丸十あぶり牧場 (Closed)

今日同朋友行旺角，去到moko見到呢間居酒屋咁骨子！而且食物好新派！咁得意緊係去試下佢！ 極上牛柳三文治好fusion既菜！牛柳大約5成熟、食落仲好juicy!牛味夠濃！夾係脆脆既三文治中間， 三文治索左啲牛既油，食落每啖都係牛油香味！加埋口感好好既牛，又脆又嫩既口感，推薦！串燒今次叫左6串串燒，有雞又有豬，手羽先真係好正！燒到皮好脆但入面仲好多雞汁！好香又夠入味！另外雞軟骨都好正，夠晒脆既口感，食落滿滿骨膠原！再配埋啤酒就一流！

🌕Hello我係Moon🌕又嚟到旺角東MOKO搵嘢食，朋友仔話去Aburi食嘢喎，😝我諗咗好耐到底係邊間😂見到面後佢就帶我去3樓丸十あぶり牧場食嘢，😳依度除咗壽司仲有燒肉食！🥳佢話依度佢嚟過好多次㗎啦！😂其實我之前都係食壽司同埋丼飯為主，😛今次食燒肉真係第一次！🤣和牛紐約客，😍依個部位油花較少且分布均勻細緻，🤭唔會好似肋眼牛排有整塊嘅油脂！😆依個部位運動量較多，🤤所以肉質比較緊實，😳口感軟嫩中又有嚼勁，🥳口感同肉味都係有驚喜嘅！😍壽司盛就唔多講啦！🤣高質又新鮮，我同朋友share食，😝海膽就歸佢啦！🥳畢竟佢係一個海膽忠實粉絲嘛！😂🌕最後MoonMoon真係幾滿意依間日式料理，壽司好食，燒肉都有驚喜，下次會再嚟食！🌕

今日和朋友在旺角睇戲，開場前想食點東西，於是上MOKO的丸十あぶり牧場，叫了幾款不用自己動手，快手上菜的食物，食飽才入戲院。🔶鵝肝脆米餅鵝肝比預期的大和厚，非常驚喜。底部配搭埋脆卜卜嘅米餅，口感豐富多層次，非常值得一試！🔶溫泉玉子伴燒和牛丼和牛牛味十足，肉汁多，軟腍彈滑，配搭溫泉玉子，更加提升牛肉飯的味道。🔶雞之盛宴5款雞串燒都好好味，燒得剛剛好，肉質嫩滑有汁，有雞軟骨、雞肉丸子、雞皮、雞肉和雞翼，比起逐樣叫抵食好多。

今日假期聽朋友講呢間餐廳嘅壽司質素好高，所以我就同朋友兩個人來試吓入到去望到個餐牌，其實價錢都偏貴，不過就試吓係咪真係咁好食呢？於是我哋就點以下幾個樣嘢，首先叫咗個白身魚薄切，味道非常好，好新鮮，而且佢每一塊魚嘅厚度都係一樣，證明師傅到工都好好，加上去嘅醬汁好清新，食落去味道好清澈，好適合一啲鍾意食魚嘅朋友可以一試，另外點了牛舌丼，牛舌都好好味，不過我嫌佢可能煮得耐味少少，所以加上白飯嘅份量比較多，所以我覺得呢個可以唔需要叫，另外，叫左個咗個壽司組合刺身壽司嘅味道很不錯，飯嘅質感好好食，唔同一般其他嘅壽司店，而旦佢上面嘅刺身都係非常之新鮮，完全覺得係滿意，不過我覺得餐飯價錢就貴咗少少，但係如果你講緊味道同質素我覺得係可以的。

今日去叫咗兩個午餐，燒牛脷就真係唔建議，啲牛脷銀到不得了咬唔開，不過另外一個銀鱈魚午餐就真係十分有驚喜，我哋兩個女仔去，呢個午餐竟然有兩塊銀鱈魚，我哋每人可以有一件，肉仲要好厚。鍾意呢度午餐仲有一個原因，因為係送埋燉蛋做前菜。呢度嘅米飯都要一讃，係有少少糙米感嘅珍珠米，食落去口感同平時珍珠米唔一樣，真係有種農場嘅飯味。今日唯一美中不足嘅就係服務太殷勤，我哋都未食完飯，啱啱擺低隻碗，我朋友仲喺度裝緊第二碗飯，服務員歌嚟一聲不響收晒我啲碗碟。佢話以為我哋食完。但我覺得你係咪應該問吓我先？同埋枱面仲有未食完嘅食物，你有冇咁心急要洗碗？

