緣味小聚 (金百利廣場) (Closed)

緣味小聚餐廳的蝦餃燒賣是絕對不能錯過的美味！蝦餃皮Q彈，內餡鮮嫩多汁，蝦香味十足，每一口都令人垂涎欲滴。陳村粉蝦醬腩肉更是令人驚艷，肉質入口即化，軟嫩多汁，配上香氣四溢的陳村粉蝦醬，口感更加豐富。淨化春卷清爽可口，蔬菜的鮮甜與脆感完美融合，是一道絕佳的開胃菜。整體而言，原味小聚餐廳以精湛的手藝和優質的食材，為食客帶來了一場味覺上的盛宴。無論是用餐氛圍還是菜品口味，都值得大力推薦。我外賣平台落單係比起現場叫外賣平少少, 嗌咗蝦餃，燒賣, 春卷, 陳村粉, 蝦醬腩肉蒸飯, 味道還可以,

諗住LUNCH時間見佢樓下派傳單, 咪去試下, 佢又有得JOIN會員$9.9送燉湯 點心75折, 仲送$200現金劵,  好似唔錯, 諗住食完野比錢JOIN啦, 點知之後就出事。等左半個鐘D點心都未黎,  我早過隔離台黎, 但人地D野都黎齊晒, 追佢單佢仲話蒸野要耐D,  當我第一次飲茶咁款, 追單後D野食到喇。首先講下排骨蒸腸粉先,  個排骨係全肥肉, 咬都咬唔到,  腸粉無味,  之後個蝦餃黎喇,  食第一粒好似有D酸,  覺得有D唔妥架喇,  咁我諗住會唔會係錯覺呢,  點知第2件都真係酸架喎, 搞到我無點食咩咁濟,  我已經諗住唔搞大件事到比錢先同職員講,  佢當然會講唔好意思啦, 但之後佢竟然加多句,  佢地既點心係新鮮即製即蒸, 大佬, 你又唔係酒樓,  點都唔會有師傅即製啦, 呢間野一定無下次囉。 

隨便搵左間蒸氣火鍋任食海鮮嚟試吓，畢竟以提供優惠來講，呢間緣味小聚都算長年累月都有優惠所以就順手試試位於銅鑼灣鬧市，本身諗住都幾多人，但可能因為去既日子係端午節前後，人人都出晒國，竟然得我哋一圍，簡直包場咁，可能正正因為呢個原因所以服務態度好到極，全程專人幫手蒸海鮮，又換碟又幫手倒垃圾，連我同事發神經亂講野都唔嬲，直頭100分。食物方面，當晚食蒸海鮮+打邊爐+點心任食但打邊爐方面實在係唔太吸引所以無理、全程海鮮同少量點心，點心方面推薦糕點類，無輪紅棗糕，桂花糕定馬拉糕都有茶樓水準，包類就同即食點心差唔多海鮮方面就任食蠔，鮑魚，海蝦，白貝，蜆，仲有BB蟶子，全部海鮮都極度新鮮，仲要d蠔勁大隻，白貝同蜆仲有bb蟶子無砂自然不在話下，仲要係好甜又彈牙🥹🥹🥹鮑魚都彈牙但個排泄器官仲係度，食前要自行處理差少少。海蝦就相對弱d；肉質唔太實又冇咩蝦味，所以估計都係養蝦，但新鮮也就補回一點點價值。除此之外有味粉絲蒸蠔，唯一既熟食海鮮黎，唔洗等，建議大家叫定一堆，因為其他海鮮都要蒸5至10分鐘，等緊期間都可以有野食下總體黎講十分滿意，任食海鮮本身就吸引，仲要好食又新鮮，加埋由於客少而更上一層樓既服務態度

