麥當勞

Open Now

Now Closed

今日到麥記吃麥芝蛋包，誰知那個帶頭巾帶口罩的女員工竟不記得問我有沒有八達通積分！我提她，她呆了說沒有！幸好另一個職員立刻幫我！算唔錯！但那個職員病就唔好返工。個麥芝蛋好好味，我走醬的，因為我不能吃那些醬！我一定會再來！

今日起身突然之間想食M記，所以就落左去買喇…我本身叫左2個餐，1個係我既1個係細佬既~第一個巨無霸餐 加大 飲芬達少冰第二個9件麥樂雞餐 加大 飲可樂走冰其實果陣已經11:30A.M.甘早餐果D人已經散左，冇乜人流，諗住唔駛等甘耐喇~點知等左差唔多20分鐘…都算…甘買完咪拎返屋企囉…一返到去拆開見到貨不對辦…拎返黎既野變左1盒9件麥樂雞1個芥末魚堡多冰到吉唔落去既大芬達出哂水既大雪碧1包細薯條分量，中薯條盒，仲要斷開哂既薯條1張紙巾，1盒甜酸醬(9件應該2盒)，冇茄汁之後我睇到甘，咪包返哂D野拎落去換返LOR…點知落到去，D人唔多想理我甘…左CHECK右CHECK驗屍甘，好似我想呃佢D野食甘之後個經理換俾我，甘我走之前咪CHECK哂所有野岩先走LOR…點知果度D人黑哂面甘叫我唔好阻住佢做野，我已經企埋1邊睇，CHECK清楚唔岩咩?我唔想再落多次樓咋~!!換既時候已經黑口黑面，仲要加埋D甘既態度，都唔知M記點TRAN D員工~!!!

吃過下午茶之後，心血來潮想吃雪糕，尤其是麥當勞的麥旋風，於是便急不及待來了這間最就腳的麥當勞。一如既往，一直鍾情於曲奇味的麥旋風，即使遇上我同樣喜愛的新出品的美祿加可可脆片，依舊是點了曲奇味。這次我要求收銀員幫我多加曲奇，因為愈多愈好味，但原本整雪糕的是另有其人，而我的麥旋風已在完成階段。然而他仍幫我多加曲奇，不過沒有再攪拌，這個對我來說並不重要，要緊的是曲奇的多寡。果然！我吃的每一口雪糕都充滿著曲奇，香脆甜美，吃起來令人滿足。吃過之後，帶著愉快的心情回家。

大年初二, 入上水有事做, 時間好緊迫, 又撞左入呢間麥記!嘩都要排隊!食乜好呢... 看到有新的雞扒餐, 好啦!廿三個大洋, 跟杯啡. 都唔平噃.塊薯餅, 炒蛋及包, 肯定大家都已食過唔少, 我都係集中講塊雞!係似kfc 的辣味及皮;但塊雞幾薄, 及唔知點解係超油,切閞後有好多油從塊雞及個脆皮中流出, 唔好笑呀, 其實好可怕!仲索到塊脆皮淋左!!!!唔敢食落去呀! 呆左!早知食返一般豬柳好過!!!服務很好, 多謝一班年初二都返工的哥哥姐姐妹妹

估不到會來上水食晏.彩園商場裝修了一排, 今日都係第一次o黎.地方好乾淨, 好光猛, 幾舒服!毛喇喇食麥記, 係皆因朋友俾了張板燒雞包的贈劵我! 都要等一陣. 有不少位坐, 地方大一定舒適點既.咦, 個包盒印刷幾精美! 一打閞, 包到好實, 木乃伊咁!包係有d菜及白汁的, 塊雞都幾juicy , 唔乾但也唔油, ok 噃.但塊雞真的幾薄... 1cm 都未必夠....算ok 喇.個人而言, 我都係鍾意牛肉包多d~

彩園邨會有一間 麥當勞 ，這是我的心願，很久很久以前的心願......09年3月30日 星期一，我這個心願終於實現了，真的真的很開心及興奮啊~~~今日係彩園邨麥當勞開張的日子，我早早起來就是要來幫襯下它的早餐啦~ 但其實我最愛的是...薯餅 是日我品嚐了板燒雞扒扭扭粉餐，加埋張「媽咪卡」，我可以一次過歎兩塊美味的薯餅呀 熱辣辣的薯餅果真美味，而家真係想起都想食返塊~~但板燒雞扒扭扭粉就......最唔掂既就係個湯底......一d都無味!!! 唯一好既就係夠哂熱下次都係食返個早晨全餐穩陣d~** 笑臉是給熱騰騰的薯餅的**