Maxim's Café (Closed)

今晚去大會堂聽莫扎特音樂會，順道上一樓餐廳晩飯。己經有十幾年冇去過了，依然舊時模様，有點似回到花様年華的時代，好懷念。羅宋湯就是當年的味道啊！淸甜可口。海南雞飯水準真不錯。完全去骨，食用容易。雞香味濃郁還很滑溜。雞油飯一點油膩感都冇，粒粒有光澤。價錢只是八十多元，抵食又正喔！最後餐飲咖啡也不遜，順喉甘香。這一頓晚餐令我回憶了好多往事。

這天跟同事farewell就選了maxim cafe，勝在可以訂位，而且午餐選擇亦多！每一個set lunch都先來一碗餐湯和餐包。磨菇餐湯雖然未至於非常濃郁，但也有很多磨菇粒而且味道很不錯，而餐包熱辣辣亦非常軟熟！我點的是肉眼牛扒。上菜的時候就聞到濃濃的牛味！牛扒外面煎得香脆，能夠好好鎖住肉汁，但如果肉質可以再嫩滑一點就更好啦！本來以為薯菜只有普通的薯條，見到薯格的時候高興了一下 哈哈。對香脆的薯格總是情有獨鍾，忍不住一塊一塊地就吃光光。同事點的有諾曼第海鮮大會。諾曼第醬這種白湯醬味道柔和，最適合配上海鮮和魚類！海鮮種類好豐富，有帶子、大蝦、青口、魷魚、三文魚、魚柳。海鮮很新鮮爽甜，意粉份量很足，加上適量的醬汁，整個配搭非常不錯！另外就是經典焗豬扒飯。那一隻太陽蛋實在太吸睛了 哈哈。蕃茄醬和芝士的份量也很多，覆蓋了整個飯，讓每一口飯都變得濕潤又美味。豬扒的肉質也很有肉汁又軟稔。整體來說雖然焗豬扒飯很普遍，但這間真的做的很不錯！另一位同事點的是烤寶雲酥羊架配紅酒汁。因為我不太會吃羊肉就沒有嚐了這個。但同事說這個羊架烤得不錯，不會騷味，有肉汁而且有嚼勁。

walkin 一定無咩可能會食到預先book 檯就訂到唔係d 咩好好食，可能只係因為大會堂無咩野食…叫極點餐都唔黎好喇，三催四請終於有人黎order要乜無乜，又話賣曬…well ... 果時未夠1點lor...個餐包好硬，説好的軟餐包呢？牛扒medium 熟，大大塊但唔多好味芝士焗雜菜意粉簡直好似係食粉咁…一pat 野d 菜又好似唔熟咁omg叫餐飲仲難…好似十世都無人理…今時今日咁既服務態度，加埋咁既質素點解仲有咁多人排隊…其實成個大會堂既食肆都係美x集團包辦曬可唔可以加入返d 競爭，提高下個質素呢

原來八點鐘大會堂得依間有嘢食，又唔想行返轉頭。貴咗少少都算啦，坐得舒服 d。叫咗個牛柳鵝肝大蝦，先講羅宋湯，真係冇乜味，唔夠辣，想搵胡椒粉又冇。到主菜，個牛同蝦中規中矩，個鵝肝個味好怪，如果價錢做唔到，不如攞走咗個鵝肝啦。🤦‍♂️🤦‍♂️🤦‍♂️除咗個位置比較方便，舒服同好多位，唔駛等之外，冇乜其他好處。

近滙豐總行，易 book 位，又不是太貴。不是很多選擇。點了牛脷意粉，羅宋湯。湯同快餐店飲嘅沒有分別，牛脷有三大塊，半碟意粉，一個男人也很難食得晒。意粉乜味都冇，同個黑椒汁都不是太親。牛脷味道正常。朋友食肉眼扒，份量適中，味道正常。順帶一提，咖啡味道不錯。埋單三百，大部份錢都係食個地點。

眾所週知中環的午餐選擇比上環的小得多、而可預先訂座的食肆選擇更少！所以美心呢間西式餐廳多數要提前半個月訂座、如果一大班同事黎食就最好提前一個月tim！有1x款lunch set選擇！餐包、餐湯（紅白湯二選一）、主菜、餐飲！ 價錢由100-150$ 不等！諾曼第海鮮係推介！（可選飯/意粉/薯菜）份量好足夠！青口、帶子、魷魚、魚扒各二，再加一隻大蝦！女士多數食唔哂一整份的！它的海南雞飯係油飯（可要求轉普通白飯）、味道也很好！但是日已賣哂、無得食！

