麥當勞 (Closed)

因為住在附近, 每次返香港都會成日落去... 鬼叫佢24小時咩, 搞到我食好多反式脂肪.其實寫呢間, 係因為早幾日淩晨二時, 見到有一位老人家, 真係好神奇, 當左呢度係高級美國餐廳咁, 好多要求. 首先, 佢一入黎, 就揮手叫經理來寫單.之後, 佢點了一個豬柳蛋漢堡.包來了, 她忽然問經理, 豬柳蛋漢堡裡面的豬柳, 是否用牛油煎. 經理說是.阿婆說: "我是拜觀音, 不可以叫牛!" 於是叫經理用別的食用油去煎一塊豬柳畀佢. 經理說可以用炸薯條的植物油, 阿婆說, 要新的油, 炸過薯條的油又怎可以用, 有損健康!經理居然都一一照辦!世事無奇不有啊! 不過經理做到咁夜, 都係咁好態度, 抵讚, 我真係想寫信去表揚一下佢!

有沒有發現現在麥當勞多數請很年輕人賣野？本來是沒有問題，本人也沒有什麼年齡歧視，只是光顧過多區的麥當勞都發現多數年輕收銀員都很有問題，計錯錢、落錯order不在話下，更甚的是手腳真的很慢，如果要買易溶的食物就真的滴晒汗，本來青年人是想增加其就業機會，換來的是顧客的牢騷，希望公司高層正視此問題。

間間麥當勞都差不多, 不過呢間幾方便, 除左因為24小時營業, 亦都因為佢近我返工, 所以有時做夜左都會黎買野。有次我去買左個麥樂雞餐+粟米+魚柳包, 佢收我四十幾蚊(實際幾多蚊就唔記得), 後尾比個包朋友, 佢話有冇攪錯, 有乜理由又貴左, 我先至知:1. 原來間間麥記收費都可能好唔同;2. 原來佢地都興收錯錢。變左下次去麥記都要計住有冇收錯錢...唉...真煩

由於開正係我公司樓下附近,對我同一班同事黎講更係Good啦!新裝修既麥記確係唔同d,行入去食野都唔太覺得自己白癡嘛~食物質素不過不失啦~但呢度我覺得地方太細喇~係人流咁多既舖位實在唔夠位坐喎~連排隊都覺得迫!所以我真係未試過坐係度食,全部都係外賣返公司食咋!但呢個既職員服務我覺得比其他分店好少少啦~