麻吉 (Closed)

路過，突然好想飲珍珠奶茶，試吓。今天碳燒烏龍珍珠奶茶做推廣，叫了一杯少甜。珍珠很有咬口，奶味多了少少，有少甜，有很輕微的烏龍茶味有大約十五人於店舖外等緊，此店只有兩人負責，店員做唔切

之前，想搵「嚮茶」，沿修頓中心行，見到呢間「麻吉」，修頓中心地舖仲有「貢茶」；真係多選擇！不過，對住莊士敦道，電車、巴士、行人熙來攘往，環境一般！主要賣奶茶、果汁、沙冰... $10~$16 有交易！日本白桃蘆薈 $11 ( 中杯、凍飲、少冰 ) 味道似罐頭雜果嘅果汁！酸酸甜甜！有兒時試過嘅味道！好飲！ 蘆薈爽身有口感，份量不少佔 3 份之 1。吸收果汁甜味，好似食提子！抵飲！

今天路經灣仔修頓球場側, 見好多人, oh, 又係珍珠奶茶,但個店名好吸引, 叫 '麻吉' (當珍珠遇上奶茶),見做特價 - 哈蜜瓜珍珠奶茶 - 700 cc 大杯 - 只售 HKD 10.00服務: 收銀員有禮, 有笑容.衛生: 很光猛, 乾淨.價錢: 大大杯 700 CC HKD 10.00 好抵飲味道: 珍珠好彈牙, 哈蜜瓜奶茶好香, 好有茶味我會再去試, 店員說 '皇牌珍珠奶茶' 最靚, 下次一定要試.

現在要找一杯台式奶茶喝，真的是比借火更易，吃了點東見口乾，來喝一杯珍珠奶茶吧，來到店門外，見店家推介大杯裝700cc的珍珠奶茶特價只賣十元，一於更二話不說，點了這一杯來喝。等了一會，已經有得喝了，吩咐了店家要微甜的，即是除了無甜之外，最低甜度那一個程度，可是喝起來竟然跟貢茶的正常甜一樣，真的很難想像原本的會是甜得如何的厲害，喝了兩口，才依稀知道自己原來正在喝的是一杯茶，那丁點的茶味，加上丁點的奶精，沒奶香沒茶香，濃香滑一樣也達不到，但至少沒有喝到我肚子痛，而且也夠便宜。另外的珍珠也下得不少，但那些珍珠偏硬而不Q，即是不煙韌，而且咬起來又是很甜，是浸得太多糖水了吧，所以最後吃剩了非常之多，因為實在是太甜了，這杯茶原先以為很便宜，但喝過之後，本人認為這個價錢也是貴，因為我可以用八元在貢茶買一杯大號的烏龍茶喝，味道一定會更好。

同男友食完飯，口乾乾就嚟咗呢度買嘢飲想飲清清地既嘢，就揀咗金桔青檸綠茶記得呢度既味道同貢茶好同，呢度既檸檬汁味較重而且有綠茶味～咁講真，二間既風格各有不同的～

有兩日響灣仔工作, 收9點幾, 珍珠奶茶癮起, 又不知道灣仔何處有得飲, 立即手機上網搵飲左麻吉既珍珠奶茶 $12 感覺 : 平平無奇, 冇咩茶味, 珍珠份量好多但係冇甜味, 冇黑糖味, 咬落有種感覺係QQ得黎, 但食到最後好似食生粉團咁, 呢個感覺好差, 我未食過咁既珍珠....老實講城大canteen 既珍珠都比佢好幾日後又收9點幾, 口乾, 今次心諗係飲都唔飲珍珠奶茶, 但見有玉露系列$10蚊, 即時叫左個芒果玉露, 嘩真係呢....又唔係話冇唔好味既, 但係個味道真係同道地果個芒果玉露100%相似, 可能大家都係用果個糖漿開....至於D椰果就真係米題, 我幾乎食唔到! 太少啦, 冰又少飲飲下成杯野開始唔凍, 好難頂, 下次又黎灣仔都係去7仔自己搞掂算啦!

等砌機, 又要落返去街行下. 齋妹想起飲杯貢茶, 但地點也許太遙遠. 放棄了之後, 係修頓門口旁邊, 有間台式奶茶店. 我們便行過去八八有什麼好飲. 看了兩看, 在嚴寒的冬天, 此小店推出一系列既熱飲. 奶茶類也許太full, 然而店鋪姐仔介紹我們一個薑母茶. 我們沒有考慮太多, 天寒地凍就此就犯. 佢介紹乜我地就飲乜. 拿了一杯咁既茶走.聞落已經覺得好重薑味. 飲落, 好辣, 其一當然是薑辣, 其二呢杯野的確是熱辣辣, 其三, 飲了一口都差少少辣親. 說味道, 喜歡薑的朋友一定鐘意, 因為薑味實在太正. 呢間小店, 甜度有分大中小三種. 沒有特別order就應該給你中既甜度. 然而, 中既甜度係未必夠甜味既. 總之, 整杯薑茶....感覺如店名....麻麻......如果飲到好野.......咁就一定係吉吉.

