麥當勞 (太安樓)

Open Now

Now Closed

經過麥記見到有三款新包廣告，一時衝動入去買左個試試。原先諗住食芝味蘑菇安格斯，可惜暫停供應，最後買左狂惹火辣脆雞，單包外賣$25.8。只係行左3、4分鐘步程返office, 打開個包盒，見到個與廣告相不乎嘅包，拎上手，只feel到暖暖地，完全唔熱，咬一啖，包凍、雞扒微暖。味道口感方面，包好彩係軟嘅，但雞扒好乾又硬，外層一啲都唔酥脆，可能炸完之後放得太耐，菠蘿係罐頭質素，太水、假甜。醬汁係墨西哥辣茄醬，加埋墨西哥小辣椒，呢2樣應該係成個包嘅靈魂同味道來源，兩者加埋相當辛辣刺激，食得辣嘅朋友會覺得香辣惹味，怕辣嘅朋友要小心！

近新年牛堡回歸，要換公仔，第一日去食，下午5點。麥記現在服務的確很低效率，付了錢，仲要等半天，真懷念N年前3分鐘完成交易服務承諾。後面2位阿姐傾計，紐紐薯條早弄好，已放涼，軟林林，真掃興。牛堡。。。上次薯餅放落去，一嚿嚿，超中伏，今次浄牛堡算啦，仲微暖，多謝個醬汁，黑椒汁超惹味，補救了冇味兼嚡口嘅牛肉，個汁是主角是靈魂。其實D包可以熱D，薯條可以新鮮炸。吾好整定，整定又吾見得快左。仲要吾系平。為了公仔，一餐無妨。

過咗早餐時間有少少肚餓，買兩件食品當係午餐加下午茶，蘋果批已經加左價變成＄6 ,而且完全唔熱，好似放咗好耐咁，雖然個時間係冇問題，不過唔熱真係冇咁好味，而且會太甜，依然保持到香脆。細薯岩岩炸起，又熱又脆又香，令呢餐食得開心左。

今日試新野，安格斯牛!賣相麻，明明有盒，但係張紙夾到個包偏左!磨菇得幾粒，D醬傾側一旁，包與平時的沒兩樣，芝士沒有留意是一塊定半塊，牛肉算厚卻比不上足三兩，牛味是豐富了少許，沒有筋有小小咬口，整體比具無覇好食，卻比不上足三兩及至尊漢堡多汁有層次。加上明明等了很久，包到手卻是微暖，包皮又少許濕了。薯條更似是放涼了很久，軟林林吾脆香，仲只是半滿!

明明叫堂食，佢自己打錯外賣都算啦，仲要大大力俾個盤我等我自己拎出黎，醬料又慳盡，每樣得一包，我樓下果間都俾2包啦⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

Tried the new Pulled chicken burger, which is dubbed as American pulled chicken burger in Chinese.Pulled chicken or pulled pork is actually Southern American cuisine, which is served with coleslaw and smoky bbq sauce or chipotle sauce.It is interesting that Gabriel Choy has used Tandoori sauce which is not American and the fried onion rings which reminds me of Indian food with onion bharjis.Anyway, the product shot shows one huge onion ring but there are two in the burgers.The onion rings and sl

由早晨全餐實行左逢星期日都全日供應之後，我每個月都最少食3次星期日放假訓到下午，依然有早晨全餐食，真係好幸福味道依然同小時候一樣，炒蛋要加黑椒食，香滑非常如果件豬柳唔好咁多油就好了... 而兩件包就要加果醬，飲埋熱朱古力就perfect喇!

McDonald's近日推出新地黑白椰子脆，以可愛熊貓紙杯盛載，蠻吸引的。今日去到，始知假日有買一送一的優惠，但只限同款。新地可選士多啤梨味或朱古力味，一人，難以獨享兩杯新地。取餐後，與一外傭姐姐搭枱，把多出一客的士多啤梨新地黑白椰子脆送出，分享甜蜜時刻。一客黑白椰子脆有兩件黑古勒突的脆餅，配以白色雲呢嗱雪糕，黑白配，優惠價才$6元一杯，真的頗抵吃!所謂“黑白椰子脆”，乃硬脆的皮內，塞滿白色糊狀的椰醬，惟椰奶味不太突出，徒有其色。

夜麻麻，去完街！成日無食過野，返屋企前有D肚餓，去麥當勞買個餐，食得飽，有野飲，諗住半夜三更無咩客，質素應該好D啦！點知仲衰過旺角尖咀D繁忙地區！買左個脆辣雞腿包餐，飲熱朱古力！飲品好正常，無事。但個包d醬少到死，得半個包係食到有醬，有半個包無醬既！話明買餐，緊係有薯條啦！外賣就緊係你執好哂比我架啦！返到屋企先知個人求其到連一包茄汁都唔比，大佬，家下d茄汁好貴咩，一包都唔比，洗唔洗慳成咁！呢間M記真係走醬佢最勁！

