迷日食堂

Open Now

Now Closed

§葵廣掃街篇§主打日式吉列小食, 炸物即叫即炸, 拎上手保證熱辣辣~和牛薯彈 - 用上日本和牛, 外皮炸得好脆, 薯餅以北海道薯仔、洋蔥製成, 內餡香軟, 仲咬到富有肉汁既和牛粒粒。秘製雞肉彈 - 醃製過既去骨雞腿肉炸至金黃, 有油香, 炸粉唔會過厚。蝦蝦薯彈 - 內含蝦粒、蘑菇。

有個勁鐘意食薯餅既女朋友，都好易滿足到佢！發現左葵涌廣場有間食日本小食！仲要有好多唔同口味既薯餅！即刻介紹帶佢去食！佢開心到呢！首先叫左小店最人氣既爆汁肉彈！唔錯唷！唔係好厚啖啖肉果啲！但有肉味同有汁！蝦蝦薯彈，呢個如果再多啲蝦就更好了！但係啖啖薯都好唔錯，佢唔會食入口好多薯仔果個感覺！佢係有外脆內軟！串燒丸子甜品就一定品少得啦！我叫左串燒丸子！係日本就食過啦！香港好少見！又唔錯唷！好軟身同夠味！又唔會好甜！讚👍🏻

雖然佢係舖頭細細，但都有好多種類嘅嘢食！同埋佢係日本為主好多都係日本小食！我自己好鐘意食薯餅！咩薯餅都食！今次呢到有咁多選擇！真係令我好難揀！呢到最人氣既係爆汁肉彈！我緊係要試下先啦！真係好多肉汁走出黎！正！🤤🤤🤤-厚切和牛薯彈呢個因為厚身，咬入口好有質感！又好有牛肉味！加埋炸左晚薯仔🥔好夾！-蕨餅波波我去日本都係好鐘意食蕨餅！我真係成幾多都唔夠！佢呢到我食到我係日本食既感覺！好軟好好味！

而家都去不到餐廳吃，唯有買外賣囉～見這家是新的小食店，是食日本可樂餅、炸雞等等。叫了一份蝦肉薯餅，比想像中夠味，即叫即炸，好脆口香口～如果份量再大一點兒就更好啦！因為這才夠吃呀，哈哈。下面這款是牛肉炸餅，竟然相對不咸，但薯餅更有質感，味道上更好吃～如果推薦的話，個人建議點蝦肉薯餅喔！以下這款是炸雞粒，有點辣粉，香口而且惹味，但又不會太辣。這家店，原來除了即食的小食外，還有網上購物的平台，可以購買到日本直送的貨物或食物，有空都可以上去看看～

疫情底下，外賣店暫時未有太大影響，總算叫做有得搵吓嘢食再深潛。喺葵涌廣場見到好靚粉紅色少女系嘅一間小店，原來係賣和風小食。就咁睇就好似唔平，但有套餐選擇就抵好多，最適合同朋友share一個C一個F，等左十分鐘之內就有齊哂。 姨姨非常友善同我地介紹唔同口味嘅特色，材料都係日本直送。不得不提小店真係有日本嘅貼心，呢個看似平凡叼紙袋好衞生，沿著虛線撕開就可以唔整污租手手就見到香噴噴又黃黃色嘅「肉彈」，食得安心。如果唔係即食就可以摺起包實哂。🍤🍤薯彈：薯餅入面好軟滑，意想不到的creamy！配合少少野菜好清新，蝦肉係碎d，但都有口感厚切和牛：入面真係原粒牛🐮肉，所以望落都厚過蝦蝦，肉汁會爆出，小心熱呀！甜品：厥餅好qq又唔太甜，波波入面餡料好豐富食食下，發覺開始飽好味道令人滿足，小店的人情味也令人感到窩心，不妨一試！

之前見有間賣幾多香港唔常見既日本直送杯麪同零食既網店 原來佢起葵廣有開咗個小小嘅店鋪 有佢哋自家製既薯餅食完小食仲可以掃埋啲特別嘅杯麪返屋企食 我哋個日叫咗個Set A同Set D我哋叫咗個爆汁肉彈 薯餅炸到幾香脆裡面好軟熟 裡面係薯蓉加上北海道既和牛同洋蔥加埋好香甜 肉汁幾豐富唔難得叫爆汁肉彈另外仲叫咗件厚切和牛薯彈 一樣用咗北海道既和牛同薯仔製造呢個薯餅口感好豐富 啖啖都feel到好綿密既薯蓉同肉既甜味 都唔錯我地仲叫多份甜品 叫咗個S2 嘅蕨餅波波 有五件黃豆粉蕨餅同兩粒紅豆木晶波波 蕨餅口感軟彈微微煙韌沾到黃豆粉食好夾 紅豆水晶波波有好多紅豆蓉 夠曬甜密

