麥當勞

Open Now

Now Closed

好想食早晨全餐好耐嘞! 平時一個人食一定食不到~因為我不食豬柳同薯餅架, 我只係鐘意炒蛋同鬆包~今次出咗板燒雞腿,當然啱晒我la..薯餅可給男友食丫今早有事要做,所以有機會約男友食早餐丫:熱香餅... 佢板雞雞腿早晨全餐..me雞腿果然好味, 辣辣地喎~ 唔錯丫炒蛋又好味~ 加埋slat 和 pepper 仲好丫其實麥記成日話推出健康食物, 如果薯餅轉咗粟米咪仲好, 豬柳轉煙肉 更好丫如果可以自由配搭,我就一定可以成日食丫

國慶澳門玩兩日，夜媽媽先出發，搭九點半船，雖然過到去都係食野，不過都要打打底﹗當然最簡單就係去麥記買野上船食，要了個最方便的麥樂雞餐﹗眼見好多出發既朋友的都0係呢度買野上船食，無他既，船上食物又唔好食又貴，有時間當然係自己準備更為划算﹗一個餐兩個人食岩岩好，吃完訓陣就到﹗今次住威尼斯人，所以搭金光飛航氹仔落船，架船比較遙唔係太定，不過尚算準時，一個鐘就到，比起尖沙咀出發更好﹗

今日落雨，行咗去信德搵嘢食，入到信德見到有人擰住McDonald可樂杯，我都想煥番隻杯喎。嘩！好多人呀，好彩我哋好快就搵到位嘞，跟住就去排隊買食物，順利咁煥咗隻杯啦。 講返D嘢食先，我要咗辣雞腿飽餐，十分香脆，少少辣，加上生菜和沙律醬，好好味，薯條都好新鮮，但就唔夠脆。 McDonald最近Sell D食物即叫即做，我覺得麵飽質素好咗，好新鮮，值得一讚，但薯條新鮮得嚟就冇以前咁脆嘞，我估可能每次炸少D，而炸嘅時間就短咗，唔知喺唔喺呢？

星期五, 長假期的第一天, 一早到達碼頭. 食早餐, 不如買上船, 慢慢食仲好. 最方便快捷, 非麥記莫屬. 入到去, 人頭湧湧. 像極打仗一般. 好不容易才能擠入. 麥當勞果然是開係邊都咁旺. 排隊, 算做清得幾快. 人多只不過是人拿著行李, 在門口等人拿外賣出來, 阻塞通道而已. 另外還有一班人, 包括之後的我衝呀衝, 拿著外賣, 衝呀衝, 上船去.埋到 counter, 叫下多份豬柳蛋. 幸好齋妹的純蛋包早出. 不然....後段的, 蛋賣哂......我們的六份大 order, 其中一份, 時間問題, 等什麼, 走蛋罷了. 因為太忙, 包倒是沒問題的, 奈何薯餅, 不夠脆, 僅熟. 睿明是脆薯餅, 不脆.....點得呢....忙完麥記, 忙完過香港關, 忙完上船....食飽麥記, 大家小睡一會..........最懊惱的事來了......過澳門關.

知道麥記近日在農曆年期間出了麻辣新口味，包括今天我試了的麻辣麥樂鶏，我下午時來要了一客麻辣麥樂鶏開心樂園餐，包四件炸鶏跟一杯熱朱古力及細薯係，麻辣麥樂鶏的包裝紙盒跟普通的不同，因為本身已带辣味不再跟醬汁，雞件外表較普通的深色而且較乾身，咬開後便見到有花椒在炸皮下，入口初時不覺很辣，但慢慢滲出來後便減到很辣，味道很特别，值得大家一試！

一般我也不經常去麥記，但見到廣告有這個「和風滋味蝦堡」，看見有蝦肉在包裡面，感覺上很特別，所以特別去試一試，誰知原來是沒有一隻隻蝦放出來，當時我真的感到十分失望，於是查問店員，他們稱蝦已放在裡面的肉塊裡面，好明顯就是公司的特定答案，感覺上有被騙，就算那塊肉裡面真的充滿蝦味，但仍是與廣告不乎。

