旺泰特食 (Closed)

同男朋友無意中走入這間餐廳。 我們點了- 泰式小食拼盆- 焗麵包咖哩雞- 炒通菜- 泰式海南雞飯拼豬頸肉- 冬蔭公我們坐近門口, 加上當日天氣好熱, 所以食的時候都覺得好熱。我地最欣賞個泰式海南雞飯拼豬頸肉, 個汁好好味!! 令到明明已經7成飽的我忍唔住食多左飯下次入西貢再唔洗俾我亞媽迫我食車仔麵, 因為我已經有一個更好的西貢開飯選擇

今日星期六, 陽光普照, 唔出街真係嘥哂, 同女朋友兩個人入o左西貢行之前做過功課, 知道有條冷巷有好多小店賣野食, 仲有唔少好的評價, 於是就去尋寶! 最後, 決定在旺泰落腳去!這間泰式食店, 環境就麻麻, 坐位多在黑暗的走廊, 衛生程度就一般, 不過都吸引了不少食客捧場, 可能因為今日是星期六吧, 我地食o左醃粉絲, 冬蔭功同串燒沙爹牛肉醃粉絲味道都ok, 不過我覺得唔夠辣, 但係酸味就夠, 青檸汁的味道, 令我食完之後更開胃, 海鮮有蝦, 尤魚, 每樣都有四, 五舊, 一d都唔孤寒!冬蔭功味道偏甜, 落o左好多鮮草菇煮, 除o左甜, 仲好似咸左少少, 一般! 串燒牛肉係三樣之中最好味的, 沙爹汁好味, 有好重的花生味, 夠野味! 加多兩碗白飯, 午餐就係咁食飽左

值得一提的是，服務的確有不足處。員工倒翻水，連一句對不起都沒說，便匆匆走開。不過，食物質素卻是不錯，而價錢亦不太貴。順帶一提，情侶用膳後，大可到西貢碼頭吹吹風、拍拍拖。

0個日想食泰國野啦!!咁不嬲呢間旺泰既水準都唔錯既!!!我就諗住星期日應該會好多人啦,咁就諗住早d去攞位啦!!點知離遠望埋去,成班人圍住間舖!!o我諗住行埋去睇下咩事,順便問下要等幾耐啦!!:點知一埋到去,冇STAFF企0係門口SERVE D客既!!咁我唯有入去入面問啦!!入到去問佢要等幾耐,佢就好惡咁話出去排隊!!咁我咪問唔使寫張飛仔俾我呀??佢跟住又話出面有人幫我登記!!我同佢講,出面邊有你地既STAFF呀??跟住佢扮聽唔到囉!!其他既STAFF都淨係識叫等等!!呢D服務態度唔能夠容忍呀!!最後我去左食街0個間旺泰度食,個情況差好遠!!我以後都唔會再去萬年街0個間旺泰度食!!

同男朋友去咗西貢遊玩, 晚上去咗旺泰特食晚飯。係門口已經有一批食客排緊隊, 好旺場.我地叫咗: 麵包咖哩軟殼蟹: 好味, 唔辣, 咖哩汁有香芧味, 軟殼蟹幾大隻, 仲有蟹膏添, 份量頗大, 但我嫌咖哩汁咸咗少少, 但可能泰國菜偏咸, 但$78算抵 蒜蓉抄椰菜苗: 椰菜苗爽脆, 唔錯 椰青: 普通啦食物質素算唔錯, 但要講吓旺泰d服務因為真係麻麻.其實大部份食客都自動自覺排隊, 我地都係排係隊尾,等咗一陣, 跟著餐廳有位應該係泰藉女待應出來派籌, 但最搞笑係女待應好求其係張紙到寫個冧把同人數就算, 又冇mark客人姓名, 又冇用另一個表記得派咗幾多籌同叫到邊個號碼! 好明顯待應叫叫吓都唔記得叫到幾多號....唔單只搞到好混亂, 仲有機會跳咗號碼都唔知! 好多排緊隊既客人到都有微言, 因為毫無安排可言....其實服務對餐廳好重要, 依家國內餐廳o既服務水準都比香港好得多! 真係要反省一下!