成日去葵廣的小編，一見到有新小食店當然要去啦！看到門面寫住是日本直送的小食，已經好吸引，價錢又平，就同朋友試試～點了套餐D+F，有薯餅、肉餅和丸子、蕨餅。好好食呀！首先，薯餅肉餅都是即叫即炸的，一到手是好香口。其次，味道好好！小編點的是蝦肉薯餅，一咬開已經見到有蝦粒，調味適中的薯蓉令食落不會膩，好好食！之後是和牛粒肉餅，真是啖啖肉，肉食者必點！這款丸子是配以咸醬油，煙煙韌韌，好有口感～因為丸子是甜的，配咸醬油就咸咸甜甜幾特別～

疫情越嚟越嚴重，但係都需要食嘢，葵廣外賣選擇多，今日決定食薯餅😝佢即叫即整，用心製作。我地叫左套餐B & EB 包括和牛薯彈同蝦蝦薯彈$32E包括厚切和牛薯彈加蕨餅波波$36我覺得厚切和牛薯彈幾有驚喜，真係食到和牛粒，仲要唔少，蝦蝦薯彈都有蝦肉，外面炸得好香脆可口，裏面嘅薯蓉好冧☺️拎到返屋企雖然有少少凍咗，但係都仲係幾好食，食完之後都覺得幾飽😝仲有唔會覺得好熱氣，火候掌握得好好。薯餅還可以加落啲公仔麵嗰度做配菜，浸左湯食都一樣咁好味至於蕨餅波波都值得食，蕨餅真係好煙韌喎，佢啲黃豆粉好多，好味！紅豆水晶波波就大大粒，帶有紅豆香☺️經過嘅時候不妨食下，價錢都幾實惠㗎

去日本旅行我其中一樣好鍾意食嘅就係可樂餅，呢日同朋友嚟葵廣行街，見到呢間成間粉紅色鋪面好少女心嘅鋪頭有可好餅賣，就毫不猶豫咁叫咗。我地叫咗個高級和牛set同串燒丸子，有鹹有甜啱啱好就一餐。因為係即叫即炸嘅關係，我地約莫等咗8-9分鐘左右，唔算好耐，而且啲食物上手真係熱辣辣，一口咬真係會熱親個嘴㗎。首先食咗個爆汁牛彈，咬落啖啖肉而且名副其實真係會爆汁㗎，好味！另外嘅厚切和牛薯彈就真係好大份，入面嘅薯蓉都好creamy,中間夾住幾舊牛肉。我地另外仲叫咗串燒丸子，呢樣就係微溫，可以中和一吓另外兩件炸物嘅熱力。丸子上面嘅醬油汁鹹鹹甜甜，丸子嘅煙韌度適中，真係好有係日本食嘅感覺，好喜歡！另外，鋪頭仲有唔少日本嘅商品可以買，真係貫徹始終，係一間迷日食堂！

在葵涌廣場行街shopping, 行到好肚餓,知道3/F有好多野食，上去走一圈，被這間粉紅色舖頭吸引了。剛好想吃炸物，所以就揀了以下。點餐後，見到食物是即點即製，信心大增。🔸️爆汁肉彈🐮🧆大概是炸漢堡扒，好juicy, 外脆內軟，牛肉味一般。🔸️厚切和牛薯彈🐮🥔🧆炸得剛剛好，外表金黃，入口香脆，內裡薯蓉軟綿綿。有些牛肉粒在內，雖然不及爆汁肉彈的牛肉份量多，但我更愛這個。🔸️秘製雞肉彈🐔店員推薦我吃這個，說是用日本產雞肉。果然，入口沒有坊間雪藏雞的雪藏腥味。剛炸起的雞件熱辣辣燙口，但是都能吸引我一口接一口咁享用佢。下次想試下其他甜點~

