麥當勞

Open Now

Now Closed

老麥的 Junk food, 真係越來越唔鐘意食.食佢, 好多時只係貪方便 (分店極多). 但現在上菜速度已大不如前, 秩序也混亂 *而今次來, 主要係想試試新的 Netbook, 同店內的免費 (20分鐘) wifi 上網是否夠快而已.這裡的"CBD"餐只售$28.8, 比其他旺區$29.5, 便宜了幾亳子.但是製作馬虎, 用料不足, 亳無誠意!! "紐約特級煙肉雞堡"... 唉 對比D薯條, 成個飽好似縮左水; 主打的雞堡雖然OK大塊, 但冇味, 好失望; 煙肉細塊, 但食到... 因為太鹹; 生菜幾薄, 但圍繞住個包, 凸了出來, 令人覺得好'green'; 醬汁好味??? 唔覺喎!!總括而言, 除了個麵包本身有D特色外, 真係又貴又細, 完全唔值得試. 薯條: 一向不予置評, 因為味同嚼蠟... 一定要點茄汁才有D味, 冇咁熱氣! 咖啡: 一貫香濃美味, 精神為之一振!! Wifi 上網就OK, 速度幾快!!*: 轉了所謂"即叫即製"後, 速度比以前慢了, 質素也差了... 因為後面執藥咁執, 很馬虎,而且排隊點食物一條隊, 之後等食物又一條隊... 間間分店左/右不同

可能年經人喜歡濫藥，以年青人做主打的 m 記都出埋d 藥水味既食物。難食到呢......... 我真係以為自己食緊藥。真係千祈唔好試。另外深水埗呢間m記都好好笑，成日比d 流浪漢入去訓全日，又開放個廁所比佢地洗面沖涼。最慘既係佢一到左10:00pm 就唔比人上2樓食，d 阿姐用d 枱布發人地出去樓下食，但樓下已經成為流浪漢天地根本冇位坐！

啱啱出咗個新包, 咁鍾意食黑椒既我, 當然會試吓啦! 同老公一人一個「珍寶黑椒漢堡」, 初時都怕會太大個食唔晒,點知.................................. 一打開真係好失望, 點解個樣同張相差咁遠既?!!食落去仲感覺唔夠 Juicy, 我同老公都覺得, 反而正常版既「黑椒漢堡」仲好食囉! 唉! 以後都唔會再食呢個包啦! 仲要咁貴.....................

星期五晚, 測完驗, 老公特登陪我去麥記試埋個「椒財板燒牛肉包」喎~~ 其實唔係真係好想食呢個包, 只係想玩下個牛牛盒咋~~~ 牛肉包同雞腿包啲黑椒汁係一樣既,不過雞腿包會配西生菜, 而牛肉包就配洋蔥碎,食落都ok 既, 不過由於啲汁重味過頭, 所以感覺兩個包冇咩分別...但係今晚杯「濃滑奶茶」唔知做乜囉! 未飲過咁差既奶茶!! 真係冇味架!!! 離晒譜! 仲要加我兩蚊, 麥當勞真係越嚟越搵笨呀!! 結果頂佢唔順, 走既時候問職員拎咗兩盒仔奶加落去, 但加完後都係冇乜味, 完全唔好飲既!! 最後飲淨一半掉咗啦!

1/23, 老公之前講過,話會陪我嚟麥記試「椒財板燒雞腿包」, 所以最後都係嚟買咗個餐兩份食!!老公話已經過「椒財板燒牛肉包」, 都幾好食, 不過同黑椒漢堡差唔多, 仲冇佢咁好味添!至於呢個雞腿包, 老公直頭話唔係咁好食, 過份辣, 而我就覺得都OK 啦! 不過真係唔會吸引到我好想再食第二次, 同埋以我呢個咁鍾意食辣既人嚟講, 都覺得真係辣咗少少... 至於個扭扭薯條就幾好。

