麥當勞

Open Now

Now Closed

外賣不是第一次執錯食物, 無咩客人的情況下都可以執錯和漏比食物, 還是需要客人次次都伸手去袋底看清有否弄錯?...某些職員服務態度亦不太好, 我都忍住無當面出聲講。因而家d人做錯事唔可以出聲講, 講完就好似我係罪人咁。

麥當勞最近出左芝士奶蓋系列，有次行過見超多人排隊，貪得意又叫左一人一杯試下。一杯菠蘿，一杯葡萄，兩杯都有好大分別！菠蘿芝士奶蓋飲落去第一個感覺係幾清新，之後就得個甜字，而且奶蓋相比之下就好稀，完全食唔出芝士味，遠睇似係好多芝士，實際上得堆奶泡係面咁，不了！另一杯葡萄芝士奶蓋就有d誠意，奶蓋上面拉左個圖案，而且似返個有芝士味既奶蓋，芝士味濃郁，似返某牌子既芝芝水果茶既感覺。一啖芝士一啖果茶，唔錯。果茶有葡萄味又唔太甜，最底仲有幾粒果肉，雖然略苦，但都算係比較好飲！

早輪麥當勞同出前一丁聯乘合作，推出出前一丁系列shake shake粉，同時出咗兩款新包。幫襯開麥當勞嘅我都想轉下口味，唔好成日淨係食bbq味shake shake薯條。而包我就揀咗宮崎風味南蠻炸雞漢堡，仲加配咗新推出嘅蘋果特飲，點知就中咗伏。宮崎風味南蠻炸雞漢堡廣告話呢款包有南蠻醬同炸雞扒，另外混搭蛋沙律、洋蔥同椰菜絲。雖然個盒幾靚仔，但一打開個包，個賣相扣哂分。醬料太多，炸雞飆哂油，成張包裝紙都污糟哂。雖然我係外賣自取，但只係短短3－5分鐘路程，正常唔會令到個包賣相咁差。至於味道，炸雞好乾身同較硬，唔juicy。南蠻醬係酸酸甜甜，但無助個包提升鮮味。Shake Shake薯條（出前一丁黑蒜油豬骨湯味調味粉）網上有唔少人話呢包粉太鹹，所以我只係落咗7成左右。老實講shake完之後唔太食到有豬骨湯味，比起黑蒜味，更多係味精嘅味道。大大杯富士蘋果特飲特飲幾清新，酸甜度適中，有消暑作用。飲個陣唔太食到果粒，要去到尾自己用飲管整先食到。

上星期先食完， 今個星期又食，因為都真係幾好味。而且想快D參加麥樂會，要佢個手提袋仔，手慢就冇。今次食鋒味港式燒味調味粉，我自己就唔太喜歡， 反而平時不太喜歡調味粉的女兒就好喜歡，話腸仔味。麥樂會送手提袋仔， 仲有兩張 今日美食節贈券， 同埋其他小禮物， 仲有啲可以即用嘅迎新餐同生日餐，唔駛等到唔記得用。$48 送的禮物及餐飲，其實都值回票價，仲有每月送的餐飲，對於間中食麥當勞都值得申請。今次食個肉醬包， 居然變咗煎蛋，咁又好味咗，所以食住都影張相，冇咁乾， 同埋啲不多到了漏出，食時真係要小心。

睇到霆鋒有型廣告，覺得霆鋒想的免治蛋牛飯概念的漢堡真係有香港特色,肉醬包應該會幾好味，值得試下。點了鋒味安格斯煎蛋肉醬包及鋒味曲奇奶茶麥旋風。鋒味安格斯煎蛋肉醬包，很厚的牛肉塊， 我覺得俾經典安格斯更大塊，而且冇咁乾。 雞蛋就係平常嗰啲一塊圓形雞蛋，乾爭爭，冇蛋味，但係肉醬就好juicy，食完好似霆鋒話：真好會飽。鋒味曲奇奶茶麥旋風， 好多塊較大塊的曲奇碎，不是粉碎的，所以食到曲奇都好好味，雪糕是很濃的茶味， 不是台式奶茶像是伯爵茶，有很濃的茶味，配搭雪糕，好好味! 真係要試下。霆鋒話會周圍檢查質素，希望Keep到。

又係星期日先打 8 號風球，仲要係又冇落雨，又無風。玩嘢咩？！既然係咁，肚餓就梗係落街街食嘢，大部分餐廳都未開，但麥記係開咗嘅。今期流行 Minions，所以我都順應潮流點咗推廣中嘅 Minions 食品 － Minions 脆薯嘜同埋 Minions 杯裝嘅菠蘿特飲。脆薯嘜造型可愛，但係就一啲都唔脆，我諗應該係放咗太耐。菠蘿特飲幾 fresh 呀，好多菠蘿粒粒架，雖然明知係罐頭菠蘿。

麥當勞之前出了新的bagel早餐，其實我也一直很想嘗試。。。終於到今天有機會去試一試了 滿懷著緊張期待的心情到麥當勞排隊購買。。。跟平常的星期六日一樣，麥當勞在十點多的時候也是有長長的人龍。。我經過等候了半小時終於可以排隊點餐。。。但我點餐的時候已經是十一點二十分了。。很幸運地剛剛我點餐後，餐廳經理便決定要轉做午餐餐牌了，幸好我已剛剛點餐，否則我也不能嘗試這個bagel了 。。 如果想來吃早餐的，真是要早一點點來排隊。。。因為如果排了半小時後，突然轉餐餐牌真是會十分憤怒我點了一份餐和另外單點了一個bagel。。。麥樂會再多送一杯細橙汁。。一份餐要24.8元，單點一個bagel即14.8元這是煙肉蛋芝士bagel芝士都算多。。。中間夾了一些沙律醬吃起來其實中間的食材是很好味的。。。煙肉香，蛋，芝士，沙律醬都可融為一體。。。好惹味但是我覺得bagel包有點硬身，所以咬下來不太容易。。。如果bagel能夠軟身多一點點 就真是perfect了這款是豬柳滑蛋bagel....都是跟另1款bagel一樣。。。內裡的料都是好味的滑蛋份量多且嫩滑但是我都是不欣賞那個bagel包。。太硬了。。。一咬下

