鮮芋仙 (新都會廣場)

Open Now

Now Closed

最近開始熱返🥵經過就忍唔住坐咗入去🤤兩個人叫一份岩岩好芋圓又香又煙韌仲要有芋頭番薯香味對比起其他街外嘅好食一節芋頭煮到啱啱好唔會太爛🍠每次去都必定叫有原舊芋頭嘅set珍珠就普普通通紅豆我估應該都係普通罐頭紅豆不過不失冰底啖啖黑糖味但又唔會甜得太誇張😚怕凍嘅都可以order熱嘅禁就冬天夏天都有得食🤤當做飯後甜品一流🍧不過要留意下通常飯後時間去會full到飛起所以如果唔想排隊可能下午茶個個時間就會輕鬆d🍡

見到POSTER 有個5人份既燒仙草$70, POSTER 上面有$30 加買5人份既芋圓,  兩樣加埋$100。由卡外賣,  冇即時見到幾多份量, 去到見到朋友, 我地3人, 以為5人份夠食, 點知打開嚇親....$70既燒仙草份量ok (燒仙草根本唔值錢,  唔係因為出街,  其實平時自己都整到,   唔介意硬身d,  去街市/ 超市買$15-20涼粉都一樣咁多份量)$30 既芋圓, 嘩, 我即時law 番張單想去打番去店問係唔係比少左HK地店既租係貴, 燈油火咩都係錢, 明既, 但POSTER 講得5個人份量, 我唔會覺得D芋圓係我平時去甜品店1.5個人既份量 (我好公道, 真係好少,  食開芋圓既一定試過其他店既份量)其實芋圓都係平野....唉, 點解要搞到咁呢?仲有,  佢地既芋頭係成舊芋頭比你, 唔係芋泥, 小妹真係少見

三個人叫左兩碗冰一碗熱既芋圓4號，配料有芋頭，紅豆，珍珠，先講凍果碗，從冇諗過同食過一碗芋圓一大碗係碎冰，超級難食，而家溫度17度，每食一口升天咁款，凍到攞你命!!!芋圓超級少，紅豆又少，芋泥味道正常，珍珠都唔太得，一碗野，9成係碎冰，係9成碎冰!!! 超級搵笨!!!至於熱芋圓4號，又係搵笨既，一碗水汪汪既紅豆沙咁既樣，味道係超級淡，一碗水，配料都超級少，我fd一匙羹，水咁滯，料都要一匙羹到底先挖到料，真係冇下次!!!

買4杯古味冬瓜茶外賣 唔多人情況之下 等左20分鐘 4杯野真係要等甘耐仲要遲過我買既外賣 都早過我拎 完全係冇乜客同冇乜外賣出餐都甘慢 真係有啲過分左出餐真係差 沖4杯野都要耐

一直都好好奇點解呢一間飲品咁受歡迎呢？ 因為：唔太甜又好大杯！！ 本身鍾意紫米，又想試下芋圓，自然就嗌咗呢一杯做我星期四嘅下午茶！送到時出奇咁大杯， 朋友嗌咗糖水都大大碗 口味相比起其他杯杯水少糖少甜，口渴嘅時候飲一整杯都唔會口wet wet紫米比較削，米size係出面傳統糖水大牌子嘅一半大細，無明顯口感 艼圓細細粒會黐埋一齊， 咬口唔夠爽，有少少失望。 不過講到底真係夠大杯。有時口啖啖，唔想飲水，又想要少甜時飲就啱啱好

今日食完正餐竟然心思思想食返個甜品woo，又比我見到呢一間芋圓店，於是就入去幫襯一下，唔知係唔係佢地人手唔夠呢﹛所以無論係堂食定係外賣都一樣要喺門口外面先點餐，無得入去坐低舒舒服服慢慢揀。我叫咗個招牌仙草，因為想食仙草同芋圓又唔想食豆類，所以就只有呢個招牌仙草啱我心水。可惜佢嘅份量真係少得有D驚人，以$45一碗黎講真係一D都唔對板，算啦無計啦，鬼叫自己想食甜品但係又唔想去老麥食杯雪糕woo，唯有食少D甜野當減肥啦。