由澳門返香港，落咗船有啲肚餓，我哋就去麥當勞食下午茶嘞，揀佢嘅原因係為咗佢個忌廉蘑菇粟米湯！個湯原價 $9.5，買餐加 $6 就有，我哋唔係好肚餓，亦唔想食太多，所以就要咗一個脆香雞翼餐加湯。雞翼剛炸好，熱辣辣一定好食，又脆又味濃，飲多兩啖汽水先掂！ 主角慢慢試，唔似金寶湯，因為好明顯啲磨菇大隻啲，呈半月形，粟米都未煲到爛晒，仍然食到一粒粒，湯亦唔會稀勻勻，好似比之前有進步，唔錯啦！信德嘅麥當勞好大，乜嘢類型嘅位都有，就算你想玩自閉，都有幾排面壁位比你揀，一個人下晝冇嘢做，嚟上網打機睇書，仲平個去咖啡店！

放工後跟肥仔到麥記 hea 下，因為下午在寫字樓已吃了一大件朱古力蛋糕，所以只買了一杯今期新推出的黑芝麻雪糕新地，雪糕不是以芝麻製造，只是在雲呢拿雪糕上淋上黑芝麻味的糖漿，芝麻味道突出但稍為偏甜了一點，不過在傳統口味的朱古力或士多啤梨味新地之外攪攪新意思，也是值得欣賞的。

早兩天午後到麥當奴吃了一客開心樂園餐，餐包括一個漢堡飽、細薯條及一杯熱朱古力，很久没吃一個基本的漢堡飽了，一打開包裝紙發覺個飽很薄身、餡料及醬汁比從前少了很多，在那薄薄的牛肉上只有很少的洋葱碎、一片青瓜切片及一層很薄的茄醬，連一丁點兒芥辣醬也不見了。想想過去幾年一個普通的漢堡飽菜隨通脹也加了幾次價，單售價見巳加至六元半一個，但質量不升反而下降了這麼多，變成縮水飽，實在是愈來愈揾食客笨。

同好朋友睇完戲黎食野, 叫左脆香雞翼餐加多杯朱力新地。呢度既員工都幾好, 平時見其他m記舖頭只係俾好少薯條, 唔夠一包。但我見佢係咁塞d薯條落去, 即使差唔多滿, 而且d薯條幾脆。脆香雞翼都夠脆, 而且熱辣辣, 一流!!而新地就麻麻, 因為例牌入面係空心, 俾我感覺仲以為好多-.-

20071011將軍漢堡載譽歸來，雖然不記得自己以前有沒有幫襯過，但也要捧捧場湊一下熱鬧。可能凡是與“和風”、“日式”一搭上，就會柔軟曖昧起來吧，像日式咖哩與日式咖啡，這一次的“日美合作”也不例外。醬汁略略有點偏甜，漢堡扒也更鬆軟些。嗯，叫做試過。

20070615餐後在旁邊的McCafe買了一件Brownie，都預咗好甜好甜，可能是有哂心理準備呱，反而覺得甜度可以接受，只是實咗啲，nut的味道也未算突出。想起試過同事從菲律賓買回來的一種Chocolate Brownie，像一般的朱古力size，小小一個球，松化好味得多，而且因為冇咁實，亦都冇咁甜……呢度仲可以再改進啲……

20070531加班到不記得時間，去到樓下，只剩下麥當勞可吃……例牌叫了一個田園沙律，配點什麼呢……蜜桃藍莓乳酪新出的時候試過一次，只記得不好吃，但忘了為什麼，所以又不怕死的叫了……蓋子裏裝有燕麥碎，不過是炸過的那種，鹹鹹的，硬硬的，還有點油油的，不加也罷。杯子裏上半層是號稱“低脂”的乳酪，很粘稠，粘稠得有點奇怪，像變了質似的，雖然不是真的變質，唯一可取的是不太甜。但遇到下半層的蜜桃之後，也只能蛻變成過甜了，開罐頭的貨色……那幾顆藍莓還是可以的……應該記得這種味道了，以後敬而遠之。另，網頁上寫田園沙律只有160卡路里，看著就開心，不知道如我這般連沙律醬都不要，會不會又少一點呢：P

一向都幾鐘意飲老麥既milkshake.因為由細飲大, 呢個新product, mocha味都幾吸引.不過原來唔係o個回事... 走cream(我唔鐘意),入口好杰, 不過味道好一般... mocha味,不過好普遍... 成$11.5又細杯, 仲吹到加冰tim,一定冇下次... 都係$5 o既好味d!

孩童時代, 走入去麥記, 小朋友就緊係飲奶昔, 當年飲o既奶昔, 係比較杰(？) 好久未嚐過o既現代奶昔, 就好似稀左d, 較易入口, 方程式雲尼拿味仍然幾甜下, 問店員加冰後更凍更易飲, 仲冇咁甜, 唔想飲汽水的話可以轉下口味飲加冰奶昔。