麥當勞 (Closed)

星期二放假同媽子行尖沙咀同埋新世界中心，行得累就入左呢度食D野、坐下。都好耐無黎M 記食野啦，我鍾意食紅豆，咁就當然要叫佢地最近又出返的紅豆批啦！而媽子就想試下個新板燒雞腿包餐，其實出左咁耐，我真係幾想試佢個脆薯皇。今次一箭雙鵰，食齊咁多樣呀！但係呢度d人做野好慢，前面只係得兩個客都等左我好耐，可能平時呢度唔係咁多客，訓練到佢地做野咁慢啦！至於食物方面，個脆薯皇都唔錯，熱辣辣好食！個雞包媽子話唔好食，佢都係鍾情於脆辣雞腿包多d。我仲試埋個粟米粒，凍架，比舊牛油我都冇用啦，都溶唔到，雖然都幾甜，但唔係好味o羅！食紅豆批一定要好小心，因為真係熱到辣口呀！雖然我係紅豆怪，但我始終覺得M 記的蘋果批比紅豆批好食，但間中轉下口味都唔錯。

雖然返學大遲到,但係仍未食飯到這裡買外賣點了麥香雞和朱古力新地包內的生菜很新鮮(比觀塘創紀之城分店好好多)點朱古力新地時,侍應妹妹問我要不要走花生令我覺得服務水準又進一步,因從來無麥記staff咁問(雖然對花生無敏感,但有朋友一掂花生就休克)另外想讚賞下的是見到有個國內同胞拿住過吃了幾口的包同阿妹妹講了句說話(無留心所以不知說了什麼)阿妹妹想了兩秒,就給了他另一種類的包給他兼無收錢雖然同胞離開後,佢同同事竊竊私語了幾句兼且不知道是否之前佢俾錯包,但覺得佢處理得幾好

我真係好好好鍾意食紅豆!!!!今日經過見到佢又番o左o黎喇!! 唔理已經買o左lunch, 又入o左去買!!$5 一個其實ok 抵食! 一咬落去, 外皮鬆脆, 內餡香甜又熱辣辣! 正!! 食m 記批都係貪佢有流d 熱辣辣出o黎o個個feel, 你o地話係唔係?

昨晚等friend放工去睇"撻埋一塊"演唱會，又唔係好肚餓，結果走入麥記睇下有咩野小食，於是擇左好似健康d既藍莓蜜桃乳酪杯，$10咁細杯係就係唔抵，不過食落又幾好味，雖然擺明係罐頭蜜桃，不過見佢墊盤紙上表明乳酪杯既脂肪為2g，係麥記黎講係較為低脂之啦!

見呢d新出品好似大穫好評, 我lunch都來試試先. 單買左一個韓色牛肉烤餅, 成$15都幾貴, 一拿起手個包裝都唔錯, 起碼可以唔洗人地食到污污糟糟.凍左少少, 唔係應該仲好食, 個餅感覺唔係好乾果隻, 濕度控制得唔錯, d牛肉係果d碎肥牛, 唔韌, 個汁少少甜幾好, 生菜幾脆, 總括來講係好味的.不過杯雀檸好難飲, 得陣甜味, 麥記冇晒果隻自己篤的檸茶好失望~

我又試0左佢個脆炸蝦卷喇.都係就咁買一盒蝦卷,唔跟餐,所以就14蚊6條.佢係d類似港式春卷皮0既皮去包住隻蝦,再拎去炸,所以睇落一條炸蝦好似好大隻,因為d皮好厚.但一咬落去就知隻蝦係几細隻...不過講真,都几好食,食落唔覺好油膩,隻蝦都几爽,都有蝦味,佢新出呢2款(麥樂三文魚脆&脆炸蝦卷)都几好食,14蚊6條都試得過0既.不過食完而家開始有d喉嚨痛.......

係呀~我數過,有13粒到啦,有一粒係好細的~尖咀呢間有得食,我覺得都試得過,感覺几新鮮~

因為我見餐牌是6或9件，原來是十幾粒嗎？因為想試下，不過好似不是間店有得供應。

今日經過,就試0左個麥樂三文魚脆,14蚊.其實跟餐可以加10蚊要一盒,但唔餓,於是就咁試0左一盒~個三文魚脆都有几多粒,一盒十几粒啦~每粒都係菱形立方體,賣相几好睇~佢俾0左個沙律醬我,但我就鐘意點茄汁多d~個三文魚脆都几好食,一打開個盒,只覺好熱,可能0岩0岩炸起.外面好脆,而且好重黑椒味,入面就全係三文魚,食落都好有三文魚味~每粒細細粒都好易食~~不過食完覺得好熱氣~.~

我由細到大都係魚柳包Fans~ 梗係Tartar Sauce正啦. 不過本人就留意到可能炸完之後即刻入盒(個盒係密封的), 所以我開盒食的時候見到內籠滿是細細點的"倒汗水"..攪到D魚柳濕濕地.絕對會影響口感同外觀的. 希望管理層有留意呢個問題啦~!

雖然我越黎越唔鐘意麥記,不過佢既產品味道向來都唔錯,所以呢個都ok~不過佢d 魚塊完全係魚柳飽塊魚柳既細塊版,如果你揀埋他他汁點黎食,就完全一模一樣喇~我諗如果你食麥魚塊餐,我諗都幾係野..熱氣死..

我在時代店吃過，也算不俗吧。主要是那點子，在現成的東西找到新組合：把魚柳包的魚柳拿出來，再把醬分開上。我兩種醬（tartar醬和甜辣醬）都有要，你呢？

新出麥樂魚柳,唔夠脆! D 醬都唔好味! 同麻貴左D

一入口味道真係唔係咁受得，佢o既醬汁好濃味，但又講唔出咩味，同菠蘿又唔係好夾，塊肉雖然係厚，但味道完全俾D 汁蓋過o左，我諗換個隻醬汁同埋唔要菠蘿o既話會好食好多，哈哈~~ 佢個包又好細個喎，真係第一次係麥當勞食咁細o既包，$18.5 一個包，一包薯條同埋一杯加大至大杯o既汽水，我就覺得食魚柳包好D 喇....