楓の居 (Closed)

又到星期六晚，和太太出街搵食，太太喜歡食日本菜，想不到這條街都有，立刻去試，想不到仲有位，不用等，試了個滑蛋豬扒飯，鰻魚炒飯定食，味道不錯，阿仔自己不斷食，這裏好在不用等位，而且坐得舒適，可以 enjoy 到晚餐，下次再試其他。

呢間舖頭嘅裝修，好似90年代末期嗰種風格咁！好少行過嚟呢一頭，今次就試吓呢間餐廳啦！時間都係早一去到即刻有位！之後睇餐牌叫咗個午餐雜錦刺身飯！係一個定食！入邊有前菜有沙律亦都有嘢飲！等左一陣嘢食就嚟啦！首先，試一試個沙律先，裏面有蟹子同埋啲沙律菜，都幾新鮮嘅，啲蟹字都唔會腥！個沙律進入唔會太酸！ok! 之後仲有一個前菜係螺肉！個味道都唔錯，個醬汁都唔好話太多！同埋都算大粒！咬落去個口感都唔錯！至於去到主菜，有三文魚、赤蝦、八爪魚、油甘魚，仲有三文魚子！都幾新鮮嘅！特別三文魚係好鮮甜！赤蝦比我想像中還要新鮮，之前喺其他地方食過覺得好腥，今日係唔小心情況下俾個撞返赤蝦，事實上又唔係腥，仲有啲鮮甜添！食咗個蝦頭個感覺都唔係太差！油甘魚個鮮甜就唔及三文魚，但係都ok鮮甜，個飯都OK嘅！質地都唔差嘅！八爪魚個感覺係唔錯嘅！三文魚子都好新鮮！咬落去都有滿足感嘅！都幾鮮甜下。

楓の居收工之後去觀塘搵食，呢間都好似幾吸引就入去試吓啦雜錦壽司定食10件~$98送沙律，是日小食中華沙律，同埋飲品，蟹籽沙律不過不失，飲品揀咗可樂，壽司10件包括三文魚，赤身，油甘魚，八爪魚，北寄貝，熟蝦，玉子，鰻魚，蟹子，龍蝦沙律，壽司都OK新鮮，正正常常，無腥味，呢個價錢絕對超值😍我最鍾意食都係赤身同油甘魚，油甘魚新鮮肥美，赤身都唔係好多筋，好食楓の居🏠：觀塘宜安街17號地舖☎️：46119662

好食。會再去三文魚刺身好正 又好味 吾會腥同埋賣相好好睇門口照片勁吸引所以入左去試 沒有失望會再帶朋友去食😆😆 一個套餐咩都有一定食得飽 怕你食吾曬添呀仲之有機會一定要試下

放半日準備去睇戲，係openrice 搵下食咩，揀咗呢間，睇落好似唔錯又有得訂位，都係我鐘意嘅😝 坐低，環境都可以，睇睇餐牌都幾多選擇，每款都有沙律仔，前菜仔。 魚生唔使諗，戒咗好耐⋯⋯問咗一聲店員牛肉是否肥牛，佢話唔係，我哋先叫汁燒牛飯，因為我倆都要食瘦牛嘅人😝 咁我揀咖哩豬扒飯，所有餐都有麵豉湯或飲品，有汽水，檸檬茶，烏龍茶揀。 咁一個要湯，一個要飲品，可以 share 😁汁燒牛肉到先，失望，完全唔係女友心中嘅汁燒，完全無咩色水，好彩都有用多洋蔥煮過，食落都有味道，當然唔係女友想要，加上都有點肥牛 feel，所以我倆都覺得一般，收$82，其實我覺得⋯⋯有點貴添🧐咖哩豬都到，賣相幾好，但個炸豬扒⋯⋯個層炸面實在唔係幾好味，怪怪地，咖哩汁就正常。

👧🏻响牛頭角表演完畢後因為太攰所以打算在附近隨意搵間餐廳醫肚但牛頭角宜安街附近大多是舊式茶餐廳🍴突然發現有間新式日本餐廳👧🏻👦🏻就即衝入去 💛今次我哋order咗天婦羅炸蝦 配芝麻冷烏冬 $88炸蝦🍤好爽彈 炸漿不厚 脆卜卜 冷烏冬夠彈牙 配有青瓜絲、蟹籽撈芝麻醬凍食👧🏻至愛溫泉鰻魚炒飯 $88起初以為好少鰻魚 但原來鰻魚肉粒都幾肥美 啖啖都可以食到饅魚粒 😋 再加溫泉蛋、鰻魚醬汁 好滋味 角切魚生飯 $78平時食魚生飯都係細細粒 估唔到呢度角切魚生係大大粒 仲要魚生份量多過飯 每一啖飯都可以夾埋魚生一齊食😋 魚生都幾鮮甜 每個餐都有前菜、沙津、罐裝飲品/紙包飲品日本原個雪芭 - 菠蘿 🍍$68日本原個雪芭 - 蜜桃 🍑$58原來呢間店係新開張 💪🏻 但處於橫街舊區位置大家經過要多多支持 💛楓の居 (觀塘)📍觀塘宜安街17號地舖

