麥當勞

Open Now

Now Closed

#LuBie快餐店🌯芝味藍莓批（$8）（🤤：6.5/10）M記又有新產品啦！今次呢個批係少有既混合口味，芝士mix藍莓。兩種口味既醬係個批裹面左右各佔一半 而唔係開頭所謂既混合埋一齊。兩隻果味混合埋一齊好似唔太match,芝士既味偏淡 唔係好香濃既芝士味，主要既味道都係藍莓果醬 俾啲隻味搶左既關係就唔太覺有芝士味。有一點算幾好既係呢個批唔會好甜 藍莓醬酸酸地咁就無咁甜。📍麥當勞#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#foodseekerlu_bie#吃貨#相機食先#美食#香港美食#快餐店美食#食好西#芝味藍莓批

今日行過炮台山見到有好多人排麥當勞，行近D睇，原來係排隊買新出嘅朱古力脆皮雪糕，唔係間間麥當勞有，見食完lunch 咪排埋一份，終於比我食到啦，雪糕加埋朱古力面居然唔太甜，大滿足😊

麥當勞出左脆皮朱古力雪糕啊🍫🍦人地話係童年回憶👀但小編仲以為係新品添😳見到咁吸引🌈所以捉埋朋友仔一齊試試👅-🍦脆皮新地筒 $6一開始食有少少狼狽🤑因為表面朱古力漿還未乾透💦還好乾得快 一咬落去頗脆👍🏻類似出面的朱古力脆皮雪條😻配埋香濃的朱古力軟雪糕🍦裏裏外外都是朱古力🍫🍫🍫啱晒朱古力控💓-🍦脆皮朱古力(扭紋)新地大窩夫筒 $12份量Double Up👆🏻窩夫表面脆卜卜💨

其實喺我心目中間間麥當勞都係差唔多味道最近出咗新嘅麥樂雞醬汁其實佢係 好多年前極受歡迎嘅四川醬美國仲因為呢種醬汁大打出手仲有人因為呢款醬汁而換到架車真係誇張搞到我非常好奇究竟好唔好食其實我覺得 幾好食不過真係鹹咗啲 幾辣㗎都會返兜嘅非常杰身不過冇想像中咁神奇囉佢個星加坡咖哩醬我覺得仲好食稀身啲有啲沙茶醬咁嘅味完全唔辣仲有啲雞炸得幾好不過我都係鍾意食佢個燒烤醬同芥辣醬偶爾換下口味都唔錯

小秘書一向都對麥當勞嘅出品無咩要求，只要快快趣趣填飽個肚就已經心滿意足。不過麥當勞偶然都會有啲奇怪嘅新發明😑... 我份人就比較傳統，魚柳包餐就最啱我。呢排麥當勞又發明咗杯「紅豆特飲」，配埋兩隻「雞翼」，下午茶時間只係賣$15。小秘書見咁抵，就入去買一份試吓🍽 雞翼口味依然係又乾又無味，不過加啲辣醬配埋嚟食，味道尚可🙃 但係杯紅豆特飲就真係好唔拈😕第一啖飲落去感覺成杯「奶水」咁，無咩味道，飲多兩啖再攪勻佢，奶水開始有啲紅豆味，不過都係唔多夠味🤨 如果麥當勞唔願意投資咁多喺材料上，不如改細啲個杯，咁味道會濃郁啲。不過以$15呢個優惠價嚟講，我亦唔應該挑剔太多，就當一份小食過吓口癮😏

今日放假，要去肥髀學校接放學，先去食個早餐，麥當勞又快又方便，呢間剛好在轉車巴士站旁，裝修係型格版，最入係櫃臺，落單後等叫號碼，好快出菜！搵個舒適位置坐低食！炒蛋火腿堡套餐（$25.5）炒蛋火腿堡：試下新款包，麵包鬆軟，炒蛋好厚嫩滑，火腿鹹香，好味！薯餅：今次炸得有點乾！無咗外脆內軟嘅口感熱檸茶：喜歡麥當勞熱飲除奶茶咖啡之外，多了熱檸茶，茶夠熱夠濃唔澀，醒神同店員太少接觸！服務正常！食物熱辣辣好味

