嗎哪餐廳

Open Now

Now Closed

約左朋友係觀塘食飯，朋友介紹之下就上去試下啦～餐廳係教會入面，之前都有見過，不過就未食過。今次係食晚餐，好多選擇呀！有小菜、碟頭飯、扒餐、Burger......基本上你想食咩都有！正呀！我叫左全日早餐，用料唔錯，份量又多，$72 勁抵食啦！而且餐廳環境舒服，同朋友傾偈都ok下次一定要再黎！

餐廳：嗎哪餐廳 (觀塘)地址：觀塘翠屏道11號觀潮浸信會1樓一直好想去多啲有基督元素嘅餐廳🏥，今次去到觀塘觀潮浸信會1樓嘅嗎哪餐廳，佢地相信，要行出基督信仰，需要互相支持，一同成長👫，將大家在耶穌內的經歷，互相勸勉。佢地係舊年6月同8月仲有罷工同香港人一齊同行🤚👆，緊係要多多懲罰啦平時佢地仲推出長者同學生優惠餐，一個客飯最平$20就有😍，最重要係佢地奉行基督嘅旨意，經常會送飯送沙水比附近有需要嘅長者同露宿者，真係要多多支持佢地去到嘅時候係正中午時間，有唔少放lunch嘅打工仔同長者🧓，除左播住流行詩歌之外，餐廳周圍都有唔同聖經金句同裝飾，黎到屬神嘅地方食飯真係零舍唔同☺️，Amen🙏，感恩叫左個洋蔥汁豬扒煙肉飯同蒜蓉汁香草雞扒腸仔飯，兩樣都係各$28，真係好抵！飯仲加左少許紅米，份量適中，味道都唔差👍🏼，良心餐廳真係唔同啲

而家小店買少見少啦，難得有一間餐廳係教會裡面，人流唔多，街坊應該多啲幫襯。餐廳環境一流，係用大自然主題，幾溫馨柔和嘅感覺。我點左外賣早餐，午餐肉雜菜湯公仔麵。雜菜湯係羅宋湯個隻味，蕃茄味好濃，味道偏甜，湯的質感濃稠，好好味呀。午餐肉係厚切，而且係用靚料，唔會好咸，餐肉有肉粒口感，餐廳係用料方面好用心。凍檸檬茶少甜真係有明顯少甜，外面好多餐廳都飲唔出甜度分別，呢間做得到。不過有個位做得唔係太好，外賣餐盒唔可以完全密封，應該提供膠袋而唔係紙袋。環保重要，但疫情關係大家都多左叫外賣，多數人係帶布環保袋，裝唔到湯麵。

中午路過觀塘泳池旁邊，看見觀浸信會教會門口有會手繪木板「餐廳，請上1樓」吸引了我推門入去。行上旋轉樓梯上1樓，看見木板設計空間，午餐時間尾聲，客人不太多了。😊由於未到下午茶時間，我在電子螢幕餐牌選了午餐（爆蒜泥西冷牛扒配飯、炒雜菜、水果）牛扒 厚度十足，水果及菜非常新鮮👍🏼包餐湯🥣及熱飲☕️ 只需$78❤️❤️❤️一面用餐 一面聽著詩歌，給人在繁忙的生活中有一片寧靜。♿️這餐廳設有無障礙通道及升降機，方便傷健人士光臨。

餐廳位於教會大廈裡面，取名Manna係甘露的意思。在counter買了餐找座位等一陣，就有得食啦！雞扒三明治同牛扒餐都好高質素，仲有沙律同水果同飲品，非常滿意的午餐

星期六中午黎到呢邊食野，人唔算多，環境都幾好，有種cafe既感覺。友人推薦胡椒豬肚飯，50幾蚊但非常豐富，性價比高。蔬菜好新鮮，冇黃葉，洗得好乾淨。胡椒豬肚湯既胡椒放得比較多比較辣，如果鍾意食辣會幾鍾意。白飯仲有小小藜麥，比較健康。水果好清甜。不過呢間餐廳比較自助，食完後要自己倒啲廚餘，把碗碟分類。但餐廳將個站放係一個細角落，只能容納1-2人係到整，周圍又有其他雜物，比較唔方便。如果可以整寬落啲會更好。