知道近排葵廣開咗間新嘅小食店，專程泥試吓～諗咗好耐，最後決定要和牛同蝦蝦薯彈，試埋串燒丸子同蕨餅由於新鮮即炸，落order之後要等五至十分鐘，炸得好均勻，咬落去好脆好熱，薯仔既既味道都好濃～串燒丸子都幾大粒，同friend share 一人一串就岩岩好，咬落去好煙韌，連埋外面果層醬油食，甜度岩岩好唔會太over 黃豆粉蕨餅咬落好鬆軟，好好味，睇落簡單既蕨餅要整得好食真係唔容易。紅豆水晶波波既紅豆味好出整體來說，食物質素都唔錯。最推薦薯彈，新鮮即炸真係幾正有機會試埋其他款先

嚟到葵廣試下新野😛 呢間賣可樂餅等日本小食嘅店幾有特色(⁎⁍̴̛ᴗ⁍̴̛⁎) 係一排食店中吸引到我😻 好鍾意食可樂餅 平時好少地方有得買 呢度即叫即炸 同日本既味道好接近🤤Set B 牛牛蝦蝦 $32有和牛薯彈同蝦蝦薯彈😻 調味同火候都好好😆 不過蝦餅係多薯味少蝦味果種 更鍾意食和牛味👅 基本上薯仔落去炸 冇得輸🤣Set E 厚切和牛薯彈+蕨餅波波 $36厚切呢款食到和牛碎粒 又炸到勁酥脆🥺 掃街掃到尾聲都食晒🦦 蕨餅波波攞咗返屋企食 黃豆粉蕨餅我一向都幾鍾意🥰 煙韌控😆 仲有兩粒紅豆和果子 為葵廣掃街畫上完美句號٩(˃̶͈̀௰˂̶͈́)و

今日放工就約左朋友係葵芳到等，諗住就去食下小食先，之黎再係附近食晚餐，我地去到葵涌廣場，見到有好多唔同款式既小食，心思思想每樣都試下，但我地之後都仲要食晚餐，所以最後就食左頂樓既日式小食小店門面裝修得好夢幻，全部都係粉紅色，感覺超有少女心，小店主要售賣薯餅，有超多唔同口味既薯餅，一定有一款係自己鍾意食，大人同小朋友都會鍾意食，由其係小朋友，見到以間店舖一定會超級開心爆汁肉彈+厚切和牛薯彈$45爆汁肉彈~外皮炸得香脆，裏面就有些似漢堡扒，咬一口，滿滿牛肉香味和牛薯彈~裏面薯蓉香滑，仲入口即化，配上和牛粒，可以食到雙重口感秘製雞肉彈(90g)$22雞肉十分嫩滑，聽講仲係用左日本雞鎚部位黎整，食落仲充滿肉汁，唔會太乾身

爆汁肉彈，手握製作，即叫即炸，採用100%日本產和牛、北海道洋蔥製作，和牛肉汁飽滿，油脂味濃，肥瘦比例適中，脂肪部分入口即化，洋蔥食落味道清甜、口感爽脆，外皮炸得香酥薄脆、不油膩。蝦蝦薯彈，採用北海道高級名牌馬鈴薯製作，馬鈴薯口感更綿滑、軟腍，食落更香口，加入左大量鮮蝦、蘑菇、洋蔥製作，鮮蝦口感爽彈、鮮甜，蘑菇、洋蔥令口感更豐富。蕨餅波波セット，蕨餅口感彈牙，配上黃豆粉食用，味道清香、豆香味濃；紅豆水晶波波外皮煙韌，紅豆餡料味道香甜，口感綿密。

前幾日又去咗葵廣搵嘢食🤨見到裝潢勁粉紅嘅迷日食堂💖佢哋嘅餐牌有好多脆薯餅同日本地道甜品😍.串燒丸子🍡醬油風味，入口有少少鹹😆之後就越食越甜☺️口感煙韌 QQ😜特色和菓子略略咁燒過然後加熱🔥賣相同味道都充滿和風特色💮.厚切和牛薯彈🐂表面炸到金黃香脆🤩呢個嘅日本產和牛份量係 03 和牛薯彈嘅兩倍🥩🥩而且採用北海道馬鈴薯及洋蔥🥔🧅薯仔甜味重，柔軟嘅薯蓉同和牛牛肉粒非常夾😋.秘製雞肉彈🐔同樣係用日本產雞肉🇯🇵仲揀咗雞鎚最嫩滑部分🍗然後加入秘傳醬汁嚟醃製🤫即叫即炸😉一咬落去雞肉嘅肉汁就爆曬出嚟🤤味道亦剛好