最近出咗 LINE系列，我係粉絲，忍唔住點都係朝聖一下，買咗環保袋同埋公仔，跟手又去用我張抵食卡。咁多個配搭我都係鍾意食Double新地，麥旋風我以前好少食，而家我就成日食，今次有啲新意思，就係配搭蘋果批，今日冇食晏晝，所以下午茶可以食兩份。收銀小姐好有心咁問我試唔試新嘅芋頭批。我見人哋個包裝咁可愛，又即刻應承。依家麥當勞嘅問題係，冇一次嘅雪糕夠硬淨，成日擺一輪先比客人，每次都係食半溶嘅雪糕，不提也罷。又唔可以多花生，所以比以前退步。但我絕對唔會投訴，因為我今次都係用＄16食三樣嘢蘋果批熱辣辣，味道正宗。香芋批啲紫色就有啲淺色，可能我用紫薯嘅color同佢比較啦! 味道又比較淡，唔突出！

March 14 was International Pi Day. The day to celebrate π. The mathematical constant of 3.14159. The ratio of the circumference of the circle to its diameter. It's used in all sorts of mathematical equations since the test of time. And for that, every March 14 it's celebrated.With pie. Huh? Yeah. Because it just happens to sound like it.This year, McDonald's came out with a limited, one day only pie for Pi Day. Like thousands of other Hong Kongers, I went to buy one.For $3.14 (or $3.10 as Hong K

其實m記的氣氛很不錯昏暗的燈光而且他還是黃色的燈給予人一種溫暖的感覺 加上音樂 唔怪之得咁多學生鍾意喺呢一度溫書 因為這兒很適合討論和自學嘅地方眼看還有一些人是在討論公司有一些人是朋友的聚會當然還有很多的學生喜歡在這兒一邊吃東西一邊溫書

好耐冇食過麥當勞麥樂雞， 見佢新出D個點Jack系列，$34就買到18 件麥樂雞， 就趁星期日同屋企人食午飯時去試下。有四款醬附送， 所以即使連續食8-9件都唔會覺得味道好單調。 蜜糖芥末！始終炸嘢都係要點返D似沙律醬味嘅野，兩者始終分唔開😆 甜甜地加少少芥末香， 真係好襯麥樂雞本身嘅雞味。第二位係韓式甜辣醬！ 醬嘅質地比較稀， 酸酸甜甜咁都唔錯， 不過就唔係特別襯麥樂雞嘅味道， 冇咩特色。呢個芝麻醬放入口竟然有腐乳味， 但又唔係難食喎， 估唔到呢個配搭都ok😂😂👍最接受唔到就係呢個日式咖哩醬， 甜得好誇張， 又冇咖哩味...

我其實真係好鍾意食麥樂雞雖然我知道係超級垃圾食物但係個汁醬加炸雞真係超級惹味以前炸到淋pat pat我都好享受但係個特別汁醬 真係超級難食攞到手嘅時候真係超級開心個盒真係好靚點知食完真係好失望呢四隻 汁醬分別係 日式芝麻 韓式甜辣 蜜糖芥末 同甜咖哩日式芝麻 個芝麻醬真係好濟同埋好似冇乜味咁最難食就係個韓式甜辣醬好似水咁辣味完全冇得個甜字仲差過傳統甜酸醬全盒最好食係呢個 蜜糖芥末其實佢只不過係將傳統芥末醬加啲甜落去就算數不如叫番傳統醬好過啦甜咖哩真係 呢幾隻進入面比較特別但係又唔好食嘅一個未 亦都好似水咁 甜甜地 咖哩咖哩地尚可接受囉