同爸爸慶祝父親節就諗著入西貢食泰國菜, 當日下午就上網睇食評這間好似ok,所以就打電話訂位, 但係佢話最早8:30先有位, 我話我會早d去等位叫佢如果有位就比我, 佢都話ok.我就照訂. 當晚我們4人8:00已經到咗,我通知個泰國女人我已經到咗, 佢答我下一張枱到我們, 當時8:15有幾張枱埋緊單, 佢叫我坐門口果張, 但係我想坐最入果張, 因為門口果張好熱, 個女人d態度好差, 佢話冇得我揀座邊張佢叫我座邊張就邊張, 我話我訂咗位應該有優先, 之後佢比咗入面果張我不過佢個口不停鬧, 我即刻嬲到爆但係又要死忍因為我唔想阿媽同老豆冇得食, 重要去第間等位, 如果我自己同老公食一早走咗.我地叫咗(大)冬蔭公, ok麵包咖哩雞, 最好味拼盤, ok啦 蝦餅同春卷都好味, 串燒一般la可能冇牛肉, 魚餅no good海鮮抄飯, 一般原本叫辣椒膏炒聖子, 後來黎咗辣椒膏炒蜆, 差一支泰啤, 爸爸話好淡埋單$460, 都唔係好貴今次有d失望, 希望下次去服務可以好d, 同埋下次要試下海南雞

估唔到, 西貢都有幾好食的泰菜!星期日的母親節, 怕迫的關係, 帶了爸爸媽媽入西頁玩同吃東西, 三點幾, 見此店有枱, 家人都提議不如入內食泰菜當係慶祝母親節, 當然大家都讚成啦!食物點了生菜包豬肉碎, 冬蔭功湯, 串燒牛肉同雞肉, 海南雞飯同泰式炒粉, 味道很好, 食物很有水準! 例如個冬蔭功湯, 材料足, 有香濃的檸檬葉味, 加上兩隻大蝦的蝦味, 味道可口, 雖然味道帶一點甜, 但好好味!生菜包豬肉碎很辣, 檸檬汁落得足夠, 加上有很多的香葉, 食得過癮! 串燒醃得根味, 牛肉雞肉都唔會硬, 媽媽吃得舒服! 海南雞飯的雞肉十分好味, 有很重的雞味, 飯就比較淡少少! 泰式炒粉都很有鑊氣, 炒的夠乾身, 唔會成pet咁這間泰菜的味道, 真的很不錯, 如果在市區開, 相信晚晚滿座了

很久沒有去西貢, 所以心血來潮去行下.兩個人叫左四個菜, 份量都幾多, 仲好唔岩咁剩左少少.脆肉片炒通菜: 佢地D脆肉係燒肉切件炸脆, 我比較鍾意D肉切薄D,但都OK, 好味,唔算太咸.青咖喱牛肉: D汁好稀,個樣一般,但就比預期好味,好重甜味同椰汁味,少少辣, 不足之處係D牛肉片冇咩味. 但我本人真係好鍾意.黃咖喱雞焗麵包: 外型精緻, 味道OK. 雞肉嫰, 麵包係柔既(如果鍾意脆既人, 可能會唔鍾意食呢度既包), 薯仔唔太入味, 都係好重甜味同少少辣. 可能之前既青咖喱都係好重甜味,所以有少少膩.海鮮炒飯 (with basil and chili): OK, 有原隻海鮮(細號), 不過就比較辣, 怕辣既要小心D簡走D辣椒.整體黎講係好味, 如果D咖喱減少D甜味,會好好多.不過D服務真係麻麻地,我地去到時岩岩冇位,同D侍應講兩位,佢地叫我地係出面等等. 好快有張大檯(但其實可以分開成細檯), 佢地遲遲都唔執,咁我地又繼續係出面等. 之後又有一張檯,都係冇人執, 到5分鐘後有個家庭客到, 直接衝了入去未執既檯,先知佢地係唔會叫你入座,要自己入去坐底,佢地就會有人執檯囉 不過坐底之後,