🤟🏻每次都係食招牌仙草沙冰，最信心保證，今晚同同事食完晚餐，幾飽都要食糖品😂 都係為左傾多陣計😁 同行既親友都話好飽要share，自己一個食唔晒🐸 咁就試試新野牛奶冰 😮🍮 布丁Q麻糬牛奶冰 $58勁大既一盤‼️‼️🥛入面有牛奶冰、小芋圓、焦糖布丁、杏仁布丁、雙色QQ麻糬、冬瓜凍（無咩味）？！、一球雪糕 🥰所有配料都好台式，咁熱既天氣，嘆住冷氣食甜品真興趣😋沙冰既大細啱啱好，唔會太大又唔會太細，設計到咁無易溶😎 🍼而我覺得最好食係球牛奶雪糕、麻糬(甜度適中😛唔會太甜)、小芋圓💕Unlike 杏仁布丁(好大陣味，75%的人不喜歡吃)🐼 佢唔係整得難食，而係好少人接受到杏仁既獨特味道🌀📍 鮮芋仙 葵芳興芳路223號新都會廣場2樓272-274號舖

好耐冇試過堂食叫左個熱芋圓4號 $45有芋頭， 珍珠，紅豆，芋圓諗住堂食會好味d點知碗野係出煙既但食落去碗野只係微暖而個芋頭中間即頭係凍既我湊住個仔想快食費事又叫佢拎入去整返熱喇平時我買外賣會自己食返熱覺得幾好味如果係咁睇黎外賣係好食過堂食了不過堂食份量就感覺多少少咁既

喺葵芳食完飯搵個地方食甜野就喺葵芳新都會2樓間鮮芋仙食甜品時間係晚上7:30竟然唔使排隊就入到去建議大家如果早啲嚟到可以食咗甜品先都得🤣🤣因為真係唔使排隊夜啲嚟到就排長龍㗎啦招牌仙草沙冰（ $45 ）滿滿嘅仙草下面覆蓋住沙冰啱啱送來嘅芋圓仲係好軟身但係如果冰左之後就會變到好煙韌有兩種食法可以咁樣試吓小芋圓+雪糕+紅豆抹茶布丁（ $38 ）個布丁好濃嘅搽茶味配合甜甜嘅紅豆一齊食中和返抹茶嘅苦澀味小芋圓一送到過嚟就已經好凍同埋煙韌

一嚐台灣的感覺❣️疫情關係已經好耐冇出國旅行🧳唯有每日捐窿捐罅搵唔同國家嘅地道美食😆*餐廳環境衛生*葵芳呢間鮮芋仙長期都好多人排隊，不論堂食或者外賣都好多人幫襯🤩餐廳牆身有講關於鮮芋仙的歷史及由來📖餐廳坐位闊落，唔會覺得好逼夾‼️*食物貌相味道*餐廳主打芋圓，所以一定要揀黎試一試1️⃣仙草芋圓沙冰加芋頭$45+8因為怕凍嘅關係❄️，我自己走咗沙冰，呢間嘅糖水份量大到可以當晚餐，仙草份量極多，芋圓煙煙韌韌，好有咬口，都食到飽飽濟濟🤣🤣🤣🤣2️⃣🧋珍珠焦糖布甸配紅豆雪糕白玉湯圓🍮$38不過我就對焦糖布甸有啲失望，因為布甸🍮無焦糖味！珍珠都還算可以，不過冇芋圓咁有咬口！🎑紅豆🫘配雪糕🍦都一流，紅豆起沙，雲呢拿雪糕好香甜，配上白玉湯圓口感一流✨✨*服務質素*員工手腳有啲懶散，但因為我不趕時間，所以都只是等了一會兒。如果趕時間就唔建議揀呢間🤣🤣

