麥當勞

Open Now

Now Closed

今晚返屋企已經好夜，麥當奴似乎係幾好既選擇。今晚決定食多少少野，我呢ｄ大胃王起碼兩個餐先夠，所以就叫左兩個脆辣雞腿包餐加個豬柳旦返屋企食。脆辣雞腿包其實幾有水準，因為ｄ雞肉唔會乾爭爭，會有少少雞油流出黎，辣辣地幾香。薯條就咸左少少下次要試下走鹽。豬柳旦漢堡亦十分唔錯，起碼性價比夠高。

口痛午餐，真係好難唸，唔想食粥，唯有揀啲淋啲嘅食物，做完面經過麥當勞，突然好想食魚柳包（我知魚柳包唔係淋😂）店內光猛乾淨！排隊買食物爽手！店員好快執好外賣比我！魚柳包餐（$31.2）魚柳包：麵包鬆軟，魚柳炸得香脆！半塊芝士吊味，靈魂係個醬，酸酸地開胃！好味！粟米：白灼粟米好味！天然甜味！鮮檸茶（跟餐$3）鮮檸新鮮，茶味清爽！唔太甜！好味！快餐店服務最緊要快，其實無乜交習！口痛都要食嘅一餐！

今日下午我們去咗將軍澳坑口嘅「麥當勞」食下午茶！我們叫咗今期推出功夫熊貓嘅脆脆黑椒漢堡、士多啤梨新地同蘋果批！脆脆黑椒漢堡嘅賣相唔算太吸引，所謂嘅脆脆片唔係好香脆，漢堡扒都算厚身同鬆軟，加上香濃嘅黑椒汁一齊食，都幾惹味！不過本人覺得無嗰啲脆脆片會比較好食！士多啤梨新地嘅雪糕好香甜軟滑，士多啤梨亦好新鮮！蘋果批嘅外層炸得好鬆脆，蘋果蓉酸酸甜甜，非常醒胃！

星期日就老習慣瞓到不知天日，一醒來就已經係日上三杆的四點，起得身刷埋牙落到樓剛好下午四點半有多，呢個時候唔知食咩好後自然就係食麥記 去到慣常的厚德商場麥記，原來搬鬼左><"係無奈之下，就行左去海悅豪園個間，去到後就好自然咁叫左我愛食既板燒雞包餐 點之一食落就知出事.....薯條唔熱唔在講，個包又係唔太熱，醬汁又唔夠，塊雞仲好薄，好彩我點餐時叫佢多菜，唔係真係想立即棄食....最後我食到一半都係頂唔順走人，呢間m記真係要好好改善，唔係做24小時都唔會有人幫襯，短期內都唔會再黎呢間食...唔想再中伏.......

我又來到麥當勞享餐了，而且我可以說，我是一個麥當勞迷。因為好多時，想不到食什麼，或帶小朋友出門，飲食的答案，就是麥當勞。是日一早，我經由坑口上班，肚子叫我食早餐，而且手上有大量的麥當勞券，所以，我心中不二，要找麥當勞。最就腳的，就是巴士站入口對面，海悅豪園的麥當勞，我一下小巴，衝過對面馬路就是了，食完就入商場，過一條橋就是地鐵站，很方面。另外，這是一間很大的麥當勞，好自然地會覺得坐得舒適自在。而且，這麼大的地方，用上同小朋友、大朋友開 party，是非常好的。食什麼? 一大清早，而且有時間，熱香餅是最她的選擇，香味十足，入口鬆軟，加上牛油加上糖漿，看起來很邪惡，但食起來是不覺的，再加有一片豬柳扒，是一個份量足的早餐。快快食完，滿足地上班去。