灣仔開左好多間奶茶，我其實只係試過呢一間，但已經唔想去搵第2間。次次都係飲碳燒烏龍珍珠個茶味對於我呢d喜愛飲奶茶咖啡既人黎講簡直一流，個珠珠又好好味最重要係...$12大杯700cc..抵飲過附近既金x好多囉=p

打波前買杯野飲下先點了珍珠奶茶半甜($12)珍珠少得可憐,不過好煙韌,有甜味茶味和奶味比例適中,唔錯唔錯

十月下旬‧有微雨灣仔又開了好幾間台茶店，這次經過，間間都好似有人等的，生意不差，是日就試這裡的珍珠奶茶。有茶味，不太甜，不差。珍珠很煙韌，也有點味道，也好。茶夠凍，手搖，沒有冰在內的，也不錯。10蚊一杯500毫升的，感覺上比附近的幾間台茶店都好。行過幾條街，原來連come buy也加入戰團了。

這次出動到灣仔!事緣是約了朋友到灣仔去閒逛, 結果我"聰明"地比約定的時間早了很多到.反正沒事好做, 便在地鐵站附近四圍走走.走了數步便發現了這間售台式飲料的麻吉.印象中, 這間店的評級在openrice是不錯的, 這次錯有錯著, 有機會試試了這間店的飲品款式選擇不算多, 如果想找些較有特色的飲品, 這裡可能無法滿足你了.是日點了"北海道紅豆奶綠", 有500cc, $12.綠茶味頗濃, 但略嫌奶味不足, 紅豆偏硬.整體來說, 飲品沒什麼特別, 價錢也不算貴, 要是有機會來附近的話可以一試的.這店的位置很方便, 就在灣仔港鐵站A3出口轉右走, 不消一分鐘便可看到.

公司附近有好多珍珠奶茶賣~~但我比較欣賞這間店, 它的茶味和奶味比例唔錯~~ 唔會太甜~~推介它的皇牌珍珠奶茶和碳燒鴛鴦奶茶

新派台式奶茶店灣仔不多, 麻吉可以說是第一間. 起初吸引我的, 是在午飯時段, 她店門前永遠都有很多不同類型的女生! 作為一個甚麼也想試一試的女生, 當然會排排隊, 湊湊熱鬧! 買過一次之後, 發覺原來真的不錯! 招牌奶茶夠茶味, 珍珠不太硬, 最重要是價錢相宜, 才HK$10一杯 (500C)! 至於其他選擇也多, 紅茶綠茶都有, 可算是除了咖啡以外的一大發現! Warm reminder - 今天試了一個香蕉奶茶, 不好喝! 顏色怪怪的 (像藥水!), 蕉味跟奶茶味不協調.. 想試的朋友要有心理準備

近月，灣仔修頓球場外新開了一台式珍珠奶茶店，店名麻吉是台灣流行用語，除直譯的解釋 “Match” 外，常用於形容兄弟／好友間的感情。上次經過灣仔，此店仍在試業階段，買下一杯大的皇牌珍珠奶茶 ($10) ，看看可不可以成為我喜歡的麻吉。拿起皇牌奶茶喝一口，由於要求了少甜，平衡了茶與奶的比例，除有奶的滑溜感，茶味亦能彰顯，珍珠夠大粒夠彈牙，準沒有錯，是間蠻有水準的店子。沒太多想寫，畢竟已記下很多不同特色的珍珠奶茶，開始有種厭煩的感覺。眾多台茶店之中，這一刻有點衝動試的只有日出茶太及 Joda’s Cup，前者一杯抹茶鮮奶竟索價二十元，味道令人期待，後者則以茶香聞名，經過的話定必一試究竟。

由於在灣仔區工作每次午飯經過麻吉總見一班人圍在麻吉門前購買飲品, 受了以前在旺角及荃灣買珍珠奶茶久候的痛苦經驗影嚮, 一直沒有勇氣嘗試, 直至昨天假期中午又經過麻吉便想買一杯看看味道如何. 可能是附近有特別活動關係, 門前聚集了不少看似印尼人在輪購, 心想購票後最少又要花費10-15分鐘等候. 喜出望外的是竟然不到5分鐘珍珠奶茶已經到手, 喝一口味道與其他台式飲品店沒有太大分別, 珍珠口感亦不錯. 以灣仔區$12一杯700cc凍飲亦算抵飲. 值得再試