好吃韓國料理

Open Now

Now Closed

收工後與朋友相約在旺角吃晚餐，經過街邊小巷突然下起雨，於是很匆忙地走進這間韓國餐廳避雨和吃飯。店內環境不算很高尚，還有冷氣機滴水😞我們每人點了一個餐，餐前會有是日例湯及泡菜，例湯味道正常，但泡菜較甜。1️⃣鐵板牛肉牛肉及飯的份量很多，牛肉炒得香，配上洋蔥很甜，雖然味道普通，但因為份量多算抵食。2️⃣泡菜豬肉湯泡菜湯非常甜，個人不太喜歡，豬肉是半肥瘦的五花腩，數過只有4塊，唯一值得讚只有豆腐很滑，這碗湯飯不會再吃

午餐時間又到啦，今次去到旺角搵好野食經過旺角女人街睇到有韓國菜，我最鍾意食韓國菜，一定要試啦今次我叫咗份韓式炸醬麵餐🍜一嚟就上個餐湯，湯的味道有牛肉味～清清淡淡都幾爽口😌 仲有甜甜地微辣的泡菜同白菜仔😋加左份炸紫菜粉絲卷，比較油膩，食到成口油🙁主角上場啦～ 炸醬麵，材料有肉粒 洋蔥🧅 麵上有半隻雞蛋同青瓜絲，增加左爽口感，味道不錯👍🏻味道：4/5環境：3.5/5服務：3.5/5衛生：3.5/5抵食：4/5

又係求生存餐系列中午係旺角通菜街隨便搵餐廳快食, 因為天氣太熱，又唔想食米線，唯有隨便入一間。叫左午餐，午餐都配有小菜及湯但個湯好咸，飲左一啖冇再飲同似係中餐湯兩款小菜：白菜及泡菜首先白菜做韓式小菜好似少見，但個泡菜反而好食, 偏甜, 辣味少，但我食晒1.純豆腐辣湯餐$47豆腐份量算多, 內有2隻蜆，牛肉煮得比較老湯都唔辣，同偏甜2.泡菜豬肉湯餐$47 +$10 煎蛋卷泡菜豬肉都正正常常，但煎蛋冇蛋味，同我食唔出蛋卷入面係啲咩。為求一餐飽肚，下不為例。

真係相都廢時影。一心開開心心想食韓國菜嗌左醬燒牛肋骨、磨菇石頭鍋飯、卡邦尼年糕、海鮮煎餅由前菜開始講 對泡菜無咩要求 係泡菜味就ok之後其中一個前菜係翠玉瓜😂調味就係中菜翠玉瓜雪凍左醬燒牛肋骨要2百幾蚊諗住好靚點知到左之後牛肋骨d骨同肉分開曬得2舊骨 仲要黑椒汁😂好似中式牛柳食落d肉完全唔係牛肋骨味根本就係係湯撈兩舊骨之後放d其他肉扮野😂😂😂份量又少 好失望卡邦尼年糕一黎到d汁水汪汪中式白汁雞柳咁既味以中菜黎講唔算難食仲有d菜碎蘿蔔絲碎tim但問題係依加食緊韓國餐 點解會係咁🥺磨菇牛肉石鍋飯都一樣惹味係惹味既但都係中菜有 無論調味伴菜整體完全無韓國菜feel海鮮煎餅無咩海鮮... 唔知點形容 都熱辣既但唔好食食完無感覺得個飽字總之鐘意食韓國野可以唔洗食呢間抱住食中菜心情或者可以既😂😂😂題外話就係食完會好渴😂多味精唔知你地會唔會信無相既食評因為第一碟見到水汪汪的卡邦尼年糕個賣相已經影唔落😂之後個口咁渴又一邊睇食評既我竟然見到好評多過差評咁既質素又貴仲要收加一服務費我真係接受唔到第一篇食評貢獻左係到多謝大家😂🙏

其實睇個韓文就知唔正宗，都係入左去係我唔啱，唯有幫大家避雷⚡️#避雷文就唔扮文人啦.食韓國菜第一碗上嘅湯就知道咩叫正宗，佢上左碗茶餐廳嘅蔬菜湯，係，係蔬菜湯（之後食個Main個陣會見返一樣樣嘅蔬菜出現）拌碟泡菜唔辣唔酸，真心香港人都唔會okay嘅泡菜到Main，我叫左香辣牛肉湯麵，個辣味同牛肉都係cheapcheap韓國菜嘅感覺，但係不得不讚麵底係多嘅😬我男友叫左個部隊鍋，反而得個湯，然後乜春都得一兩舊......個部隊鍋望落我都唔夠飽然後嘢飲，茶餐廳囉，同埋我好唔中意支飲筒，唔係環保物料🙄.最後要讚多樣啦，係抵嘅，平均50蚊左右嘅價錢，okay啦

