美心鐵路快餐廳 (Closed)

好味喎~50蚊有埋嘢飲同豆腐湯飯同配料醬料係响你面前由專人撈入個燒熱o既鍋度香氣四溢.食完個鍋都仲"辣"手, 冬天啱晒仲可以自己決定放幾辣將個湯倒埋落去食埋啲飯焦特別滿足^_^呢個難度o既menu已經唔似我認識o既"快餐廳"

因為聽演講會貪方便到此美心食晚餐，雖然有諗過此店地點關係價錢會比較貴，味道應該差過其他舖點兒，但心諗美心差極有過譜應該好吃過麥當當啩！友人食西冷牛扒飯，賣相美味，牛扒比鬆肉粉攪到入口怪怪，汁味道一般，但伴碟西蘭花及紅蘿蔔仔可口．本人食豉椒排骨煲仔飯，賣相ＯＫ，味道一般．總括來講下次到係食麥當當好！

呢個係我一黎到美心o既反應。鐵板餐/ 焗豬扒飯都算，都唔係咩特別野，不過人o地有冬瓜盅佢又要整個Q 版冬瓜盅，人o地有楊枝甘露冰你又要整個香芒甘柚冰，實在難以令人唔聯想到大X 樂... 加上冬季o既一哥火鍋... 無論如何，你要抄唔緊要，最緊要都係抵食夾好食，之不過...咁同友人一齊去，見到有個咩美國文化定美食之類既野，兩個都係揀左呢個；我揀左一個煙腿+ 牛扒+ 黑椒肉醬汁+ 飯，鍾意食雞o既友人要左個咩美式燒雞髀飯，我一見到已經想話：一個雞髀飯賣$32?等左一陣就有得食，我個煙腿同牛扒都還可以，算係一分錢一分貨，但係個汁... 睇見都唔多開胃，勁多油，肉醬極少；至於個菠蘿梳打冰，我覺得自己似飲緊雙氧水多D至於友人個雞髀，隻髀就真係勁大隻，但個汁又係睇見都唔開胃，類似茄汁，塊雞皮整出o黎o既效果好似煲完三四個鐘o既老火湯o既雞皮一樣，撞鬼；友人話杯香芒甘柚冰佢飲o左兩啖已經唔想飲，早之飲番凍啡云云實在近期見到美心將旗下一D 店舖裝修做美心MX，似乎有意改變形象，不過佢D 食物依然係有待改善

我其實是想評尖沙咀加拿芬道的一間分店，但因本人愚魯找不而致順手拈來！前天已是我第二次到訪，但兩次我都發覺他的房部之工作態度大有問題！我約於一個多月前第一次到訪點了個甚象拔蚝餐，等了二十分鐘左右再傳我回收銀機旁，該年輕收銀員怯的告訴我，因我點菜的時候剛剛到了完結的時間(九時半)，而她一時未為意而給我入了單...等等。我覺得此一收銀員很可憐！因為一時大意而要給人欺負(她身邊沒有別人)，房有料而不做(房想亦代表公司吧)。令我感到很不是味兒！跟一個月都沒有光顧...前天光顧，該收銀員已不在，今次點了個加洲魚餐，正常應該我點了餐房會收到"飛"，但我今次又大意沒有先送飛上counter致令我又要等二十分鐘，其間見房從小窗口多次外望...最後點？梗係又係我讓步啦！

14-2-2006 0640搭架死人亡命尾班通宵巴士，唔駛半個鐘就去到，售票處未開，又唔想行咁遠落大酒店附近搵食，真係唯有係櫈上一字型訓一陣先。幸好好快就開閘，攪掂手續後就見到M記同埋美心一齊開檔，我就選擇左後者，唔想駛食湯米/通粉/麵，就叫了火腿雞扒餐，贊既係的伴菜幾靚兼汁幾好味，但係價錢就超等的貴。

24-8-2005 1530公司有極突發事件要北上解決，返屋企取回回鄉咭後飛的士到火車站，還有少少時間食過下午茶，唔想行咁遠，好投其到了這裡食左個下茶餐–泰式雞翼拼辣味薯球，雞翼係全翼，外層用生粉一類的東西炸過，薯球都係炸，真係有少少辣，我覺得唔錯。但整體上始終覺得麻麻地，但當諗到上到後唔知有乜事發生，包括唔知食乜好及要渡過幾多個通頂先解決到，所以我會俾笑臉，真係好破例。