喺新都會廣場開咗鮮芋仙 work from home又懶得落街嘅我梗係叫屋企人買外賣俾我啦😺 天氣依加咁熱 咁我地就一人嗌咗一個招牌仙草沙冰 招牌仙草沙冰外賣返嚟仙草沙冰都未溶 呢個招牌仙草沙冰之前都食過 入面有芋圓 地瓜圓 仙草凍 仙草沙冰 今次外賣仲有個細嘅奶仔🥛 不過我個人就唔係好鍾意呢個奶仔嘅味道 可能雲呢拿味太香🍦好有香精嘅味道 但係今次食都令人有啲失望🙍🏻‍♂️ 因為芋圓同埋地瓜圓一啲都唔煙韌 咬落口仲好粉🤮 唔知今日呢間鋪整乜 真係好難食 唯一入得口嘅真係個仙草凍 冇得輸🥰 食落口好涼快 可以好好消暑☀️ 下面嘅仙草沙冰係一啲冰再加仙草味嘅糖醬 味道都唔差嘅配少少仙草凍再配一羹沙冰食落口就更加開心🥳 本身鍾意食鮮芋仙都係因為佢嘅芋圓 地瓜圓整得好出色 可惜今次外賣嘅體驗令我好失望🙍🏼 如果係堂食我一定會同佢反映返 唔好再整呢啲垃圾俾人食🙁

不務正業嘅人類就係會喺晚飯時間行入鮮芋仙食甜品🤣 今次兩個人share一個布丁Q麻糬牛奶冰($58)內容好豐富，有成左山嘅刨冰，配料有雪糕、一個普通布丁同杏仁布丁、八條麻糬、一堆超迷你芋圓、一堆黃色啫喱(有啲似硬左嘅愛玉)刨冰食落去食到有焦糖同煉奶，都比得好足，食到最尾都唔需要加醬，不過如果唔夠係可以同店員再拎🥰 雪糕加埋冰好好食，迷你芋圓都會加左啲口感。我本身好鍾意煙韌嘅野，所以有咁多麻糬表示高興🤤 最唔鍾意係杏仁布丁，因為隻味真係麻麻係個人喜好問題，但如果本身鍾意杏仁豆腐嘅人應該會鍾意本身兩個人以為食得晒，但原來份量真係好充足，建議可以3-4人share，因為我地食到一半已經有種被困雪山嘅感覺，條脷都凍到麻麻地，所以都係適可而止就好🤪

天氣又悶又熱~ 養生小編食鮮芋仙🫘平時係會叫熱湯(紅豆湯)😂第1次叫冰(刨冰)芋圓4號~ 芋圓6號~唔同芋圓號係包括唔同配料 可按自己喜好揀選芋圓4號👉🏻芋頭 紅豆 珍珠 $45唔知咩事芋頭完全冇味😂紅豆 珍珠 正常芋圓6號👉🏻粉條 粉粿 珍珠 $45超喜歡食煙un既朋友可以叫呢個啖啖都係煙煙unun 有口感刨冰個人真係冇咩喜好 淨係覺得好凍😂下次都係叫返紅豆湯但佢真係勁大碗 又多 又抵食😊 同埋見佢有新野 個樣好似好吸引日式Q麻糬 $32佢有黑糖同原味 但2隻食落個味道冇咩分別 口感唔算好煙un 反而係入口即溶做唔到QQ感覺 好普通😂可以不用特登叫來食📍鮮芋仙 📌周圍都係 周圍都係 唔知會唔會間間分店唔同, 以上純粹個人意見😅

上次去了荃灣分店食，今次選擇落葵芳分店，比較一下有沒有分別，今次我仍然選擇食豆腐花系列，比較一吓豆腐花和豆漿係唔係都一樣的，今次我食豆花4號配豆漿，配有芋頭和紅豆🫘， 味道不錯，而朋友就選擇了芋圓6號，佢話好味到不得了，配有粉粿，粉條和珍珠，我試食了一嚿粉粿，真係好好味，又Q彈，好有口感，粉條亦是一樣，還有大大碗的，真係好飽好滿足😋😋。至於環境，店舖不算大，但仍然坐得很舒適，完全唔覺有擠迫嘅感覺😊

其實食過好多次鮮芋仙食過咁多次證明佢質素係有保證既招牌仙草1號 $45最最最鍾意都真係佢既仙草味道好濃而且質感好滑身同我係出面食過咁多間又真係唔同既仙草冰都好好食，每次最愛叫凍食仙草沙冰❤️不過呢款冇芋圓，次次都要另外加錢🙈芋頭好淋身幾好味紅豆就都係正正常常冇咩特別至於芋圓係幾彈口有口感但味道唔算好出其實佢整體質素係幾好但成50蚊個糖水我覺得偏貴因為50蚊既話其實有好多選擇只係耐唔耐我會好掛住個仙草就會食下