之前睇到報紙話好多人讚至尊漢堡所以由原本一個月promote期延長專登試下點知十個失望汁只係十足千島醬既汁漢堡扒雖然比一般既厚但一d都唔juicy以$14.5一個計我寧願俾多幾蚊食mos burger

lunch茫無頭緒，於是買了一個新出的至尊Burger combo，平時不會主動食這間快餐店，這次權當試試新產品!可能沒有期望，反而會有驚喜。首先有我最愛的千島醬，有大大片的生蕃茄(不過我不喜歡)，又有cheese和牛肉。最愛的是醬汁，令到個包不會油膩，而最驚喜的是牛肉，竟然有烤過的餘香!這是比麥當勞其他包的優勝之處!雖然有驚喜，但不代表會吸引我再食多幾次，哈哈。

到黃金商場逛之後, 在疲累加炎熱的天氣底下, 走到麥當勞來一客士多啤梨新地一吃下去才發覺這個新地似cream多過雪糕, 質地跟以前大大改變了, 冰涼感覺少了, 士多啤梨醬酸了, 士多啤梨少了, 不過這客新地好像變得不易溶, 比以前好了.老實說句, 這客士多啤梨新地真是不好吃了, 但在吃的同時, 郤令我回想起小時候跟爸媽逛街後到麥記吃新地的甜蜜回憶, 真是懷念.

4月1日晏就唔知食乜好,行開去匯豐經過呢間麥記就決定買少少野食。其實之前都有黎過呢間買野食,但都係賣完即走果隻,因為門口剛剛係巴士站,同埋唔知點解呢個位特別多人係度等人等車,再加埋路過來回黃金既人,搞到門口太多人,仲好多人吸緊煙...對於我呢d非吸煙人仕黎講,老實,見到咁多二手煙,乜食慾都冇晒啦...所以呢度門口個甜品位我從來都唔會幫襯,希望麥記諗諗計改善下呢個門口個環境啦~~不過呢度既至尊漢堡都OK架~仲有個菠蘿特飲好正呀!

呢間M 記既收工時間係00:00, 但係晚晚都係十點幾就開始洗地抹窗, 仲會趕開d 客叫佢地去第二度坐! 我同HK McDonald check 過, 佢地係唔可以咁做, 一定要收左工先可以開始清潔. 下次再見到佢地係咁, 我一定會complain.

今日成三十幾度，同老婆仔去買完ｍｏｕｓｅ後就黎呢間ｍ記～我同老婆仔各自搵位，老婆仔本來就有位坐，但分一分神就比個岩岩上樓既師奶叫個女”快ｄ坐入去啦！！”咁ｏ個家人就搶左個位，但無所謂，因為我都搵到個四人位，但個經理見得我地２個，就一邊比面色，一邊用命令既語氣問”介唔介意拎開ｄ野比其他人坐呢？”，但塊面就好似話比人知，如果你地唔讓位就出唔到正門咁．．．反正多人等緊坐低，ｆｉｎｅ，讓咯，我地無所謂，但佢又唔叫斜對面ｏ個２個細路讓開喎，佢地都係好似我地咁，霸左張４人枱者，唉到隔離枱，佢既面色更加犀利，一邊講野一邊用好威迫既眼光望住個客，嚇到個客好委屈咁拎走個ｂａｇ，．．．連同我地ｓｈａｒｅ張枱既２位阿叔都為之側目，仲講”乜麥當勞唔係任你可以坐幾耐既咩？”．．．點解一個經理可以咁兇ｄ客？佢做得好差呢今日咁熱，我明白好多人都想留ｏ係一個有冷氣既地方抖一陣，但如果為左想讓空位比多ｄ人坐，而比面色客人睇，雖然說話已經有禮貌，但對一個人客黎講已經好憤怒了，試諗下黎幫襯仲要受ｄ員工氣，黎下火變左火上加油，我唔係入黎練ｅｑ架ｐ．ｓ　不過今次ｄ奶昔都唔錯呢～