🥢新開的觀塘日式料理·壽司黃店🇯🇵🥢招牌是摩天輪壽司🍣🎡🥢午市套餐最便宜只要$68❣️學生餐也只要$40，還是全日供應😆😆😆💓—▪️照燒雞扒烏冬 $68我很喜歡他的照燒雞扒！它外皮燒的有點微脆微硬，帶有微煙燻香氣🥰肉質不是那種飽滿多汁，是最外層燒得有點乾，但肉的更中心部分仍是滑嫩的！▪️壽司餐 $88壽司偏小，但勝在多款❣️龍蝦沙律軍艦比預期好吃~ 其他的也很不錯，這種價錢有這種素質很ok~!😆▪️紫心香芋丸 +$10蠻大顆的！但比較黏牙

好開心宜安街有新黃店開張！！始終牛頭角都係長者區，所以好擔心佢哋無人知，無人去～～上次星期日去，竟然無咩人。。。晚市得1-2木台。。。。所以真係好擔心同佢哋傾完，就知道原來佢開店3個月，上個月要蝕錢！！所以希望大家都可以支持佢哋～～～～～其實晚餐幾抵食～～～💛海膽吞拿魚蓉💛一口飯 拼雜錦壽司5件（$118）一口飯，其實係一碗飯，都幾多！！！不過吞拿魚蓉都幾多！海膽好大舊！好食！重有中華沙律、味增湯或飲品 💛好食💛赤蝦好大隻！！劍魚腩都厚！爽！唔會好似出面果啲厚但UN，所以好值得試💛💛楓の居💛地址: 觀塘宜安街17號地舖電話: 46119662

講真… 真係好麻麻$88（包罐裝飲品）海鮮烏冬：一來到見到兩件獅子狗卷都未淥熟費事麻煩，都冇再叫佢整返熟佢～蜆同帶子都好細粒！蝦：都係一般，不至於霉，但亦唔覺好新鮮。最好食係兩條蟹柳！呢度唯一可取嘅，應該係店員哥哥好有禮貌！顏色鮮艷豐富，好可惜味道…..

接完l 囡囡放學，就係附近醫肚，經過呢間店舖，俾佢門口嘅定食圖片吸引住，加上囡囡都話想食壽司🍣，所以就決定一試，味蕾有驚喜！而且價錢適中，款式都多嘅，味道方面唔錯，又多一個好去處。

最近行觀塘發現依間鋪 似係最近開 之前唔見有 本身望menu見啲野食好似好一般 同其他鋪頭都差唔多 但都膽粗粗試下楓。極上摩天輪壽司-好吸引 打卡真係一流有拖羅 赤身 海膽 全部都係好新鮮 食落去啲飯唔會散開 睇得出師傅嘅心機！壽司套餐B total有10件壽司好抵食啊！依個套餐都有赤身！非常之吸引清酒煮蜆-一落枱就聞到好香好鮮甜嘅味道 食落好鮮甜 清酒味唔會搶左蜆原本嘅味 會好想一直係咁食仲有炸河蝦都好好食 飲住酒再食炸河蝦個感覺好爽 食完一碗都唔夠 好想再繼續食 食依個炸河蝦真係唔會停到口 炸河蝦-$58 好抵

約左朋友係觀塘食飯，大家都想食日本野，見呢間日式小店新開業即管試試佢。唔太肚餓所以晚餐點了海膽，鵝肝，清酒煮蜆，燒三文魚鰭同1664生啤。海膽係黎自澳洲，好鮮甜，中意食海膽既係要叫夠一板先唔會到喉唔到肺😂一板都只係$238，抵食👍同埋鵝肝一定要試，勁大塊，有驚喜，平日唔太好鵝肝既我都覺得好好味🤤三文魚鰭又係好大份，又燒得岩岩好，平日係其他店食成舊水得兩舊🥲清酒煮蜆都好鮮甜，有1664生啤再加分總括而言食材新鮮，餐牌選擇多，性價比高，環境寬敞唔會坐到好迫，店員有禮貌，有誠意既日式小店👍下次一定會再黎試其他野

嗰日同班朋友食晚飯 咁啱經過依間餐廳見佢做緊新張優惠 所以入咗去試吓啲服務員態度好好感覺好親和我地叫咗個大嘅刺身拼盤啲食材好新鮮 價錢都好合理見佢仲有做lunch set 好抵 決定下次試下

昨晚落去食 超乎我想像服務態度 好油甘魚鮫燒到岩岩好 味道一流三文魚刺身 正海膽 簡直無得輸 令我有種初戀既感覺串燒 色香味俱全 燒到岩岩好 新店來講 食物質素 味道 食落讚不絕口 價錢合理 有時間再落去食廢話我都唔多講 睇圖

前日同女朋友經過 行左入去試下 初頭都諗住伏伏地 點知食完又唔錯 另外環街都幾好 服務態度都好好 我會繼續試下其他菜 個日食左刺身同鰻魚飯 條鰻魚勁大幾抵食 到時再同大家報告 😏😏各位巴打可以去試下 🤤