社區大樓内嘅餐廳，位於一樓位置開揚，感覺乾淨企理。我地試左...厚蛋芝士雞扒吐司：雞扒幾大塊又juicy,食落吙吙肉，另外配埋鮮果同沙律，減低罪惡感，火龍果有半個，食晒成份都幾飽。All Day Breakfast: 都幾大份，好多料，但味道普普通通，如果牛角包可以焗一焗會更好。魚湯米線：個湯真係啖啖魚肉，味道一般，米線都幾多，但呢款無配生果或菜。以上全部配餐飲，咖啡茶特飲要加錢。

今早order 了兩個all day breakfast 同一個cheese雞排toast sandwich, 兩杯凍chocolate、一杯熱奶茶, 見到食物同杯朱古力出來，大家都嘩一聲，呢個價錢去邊度揾🤗 大又甜的火龍果、香口味濃的雞排、特式chocolate, 奶茶是港式（不是Lipton茶包), 大大份的all day breakfast，perfect for brunch !! 因喺教會大樓裡面，冇乜人知，其實非信徒也歡迎來試試，在一樓，上了靚靚樓梯就到。

今早收通宵早餐🥣😋！驅寒去濕胡椒豬肚湯螺絲粉，湯底超正👍一飲而盡（奶茶☕️無飲外賣咗）在家附近的社企餐廳🍴，開業差不多已半年⋯一直都想幫襯，襯今早收通宵很想吃點東西才回家休息便試一試！呢度最特別嘅係，早餐所有嘅湯底都係自家煲嘅靚湯，料足👍！亦睇得出廚師👩‍🍳👨‍🍳很用心去整呢個湯，只需三十四個大洋😸，我覺得超值！客不算多，悠悠閒閒啃食！嘆埋報紙回家安睡😴💤💤💤#香港加油💪🏻🇭🇰

一般餐廳係追求快捷方便，盈利成本，味道之餘，都會忽略咗健康以及營養均衡。多油鹽，味精都係預期之內，但係到底有冇餐廳係可以娶到一個平衡呢？呢間餐廳位於觀塘教會之內，要上一層，但可以選擇搭電梯或者行樓梯，方便各種需要嘅朋友。佢標榜所有粉麵類嘅湯都係自家製，冇味精，可以飲埋！咁厲害？一於試一試！今日試咗意式番茄雜菜湯底螺絲粉，配厚午餐肉，餐飲係熱奶茶。呢個湯底真材實料，用上大量西芹紅蘿蔔蕃茄等蔬菜烹煮而成，仲用咗煙肉爆香湯頭，非常有誠意！螺絲粉唔會太「林」，厚嘅午餐肉細心煎香兩邊，放喺湯上面減少油膩感，唔錯。出奇地奶茶質素喜出望外，係以前舊式茶餐廳沖出嚟嘅絲襪奶茶，茶味濃郁，唔使加錢，值得一試！特別要注意嘅係呢度冇港式咖啡，只有 espresso, latte, flat white, Americano,係需要跟餐加$14先至可以有。同行友人由於今日實在太想飲咖啡，叫咗一個輕盈早餐，只有炒蛋及火腿芝士配多士，配一杯咖啡，呢一個餐$34。炒蛋正常，火腿芝士多士只係用普通嘅火腿及普通嘅芝士放喺普通嘅麵包上面，啱唔啱食就見仁見智啦！叫咗一杯 flat white, 咖啡係啱飲嘅，咖啡豆唔苦比較淡