一向對韓國餐不太喜好嘅我， 今日朋友推薦話食韓國嘢！唯有陪他試試。店舖食物款式有不同選擇，我選了套餐牛肉石鍋雜錦泡飯有湯和配菜。飯嘅份量唔算太少，食緊中途驚喜地發現有少少飯焦 但如果比較大食嘅朋友可能未必夠飽😂牛肉份量一般，醃得幾入味👍泡菜一向都唔鍾意食，但出奇地好食唔會好辣有少少甜甜地。個湯清清地唔錯，可以中和飯的油膩感覺。一心滿懷期望不高，整體都有驚喜個飯連配菜一齊食唔錯，連埋加一＄85。朋友仔果然冇介紹錯

疫情下在家工作的日子，每逢午飯時間，都想走出嚟鬆下，今日行到山東街女人街口，找找有什麼好食，係OpenRice看看，第一間彈出嚟就係呢間，「好吃韓國料理」，行幾步就搵到，未到十二點，人比較少，入去隨便坐下。第一次，當然選擇有誠意推介標誌啦。人參雞湯好？抑或雪濃牛骨湯好呢？都係試吓牛。套餐包前菜、湯、白飯、熱飲。牛骨湯份量足夠，4塊鬆軟牛骨肉，骨肉仍完整及容易分離。有很入味嘅蘿蔔，仲有粉絲。湯味似是牛骨濃湯開，但夠味道和濃郁。前菜嘅泡菜口感幾好，酸辣適中，仲有大豆芽菜，啱我口味。不用廿分鐘就全部清晒。叫了餐飲咖啡，沒有大期望。到了十二點半，開始多人，都係早點離開，應該會再來試試其他，人參雞湯吧。

第一次嬲住打食評夜晚同朋友行街，朋友話想食韓國菜，見到附近依間網評唔錯，就諗住入去試下我落單點左牛肋骨湯餐，點知上菜就黎左炆牛肋骨，咁我咪同個男職員講話上錯左餐，點知個男職員勁無禮貌咁話：「係呀？我聽到炆牛肋骨喎，都整左啦，你咪試下囉。」個下真係勁炆，雖然價錢唔係話貴好多，但係如果你態度好啲嘅話我都算啦，無謂浪費食物，咪照食囉，但你依個服務態度真係好唔得囉炆牛肋骨太濃，食完勁口乾⋯連餐附送嘅湯都好過主菜不會影響我對韓國餐嘅熱愛，但這間餐廳，不了！

講句老實說話，今次我不是第一次試食，享用韓國傳統麵食食品「水冷麵」。以前我第一次享用「水冷麵」的時候，還一直以為「水冷麵」是可以不加任何調味料，不做其他步驟就可以直接享用的韓國麵食品。但是直至兩年前，我在沙田才真真正正發現，原來享用傳統的冰涼韓國「水冷麵」食品，除了需要用剪刀剪斷「水冷麵」裡面的「蕎麥麵」之外，還需要另外加入黃色「芥末醬」和紅色類似「蕃茄醬」的醬料調味才可以享用。結果兩年之後，我今次光顧位於「旺角」「女人街」裡面的韓國菜餐廳「好吃韓國料理」之後，忽然發現享用韓國「水冷麵」食品之前，旁邊還有紅色跟黃色甜酸味道醬汁，我還一直疑惑應該怎樣享用才對。結果我忘記了兩年前在沙田的韓國菜經驗，再一次詢問「好吃韓國料理」裡面的店員，才知道要把紅色「醋」和黃色「芥末醬」投入「水冷麵」調味，然後「水冷麵」才能吃到酸甜的味道。結果我再次以新人的心態光顧韓國菜餐廳，再次享用「水冷麵」，又再一次因為忘記「水冷麵」的食法，而需要再次詢問侍應，結果我還一時大意，用套餐裡面的小食「紫菜卷」去點紅色類似「醋」醬料調味享用。但是我直至今時今日，才忽然發現原來類似「蕃茄醬」的鮮紅色醬料，其實根本就本就是像「