同朋友在新世紀廣場閑逛，差不多到午餐時間，又想食日本嘢，於是從幾間日本餐廳中選了丸十，人流不是太多好快可以入座，地方都算闊落，坐得十分舒服。食物選擇種類好多，有定食🍱，壽司🍣，丼，燒物🥩，串燒🍢，刺身......燒烤我們選擇了海鮮盛合$298有白鱔兩片，虎蝦🦐兩隻，帆立貝兩隻，蠔🦪兩隻，磯煮鮑魚兩隻，魷魚串🦑一串食物都算幾新鮮，不過兩隻虎蝦🦐size就細咗D，好似平時蝦🦐的size，有啲失望🤨。雜錦天婦羅5件$98天婦羅炸得香脆，不是太肥膩。特上海鮮丼$178有三文魚兩片，吞拿魚兩片，油甘魚兩片，蝦刺身一隻，帶子一隻。啲飯好軟滑，加入了壽司醋，酸酸哋幾好味。

上網見呢間門面好日式餐牌菜式陣約特別 其實見價錢唔平但朋友生日想食好d諗住唔會差得去邊 不妨試下入到去日式每台分開一格格坐 都坐得舒服 傾起計上黎都有個私隱度我地點左石燒澳洲和牛肉眼見佢約得意 會有塊石板自己燒中意食幾大舊又得 想5成熟又得係幾好玩既 肉質就一般 唔會話太濃牛味而且牛質地都有d鞋另外我地見日出富士丼 個賣相幾得意係以富士山concept將西冷堆起一座山呢個係配玉子慢烤飯食既 啖啖都係肉肉味道麻麻 不過不失啦上網睇見呢間必點極上牛柳三文治 所以我地都試左 試完有d失望 只係好普通咁用兩塊toast左既面包夾住塊牛面中間塊牛無咩牛味 而且好韌如果肚餓食係可以好飽既 因為每碟有四舊但呢個價錢真係唔值呀

「旺角新世紀廣場，🛍️血拼後必食平民版和牛三文治！」旺角是很多港女都會去購物的重點之地，逛街後總少不了找一家好吃的餐廳或小吃攤來結束愉悅的購物之旅。最近旺角東火車站的新世紀廣場Moko Mall里，有一家店我必須向大家推薦一下，那裡提供的極上牛柳三文治，比起中環各家店的和牛三文治，絕對稱得上是平民版！🥪極上牛柳三文治：裡面的牛柳肉是鐵板燒成的，十分嫩滑，肉質鮮美，我咬了一口肉汁都流了出來。相當美味之余，亦沒有和牛的油膩感。這家店是日式烤肉店，但我今次沒有烤肉，但點了其他菜式。包括黑松露牛柳沙律，三色米餅，雞肉串燒拼盤，和燒牛舌。除了極上黃牛三文治，我都會推介黑松露牛柳沙律，其他菜式則正常發揮，而牛舌太厚，有點咬不開，我吃了一塊都沒有吃，牛舌不推薦！🏠店鋪：丸十あぶり牧場 (旺角)地址：旺角太子道西192號旺角新世紀廣場3樓342D鋪🍴推薦菜品：極上牛柳三文治🚇交通：乘搭港鐵旺角東站D出口

位於moko商場既丸十燒肉店，有魚生飯定食，另外仲有燒烤定食提供，價錢$88起，可以提據自己喜好，有雞肉，日本豬腩肉同埋米國牛肉選擇。費用包括了新鮮沙律，配上柚子醋，十分清新，茶碗蒸內有蟹柳同菇，味噌湯。飯係白米同糙米，十分有咬口，仲可以加$20轉招牌飯，飯面有飯素同溫泉蛋。我選左$148有齊黑豚肉，牛小排同雞腿肉，配上黑椒鹽。黑豚肉燒烤後香，油脂出晒黎，入口即化。牛小排肉質鮮味，最驚喜是雞腿肉，燒烤後發出炭燒香，肉質鮮嫰。餐廳好貼心提供一次性圍裙。

見呢間日式燒肉店開咗好多年，而家又越嚟越多分店，應該都唔差，今次嚟到moko試吓呢間分店先！石燒-澳洲和牛肉眼🥩（100g) $208呢間店嘅牛有好多唔同級數，今次揀咗呢塊M6澳洲和牛，屬於店舖嘅中間等級。最鐘意係點肉眼扒，因為一定夠淋，用石燒上可以自己控制燒到幾多成熟。除咗塊扒之外，仲有泡菜同酸薑做前菜。美國牛壽喜燒鍋🍲 $148冬天最啱就係食Sukiyaki，食完個身暖笠笠☺️壽喜燒汁甜甜哋，好開胃，佢哋配埋日本生雞蛋比你親自倒落去。呢款美國牛🇺🇸薄切，好淋身，上碟嘅時候係半生熟，再慢慢用熱湯浸熟，唔使驚過熟要急住食。串燒-日本雞腿肉串 $28雞腿肉質都鮮嫩嘅，不過相比起兩個主菜，呢個串燒就比較普通了。