世界盃正進行得如火如荼，東道主 巴西 暫以4分守住第一位，表現不夠搶眼而麥當勞剛好在此時換上巴西代表漢堡出場，未知能否為巴西隊在第三場加持呢？先看看巴西隊的陣容吧！前鋒 足球形麵包中場 Brazilian-style Vatapa peanut sauce後衛 青瓜、生菜龍門 脆辣雞扒後備 芝士薯波^充滿森巴風味的黃綠色。森巴脆雞堡：外型一流，可惜已早早做好，給我時已經凍了但麵包想不到是脆的，而Vatapa Sauce味道有點像印尼沙嗲醬；脆雞扒並不是脆辣雞腿包的雞排，有少許香草而且比辣雞扒脆得多，可是和醬汁不太配合。芝士薯波：中伏首選又是凍的，口感是薯餅內加一些不知名的芝士味，而且芝士極少，完全加5蚊也是付多了。陣容雖然華麗，但教練沒有好好調動，大戰一輪，似乎球員並沒有足夠熱身，落場比賽表現完全不濟。相信只是由於球隊太疲勞所致，希望下一場能夠做好熱身一環，讓球迷看到驚喜的森巴足球吧！

近日電視不斷播著令人似懂非懂的麥當勞廣告由於廣告很熱衷地強推新產品，嗜食的張誇當然要去驗明其正身啦！泡椒雞翼：仿四川風味的泡椒雞翼，香味十足可是辣味欠奉，吃著有點點四川泡椒的香可是只有甜而不辣，抵讚的是入面雞肉部分都有醃過的咸味，比脆辣雞翼更全面。泰式雞腿包：脆辣板燒雞腿包加辣這形容不為過，就是Juicy的脆辣雞腿包加上泰式辣Mayonnaise。這辣度比泡椒雞翼更辣，可是還談不上要買杯Pinapple特飲解辣。泰式雞腿包餐只賣$28.9，價錢尚算合理，比魚柳Bell Chan更平。可是雞翼卻要加$18才有四隻，這雞翼營養不良卻賣這個價錢，可真是天價呢！既然新包看來就是混合體，那看來脆辣雞腿包仍然是張誇未來熱捧的最佳解餓餐呢！

雙牛芝堡!見左廣告做咁耐好想去食!原來係double cheese - 1塊cheese=雙牛芝堡不過真係幾激人...個服務員冇咩好態度都叫"正常"講野又好鬼快...個到又好嘈...完全聽唔到佢講咩...唯有問多次佢問乜野啦...點知愈講愈細聲...點聽wor....唉...換黎既咪係黑面lor...今時今日咁既服務態度.......係唔得嫁!!!其次就係...一打開個bao...真係嚇死人!縮水縮到...唔講仲已為係加細左-,-!呢d算唔算係最低工資之後既後果?絕對覺得佢個廣告誤導人!!!好心佢啦.........唉............味道個到黎黎去去都係咁...不過呢間野番茄汁都慳-,-放好小番茄汁.......你知嫁啦...佢地既牛係好淡...下次都係放d番茄汁...遮下其他不足啦...................

成個西灣河, 得呢間又細又管理差既麥當勞, 冇法啦, 打算買個巨無霸外賣餐, 好耐冇吃, 想吃呢間麥當勞已多年, 佢裝修完後都係咁迫, 佢地既買野方法好差, 又唔指示邊條人龍係買野, 又唔指示企埋一邊等攞食物, D人就一大批咁, 又唔排隊, 人又多, 人手又唔夠... ; 得個'亂'字...; 只係外賣1個餐, 就等左好耐........ 那時已是晚上8:45pm左右... 帶住肚餓既心情, 拿外賣番屋企享用... 個'巨無霸'餐啦~當打開個包盒, 一貫見到放到材料好亂既巨無霸....., 但冇影響我用膳心情... , 不過, 我當拎起個麭, 就見到D生菜.... 及有粒...棉花與生菜一起.... , 嘩, 幸好我每次吃時, 會揭開個麭塞番D生菜入麭入面, 亦會自已疊好個麭先吃.....今次發現有棉花在內都好吃驚, 檢查成個麭, 先吃....因當時好肚餓了...唯有照吃, , 幸好吃完冇事....但以後吃麭要好小心.....

本人住在筲箕灣區, 離此台也不太遠, 所以久不久也會來此開餐.來過無數次了, 總括而言, 食物是滿意的, 我的必吃之選是至尊漢堡但始終每間麥當勞的食物質素也是相差無幾, 所以在此也不詳談了,就集中談談服務吧!我曾有過的經歷如下:1. 面對木口木面, 沒笑容沒禮貌的員工 (每次如是)2. 我點了一個至尊漢堡餐外賣, 在我後面排隊的人也剛好點了至尊漢堡餐外賣. 結果, 他的餐全齊了, 服務員把紙袋遞給他, 我的卻不知所蹤3. 跟朋友一起去, 朋友要了脆香雞翼餐, 千叮萬囑是要全翼的, 結果員工完全沒了一回事;我要了雙層芝士漢堡走青瓜的, 也一樣沒給我走喊面, 是因為服務而給的.即使是快餐店, 這樣的服務也不能給合格. 期待看到改善.

09年8月7日 星期五為了換可樂杯, 我於這個星期第2次來幫襯m記. 今次點了一客加大餐的豬柳飽及意大利咖啡奶昔 ($32), 因為不太肚餓, 所以跟店員說不用給我薯條了. 這個豬柳飽己經有2-3年無吃過了. 今次重吃豬柳漢堡, 發現也如以前一般的美味, 豬柳肉腍又香, 份量不多, 熱騰騰的麵包經烤後軟綿香口, 配上芝士, 真的很滋味. 只可惜, 飽的份量很少, 薄薄的一個小飽, 只能淺嘗. 意大利咖啡奶昔咖啡味及奶味都很濃, 也算幼滑, 略嫌碎冰不夠多, 不夠冰凍, 並不像一杯奶昔, 只似一杯凍咖啡. 不過能換上心愛的紫色可樂杯, 確實滿心喜歡.