Marina

Open Now

Now Closed

又到中午開飯時間，週日在土瓜灣區… 另一半又想飲咖啡，但今天約同友人三人行共進午餐為免四處遊蕩即到"開飯"搜尋附近一帶有什麼好評咖啡店?找到來Marina店鋪不算大，樓面只得一個服務員姐姐及另一個姐姐負責水吧，可能是午餐關係，只得特定餐牌… 但選擇不多只得五至六個選擇，可加15蚊選餐湯或沙律，是日餐湯南瓜湯 湯夠熱南瓜蓉豐富令口感更creamy如果能配上餐包就更perfect三人分別點了三款主菜共享，先送來鴨胸茄汁意粉剛好有三片鴨胸茄汁意粉也算入味… 但不會太濃，不過不失！再送來磨菇意大利飯賣相不算吸引，也忘記了拍照吃下第一口感覺怪怪的，意大利飯質感非常嚡口，咀嚼完淨渣似的… 有些少似煮飯生米感覺只有影了自己所吃的一口吧Hazelnut latte沒有冰的凍飲少甜咖啡味不算重，合口味入口質感好絲滑第三款主食班戟可當甜品… 為午餐作句號 真心的… 多款主菜中，只有這款較為突出… 雖然賣相平平無奇，但三片班戟份量頗大， 所以點菜時，姐姐話一人吃三片都會幾飽， 可以作午餐主食，我們便決定點作甜品分嘗一片size足足一個碟咁大😋配上牛油，忌廉及糖漿… 雖然係極邪惡😈但也忍不住要加上些少😉入口暖

食物相片都沒拍了，$68 的蕃茄蘑菇意粉，用的是現成蕃茄醬和數片蘑茹，份量少到不行煙三文魚意粉也一樣，份量也太少吧，all day breakfast 份量正常，但搭菠菜也有點奇怪吧

這一間位處於天光道口的西廚小店，風評一直甚佳。但小弟之前略知，這裡晚市的價位一點也不便宜，所以一路都提不起勁前來光顧....我想如欲去試一下的話，午市會是唯一之選了....一行三人直闖店內。午市的價位由六十八至八十八大洋不等，算是公道的....本來想點班尼廸蛋的，但有點驚訝的是店竟說今天沒供應....既是沒得點的話，那又為何將之列進餐牌內呢 ?冇計，只好點了個素的蒜香雜菌意粉....意粉咬口欠奉；菇份量不多且不夠香；黑胡椒味比蒜味還濃，味太辣了....試了一口太座的西蘭花大蝦意粉，茄醬汁弄得水汪汪的；所謂的"大蝦"著實沒有甚麼味道；意粉同是沒夠咬勁，不合格....價錢最貴的all day，算是較正常，蛋炒得甚滑不過看上去白雪雪，有可能加進了不少奶下去炒；煙肉大大片夠抵食但就少了焦脆效果；牛角包同樣軟塌塌的不夠脆香；雞肉腸直有近隻碟那樣長，咬下去脆卜卜，是唯一的亮點....但若單靠這一個全日早餐，實絕不足以吸引我再重臨....

今晚到土瓜灣, 在朋友介紹下到此晚膳, 驚喜, 失望參半.首先, 可能是平日關係, 店内只有我們一枱客人, 理應服務和食物水平應該是假日之上.首先我們叫了一份蟹餅, 蟹餅有點'迷你', 但食到有蟹味, 蟹肉, 很好!除之而來的是燒乳豬, 豬肉香而滑, 皮脆多汁, 驚喜之選!黑松露 risotto, 好味! 黑松露味道濃厚, 值得一讃, 米飯也煮得剛剛好!之後, 再來的是海鮮薄餅, 上枱時橄欖油味濃香, 可惜, 吃的時候發覺, 薄餅中央有一灘水, 令到薄餅皮變得濕透, 相信是海鮮未完全解凍就放入焗爐, 實在失望!順帶一提, 今晚客人只得一枱, 直至我們走時才多了兩父女光顧, 但是有位服務員郤在店舖後面玩手機, 這種工作態度有待改善, 老闆所付出人工, 也希望店內員工保持專業狀態, 不是玩手機!味道不錯!好味, 皮脆肉嫩味道其實不錯就是這出水pizza