上幾次lunch, 12點幾去到，個男經理(肥肥地)態度好差及同成班侍應傾計，叫左兩次都無反應。加上食物質素下降，所以好耐無再幫襯。今日去開大會堂買門票，即管試多一次，有個戴眼鏡的女經理及一個女侍應都好招呼及有禮貌，又見到個女經理吩附個男侍應不要掛住玩手電。個女經理比之前個男經理勤力好多。

又到大會堂聽演奏會，早一點先來美心餐廳享受一個晚餐才開始吧！重新裝修後美心餐廳依然保留港式西餐風格，舒適雅致，見附近有幾對情侶蓉蓉細語，在他們眼中時間都像凝聚了。雖然我們因為比較趕時間，沒有研究餐牌，點兩個晚餐好了，但慢慢被舒服的氣氛令心情平靜起來，可以欣賞一下廚師的手勢，享受此刻與友人閒談，非常寫意。 餐湯是經典的金必多湯，源自上海西餐的中西合璧料理，湯底是忌廉濃湯，並加入魚翅、火腿、鮑魚絲、紅蘿蔔絲等食材。洋蔥豬扒做得好仔細，洋蔥香甜，豬扒嫩滑，配菜不馬虎，典型的舊港式西餐。肉眼扒點了 medium，面有焦燒香，切開裡面粉紅而沒有血水，非常滿意。若果不是趕時間，一定來杯紅豆冰，下次吧。 #hkfoodblogger #hkfoodies #食評分享 #餐廳食評 #中環美食 #西式 #二人世界

之前關閉咗幾個月裝修，說起來原來已是2016年尾至2017年頭的事了之前經常到來係因為AE白金卡二人晚膳半價優惠，二人晚餐鋸扒連甜品吃到飽飽埋單都只係200蚊有找非常之抵雖然餐廳重開後知道已經沒有AE卡優惠，但仍然記掛著以前的經典懷舊套餐食物質素都算有保證不過不失吧！所以，跟另一半間中都會來懷舊一番！餐廳仍然有與其他信用卡做折扣優惠👏餐廳重開後也幫襯過好幾次，一次過分享曬啲照片… 雖然裝修格調有些不同，但所有座位分佈跟未裝修前完全一樣，其實變化沒有多大，可能係燈光暗淡緣故，感覺上格局仍然係簡約平實懷舊feel…餐牌就當然唔同了啦主要係價格比裝修前提升了但其實大部分的主食都沒大變動…仍然可以繼續單點或+$升級至套餐…😀依舊選了金必多忌廉湯配餐包😋與一般忌廉湯沒大分別餐包是翻熱了，送上時仍暖暖的！主菜首選就當然係我嘅死敵🐂牛魔王🐃😂無論去到那裏都係先試牛🔪🐮🐄😂對於"牛"真係又愛又恨😍以前吃牛扒通常會叫七成熟，因為唔想太生…仍然血淋淋嘅感覺，但發覺每次上送上嘅時候…都會over咗… 變得太韌太乾好難吃…所以，現在落單時通常會叫五成熟(medium)，寧願博一博…生啲好過熟過龍牛扒做得唔錯剛

好耐無去呢到，食物質素仍好，晚上寧靜舒服，價錢唔貴，服務唔差！晩餐叫了洋蔥豬扒，有兩塊豬扒，size唔細都幾大塊，洋蔥汁好味，豬扒好淋好鮮味，仲有配健康菜，大家更可以選擇飯，意粉或薯菜，套餐有沙律，沙律用芝麻醬，好似日本餐啲沙律咁醒胃，仲有餐包，麵包軟熟仲熱熱哋，唔會好似有啲餐廳啲餐包凍冰冰又硬，餐茶凍檸茶有茶味但略甜，下次要叫少甜先得！另一個唔係套餐，茄汁大蝦扁意粉，初睇賣相普通，因為汁太多，以為唔好食，但食咗一啖，竟然有驚喜，意粉好爽，尤其是啲蝦好新鮮，仲有唔少蝦，好正😍，茄汁唔太酸，帶少少甜，好好味，但如果打返個獻汁會更好，唔需要太多汁，多到似水！餐後叫咗兩球雪糕，有四種味道揀，分別朱古力，雲呢拿，士多啤梨，芒果, 我揀咗雲呢拿同芒果，雪糕上面有cream, 如果大家唔想食cream, 可以走cream, 雪糕球比出面餐廳大，上枱時仲好冰硬，唔會咁快溶，超正👍🏻👍🏻👍🏻！