每年暑假的例牌節目就係行書展，一行就係一日，雖然好多野睇，但都咪話唔累 (both 身體同精神上) ，所以離開後就決定同阿妹去食下M記，去relax 下，尤其係自從Minion 系列野食出左之後一直都好有興趣試下，但自己一向唔食炸野，所以唔打算試巴啦巴啦脆雞堡，有想過食芒果千層蛋糕，但行過見到個賣想麻麻，所以最後都係同阿妹share 一杯雪糕算。第一次見m記有芝士蛋糕味的新地，作為一個瘋狂的芝士迷，我完全不能自控，毫不猶豫地就叫左一杯，仲別雪糕姨姨加多d花生。第一啖入口，的確有淡淡的芝士味，有少少酸甜，食開大量芝士的我不滿足，於是再食多幾啖，但反而開始淨係食到甜味，仲開始有d似奶酪煉奶味，雖然味道不差，但難免有d失望，不過咁大杯雪糕先賣8蚊就算la…都過得去既

迷你兵團嚟咗麥當勞，仲有兩款新包可以揀添，分別係"芝喳喳芥末雞堡" 及 "傻蛋孖牛堡"，心思思諗緊食邊個好。呢間麥噹噹好大，近門口位置有甜品部，方便單點甜品顧客，店內中央位置有麥咖啡店，及擺放多台自助點餐機，以供食客自助點餐，餐廳最入位置是取餐處，這兒也有尊人點餐服務。呢間店人流好旺，所以決定外賣返去慢慢嘆。先用自助點餐機揀心水食物，要咗個傻蛋孖牛堡套餐，無配脆薯嘜，因為聽D三姑六婆講，個薯嘜膠膠地，好似食塑膠，安全起見配了粟米。餐飲方面，加$10升級轉飲芒果冰雪，要有麥咖啡店嘅麥噹奴先可以轉飲芒果冰雪嫁，因為冰雪是麥咖啡店出品。點好食物，擺返張單就去取餐位置等候......要留意呀，芒果冰雪要去麥咖啡店取嫁。9秒9返去打開個餐，大熱天時，啜下杯芒果冰雪兩下，簡直透心涼爽，糊狀冰甜芒果汁配上果肉，好有夏天感覺，再加上用隻有迷你士兵團樣嘅杯，加晒分。粟米杯，粟米唔係大大粒，亦不是超甜粟，不過不失啦。傻堡用個好可愛嘅盒入住，打開個盒見到包面有迷你兵個樣，又一加分位，個包好軟熟，入面有兩塊漢堡、一隻蛋再配上洋蔥及醬汁，好味。

天氣熱辣辣最好就係食返個雪糕啦，今日試咗麥當勞新出嘅抹茶新地窩夫筒，$10一個，以呢個價錢來講佢嘅抹茶味算係幾濃，仲有條綠茶味嘅kitkat朱古力條添,出邊啲甜品鋪頭，食個抺茶雪糕甜品，起碼都收尼＄30幾啦，所以以價錢你講絕對超值

老實講我真係一定要承認我食佢嘅麥樂雞唔係因為佢嘅雞係因為佢嘅sauce最鍾意係barbecue sauce同埋mustard sauce咁多年嘅味一直都冇變所以我就 上癮咗咁多年因為我想一次過食曬兩隻醬一定要叫九件雞佢嘅甜酸醬味道好假一路都唔係我嘅首選麥樂雞夠實身炸得又好佢嘅銷售策略係有啲特別嘅嘢唔係成日有得食令到你走入去想試下令到個食物矜貴啲今次就輪到佢嘅龍蝦湯真係有少少失望以為佢嘅湯裏有所進步今次好明顯係溝粉跟住擺幾隻蝦入去就算我其實唔應該咁大期望快餐即係快餐不過佢最少都有幾隻蝦嘅但係佢啲特別嘢真係唔係隻隻好食我都唔知點解次次都重複中伏