今日冇得食早d,係北帝街行左一個圈都睇唔啱食咩，行返公司途中見到呢問舖有lunch set,環景亦十分整潔清優。便入去一試...... 今次試了他們的蒜香雜菌火腿炒意粉同咖啡。它們是半開放式廚房，見到它們收到order便即刻煮。炒意粉的份量偏少，如果男士食未必夠飽。不過味度十分好，意粉硬度適中，有濃郁既蒜香，碟底亦不油，食完不會囗渴，不過蒜味係囗腔內沖積不退即磨咖啡都好啱我囗味可惜係問了店員，他們沒有下午茶時段

今天兩個人夜晚想食西餐，結果去了這間每天都經過但係沒有試過的餐廳。 想試下食pizza 但是今天沒有。 結果是了 蟹餅 ，牛扒和豬扒。 味道很好有炭燒的感覺。下次 會試下燒乳豬

今日五點到，門口寫住「We're open」，但原來未開，要等到六點。頭先9:49pm再打去，有個女侍應話10:30 last order，於是我留位，話佢知「我哋住附近，好快到」。然後，佢俾咗個電話一個男侍應聽，講男侍應就改口風：「我哋10:00pm last order」咁見仲有10分鐘，我落樓都係2分鐘到，於是就照同佢講，但聽得出，佢語氣好唔情願接客。然後我就再打去問清楚佢：「你係咪唔想接？因為我聽得出你唔想！」佢就話：「我哋10點last order，宜家得返5分鐘⋯⋯」但我個電話顯示當時係9:50。最後，我當然無去，畢竟都兩次被拒絕招待，掛牌話有開、一時10:30一時10點last order，講明10點但9點幾都唔想接單，咁不如成日唔好做生意，日日放假好喇。Visited today at 5:00pm, door sign said "We're open!" But it's not, so we left.Called again at 9:49pm to book a table after we checked openrice and knew that thi

一直想入黎食，每次晚上經過，見到好多人拎一杯紅酒，食生蠔，牛扒，似乎很吸引!!今天試午餐，店員推薦薯仔湯，我覺得有點唔夠咸，之後來了盧荀ham飯一起食原來係咁夾!!個飯和湯熱辣辣!配合得好好!下次一我會試牛扒和其他菜，這間店既飲品有很多款式，咖啡，茶果汁，酒，自調都有品酒我期待飲威士忌!!希望這間店出更多好味菜式!加油!

話說係俾佢個海鮮拼盤D相吸引左過去試的....相我就無喇，大家可以睇返其他食評相，都係大同小異。講返呢野間，舖仔細細，但好在唔會好似其他餐廳咁台同台迫到實一實....至少都有返少少的空間咁，一入去已經俾到我少少好感。兩個人去食, Order左1. 海鮮拼盤, 2 Extra 4隻蠔, 3. Risotto, 4, 牛扒海鮮拼盤 --> 生蠔/ 蟶子正常野無乜好講。翡翠螺都係，但佢係已經幫你拉出左黎切左個尾再塞返入去，咁你一拎起就食得，唔駛自己又要用力拉出黎，又要再切左個尾....夠細心~! 蟹腳夠鮮甜~! 唔會用水解凍搞到無晒味。最最最正既係佢隻睇落似大蝦，原來係龍蝦黎既.另外多叫的4隻蠔 --> 叫舖頭D人同我地揀 D Creamy 肥美既。咁佢就幫我地揀左 Ostra Regal (Irish)，又真係好好味，好味過佢個海鮮拼盤入面既蠔好多好多。所以我都即刻記得個名，下次可以搵黎食~!Risotto --> 佢個Risotto D味就同出面食到既相差不大，唔會食完「嘩」一聲，但Overall 係好味的。特別要講的話就係佢D 飯煮得幾煙韌有咬口，唔會好似出面普

