星群地中海餐廳 (Closed)

幾個月前去過，當晚係播英超第36週比賽，我地四個人要左個set，睇落好多野食，不過食味真係麻麻，炸魷魚圈、薯皮、pizza同沙律不過不失，但肉類就好唔得，牛柳過晒火，個烤雞仲有怪味，我覺得係變壞左，味道即時扣2分啦，最後換左甜品雪糕四杯，唉．．．仲有，假期係冇泊車優惠！

上星期六同老婆去黃金海岸, 夜晚就去左呢間餐廳試下。我地叫左二人餐, 非常豐富:蒜茸飽忌廉湯蘋果粟米沙律炸大蝦魷魚圈煙肉芝士焗薯皮燒牛柳煎三文魚扒香草蘑菇扁意粉餐茶2杯(老婆飲凍奶茶, 我飲H 0 T)我地按住次序食, 味道不錯! 蘋果粟米沙律同焗薯皮我地最鍾意。食到燒牛柳已經勁飽, 意粉好好食但最後都食淨左。總括食物, 環境和服務都幾好，惟侍應不太主動添水。可能掛住serve d 睇波+飲啤的人士掛!

兩人食﹕(1) 美國焗蠔(2) 小龍蝦寬麵食評﹕焗蠔有沙，小龍蝦寬麵淡味。環境﹕睇波一流，主要是外國人多。優惠﹕有兩小時泊車，如果長時間，建議到黃金海岸酒店泊咪錶，半小時$2。

今天和朋友去黃金海岸，到達的時候已經是下午茶時段了，我們還沒有吃午飯，自然著眼找個比較有特色的餐廳吃頓靜靜的滿足的下午茶，聊聊天吧。因此，香辣屋和茶餐廳都不是我們的選擇，便進入這間號稱吃地中海菜的餐廳了。閑日未見很多客人，就只有三四桌。餐牌不見地中海特色，我們點選了燒羊肉中東包配紅豆冰（$38）和煙三文魚沙律加芝士薯皮配凍咖啡（$42），此店收取加一服務費。看它收這種價錢，估計份量應該還可以吃飽吧。飲品先來。紅豆冰的奶淡而無味且稀，紅豆太過顆粒和偏甜，結果水還水，豆還豆；吸管是普通的窄吸管，偶爾被紅豆塞住。凍咖啡的糖水和奶並非分開上，很甜。嚐過了飲品，心裏涼了一大截。因為已經有心理準備，對於食物並不抱期望。先說燒羊肉中東包，如前面食家所言，羊肉略乾，用料普通，個人覺得不值３８元。再來沙律和薯皮，盤子很大，但是食物份量小得可憐，三文魚就一塊，沙律是幾顆水果，薯皮只有一小角。好吧，也許人家重質不重量，先吃了再評。不過，無論質還是量都很不濟。首先談用料，我不想說用料賤價，但是說他用料非常便宜是沒錯的，如此的成本，多給幾顆水果和一兩塊薯皮也不過分吧？再談味道，實在是。。。。。。不難吃，但是我也

今個星期第二次去黃金海岸了。星期日去散心，適逢假日人多太吵，感覺並不好；昨晚冒下雨的風險重去，終於找回清幽寧靜的感覺~　是夜有點胃痛，對於吃有點麻木。男友選了這間餐廳，勝在有怡人海景；他又點了一個二人餐，內容豐富得有點誇張：蒜茸飽是日餐湯（忌廉湯）蘋果粟米沙律法國式炸大蝦香脆魷魚圈煙肉芝士焗薯皮中東式燒牛柳挪威香煎三文魚扒意大利香草蘑菇扁意粉咖啡或茶　最後當然吃不完。除了牛柳太鞋，大蝦不夠新鮮，其實其他食物都過關，扁意粉更稱得上出色。不過，對我而言，最好的主菜還是海景，讓我煩亂的思緒可以停頓，舒緩下來...

夜晚同個很久冇見的朋友睇波食飯，還記得之前同個朋友去飲野變左好似陪我睇波(諗番起有d唔好意思)，這裏環境不錯，於是再去。這裏環境睇波食飯傾計完全合我心意，睇波有氣氛之餘又可以傾到計，唔會好似酒吧有人猜拳有人玩骰仔咁嘈及烏煙瘴氣。還有一部投影電視在室內任何位置都可睇到球賽，食物飲品應有盡有，在屯門元朗區的不二之選。

六個人飲左15 杯野, 有Cocktail, Long drinks......自己就飲左Brandy Alexander, Vodka Martini, Basket Ball 同Tequila, 全部都係火酒咁款, 有幾隻酒係要燒左先的, 好熱. 其他人叫果d就試少少, 所以成晚都試左好多種酒.

放假無乜野做, 走黎食個tea. 三十幾度高溫之下, 都係坐室內喇. 由於係假期, 所以都幾多人, 不過都唔駛等位.先叫個tea set ($38), 我既係羊肉中東包, 雖然有唔少蔬菜, 但食落都係乾左d, 羊肉亦做得唔好食, 整體一般. 朋友既牛肉墨西哥薄餅配沙律, 望落d材料同我果份差唔多既? 據報ok. 跟餐果杯紅豆冰意外地好味, 紅豆煲得夠腍又唔會爛晒.雖然係下午四點幾, 但其實係當日第一餐, 意猶未盡之下再叫多個炸蠔拼薯條. 炸蠔外層比較硬, 但入面都幾juicy, 算係咁啦. 薯條係我鍾意既闊身果種, 不過炸得唔夠香脆. 啤酒好似$18枝, 幾抵, 叫左隻德國啤(好似叫valtis咁上下), 味道偏苦.以果度環境同價錢黎計, 都算食得過. 飲飲食食, 咁又過左個下午.