嚟到銅鑼灣揾食，金百利廣場就有唔少選擇，有啲似兆萬我地今日嚟到一間主打蒸氣火鍋嘅餐廳，原來有午市一人套餐，食點心蒸飯一於試試伏午市其實都有做蒸氣火鍋嘅，即使有折都過百，同埋我地唔諗住食太飽，所以揀左一人餐$78一人餐包：點心三點、小食一份、迷你蒸飯一籠點心：黑糖糕、馬拉糕、燒賣每位一件質素中等，黑糖糕質感似黃金糕。馬拉糕鬆軟唔太甜燒賣就一般小食有鮑汁鳳爪，夠晒冧，入味重膠質川味黃金皮蛋，味濃，酸酸辣辣好開胃口水雞，有加熱，加上口水汁唔算太辣，惹味蒜茸開邊蝦籠仔蒸飯蝦細隻，只有約3-4隻，蒜茸非常香，三款之中最好食蝦醬腩肉籠仔蒸飯蝦醬味唔出，可能落得少，飯底偏鹹，應該豉油重手咗炸菜牛仔肉籠仔蒸飯炸菜有處理過所以唔偏淡味所謂牛仔肉其實係滑牛，唔會用食物醃到冧一冧，有咬口，味道偏淡$78包咁多食物真係好抵食，因為銅鑼灣區收費都偏高，而且佢唔收加一，有機會會再幫襯

買咗$268套餐 - 刁鑽海鮮盛盤認真麻麻 :只有那半邊龍蝦和海蝦可以之外，其他簡直唔掂：鮑魚好韌,有啲似食緊擦子膠。所謂蟶子皇，倒不如說係BB蟶子來得貼切。生蠔有2隻，一隻大就一隻細兼有沙，啲蜆冇乜特別。轉食火鍋，但啲火鍋配料好少而那些小食更唔掂：手拍青瓜唔爽脆，炸魚皮不但碎濕濕，又淋仲有啲唔知係油益味還是怪味。這套餐食180分鐘，正常半個小時前會提提客人要落最後一次單喇，但冇人提，結果在還有32分鐘就即刻停止落單。想反應但都冇人理會。成間店舖樓面得2個人做嘢，叫極都冇人理你，除咗臨尾要你俾加一和茶芥費外。我唔會再幫襯呢間，無論食物，環境同服務都實在太差。我從未在open rice寫過食評，但今次實在太差 太差😤😡

到了店舖，唔洗等位，員工好客氣叫你拿飲品先，因為我哋朋友还未到，还問你哋朋友几時到？要不要叫少少小食食住先，帮我做一份口水雞还拍青瓜，員工得闲还过来聊聊天，服務觉得唔错，还會在约哋朋友再來，澳洲龍蝦鲍鱼大蝦法國生蠔都好好新鮮，貝殼類就差少少了，特別係粉絲蒸生蠔，點心最好食就黑金流沙包，黑塘蜂巢糕，千層薑汁糕，火鍋配料最好就係手打牛肉球，陳皮鱼蛋，九記牛丸，

今日銅鑼灣就腳，特登上黎試下傳說中的海鮮蒸鍋，聽講海鮮食到飽，今次就黎挑戰下入到去場都幾大，侍應笑面相迎，安排左卡位遞上餐牌，對於鍾意靜嘅我黎講實在太好啦睇完餐牌今次選擇左180分鐘厚肉龍蝦海鮮蒸汽鍋餐，可以食3個鐘，除左頭盆6款海鮮:西澳大龍蝦，鮑魚，生蠔，海蝦，蜆，其他海鮮沒日會有5-6款海鮮任食:生蠔，蒜蓉粉絲蒸生蠔，帆立貝，鮑魚，蝦，蜆，沙白食完頭盆其實已經半飽，因為龍蝦實在太大隻啦第二轉加左鮑魚，帆立貝，蒜蓉生蠔第三轉加左蝦，蜆，再黎幾隻鮑魚好啦，本黎想食海鮮食飽，都係改變主意，留返小小肚打邊爐食啲菜，魚皮響鈴，牛肉前後飲左5罐嘢，真正佩服自己啲食量今次真系好滿足其實對於鍾意食海鮮的我，係香港可以搵到一間真係海鮮自由的舖真係好難得，我同朋友講我每星期都要黎一次？

本人3月6號訂枱，3月9號7:30，當我7:30到達時，佢安排我入座坐近雪櫃位，咁我如常咁放低啲袋，隔2分鐘有位姓藍先生入到嚟，佢就即刻叫我起身，話佢已經應承咗藍先生俾佢入座，佢話我冇book位，我即時比WhatsApp佢睇，佢話係喎叫我企埋一邊等，等佢執枱，呢個咁嘅戴眼鏡嘅福頭🤬🤬女人，我話幾日前訂枱有乜用，Walk in咪得囉，應承喎🤬🤬我未試過食一餐飯咁嬲🤬佢完全唔理解點解叫我起身？呢啲咁嘅安排唔食也罷，呢間嘢唔方好生意🤬🤬🤬🤬🤬後尾我WhatsApp返之前嗰個接我訂枱嗰個人，佢話對唔住同事搞錯咗，我搞錯咗就要叫我起身，真係不知所謂🤬

