Video
Read full review
2018-06-28
634 views
見到呢間新開左個月，人未算多，為免等位就過黎食，點知原來都已經好多人，不過無所謂，當湊熱鬧😆同事之前黎過，話我知係先買食物，後搵侍應安排座位。抬頭望住兩部電視機大芒，都算幾多款烏冬可以選擇，仲有中、大份量揀。我最後要左中量腐皮烏冬，嗌完之後拎個拓餐盤，一分鐘後碗烏冬已經出現，但要繼續排隊，因為未比錢，哈哈。一路沿住櫃枱排，就一邊有唔同款式小食可以揀擺滿沿隊櫃枱，好似自助餐咁，又好似中小學生派餐/YMCA餐廳咁，鐘意就拎，不過記得排到最後係要比錢既😂 小食有日式魚蛋、蔬菜天婦羅、蝦天婦羅、炸雞、炸餃子咁... 好多野揀。明明未必想食，但見到好似好新鮮又幾好食，於是就會買😂😂😂 搞到人愈買愈多食更多。丸龜製麵賣既係讚崎烏冬，雖然無超市買既即食「假」烏冬有陣酸味，但烏冬都唔太彈牙煙韌，有待改善。小食不過不失，OK啦，係呢區既一般水準。食完望下張單，原來可以當三間餐廳其中一間既5蚊優惠卷，好彩無掉唧🤗
同事之前黎過，話我知係先買食物，後搵侍應安排座位。抬頭望住兩部電視機大芒，都算幾多款烏冬可以選擇，仲有中、大份量揀。我最後要左中量腐皮烏冬，嗌完之後拎個拓餐盤，一分鐘後碗烏冬已經出現，但要繼續排隊，因為未比錢，哈哈。
一路沿住櫃枱排，就一邊有唔同款式小食可以揀擺滿沿隊櫃枱，好似自助餐咁，又好似中小學生派餐/YMCA餐廳咁，鐘意就拎，不過記得排到最後係要比錢既😂 小食有日式魚蛋、蔬菜天婦羅、蝦天婦羅、炸雞、炸餃子咁... 好多野揀。明明未必想食，但見到好似好新鮮又幾好食，於是就會買😂😂😂 搞到人愈買愈多食更多。
丸龜製麵賣既係讚崎烏冬，雖然無超市買既即食「假」烏冬有陣酸味，但烏冬都唔太彈牙煙韌，有待改善。小食不過不失，OK啦，係呢區既一般水準。
食完望下張單，原來可以當三間餐廳其中一間既5蚊優惠卷，好彩無掉唧🤗
Post