星期日晚同左男友去食~ 可能下午已經食到幾飽啦~到左夜晚都唔係咁餓~ 其實黃金海岸d餐廳價錢都幾懸殊~香辣屋去得太多~ 而有d法國餐廳又好似貴左少少~ 而有d價錢平o既,又好似冇乜特別咁~ 所以我地就揀左呢間~我地點左個2人餐, 好似係最多份量, 但又最平o既~ $238 for 2~ 其實都幾抵~ 有湯一有餐飲之餘仲有7,8樣野食,有三文魚,牛柳,炸魷魚, pasta等等..其實都幾夠食架~ 不過味道就一般啦~ d炸物唔夠香,唔夠鬆脆~ 不過d魚同牛(應該係grill既)都ok~ 我地坐左o係indoor,環境都ok既~

每次都坐OUTDOOR。貪佢好情調，冬天仲正，每隔兩張都有支暖爐(好似街燈0個D) 。好掂。不過我次次都係同個女仔friend去。如果同男友去就good D.我同個女仔friend 比較鍾意食燒烤。。加cocktail..一坐就幾個鍾

哈~生日黎慶祝, 坐左outdoor 既位, 對住出面既海灣, 又有d假日既攤擋, 燈光閃閃, 氣氛唔錯~!叫左一個餐, 有湯, 龍蝦三文魚扁意粉, 餐茶, 另外再加一個希臘沙律配中東包, 再要左一隻BBQ大頭蝦同BBQ虎蝦, 兩杯餐酒.個菜湯幾淡, 有d稀, 麻麻. 龍蝦三文魚扁意粉就有水準, 個白汁幾濃, 夠香~! d蝦球夠多, 又大件, 我和朋友都喜歡食海鮮, 都覺得蝦球好鮮味, 好好~!! 三文魚係一般既煙三文魚, 扁意粉幾滑同煙韌, 唔錯.希臘沙律係生菜加上芝士粒, 青椒粒, 橄欖, 洋蔥粒同其他配料,芝士粒幾得意, 橄欖d味就接受唔到. 中東包切開一件件, 配上沙律都幾好食.係門口見到好多海鮮, 又有個好勁既大炭爐, 就叫左個BBQ大頭蝦同BBQ虎蝦. 大頭蝦既肉質比較"林", 虎蝦就爽口好多, 建議都係叫虎蝦好味d.慢慢飲餐酒, 就咁就食左兩個鍾, 如果唔係出番市區麻煩真係想繼續坐落去, 哈~!

見大家評呢間餐廳咁好~一於特登入黎試下！order o左個最貴果個二人餐($328)～南瓜忌廉湯- 味道ｏｋ喇, 但太多粉粒~同唔夠熱～parma ham配哈密瓜- ham ok啦, 但配哈密瓜好怪lor個味!煙三文魚多士- (竟然無黎到，ｍｉｓｓ左～）焗釀蟹蓋- ｔｏｏbad! 好似食舊粉咁~無乜蟹肉!燒魚柳拼牛柳- 魚就ｏｋ, 但牛肉幾ｕｎ下～帶子龍蝦仔配墨魚汁麵配忌廉汁- 味道一般啦~milk tea - 估唔到有酸味囉!

生日第一餐o係bar食蛋糕, 第二餐朋友請食飯, o黎依度, 估唔到咁多人~ o黎得依度, 緊係凍都坐出面喇~ hehehe! order o左個二人餐($328), 有南瓜忌廉湯兩客, parma ham配哈密瓜兩件, 煙三文魚多士兩件, 焗釀蟹蓋4件, 燒大蝦拼牛柳各一件, 帶子龍蝦仔配墨魚汁麵一碟, 餐茶兩個~南瓜忌廉湯- 味道一般喇, 都多粉粒~parma ham配哈密瓜- ham ok喎, 唔太乾又夠香~煙三文魚多士- 都幾好~焗釀蟹蓋- 依個就差d, 係粉漿加雪藏蝦同蟹肉~燒大蝦拼牛柳- 蝦無味, 牛肉唔掂~ 唉.......帶子龍蝦仔配墨魚汁麵配忌廉汁- 都幾大portion, 味道ok啦~咖啡- 估唔到ok喎~ 埋單$36X~ 都幾大風, d火爐吹熄o左幾次, 就算唔熄都唔覺暖o左~Service幾好, 好好禮貌~ 都o黎得過~不過入洗手間o個條路無地毯o個個位依然係咁冼~

又大一歲, 揀左黎黃金海岸食飯celebrate. 揀呢間餐廳係因為個經理好好態度, 我地去到門口已經好主動出黎介紹.揀左坐outdoor,雖然係膠枱椅,但係點住洋蠋,對住個海同游艇,吹住海風,真係人生一樂也.叫左個208蚊二人餐,有一大碟拼盤和一碟意粉. 鬼佬野食:炸蝦,沙律,魚柳,牛排一大碟,唔識點評但味道ok.叫埋杯白酒,寫意非常. 價錢一d唔貴,埋單唔駛300蚊,咁ge環境簡直係超值.

今年既六月八日我同女友去左呢間度食二人晚餐啦呢個晚餐我覺得係和值呀~兩個人$278炸~仲要有兩個湯兩個前菜~【海鮮蟹蓋】+【凱撒沙律】主菜~【駝鳥扒配銀鱈魚】+【海鮮大蝦闊條面】兩杯餐飲食物既味道好好~有好多香草啦同埋d味適中~唔會話太濃味~而份量更係驚人碟碟都好鬼巨型而環境我就覺得非常好無論係出面或入面佢地更比左一張靜d既枱我地好好氣氛佢地服務仲好好個個都好nice~^^呢間餐廳絕對值得推薦!！!