入座安排：齊人先安排開爐，準備食材。食物款式：預先網上訂購，心諗肯定冇事，點知最後搞完一輪，預購4人或以上任食鮑魚海鮮變成任食帆立貝。員工服務：積極參與解釋，態度尚可上菜速度：頭輪上盤速度較慢，其後尚可餐廳環境：普通餐廳環境，不要有太多期望。速食快餐就可以。配料：只有基本醬油，辣椒，蒜頭。總結：食完出黎都一頭霧水，明明openrice 買既時候講明有啲咩食材同有咩優惠，點知食到一半又話只係1月優惠，估唔到依家重有啲咁既事。

希望大家唔好嫌長，我喺上年年尾時去過銅鑼灣呢間分店，當時叫咗最貴既海鮮餐，落單後就話生蠔龍蝦唔夠貨（有個帶眼鏡既女人），搵其他野代替，見佢都有禮貌既，是旦啦，求其一餐半餐。埋單時我哋下7個人total 3千零蚊，佢就sell我哋買啲現金卷，話隨時都可以嚟，用幾多都得。直至都今年2月6號，約好朋友一行4人，Book咗今晚17號旺角店食飯聚舊，即係11日前已book好，已講明會用現金卷，到今日中午收到旺角店電話confirm, 到下晝5點幾，旺角店又打嚟，話收多咗booking,問我可唔可以改去銅鑼灣店，咁當時咁急，我話問問朋友先再覆，後來朋友都就到，咁咪覆返話OK，電話裡面仲話會俾Discount 我，到咗銅鑼灣店，我book7點半，去到見返嗰位四眼亞姐，佢話旺角店有通知，但只有姓葉既4位，話我個訂位無confirm, 但佢明明有枱，寧願接咗單6位既walkin 都唔俾枱我，我打去旺角店個女人，同佢講返佢又話講咗，呢邊呢個四眼亞姐又唔肯聽電話，兩個喺度扯貓尾，我再打去旺角店問，個手提電話已經俾咗個男人聽，最後四眼女人同我講最快要等到8點半先有枱，咁樣既態度，你唔想收現金卷咪直接講囉，wa

今日星期六公司聚餐所以去食，同事想食蒸氣+粥底火鍋，見呢間平平地又任食任飲，點知食到成肚火🤬呢間喺鬧市銅鑼灣，上到去比想像中細間，而且坐唔滿，之前明明問價係298加一，上到去又話298加68包豉油同加一，都算！好喇開始蒸海鮮，讚嘅係啲野都新鮮嘅，啲鮑魚仲郁吓郁吓，牛肉ok啦，但啲海鮮唔見有得任食，每人一個份量，可能係叫左個龍蝦餐啦我地冇睇清楚就算啦。舖面見有3、4個職員，幫手蒸野食鬼咁慢，寧願自己黎啦！餐具就只係得對筷子同隻叉，焗住搵手食，個生蠔都唔係開半殼要自己搵把刀仔開，全部野都好唔專業，跟住問佢有冇紙巾或濕紙巾抹手，每包紙巾收2蚊，算！諗定搵啲小食頂吓肚，得4款（青瓜、雲耳、咸雞、口水雞）食到悶悶地。食完海鮮跟住打邊爐喇，得2個款芫荽同粥底，芫荽就係加啲芫荽皮蛋落本身個鍋，所謂椰水粥底都淡淡地粥水，我地話有陣燶味可能煲煲吓痴左底，佢啲職員只係加啲水落去，同埋堅稱話佢經驗知道冇燶到囉，初時係都唔換過煲，真係愈黎愈且火😡到食完收野唔係有個盤出來收，係將你所有豉油呀，吉樽呀放晒入嗰鍋野度先收，啲豉油會彈落你個身度囉。跟住埋單喇計返條數係每人298加68=366之後再加左我地36蚊，成4