星期六來到這個標榜無味精的西式小餐廳，以輕食為主，有all day breakfast。地方算大，環境清潔乾淨，播著輕音樂，職員非常親切和藹。十分喜歡這裡。職員說是五月開幕，怪不得之前沒留意。職員溫馨提示我早餐只去到11:00，我點了一個限定早餐，只是$34，餐肉蛋蜜糖吐司走芝士加鮮奶咖啡，個多士中間一層厚厚嘅蛋，非常滑。跟餐的鮮奶咖啡香濃，nutty favor，沒有酸味。中間的泡沫雖然不多但厚實。今天坐在室內，看著窗外的毛毛細雨，感覺很寫意。知道他們是社企，更想多來幫襯。支持小店。下次一定要試老火湯公仔麵。

哩間cafe由佢係大埔開既時候就想食，但因為太唔就腳所以一直都無食🤪🤪🤪近排知道原來大埔無做了，轉左過黎觀塘，即係好心動想黎食😍😍😍今日剛好放假就黎試下啦，不過撞正星期日，因為cafe位放浸信會教堂一樓，適逢今日舉辦活動，所以哩間cafe勁多人幫襯食晏完全沒有cafe的舒適感覺，只有擠擁和嘈吵，同大埔以前嗰間既裝飾相距得太遠了😳大埔係行文青跟線，而觀塘係走大眾化路線，開放式既座位，同普通既餐廳一樣，並無特別😴😴原本想嗌all day breakfast 🤫🤫🤫但係一點都未有就話買哂，最後嗌左韓式厚蛋芝士雞扒吐司🍞配沙律🥗同埋健怡香草檸檬雞扒配湯，生果，沙律🥗，野飲就嗌左熱Latte 同熱菊花茉莉花茶。野食好快就有啦，自助形式既，健怡香草檸檬雞扒賣相都okay 既，雞扒大大塊，但食落無咩特別，只係一塊普通既雞扒，我覺得自己整仲好味既，沙律菜食落怪怪的，好似唔多新鮮至於塊吐司🍞原本食落好好味，因為有芝土，但食第二啖既時候發現塊雞扒係酸既，之後唔敢再食，怕肚痛呀😳😳😳唯一可取既係杯latte幾好飲！不過食物質素同環境唔足以令我番轉頭😳😳😳同埋咁既價餐，CP值太低了吧！只是打卡影相還可以的！

聽朋友講得多 今次第一次去朝下聖座落係觀塘潮語浸信會一樓一間社企 地方唔大 但好舒服佢價錢唔係超平 但好合理 我選一個胡椒豬肚 午餐有一大碗 係一大碗 望下去係平日四人份量咁大再有一個四葉盤放 紅米飯 前菜 新鮮菜 同新鮮水果仲有一杯飲品飽到一個點 佢個湯係好濃味 料好足又多 唯一我覺得唔夠熱水果都好新鮮好甜整體高質同行朋友食左佢豬扒餐 同雞扒 都好味味 佢有個餐湯係東瓜雞粒 又係好足料 但係略為咸左少少食完要自己放返盤 廚餘自己分類幾好 教導自己負返責任值得推

環境：第一次到這間餐廳，星期六下午1:00左右，沒什麼人，幾安靜，冷氣溫度剛剛好；淺木色的枱加上微黃亮光，環境舒服因為同朋友傾計所以確定等了多久，但都要一段時間，應該是即叫即煎食物：叫了一個韓式厚蛋雞扒吐司配生果及沙律，加凍檸茶少甜（好像是$62+$3）第一個感覺是很大份，雞扒有一個手掌size，而且很豐富，有半個火龍果及兩舊哈密瓜沙律的蔬菜感覺新鮮，芝麻醬分量剛剛好吐司是甜的麵包，面有少少脆，應該有微微烘過；雞扒有黑椒和鹽調味，中間都嫩，不會很乾，也不會太咸；厚蛋很厚！！檸檬茶是偏清新的那種，不走港式路線，喝得出少甜因為性價比高，食物不錯，而且比一些Cafe便宜大份，所以幾推薦，附近游完水去食

今日食胡椒豬肚湯藜麥飯，好豐富，除了有好多湯料外，最重要係豬肚夠“林”，湯底夠辣！好醒胃！除了飯之外，仲有沙律菜同水果！好健康！另外我加$5飲凍朱古力，有彩色棉花糖，相當吸引！