乜嘜雞蛋仔 (Moved) New Location

早前曾推介此店之格仔餅，其實此店之小吃如 烏冬、撈麵等都好好吃。但今次想介紹其特制咖哩汁。老闆稱咖哩汁是自制，吃後不會口喝，材料是對得住客人。咖哩汁都頗辣，當然有咖哩味，與烏冬一起吃，簡直是絕配。這個餐共20元。烏冬12元，每款餸加4元，我加了燒買和咖哩魚蛋。咖哩魚蛋都好彈牙好辣呀。

以前吃過此店的經豆綠茶雞蛋仔，覺得很好吃，今天來佐敦，又來吃雞蛋仔，但今次試其他口味。溶心芝士雞蛋仔($22)：雞蛋仔外層夠乾香，但很厚，不夠薄。餡料很飽滿，每粒都有不少芝士，有芝士的鹹香味，但不夠溶心的效果。整體味道不錯，而且那位看起來像老闆娘的女士很友善，值得繼續光顧以支持小店。

今日去開佐敦，所以上網睇下附近有咩好西食。見呢間乜嘜雞蛋仔幾多人介紹就去左試下。以前既雞蛋仔食開都係原味，唔知幾時開始，越黎越多口味呢到除左有賣雞蛋仔之外，仲有格仔餅，野飲同一啲街頭小食。作為抹茶控既我，唔使諗，當然叫返個抹茶紅豆雞蛋仔 ($19)黎試下。去到個時已經有人係到等緊，最後等左成10分鐘先有。因為我唔係即刻食，所以問姐姐拎個袋入住佢。姐姐好好咁提我唔好即刻放入去住，要等佢無咁熱先放，如果唔係就唔脆架啦！就係咁，放左一陣，雞蛋仔依然脆卜卜，抺茶味出，中和左紅豆既甜。不過食哂一個都幾飽

在佐敦附近用膳後，未算太飽，所以就想買雞蛋仔作甜品。上次吃過綠茶紅豆味不錯，今次就試榛子朱古力，外皮太脆，而榛子朱古力餡未夠多，不過朋友就ok。旁邊就是寵物店，在玻璃窗前拿起雞蛋仔在貓咪面前，她好似又想吃呢！

對上一次黎大概係一年前，今次再食有啲失望今次食左芝士雞蛋仔同朱古力榛子雞蛋仔芝士雞蛋仔呢個係第一次試嘅，食落口鹹鹹地芝士味都幾濃，鐘意芝士嘅朋友可以試一試朱古力榛子雞蛋仔上次食過翻尋味，點知今次真係好失望入面嘅朱古力醬小左好多，搞到朱古力味唔夠濃，好似溝稀左嘅朱古力水味咁好失望

一直以黎都好想去試下呢間雞蛋仔 因為有好多款有特色既口味既雞蛋仔 除左抹茶紅豆味之外 仲有榛子朱古力味 花生醬煉奶味 熔心芝士味等 非常吸引最想試既就係抹茶紅豆味 但係之前呢款口味係期間限定 所以只係推出左一排就無得賣 後黎見到呢款口味再次推出 立即飛奔去試店鋪位置對我而言唔太方便 搵左好耐先搵到 係柯士甸地鐵站行黎都行左好耐 而且附近無咩商場其他野 如果唔係特登黎食都唔會行街順路食到抹茶紅豆雞蛋仔 ($19)即叫即造所以要稍候約十分鐘 見住店員好仔細咁將紅豆粒逐格逐格放入雞蛋仔 確保每粒雞蛋仔都有紅豆粒紅豆粒真係好足料 又粉又甜雞蛋仔既抹茶味比想像中濃郁得多 好清香抹茶味 一食就食到而最令我驚喜既係呢個雞蛋仔既質地 從來無食過呢種質地既雞蛋仔 並非香脆派亦非鬆軟派 而係煙韌既麻糬質地粒粒外脆內煙韌 好似我最愛既麻糬糯米糍一樣 而且食到尾都唔會淋曬 依然保持到外面微脆入面煙韌榮登我最喜愛既雞蛋仔 佢呢質地係我食過所有雞蛋仔中最特別最好食既一間 如果位置方便一啲我一定會經常幫襯

以往在此店多數吃芝士雞蛋仔或抹茶红豆雞蛋仔，從未嘗試此店之格仔餅。由於剛從台北回港，吃過咖啡弄的格仔餅(很難吃，像石頭般硬), 所以今日就想吃下此舖格仔餅與台北咖啡弄有何分別。此店用的材料是泰國新鮮雞蛋，美國麵粉，韓國砂糖，荷蘭黑白淡奶及紐西蘭牛油。由於怕肥，只加少許練奶及花生醬在餅內，如不怕肥，可另加砂糖及牛油。等了五分鐘，终於拿了熱騰腾的格仔餅，一陣陣的雞旦味令肚餓的我精神為之一振，一口咬下，外脆內軟而且熱腾腾，熱力又把花生醬熔了，濃烈的旦味混了甜味的練奶和花生醬，餅底好有質感，不似台北咖啡弄的差劣。此店之格仔餅又要加入我至愛的食物了，吃完後好有滿足的感覺。最重要只需16 元，超街方價，簡直抵吃。

