Mee...lemongrass (Closed)

約左朋友係銅鑼灣食野，睇左好耐都決定唔到食咩見到原來銅鑼灣都有呢間泰國菜, 之前係坑口食過一次, 都唔錯同一間野應該唔會伏我既, 又唔算太多人等緊位, 唔行啦就呢到啦~MENU果坑口大同小異~都係好多野飲揀, 今次我飲泰式奶茶, 個杯好文青色~ 好靚! 飲落去唔會太甜又有茶味~唔錯唔錯再叫咗個咖喱雞肉, 咖喱汁好濃好夠味,叫咗兩份薄餅, 經典薄餅同薯仔薄餅~薄餅整得好好，唔會太油或者太乾。好大份薄餅, 食極都仲有好多, 薯仔辣辣地好野味，因為入面有薯仔，仲好飽肚，點咖喱汁食一流!再叫咗個海鮮炒粉絲, 好有鑊氣, 粉絲唔會好濕, 痴埋一舊舊, 夠味, 好食!!果然同一間野既質素唔會差太遠~值得再食

其實好多區都有依間餐廳，今次就試下佢。兩個人等左一陣就有枱，環境都舒適，但有少少迫。餐牌上有好多選擇，有各種東南亞風味食物可以叫！服務員態度有改善空間。即刻講食物啦！海鮮炒粉絲依碟真係相當好食，味道好多元，材料豐富，又唔會油淋淋或者太濃味，配合大大隻既蝦同蔬菜，真係健康又好食。串燒賣相好靚😂醃得好香，又食到啲雞味！個人鐘意雞串多啲，但朋友鐘意牛肉串多啲😂沙爹汁一般，欣賞伴碟有心思，又有水果食夠健康。炸蝦餅正！超級香同熱辣辣🤓🤓點埋個汁一流啦！炒通菜調味方面比較濃，適合重口味既人，而我會鐘意淡番少少。份量比較細。厚切豬扒有啲貴少少唔捨得食!但味道真係好食，調味夠入味，醃得好香！朋友好快咁食哂😂😂😂伴碟都好靚！worth it!!飲品方面味道一般，賣相幾靚，飲落開心☺💓海洋梳打整體比想像中高質，兩個人dinner around$350。賣相同味道都好好。服務可以再改善下，同埋啲碟好大，二人枱唔夠位放食物😂但真係好食既👍👍

諗住買份禮物送比朋友於是出左嚟銅鑼灣，但勁肚餓，見到有呢間海南雞好似勁正就走左入去，然後瘋狂嗌。嗌左肉骨茶、無骨海南雞喇沙、蜜汁炭燒豬排撈檬粉、煎蝦餅。當所有嘢嚟到果陣真係嚇一跳，份量好多好大碟，簡直係銅鑼灣區驚奇咁抵食，同區其他餐廳邊會比咁多，好彩我地好大胃 😂飲一啖肉骨茶，就飲到有藥材嘅香，豬骨嘅濃甜，仲有好多杞子添，好滋補。而且仲有兩大件香花菇，炆到好腍好入味，又有好多豆卜，真係物超所值。兩個人食。每人最少兩大碗。海南雞喇湯係參參麵，一半油麵，一半米粉，又有新鮮芽菜同豆卜。海南雞另碟上，有酸菜又有鹽炸花生同碟，真係好抵食。豬排撈檬又係超份量，仲拌有好多生菜絲、香脆花生碎。嗌一碟真係夠兩個唔大食嘅女仔食飽，可惜同行係一個大食嘅肥仔 😂煎蝦餅又有八大件，真材實料，熱辣香脆，抵食夾大件 👍🏻呢度可能係銅鑼灣區最抵食嘅餐廳 👍🏻