正如姐姐所說，麥記會推出一連串的「英雄系列」套餐。繼上一次的蝙蝠俠(黑夜孖牛蛋漢堡)，這次推出了令小女子大為心動的藍色！！是超人(蜜糖芥末雞堡)，配芝士薯波，及加配藍天新地樂。小女子是打從骨子裏喜愛藍色，而且是這次麥記新產品主打的這款藍色，廣告一出，小女子隨即對其虎視眈眈，今天終於有機會來麥記。超人(蜜糖芥末雞堡)美味！！有小女子喜愛的生菜、蜜糖、芥末和雞！不過其實是想像中的味道，沒有分別。芝士薯波本期望會有濃郁的芝士，可惜麥記的專長就是令大家失望。無論是套餐或單買，一盒只有五粒。脆薯波中只有一小層芝士醬。藍天新地樂一看見時非常興奮！因為真的非常非常漂亮..味道很正常，就是軟雪糕和加了色素的梳打。整體來說是挻滿意！不過下次應該只會單買包或轉配薯條汽水吧！

記憶所及，黑椒雞堡應該是麥當勞的新口味，並不是近來經常「回味」的那一種。適逢是新年推出，所以都與新年拉上一些關連。打開之後黑椒汁的份量過少，完全看不到它的影踪，自然也吃不到有黑椒的味道。就在失望之際，終於到見到了。黑椒不首太辣，可以；而雞肉也算嫩滑。不過始終都是要黑椒雞堡，所以黑椒汁多一些會好一些。

肚空空訓唔著, 拉咗老公去24小時Mcdonald食滋味蝦堡。早幾年係日本食過好好味, 但每次香港版總係食唔番果個味中間層蝦餅零蝦味, 亦毫無彈牙感。成個飽只係食到好搶既千島醬味自己唔太鍾意食SHAKE SHAKE薯條，每次SHAKE完都令薯條過咸，食完仲好口渴添。用餐時有段小插曲，我不小心將大汽水全杯倒瀉在枱及地上，唔好意思地請一位女職員幫我清理。個女職員好主動清潔完再斟過一杯汽水俾我，果一刻好窩心。 無佢呢杯汽水，我成個餐就要乾啃啦（當然我自己可以買過杯啦）

This branch of McDonalds is a 24 hour one and does deliveries too.Late in the evening, there are still quite a lot of customers.There is also plenty of seating available as well.★☆★☆★☆★☆★☆★☆★☆★☆★☆★☆★☆★McDonalds: Rice Fun Bowl Tried the chicken version of the rice fun box even though I did not like the beef.I requested it without the sauce because the sauce was too sweet for me.The amount of rice was more substantial than my first visit, there was slightly more rice.The only let down was the chic

也是早前換麥麥掛的事了, 剛巧那時新推出了兩款魚柳包, 正好去吃一吃, 順便換埋佢。這家分店地方大, 坐得舒服, 兼 24 小時營業。黃金蜜糖芥末魚堡 ($28.8 套餐價), 跟餐是有薯條的, 因為我不想吃薯條而且要買滿 $30 才可以換兩隻麥麥掛, 所以加了 $3.5 轉了個小沙律。跟之前出過的日和特盛魚堡的分別其實是醬汁加了點芥末 (有芥末籽在醬汁裡, 不過是不辣的), 帶點甜, 和多了片蕃茄。多了的那片蕃茄, 好就好在多些營養和色彩, 可是咬下去出來的汁液就會把包和魚柳浸淋了。沙律其實不怎麼樣, 有生菜、蕃茄和粟米, 算是有點菜吃罷了, 配的沙律醬是千島醬, 但我吃沙律是不加醬的, 早知叫阿姐走醬啦。後來再吃埋 日和特盛魚堡 ($27.8 套餐價) 換個大紅包裝又再出籠, 今次個餐轉粟米, 也是加 $3.5。芝麻醬+沙律醬的醬汁酸酸地, 覺得比正常魚柳包醬合心意, 但當然軟綿得來有點質感的包是勝過普通魚柳包啦。粟米像是烚的, 因為盒底有些水汪汪, 不太覺有下牛油, 也真夠健康。未計那些麥麥掛, 吃餐麥記都要 $30 以上, 真貴!