夜晚放工同朋友晌佐敦交收完，記得之前晌Open Rice見過佐敦有間有好多味道嘅雞蛋仔，但重點係我連店名都唔記得......點去呢...於是上Open Rice打「佐敦」「雞蛋仔」~又好彩比我搵到!!因為結果得一間~XD我跟住個地圖，由廟街行過去，原來都幾遠下......間店比較近柯士甸站。但無辨法啦....想食嘛...T^T行左好耐終於到啦~店面不算太大。當晚去到7點半左右，買野食嘅人唔算太多。原來店舖唔只賣雞蛋仔~仲有其他小食架!最適合放學放工返屋企又未食飯，可以買黎醫肚。XD睇左陣餐牌見豬皮好吸引~價錢又OK~所以....就叫左豬皮同熔心芝士雞蛋仔。豬皮(咖喱汁)豬皮好彈牙!唔會煮到淋滋滋。Like!咖喱汁係另外淋上去嘅。汁好香，又唔會太辣。不過我略嫌咖喱汁有點不夠。食到下面2塊果陣已經無乜咖喱汁。唔緊要啦~反正諗住食住等底雞蛋仔。熔心芝士雞蛋仔因為雞蛋仔即叫即整，所以等嘅時間會耐D。食住豬皮等左大約5分鐘左右就有啦!從店員手上接過雞蛋仔，一股好香嘅蛋漿味湧出黎。雞蛋仔口感較軟，脆皮位置則好鬆脆!咬開裡面有熔心芝士，質地好creamy!味道方面，有淡淡的咸香芝士味，唔會太過咸搶左

吃雞蛋仔最怕就是那些做好放了很耐的，但乜嘜的是接到order 才會即製，捧在手上是熱辣辣的。大約等了十分鐘左右，新鮮的雞蛋仔就到手了。雞蛋仔外脆內軟，中間不是空心的，絕對可以填飽肚子。雖然綠茶味不算很濃，但還是有的；紅豆又甜又軟的，但份量可再多少少，不是每一粒都包到紅豆。

花生奶醬雞蛋仔 🍴係ig見到人地share 好似唔錯本來很期待不過試過後覺得below expectation😥食落有點乾，雖口感脆，但亦有點硬 😓雞蛋仔內有花生，幾足料，👍可惜奶醬味 和蛋香味不足一底需$20總結：一般，試過不會encore 😥

每次來到佐敦都心思思要特登行過去買綠茶雞蛋仔黎食。即叫即整，無人的話，每次等五至十分鐘到。熱辣辣的捧在手上，一粒粒綠茶香，再加足料紅豆，真係食唔停口的！哎，講起又想去食了……

等左約15分鍾有得食，細鋪要等是常識吧 , 雖然$20 底比較貴左d, 不熱辣辣，一食真係不得了， 好香濃綠茶味 ,  出面搵唔到的， 配埋絕配幾粒粒紅荳即將味道昇華十陪 ，又趣趣地 , 邊道搵,  下次試下其他味先

抹茶紅豆雞蛋仔 ($20).抹茶味唔係太出，蛋香較重Sell煙un路線，麻糬口感勝在粒粒都有紅豆兩粒，紅豆軟硬度都剛好👌🏼如果出野時間短啲就更好啦🤔

芝麻雞蛋仔 $166/10沒有綠茶紅豆雞蛋仔, 唯有要芝麻雞蛋仔。雞蛋仔看上去顏色頗深, 是烘得過火了, 外層雖脆但太厚, 非薄脆, 而蛋漿分佈不平均, 有些飽滿有些如空殼。味道方面, 除了有少許焦味, 蛋香不足, 甜度亦過低, 幾乎不甜, 但芝麻味都頗濃郁。綠茶紅豆雞蛋仔遲些會再推出, 但未必會試了。雞蛋仔, 易造難精, 我首選紅磡雞蛋仔, 媽咪也不錯。

心血來潮上網search下有乜榛子甜品， 見好多人煮都推介乜嘜， 又見個地址近我上yoga堂， 就同女友講落堂去試下， 那天早上落堂後去到十一點左右， 竟然未開門，中午十二點先開， 本身諗住下次吧， 但唔心息， 決定附近餐廳食少少嘢再返去， 到十二點了， 未到舖頭街中間已聞到奶香味， 仲有唔少人排緊隊， 到我order, 雖然有好多口味， 但我當然要榛子朱古力味啦， 俾完錢都仲要等差不多十分鐘， 到攞上手， 超熱， 因為係即整， 當食第一口， 嘩！！ 我是再食薯片嗎？ 那脆的程度嚇了我一跳， 每粒雞蛋仔裡面都充滿榛子朱古力醬， 唔怪得要整咁耐， 香，脆， 味都好高分， 女朋友本身陪我試變成同我爭食， 如果親身試過， 就會知我形容得絕不誇張， 如果我只可以幫襯一檔雞蛋仔，我會毫不猶豫揀乜嘜，其實我知有不少雞蛋仔檔的都好味香脆， 但乜嘜的吸引係好多特別口味， 當然我大力推介係榛子朱古力味啦！ 一定會再再再再再返黎幫襯！