地方好細係門口周圍派coupon,有免費十蚊現金劵及免費油酥餅可以一齊用拉茶-茶味好淡奶唔夠滑油酥餅-唔係鬆化得面果層係酥其他好韌，雖然知道本身你油嘅但油益味好難頂足料版喇沙-其實點菜時店員已提醒係2至4人份量，但有特價而且好多海鮮印所以照點，湯底用茶壺另上好細心開頭驚唔夠就住用，大家可以放心倒晒落去足夠有餘，湯底鮮味就唔夠但椰味非常重又滑口，米粉索湯後好滋味虎蝦睇就唔新鮮以為會梅點知都爽口係唔夠彈牙但都可以，成隻魷魚好新鮮又彈牙，蜆煮過左冇晒味，扇貝又係咁應該一早煮定肉質已經乾乾地冇味又細粒，青口冇鮮味好彩都冇雪味，魚旦勁林又腥同一般口感好唔同我唔鐘意，豆卜索汁後好正食左一半已經投降，叫左外賣盒攞走，浸住一半湯諗住第2日食會碎晒同林點知索左一晚汁後仲好味過剛剛煮好惜食原來都可以咁好味總結-喇沙湯底係不錯選擇但海鮮真係可以唔洗揀，麵底新鮮油麵彈牙米粉爽口但又唔會硬，如果人小真係要聽店員提議經驗好夠

放咗咁耐假，今天比較有自己時間，就出咗銅鑼灣攞返之前喺綱訂咗的廚房用品，好唔開心呢件貨攞時先至要自己去配膠水先用得，雖然專登出嚟攞點知無用，阿囡剛喺金鐘話同我食午餐，我攞完搵地方行等阿囡，見到街上有人派咗將廣告，喺一間食馬拉菜，考慮咗好耐又唔知食咩，等到阿囡嚟就去睇下，我見價錢都唔平一個午餐都連加一差唔多一百蚊，好少餐廳午餐會加一又喺閒日，我覺得去滿屋食放題好過，但阿囡話行到嚟就試下，將單張又有手爪餅送，就入去點知都等咗半個鐘，中途都諗住轉元氣，最後都係入咗去，叫咗個炒貴刃同無骨海南雞飯，好失望唔好食但一個午餐叫做多嘢，我個雞飯有菜，湯，前菜，甜品同一杯普通飲品

呢間社企餐廳位於銅鑼灣，舖租相信不太便宜吧，但菜單價錢卻十分大眾化，菜式有越泰美食，及新加坡美食，選擇也算多吧。空間雖然不太大，但也坐得很舒服呢。舖頭正做龍蝦麵推廣，很多人食，不過太大碗了，所以沒有試，反而叫了幾個小菜：軟殻蟹米紙卷，一盤6件，用煙靱的米紙包着顔色繽紛的彩椒，芒果、沙律菜及軟殼蟹，五彩繽紛，上台非常美觀，食落口感層次豐富，值得推介。馬拉盞炒秋葵，秋葵切件，加上馬拉盞炒，辣中帶甜，非常惹味。店中推介，厚切豬排，肉質鬆軟，外脆內入味，只是一塊價值$72，略為貴價。檳城炒貴勻，有多種海鮮如蝦、魷魚圈、青囗等配合河粉一齊炒，炒得好入味，是必食推介。甜品叫了椰汁千層糕，煙煙靱靱，好清甜，也是必食亮點！食咁多都只是$378，好抵死！

成日經過銅鑼灣都想食呢間馬來餐廳，主要話係海南雞專門店，點可以唔試下呢泰式蠔仔蛋 ＄88先叫了1個小食，呢個蠔仔蛋有點失望，因為好水好濕無咩調味同埋好唔抵食，雖然蠔算中等size，但份量唔算多而且個價錢仲貴過肉骨茶！小妹覺得唔太抵無骨海南雞喇沙 ＄82海南雞都幾滑，份量唔會好少。喇沙椰香味濃而且麵都好入味，值得推介。鍾意飲湯既朋友可能會覺得唔夠喉檳城炒貴刁 ＄76身為半個馬拉人點可以唔食檳城炒貴刁呢？用了蝦同魷魚去炒但少了一種鑊氣味，感覺差少少而且好油啊～而家感覺似乾炒牛河Cool爆鮮芒果冰冰 ＄38估唔到咁大杯仲要載到滿滿，又有新鮮芒果又唔會死甜，味道好Fresh。岩哂食完咁多野飲返一啖，真係好正