數數手指，都已有差不多半年沒有偕太座到西貢走走。每次去到的例牌行程便是先到碼頭附近的海鮮檔"探望"一下各類的魚鮮，雖然每趟都說要花數百元買些料回家炮製一頓海鮮餐，但似乎都只是在白說，沒有一次是真的坐言起行看完魚檔，買了一只軟雪糕，邊吃邊沿着碼頭邊走了一個圈，接着便找個地方開餐。今次究竟是吃西式，還是吃個二人海鮮餐呢 ? 想一想，好像沒有在這裡吃過泰菜，於是到了那條有名的小巷內走了一遭，發覺人多到極點，於是便放棄從巷子走了出來，看到這一間名叫旺泰特食的，印象記得有不少的好評，而且又有空枱，環境也比巷子內的舖子好得多。Okay...就這裡吧....太太最近不喜吃米飯，從menu上選吃了一碗脆肉湯河。小弟對蝦醬一向有偏好，就來一份蝦醬炒飯。再來多半打豬及雞肉串燒，已是一頓很豐盛的午飯了...串燒份量很夠，一串內有約四至五件肉，而且每件都是"大大嚿"的。肉吃起上來有一份炭燒味，質地不韌不嚡，不俗；醬內的花生粒下得挺重手，但缺點是不太夠熱。雖則如此，味道還是不差的....炒飯的飯粒蠻乾身，加入了很多泰式臘腸、乾葱頭、肉鬆及蛋絲，鹹甜並重，很惹味開胃。缺憾是蝦醬味太淡，下多一點才是王道。要吃正宗一

入西貢巷仔食泰國菜, 有兩檔, 呢檔係比較好食既一檔!冬蔭功真係好好味, 佢帶一點甜, 蝦味濃郁, 雖然無爐慶住, 但係都夠熱, 辣都好夠辣, 唔會因為要就住香港人既口味而屈服, 可以飲到十分之泰國味既冬蔭功湯了!海南雞飯一定要讚, 因為雞肉好大件, 起埋骨, 而且雞肉嫩滑, 好有雞味, 點雞既汁比較咸, 似豆醬加左檸檬汁同辣椒汁, 味道刺激開胃, 都唔錯!生菜包豬肉碎都做得十分出色, 夠辣, 夠酸, 干蔥落得夠, 我唔怕口臭, 至怕佢唔夠味, 唔好食, 呢間就做到了!加多一個清甜椰青, 食得痛快, 哈!

在泰國渡假回來後，心癢癢的想在香港吃到正宗美味的泰菜。知道西貢有不少泰菜館，在Openrice略查後便出發。本想去西貢大廈地下巷內的《旺泰特食》，然其舖太小又太多人在等待，故到了在萬年街的《旺泰特食》，不知道兩者是否同一老闆，但在萬年街的《旺泰特食》門外，卻寫著它並沒有分店。約一時半也差不多滿坐，只剩二人枱一張。肚皮容不下太多的食物，故只點了「海南雞飯併豬頸肉（$45）及細冬蔭海鮮湯（$55）。人雖多，上菜等待時間也不長。海南雞飯併豬頸肉。飯，略硬；雞，全是無骨，很滑，不太肥；豬頸肉，中規中舉。細冬蔭海鮮湯。小小的一碗，海鮮料有蝦、青口及魷魚，不太辣，但不夠草菇及香料，比起在泰國「娥姐」的冬蔭公略遜一籌。

星期一入左西貢四周行過,由於得2個人, 所以廢事食海鮮就決定食下泰國菜一人叫左一個SET LUNCH鴨胸炒飯 同普通炒飯一樣, 不太有特色椰汁海鮮意粉 - 呢個個汁幾特別, 但係得好少海鮮有幾隻蝦仔, 一隻青口; 為主既有魷魚, 洋蔥同鮮菰另外個SET有一個例湯同飲品奶茶好唔得, 比一個茶包你....好似自己開比自己飲咁樣...餐廳入面都有D泰國FEEL既, 而且一入到去個待應都會用泰文歡迎我地~

想起食泰國菜, 好多人會想起Kowloon City, 但本人卻會想起西貢, 因為西貢環境比較清靜舒適, 食物質素比Kowloon City 還要好, 更有泰國正宗口味. 一行六人點了生蝦刺生, 串燒, 炭燒豬頸肉, 明爐烏魚, 冬陰公, 咖哩麵包軟殼蟹, 炒通菜.....等等, 全部都好好味, 而且價錢合理, 我們個個都十分滿意.

我地都係選擇人氣較旺既餐廳去食~由於唔係太肚餓,不會點太多.豉油海鮮炒河有好多海鮮,有好太隻青口,蝦,魷魚,河粉唔油膩!!豬頸肉金邊粉配冬陰功湯底湯底一d都唔"媽夫",好好飲~豬頸肉好鬆化!!青檸冰飲過好多間,lee間沖得最好飲,唔會太濃,味道清新!!我會再來~

與友人到西貢遠足後, 友人介紹到市中心吃這家味道不錯, 其中黃咖喱雞焗包味道不錯, 黃咖喱味道不辣, 很快便被我們四名食肉獸清理得一乾二淨其他菜式味道不錯, 價錢也相宜