土瓜灣區新開既西餐廳，當然要來試吓啦！今晚餐廳有6款蠔選擇客人可以在蠔bar先選擇想食既蠔，或者叫餐廳職員介紹喔！這間餐廳的環境乾淨，整潔。讓人很舒適的感覺。三文魚pizza,簿餅底做得好簿，好脆！哩個海鮮拼盤真係無得頂！👍👍真材實料！絕無偷工減料！彩吓d蝦刺身，又肥又大隻，又鮮味！海膽好鮮甜螺肉夠爽肥仲有生蠔，蟹腳，帶子，蜆最啱一班朋友食，選擇好多好豐富海鮮拼盤既醬汁我們還另加咗碟牛扒share食，餐廳職員很細心，主動替我們分埋碟牛扒。

今次已經係第二次光顧，上一次是剛剛開張，所以食物提供不到太多，今次再光顧，同時為了慶祝結婚週年紀念日。今次食物方面有所增加及較上次改良！我們點了: 龍蝦濃湯 -不錯，我只喝了兩啖，已被搶走了！燒鮑魚 -真心推介，上台時淋上威士忌再燒一燒，好香！黑毛豬豬扒 -不錯 安格斯牛扒 -我不吃牛肉，所以不清楚！水牛芝士雞翼 -好香口，帶點辣！正！跟開生蠔的男仔傾開，我上次有試過他們的海鮮拼盤，但今次只有我們兩公婆食不到太多，所以沒有點，他二話不說開了兩隻生蠔送我們品嚐很鮮甜！給大家欣賞一下，上次光顧時的海鮮拼盤

每日都會經過見到哩間餐廳 可能因為土瓜灣冇乜哩類型既餐廳所以特別想試今晚終於有時間尼啦 八點到 入邊都FULL哂得番BAR 枱所以坐得有D迫叫左野食十幾分鐘度就有得食啦先尼個PIZZA先有蕃茄、水牛芝士同羅勒 餅底好脆但仲有咬口熱辣辣真係好好食 只係D蕃茄醤酸左D再尼個意粉上枱時好香蒜味 真係好香不過食落就冇乜味 D帶子半生熟既最後我地問侍應攞左D鹽加落去就好D喇哈哈最後就係薯條其實薯條本身係炸得唔錯 外脆內軟而且熱辣辣但佢係避風塘薯條就真係差左D勒 莫講話避風塘..連少少咸咸地/椒鹽味都食唔出..睇番OPENRICE先知應該叫咩食今次大家都冇乜胃口 下次再尼一定要試佢D招牌野!!

The food was absolutely amazing. The oysters were fresh and had a very good choice. The prices were extremely reasonable. The black truffle risotto is a must try. Amazing dish and probably one of the best risotto's I have had. The service was great and I will definitely be going there again.

之前也想來，但沒有開門，摸了門釘。今天見到開門，便入去一試，午餐大約60至80元，比晚餐親民很多。但我叫了special的安格斯牛扒，所以價錢較其他略貴。午餐時段，客人很多，所以只能在坐在酒吧枱午餐。午餐只包主菜及飲品，如要加沙律、餐湯或其他，便要另加款項。我加了雞翼，及特飲。原本我想＋生蠔（餐牌上寫着加＄40兩隻）及餐湯，伹都沒有供應。食品都偏乾和硬，但以這個價錢吃，吃到這樣的午餐，及在土瓜灣同類型的食店不多，這裡還是值得推介。

屋企人預早同慶祝生日，黎哩度食！佢果seafood platter 超級豐富又新鮮！簡直回味無窮。。。餐廳環境無論係 裝修 或者設計 都畀人 好舒服嘅感覺 ，下次再黎試埋佢果lunch先！