厚厚兩大片外脆內軟，配埋半溶嘅牛油，美味。 西多20 即叫即炸， 一大塊牛油勁邪惡鋪喺上高 ，最重要係可以揀糖漿或者煉奶， 揀練奶又有牛奶嘅香味， 呢個一定要趁熱食。 魚湯魚蛋河粉 36 同事要咗魚蛋河粉， 除咗係用魚湯之外， 有四大粒彈牙爽口嘅魚蛋同埋兩大片魚角， 仲有幾快脆口嘅魚皮， 河粉夠大碗， 夠曬飽。 - 五香牛筋腩湯米粉46  牛筋牛腩畀得一啲都唔野少， 牛腩大大件炆得入味軟淋， 輕輕一咬就能夠撕開。 牛筋軟淋入味又夠骨膠原， 配埋兩條街懶唔怕冇纖維。 凍檸茶 3 跟餐配咗凍檸茶， 夏天飲勁解暑。 熱檸茶 茶夠濃，檸檬夠新鮮，一流！ 茶餐廳 格局一定唔會有大餐廳咁舒服， 但 上班一族搵食自在要快， 店員工作爽手利落， 野食亦都好快到，

黎得民華食 lunch，就係想食佢個常餐啦。但係成日叫蕃茄湯厭厭地，今日就試試佢個沙爹牛肉麵係點樣嘅。沙爹牛肉麵同其他茶餐廳類似，但沙爹醬如果再多d或者濃d可能會更加好食。不過配埋佢個炒滑蛋，清清地都幾舒服。如果食開重口味嘅，都係叫番蕃茄湯會穩陣d。另外口痕想試下佢個西多士，今次記得叫落煉奶唔要糖漿，原來係出奇地夾！個感覺好似食緊奶油多但係奶油在外面，多士在入面咁樣。幾特別！下次再黎要encore呢樣！

旺角 民華餐廳平時黎到要等位，斬等左一段時間先有位職員忙到癲，所以想搵個有空既人黎叫野係好困難的！好彩今次唔算太多人食好常餐真係相比較抵食，而家出面食個麵餐好多都唔再跟腸旦，但佢就3十幾仲有齊野常餐件牛油方包都仲可以烘底唔洗加錢餐肉厚切，滑蛋成個常餐個重點，好滑！炒旦有奶味，個炒旦未至於澳牛、但我覺得僅次於既，因平時其他地方d炒旦要落鹽同胡椒先食得落口西多士邪惡中的代表炸至金黃色的西多士，新鮮熱辣出爐鬆軟不油膩，上面放上奶漿和一片牛油，滋味滿分。菠蘿油十分之好味抵食，件牛油好厚，正食過出面唔少hea 既菠蘿包、個底黑哂硬，包又唔鬆軟，但民華就唔會了！加埋牛油真係好好食，大讚！火腿炒蛋菠蘿包火腿炒蛋菠蘿包這個很少見，炒蛋跟常餐的一樣也是非常滑溜，菠蘿包新鮮熱辣，表皮鬆脆口感卻相當鬆軟，十分受落推介⭐️⭐⭐️⭐⭐

食咗10幾廿次民華餐廳，都係我快餐首選，可惜住果邊冇分店，黎旺角吾知食乜就會黎食。【五香牛筋腩湯河】$37牛筋好有膠感，牛肉大大件得黎又軟稔，湯底幾清香，河粉太多，令到食到一半到吾夠湯。【沙嗲牛肉通粉配炒蛋腸仔及即烘多士】常餐 $46次次都食蕃茄牛肉通粉，今次轉下口味試下沙嗲湯底，沙嗲味好清淡，都係蕃茄湯底最正。【西多士】$20就算爆哂quota都食埋西多士，香味撲鼻，加埋煉奶乳香同牛油，停吾到口。