龍蝦生猛到被cut開2邊都仲識郁💯現場工作人員較晒timer 一夠鐘蒸好就上菜，剛剛好鮮甜啲肉唔會縮水，正呀🤤鮑魚隻隻都大大隻，4人成行就任食海鮮，好抵呀✔️白蜆都夠肥美多汁，M5和牛香軟😋聖子BB 太細隻又肚滿腸肥，搣走啲內barber 沙，得返半隻可以食...隔離枱情侶男嘅鬧女嘅好食埋啲cheap 野叫丸，轉頭比個女嘅鬧6uo因為海鮮唔係任食😂場地唔大一眼睇晒，環境比較窄裝修簡單全部牆都貼咗唔同價錢嘅poster 都唔知邊個價錢先係真，最後埋單每位$298 + 每位$48醬料 + $30假日服務費， 剩係個生猛龍蝦+任食鮑魚已經值回票價✔️✔️✔️

突然好肚餓 想揾D任食既餐廳黎食朋友咁啱想食蠔 就諗起同事提及過既緣味小聚好似好多地方都有分店其實150分鐘時間已經好夠食仲有我好鐘意既鮑魚都一樣係任食嫁!!就揀生蠔放題PACKGE啦 $368加一佢地係用QR CODE落單既夠晒方便 如果佢連海鮮都放埋上QR CODE落個到會更好海鮮就係用紙點既食完海鮮先開始打邊爐先黎第一ROUND店員態度好好同好好服侍 特別係個女店員好體貼細心全程都係店員整比我地食既我最鐘意食鮑魚 新鮮大隻蠔我都食左好多隻 肥美蜆好鮮甜 蝦一樣新鮮好味色水好靚同埋佢都好多小食嫁 一樣係任食鹹雞 好有雞香味 同埋滑小籠包大家一定要試下 一樣好正嫁!!JUICY同出面點心鋪水準有得FRIGHT紅組糕同彊汁糕 我都鐘意食不過怕太飽所以剩係食一舊青瓜雲耳夠晒FRESH最後食完海鮮又點少得打邊爐食肥牛STEAM既食法又幾好咼保持左D肉汁整得好好呀飽到爆炸有機會再黎食過

緣味小聚，位於金百利，店舖四四方方，主打#海鮮蒸氣鍋，配搭啤酒汽水都任飲既火鍋放題🍲有唔同既套餐，主要都係睇下你想食既海鮮種類揀🐳由於不斷有人蒸緊海鮮，店入面都會有啲海鮮香💨揀左厚肉龍蝦餐，成個過程有人serve你、計時、蒸海鮮再夾俾你🤩👍🏻一大盤海鮮上枱，幾吸引既樣，先黎#厚肉龍蝦🦞都幾大隻，新鮮一叉就離殼，一大舊龍蝦肉，好彈牙好濃味，相當鮮甜🤤好好味，仲有膏，而龍蝦鉗亦已處理好，一剝就成隻出咗嚟，正🤗法國生蠔，好少食蒸既生蠔，蒸至半熟原來又幾好味😋#韓國大鮑魚，大大隻，入蒸鍋前都仲郁緊，蒸完都幾白，清蒸就係食到好鮮既味道，爽身好味😲蟶子皇正正常常海生蝦雖然唔係大隻，但相當新鮮，好有蝦味，肉質彈牙🦐大蜆非常非常鮮甜，帶海水味，海鮮都非常滿意💓加番茄薯仔落煲打邊爐，安格斯肥牛好夠牛味又夠肥，而M5就嫩滑，都好好味😋小食試下佢既口水雞，不過不失，可以送下啤酒🍻牛肉球都幾好食，豆腐驚人地嫩滑一定要食🙌🏻仲有午餐肉、點心等包食飽食#海鮮蒸鍋 最想都係食到夠新鮮嘅海鮮🦞依度係做到嘅🤝😌店舖細細好似私房菜咁，好適合一大班人聚會😆🍾

今日跟老細去做野，就係附近食埋飯，想食點心就入咗呢間，裝潢簡約，都幾特別！食物都唔差，overall average，性價比唔錯！點了幾款點心，養顏紅棗糕、 蟹籽燒賣皇、蝦餃、蒸飯和排骨蒸腸粉等。 每款點心都正常發揮， 我比較喜歡蟹籽燒賣皇， 口感紮實， 肉質新鮮。不過味道唔錯。排骨蒸腸粉，腸粉滑而且厚度適中，味就偏濃左少少，口感亦好唔錯，食得好滿足！