長發星期六日既早餐時段永遠都咁多人只開得2個counter,姐姐賣野食仲要幫手執餐今日排了差不多半小時 人多到排到出左麥當勞今日買左個珍寶早餐外賣返家食好醒神 好味道蛋既份量好似比之前大份了食完成份珍寶 超滿足麥樂會卡今期早餐仲送多杯豆漿所以我就要飲2杯豆漿了 成肚水

Fantastic fantastic 飯tastic佢又回來了今次仲同可愛嘅蛋黃哥黎個cross over，吸引左一班fans仆去食，日日都比呢隻嘢洗版，去到邊都係佢。但食落又幾好味喎，佢個親子蛋即係雞同雞蛋，加上唔知係蛋黃醬定cream sauce，幾惹味。搞笑嘅係佢有啲粒粒粟米係入面，幾有口感。佢啲飯壓過下咁，煙煙銀銀，都幾正。

星期日想要個good morning...所以一起身就衝左落街買個麥當勞早餐食下先但今日超多人排隊。。。我到麥當勞時10點40分。。可能大家都想係早餐時間最後一刻買到 食返個brunch...哈哈其實最後都排到11點10分先買到好彩麥當勞未開始轉lunch menu...賣相超靚 真係想帶埋返屋企呢個餐簡直係一次過滿足曬你為食既慾望又有熱香餅 又有基本早晨全餐既野大滿足新出既炒蛋嫩滑 同埋好似份量都比之前多左煙肉香而有肉感 唔會好似炸到過脆 燶既感覺磨菇都nice清新之選麥樂會仲有豆漿送。。哈哈 飲到我地成肚水啦食完個good morning早餐 真係過左個超正既good morning la

為左速食  多數會選擇McDonald's  近來長發McDonald's既質素越來越差。之前食到o既薯條  又凍又唔好食又要無鹽。今次去買  嗌個餐嗌左5分鐘1號餐加大雪碧走冰  玉子雞堡餐加大雪碧走冰 另加一個豬柳蛋同一盒6件麥樂雞只係嗌到1個餐既野 我都未講完  佢已經問我係到食定拎走我最後話加一盒麥樂雞  佢就問我要咩醬  起初以為佢GET到個陣原來佢幫我order左一個麥樂雞醬而唔係6件麥樂雞之後我重申左三 四次  話係要麥樂雞  唔係麥樂雞醬  淨係叫order已經叫左5分鐘到我等到有餐個陣  個PR求其幫我汁d配料落去  然後揸皺佢就算數望到係完全唔知點樣拎好番到屋企先見到  兩個餐加大  得一個shake shake粉一個shake袋就咁樣比佢間接食左幾蚊  睇番d薯條  仲細過中薯條

最近返工前，都鐘意黎McDonald's食個珍寶早餐！份量非常豐富！ 仲不時送其他贈品！今日天氣凍返啲！當然都係黎食個又豐富又暖肚既早餐啦！我落左樓下間長發McDonald's幫襯，貪呢間夠近又方便我坐車返工！ 珍寶套餐 $29.6 轉鮮奶+$2.5 ：$32.1包左一塊薯餅、二塊熱香餅、一個豬柳包、一堆炒蛋，咩都有！好豐富！ 有時心諗，其實我點解食得哂嫁？！但返工雖然精神體力，同趕時間關係，我一手拎薯餅、一手叉啲炒蛋；然後又一手揸住個豬柳包，另一隻手食熱香餅...最後再飲埋杯鮮奶，夠哂凍奶味又濃！結果，短短廿分鐘，珍寶套餐又比我食哂啦！三十蚊到都幾抵食！而且通常都飽到下午茶！Ｌｕｎｃｈ錢慳返！

領匯趕跑了不少小店，唯獨大集團才能生存下來，這間「老麥」已有23年歷史是區內「老字號」級人馬，陪過不少人成長。愈賣愈貴的「機啤」漢堡已不是我會再吃的東西，但爛船也有根釘，她們的雪糕有很重奶味，雖然唔算滑，但在這老區實沒像樣的自製甜品，可以偶爾一試。

晚上 10:45先至食晚餐, 叫左一個豬柳包餐及脆辣雞腿包餐, 加麥樂雞,等得好耐, 要 12分鐘, 除汽水外, 全部都要即做。 豬柳包餐: 由於係即整, 取返屋企10分鐘仲係好熱, 感覺更加好食, 包比之前好似大番小小, 味道幾好 。薯條轉洋葱圈, 脆及甜, 好味 !可樂: 無乜特別, 甜度適中 。額外加個麥樂雞6件: 都係熱及脆, 味道無異, 薯條: 熱及脆, 咸味夠。

呢日想食小小野，就黎左呢度食。就要杯朱古力味既大奶昔同紅豆批，加埋都唔係太貴既。朱古力味奶昔其實個朱古力味唔太重，我覺得個奶味重得滯，唔算太好飲啦。紅豆批有人話佢太甜，但我又唔係太覺既。覺得個味道都唔錯，紅豆都算幾煙韌，而且又唔係太甜。熱辣辣幾好食。其實都唔錯既，不過我覺得可以整得更好食既。