我鐘意食海南雞， 同fd行完街佢就介紹我試呢間manu都好多嘢揀， 圖片又清楚海南雞飯 $80成個set份量都好大下， 有湯， 菜， 雞， 飯配埋泰式汁同黑醬油$80 抵食過連鎖快餐店la雞全去骨味道鮮味， 我鐘意佢皮同肉中間仲有少許啫喱 難怪咁好味雞油飯如果可以再油d定必更香不過少油就當係健康d啦炒金邊粉 $76旁有青檸、花生、砂糖、辣椒碎可以自行調味撈埋就甜、酸、鹹、辣共冶一爐一入口會覺得比較甜， 隨即會有辛辣味滲出配埋青檸汁微酸嘅清新， 味道一流大蝦有挑腸， 很細心呢～一品牛柳粒 $88上到嚟聞到好香肉汁豐富好味， 不過牛柳粒份量太少啦魔法梳打 $28紫色係由蝶豆花沖泡而成可自行添加青檸汁酸酸甜甜， 靚得嚟好好飲蝶豆花有抗氧化等功效女仔必定會鐘意埋單每人$150, 食到超級滿足

來到銅鑼灣見客，中午時間唔知食咩好。漫無目的咁走到皇室堡，見到呢一間泰國餐廳人山人海，就一於坐低試吓。原來午餐價錢好實際。朋友要咗一份海南雞飯餐，有齊餐湯，油菜同沙律前菜，份量好多。海南雞好滑好香，雞味尚可 ，雞肉頗滑，為健康起見油菜同飯都要走油，但菜一點也不老。但湯一般。但約$80已有呢一個質素實屬難得！另一份自己嘅要咗扎肉雞絲撈檬，分量一樣好大！扎肉好香！反而最值得一提係白蘿蔔絲紅蘿蔔絲好清新爽脆 ！令整個撈檬提升了。炒菜好香，一點也不油。最尾甜品要做一份芒果糯米飯，椰香味濃，糯米飯十分煙韌，芒果香甜。

話說啱啱去完泰國返泥, 去探訪左當地ge海南雞大王s, 當地飯是很好吃, 湯又好飲 但仍然解唔到條海南雞癮!!今晚同朋友又揀左 東南亞? ? 星馬泰?  ?既餐廳食, 放工去很就腳既CWB出發! (我真係唔太識分東南亞既分別, 如果有人知請多多指教)其實除左海南雞飯同甜品, 我都無乜特別野想食,  不要問女人的胃是如何構造的,  應該讚賞我目的真係好明確LOL個招牌飯無負我所望,  我覺得個雞煮得比泰國既還好食十倍..(泰國旅行當地食嗰啲有啲鞋)依個肉質煮得好嫩好滑, 油份足夠, 而且係無骨! 啖啖肉單憑無骨依一點,  自問又懶又唔鍾意lun骨既我, 己經可以比五星呀 哈哈不過本身個飯確係好!!   唔洗去泰國熱住排隊食啦...同朋友share 一個飯  一個菜 當主食.   好健康因為近來喉唔太舒服, 馬拉盞通菜轉左做蒜蓉通菜!!好多謝店員既提議!我:  馬拉盞抄通菜會唔會好辣...?店員:  怕辣?  幫你轉蒜蓉啦(真實對白...)本來睇menu好心痕想叫凍飲...最後都係乖少少飲個玫瑰柚子茶,   不比珍多冰遜色喔簡單食左個主食,  就叫甜品喇!! 有我最鍾意食既 !!糕點!!

今晚終於約到好耐無見的朋友仔吃飯，佢帶我來位於銅鑼灣的東南亞菜，話好味價錢又唔貴。我哋七點三到唔算少人喎，而且都算坐得幾舒服有空間感其實喺門口已經睇到餐牌知道要揀啲咩我哋點左以下食物。食喇沙我覺得最緊要係個湯底，微辣椰汁味岩岩好，又足料超讚最開心係可以食到油麵又可以食到米粉因為啲喇沙汁實在太好味，所以就叫咗個薄餅點喇沙汁食，非常喜歡💕朋友鍾意食炸蝦，我提議食庶蝦，竹庶好清甜，蝦就好似實左少少，整體個味都算唔錯軟殼蟹米紙卷都係推介之一，芒果同菜都好多，芒果好甜，軟殼蟹好好味，炸得好靚朋友叫咗一杯玫瑰柚子茶，佢表示唔錯兩個人食咗$300多啲，銅鑼灣來講算係超值總結: 下次嚟銅鑼灣行街，呢間東南亞菜必定是首選