話說好耐冇見啲老友，大家約左係呢間餐廳試下啲日本，間餐廳基本上如果唔係繁忙時間唔限時坐既，一聽到有日本燒肉同料理我超開心😃但朋友話唔食燒肉咁我地就嗌左每人一碗丼飯同3樣小食，丼飯分別嗌左花之戀，角切魚，特上海鮮同埋燒牛舌丼飯，啲丼飯料都好多下，塊甜酸薑特別醒胃，小食就叫左明太子玉子燒，成條浦燒鰻魚同埋串燒。玉子燒甜甜地配上鹹鹹地既明太子都忍不住食左兩件先，鰻魚份量都好多，串燒我個人鐘意食內臟燒牛肝推介，味道好濃仲有陣燒碳味，配埋個燒大蔥一齊食好夾，正吖😎

日食兩餐連員工都認得我啦 午餐喺嗰度開飯 下午茶又去咗嗰度 貪佢嗰度坐得舒服 服務態度又好 我經常去 我通常識和食 因為怕燒嘢食一陣味 而且 和食抵食😝🍻 依家仲有 生啤買一送一 凍杯上的 更好享受 叫個菜餸下酒 舒暢😍 今日食住咁多先下次再食過

地方好寛敞啊，不但有木制卡座，鐵板燒長吧枱，品酒桌，食物種類更加 樣樣都有，壽司、刺身、鐵板燒🍣🍱🥗樣樣都有，真係啱曬鍾意食日本野嘅我好高質素~~~~丸十壽司套餐,好過食名牌連鎖集團~有水準有鮮味蝦大肉甜,扇貝夠鮮,刺身夠嫩,油脂香濃又味鮮甜石燒牛扒,肉味濃郁,牛味脂香氣十足,點鹽食已經好好食自家體驗大阪燒,自己DIY成份,由油到落菜再煎都好玩,但係份量略少整體水準出色消費$400丸十日本食堂  Maruju Japanese Shokudo 葵芳興芳路223號新都會廣場4樓484-487號舖Shop 484-487, 4/F, Metroplaza, 223 Hing Fong Road, Kwai Fong#canonphotography #BLOG #blogger #HKBLOG #hkblogger #HKFOOD #HKFOODBLOG#hkfoodblogger #HKIG #HKIGFOOD #HKIGFOODBLOG #hkigblogger#foodie #foodiehk #hkfoodie #香港美食

♡ —————— 𝗗𝗲𝘁𝗮𝗶𝗹𝘀 —————— ♥【餐廳】丸十あぶり牧場【地區】【類型】【價位】中價位【用餐時段】晚市【餐廳主打】燒肉【𝗛𝗶𝗴𝗵𝗹𝗶𝗴𝗵𝘁】香港首家「當地店精米」的餐廳────────────────────【鐵板烤雞腿肉】。大塊的去骨雞腿肉，經過醃制，入味，。雞肉充分吸足了秘制醃料的香汁。但又沒有掩蓋雞肉特有的鮮嫩！。烤到外皮微微焦脆，泛出油光。色澤誘人，內里鮮嫩多汁.【烤牛小排】。牛小排沾上火烤的香味。肉質很有嚼勁，再烤到外酥里嫩。一切就出汁，超級好的體驗.────────────────────•• ┈┈┈┈┈ 𝗦𝗘𝗘 𝗠𝗢𝗥𝗘 ┈┈┈┈┈ ••【地址】旺角太子道西192號旺角新世紀廣場3樓342D舖【分店】N/A【℡】36191768【營業時間】星期一至日 12:00-21:00

呢間位於旺角的燒肉店，價錢都不算貴，性價比亦抵吃！燒肉的款式也有很多！而且旺角火車站上蓋，交通真係好方便呢！至於食物方面，今次點了燒肉的餸款，原來有燒和牛三文治，真的十分惹味！和牛軟熟無比，脆口的三文治夾著和牛，一口咬下去，真的很好食！而其他食物燒肉氣賣相吸引，和牛肉眼、小排、菲力的位置，也相當好吃！油脂分布平均，不會太油膩！而其他燒肉分量也很足料，不會太薄身，有適中的厚度呢！抵吃又好味嘅燒肉店！