午餐幾抵食， 40蚊左右， 間餐廳位於女人街， 好近西洋菜街， 旺角行到攰可以去食下。間餐廳個環境幾企理乾淨， 有種住家經營feel， 唔係嗰啲好大型連鎖店嗰種。 佢個餐有牛肉湯， 都幾清淡。 然之後就有前菜， 都係我哋平時食開嗰啲泡菜 之類。 我嗌嗰個石頭鍋飯好新鮮， 將啲配料撈埋一齊好正， 如果唔夠辣唔夠泡菜你可以將之前啲前菜撈埋落去， 咁食落去就更加過癮。

鐵板燒雜錦，雞牛豬，配白飯，送餐湯和配菜，凍飲加2蚊~餐湯味道一般，比較淡。配菜係小菜同泡菜，幾開胃~鐵板燒份量好足，雞牛豬分量平均，3種調味都唔同~最鍾意豬肉，最有韓式風味，有點像泡菜的味道~牛肉配上洋蒽幾惹味，雞肉普普通通~整體滿意~

係女人街見到有間韓國野，不太起眼，就試一試。好細一間，一眼睇哂，環境普普通通，應該係家人經營。小前菜係泡茶同醃大豆芽，正常表現，不過不失。仲有一個湯附送，裡面有幾舊蘿蔔，唔熱，小小暖，又冇乜味，唔知飲緊咩。由於太想念韓國蛋捲，見到就想叫碟試試，但一見到就已經失望完全唔熱，冇蛋香，冇煎香，冇味道之餘仲要好老，食之無味，棄之可惜。韓國炒粉絲，好味，麻油味香濃，但太濕太黏，食落似一餅野。韓國石鍋豬肉拌飯，冇咗好多配料，亦都冇雞蛋，食落唔豐富食完呢一餐就算，唔會有下次。。。

曾幾何時，「純豆腐辣湯」是自己在韓國菜館用餐時常吃的菜式，不過其實不常吃韓國菜的我，已很久沒吃過這簡單而開胃的菜式了。這一天中午，沒有甚麼胃口的我，在旺角通菜街食肆最多，最集中的一段尋覓用膳的地方，無意中竟給我發現這間韓國菜小館子，門外張貼的多款午餐中，赫然見到久違了的「純豆腐辣湯」（$47），價錢相宜，正好給我一點刺激，讓我開一開胃。主菜未到，前菜先來，紅的泡菜，綠的青菜，泡菜甜中帶辣，辣裡有甜，青菜爽口，為這午餐帶來一個好開始。餐湯是常見的韓國菜館的餐湯，湯內有少許蘿蔔椰菜，味道是預期之中，無驚，亦無喜。主角跟白飯一起送上，熱燙的辣湯，開胃惹味，索湯的豆腐正是絕配，加上已被辣湯浸泡至全熟的雞蛋、少許蜆仔和牛肉，令本來無甚胃口的我不禁把這湯完全喝光。飲品揀了「凍柚子蜜」，雖要另加數塊錢，但這冰凍涼快，味道怡人的飲品，正是喝辣湯後的良伴。下次再吃這喜歡的「純豆腐辣湯」，不知道又會是何時呢？

當日整完指甲，隨便行隨便搵到呢間韓國餐廳，見好耐無食過韓國野就入去試下。其實佢間餐廳外面望落幾韓國feel，但入黎就完全唔同，好有中國風味🙈 一個人既空間送上冷菜 & 泡菜，佢呢2款都好味，個泡菜仲唔會好咸同好冷藏味。個例湯都唔錯，甜甜地又清清地。石鍋什錦牛肉伴飯$50，個賣相唔係太吸引，因為普遍既韓國拌飯上面既餸菜都會放得好整齊，呢個有d隨心放。講真個飯麻麻地，牛肉唔多，菜都唔算多，唯一好既就係個鍋夠熱，個底好多飯焦😆跟餐加$10可以要1份 炸紫菜粉絲卷3卷，但送到黎有4件，我就唔客氣。炸到脆卜卜好香口，4個真係唔夠喉。不過呢間韓國真係唔夠韓，麻麻地可以再試多次既，但就真係唔韓國feel🙈

本身想食日本野，但這個時間落左場。諗住隔離沙爹王食啦，點知又裝修。行多兩步見到呢間好吃韓國料理，太肚餓所以都唔想再行，就呢間搞掂個lunch。應該係我食過，認為評分最低的韓國石鍋飯。豬肉只有3塊，芽菜同蘿蔔都係得幾條。泡菜係朋友唔食俾埋佢嗰份我，唔係嘅話呢個飯應該都冇乜味。 野飲ok，檸茶嘅茶底不會太厚。最後想講下服務態度，問佢野唔應，手指一指就走。其實間店冇乜人，佢好似好忙咁款走左，原來係坐埋一邊玩手機😅😅😅。