其實Mee...Lemongrass 都有在不同的地區有食，食物水準不錯又好味，今日與太太來銅鑼灣行商埸，來到皇室堡，知道有一間Mee...Lemongrass 開設在商場地庫，當然就不用再心煩今晚揀什麼食了。餐廳裝修簡潔優雅，令人感覺非常舒適。我們今晚要了馬來海鮮炒粉絲$72。粉絲炒得比較爽身有口感，海鮮有鮮蝦及鮮魷，鮮蝦蝦肉新鮮帶爽口，鮮魷也是非常新鮮，份量也不少呢。粉絲內還有青紅椒絲，芫茜蔥及中國西芹，所以令馬來海鮮炒粉絲食落有口感之餘也非常香口。無骨酸辣鳳爪沙律$68其實無骨鳳爪也是我的最愛，內有車厘茄，洋蔥絲，芫茜蔥還有沙律菜及紅蘿蔔絲，鳳爪爽口，醃得非常入味，一般食馬來菜及泰式菜，我都比較喜歡食無骨鳳爪，但衆多餐廳當中，我覺得醃得較為入味的鳳爪就數Mee...Lemongrass 的鳳爪了，份量夠多又入味，十分推薦。Cool 爆鮮士多啤梨冰冰$38。Cool 爆鮮士多啤梨冰冰很大杯，夠我與太太一齊分享，帶少少士多啤梨味，一粒粒的沙冰，非常有口感，又夠特別。真是很喜愛食馬來菜喔，尤其是Mee 呀，感覺廚師及材料質素都不錯，價錢大眾化，所以還會再食呀。

朋友介紹呢間餐廳所以一齊試下 餐廳係皇室堡地下一層 GU隔離 行完街利食岩岩好有設計既碗😍太餓既關係 淨係影主要果幾頁比大家參考啦😂佢有好多款喇沙 選左最多野食既 椰漿味重 好正呀 個湯好好飲馬拉盞通菜 香料調得岩岩好 好快就清左成碟撈檬粉一定唔少得 不過可能落得唔夠多酸汁 乾左少少 但肉都比得好足料呢到飲品好多元化 試左紫米豆奶 不太甜 😋😋期實都幾有驚喜既 一般諗連所式餐廳都未必太好食 但呢間餐廳淨係試幾款普通大路菜式都做得好好👍🏻

呢一日黎到銅鑼灣搵食黎到皇室堡 俾呢間勁sharp ge 泰國餐吸引左二話不說入左去食平日7點到 都已經坐滿人😳😳裝飾都幾特別 有特色壁畫野食選擇十分多 最後叫左招牌mee喇沙馬拉盞炒通菜雞絲扎肉撈檬粉泰國豆奶紫米冰熱玫瑰柚子茶Mee喇沙十分足料 有大蝦 蜆肉 蟹柳 魚蛋 豆卜 雞絲 雞蛋湯底濃而不漏 面底用米粉同油面2溝 口感豐富雞絲札肉撈檬附上一支酸酸甜甜ge醬汁 札肉彈牙 加上煮到岩岩好ge岩岩好馬拉盞炒通菜炒通菜一d都唔油 又爽口 好清新泰國豆奶紫米冰造型非常特別 口感非常獨特 甜度岩岩好加上紫米好有口感 值得一試熱玫瑰柚子茶估唔到柚子同玫瑰咁夾 玫瑰香加上柚子ge甜 好perfect

同男朋友經過見到勁多人排隊 ，定試下84$一碗野有隻咁大既龍蝦！！仲要，成碗野真係勁大碗，幾多肉，湯底好夠椰香味，唔會太辣又夠濃 ，上菜時間都勁快。龍蝦真係都幾多肉唔係得個殼哈哈，麵質好食軟硬適中馬搵盞炒菜又係勁大碟， 咸度剛剛好豬頸肉好好食呀 好林又有肉汁，仲要都係勁大份，都幾飽，幾個人夾會好點難得係呢邊食到芒果糯米飯，飯夠曬咸香，份量未算好多但味道okay 總括黎講真心覺得性比價好高， 特別個喇沙 但唔知之後係仲有呢個價啦